別不同 (已搬遷) 新店位置

蕃茄湯鮮竹卷竟然是用羅宋湯， 咸菜胡椒豬肚湯是用胡椒粉調味，豬肚黑黑實實雪藏貨，好差下。對面阿姨叫左個北菇蒸雞飯， d雞甩皮甩骨全部下欄位，慘不忍睹。唯一是姜汁糕還可以。茶費6蚊一壺，都算合理。

朋友話想食打邊爐, 大家都住得近太子, 佢就提議去別不同, 由旺角東站行過去大約十分鐘.兩個人叫左個冬陰功湯底, 海鮮盤及肥牛盤.冬陰功煲 夠香辣 有椰香 $38 跟煲湯底配料, 蘿蔔爽口幾甜, 粟米吸收湯料後都幾辣海鮮盤 $108蠔同凡立貝夠鮮味尤魚片鮮甜彈牙夠滑青口無咩味肉肥牛盤 $108小排肉質夠冧 肥肉比例均衡 但牛味不夠 待應話係美國AA牛肥牛脂肪夠 不鞋不un 牛味OK本地牛 好滑好稔粟米不甜牛丸太膠份量都尚算OK服務幾好， 全店差不多滿座但都幫我地安排調位，無氣換gas 快手, 食完收拾及清潔枱面有主動加水 (飲用水, 不是湯底，

以前同同事黎食, 一定是為了蒸飯而來, 因為套餐會有蒸飯外, 更有點心拼盤及配上豆漿或涼茶, 後期套餐消失了, 就直接試餐牌上盅飯, 並非套餐, 雖平但分量少, 未能填飽肚, 今次經過, 見餐牌又改動了, 連盅飯都沒有, 莫非轉手了多次?今次見餐牌的套餐出現了"鳳爪排骨" 四字, 好自然就選擇這個, 不過陳村粉我就未試過, 今次可以一試陳村粉是一種以薄、爽、滑、軟為特色的米粉, 以前人們食法都是簡單切段後蒸熟, 配上醬汁就食用, 引入香港後就自然多了很多不同的創意食物。由於蒸陳村粉需時, 所以都等了10分鐘左右, 上枱時都不禁'嘩'了一聲, 分量多了很多, 鳳爪有兩-三對, 排骨有近10件, 用籠仔上, 雖然有墊起, 但陳村粉都有好多, 男士都一定會食得飽~配上甜豉油食, 感覺與盅飯沒大分別。夾起時已感覺刑陳村粉的彈而香, 米香好豐富, 入口時除了一入口的彈牙, 再食就覺得又薄又爽, 有時會連起兩至三層, 像未切的河粉, 佐沒有河粉的油, 而且吸收了排骨及鳳爪的咸香, 不用混合食都已經好香。排骨肉質頗軟, 但不太新鮮, 反而鳳爪醃的味道微辣有驚喜, 比較香。套餐配上一杯熱飲, 用熱檸水

肚餓行過見到呢個餐廳,咪就入去,我點了星洲炒米非常大碟 材料豐富有蝦、蛋、火腿菲黃、芽菜、洋蔥、青蔥、紅椒等等蝦仁又真係幾大隻,而且夠穫氣、唔算辣米粉炒得爽口略嫌咸咗少少下午茶套餐連凍飲四十元唔要求高既，尚算飽肚抵食了！

十月三十一日途經呢間食肆正好是午飯時間， 見不太多人便進去試試。這間既午餐選擇都選多。我老公選了三小碟(白雲豬手， 牛展， 熏蹄)配白飯。我就選了欖角肉鬆蒸陳村粉。三小碟的白雲豬手沒味道， 而且食到有冰塊， 麻麻地， 牛展我覺得幾野味， 用來送飯唔錯， 我老公喜歡熏蹄， 但我就一般， 因為都是無咩味。反而我喜歡欖角肉鬆蒸陳村粉， 份量不算多， 不用加鼓油已經好夠味， 另外佢地係一籠咁上， 好夠熱， 我很喜歡。呢個餐仲有野飲， 我配了豆漿， 不太甜。這間食肆還有米線， 點心， 甜品， 下次我都會再來試試。

是晚點了以下的菜色蠔隻煎蛋 蒸開邊蝦 籠仔蒸飯 炒菜蠔隻煎蛋的蠔十分新鮮亦算大隻 口感亦鮮甜 亦是完整的一隻 蠔隻份量和蛋的比例剛好 而且不是炸 而是慢火煎香蒸開邊蝦 當中只有1隻不新鮮蝦的體積屬於較細的海蝦 粉絲在底 吸了蝦的甜味 價錢和份量成正比外加手工費用 不算貴籠仔蒸飯 飯的份量只有2碗不多 但對魚柳有點失望 因為是急凍 有雪水味炒菜 少油 菜也很乾淨 新鮮如不食（青）的，記得要全走 不然每碟食物都會有。

平時唔係甘留意呢間食店, 只係門面menu有米線, 估唔到有一人火鍋, 而且仲抵食夾大份.我同友人叫左合一人火鍋, 再加二份小食, 已經夠飽. 仲有米線/ 荷葉飯都想試, 怕太飽食唔哂.醉雞鍋 ($78) :有半隻醃好醉雞, 同埋蔬菜豆腐姑... 分量幾多, 一個人真係食唔哂, 男人食就應該岩岩好.雞肉夠哂入味, 唔做點醬油都得. 而且好嫩滑, 唔會好肥. 個湯底既藥材味唔會好濃, 清淡易接受. 蔬菜都算多, 而且吸哂湯味.蒜泥白肉 ($38) :分量夠大, 而且白肉睇落肥, 咬落一d都唔膩, 好爽口彈牙. 蒜泥唔辣, 帶少少甜, 醬油經調味, 令到蒜泥白肉易入口, 唔過辣, 帶蒜香.蜆介鯪魚球 ($28) :熱辣辣啖啖肉, 鯪魚球唔腥好味, 仲有蜆介醬跟埋. 點埋個蜆介, 個咸鮮味更加突出.總括, 我地點既食物3款都好好味, 而且服務好好, 唔趕客唔做急住食, 冷氣夠坐得舒服. 用心整既食物, 仲要分量抵食夾大份. 怪唔得友人再黎食過.最正係免茶介加一個d.  (最值得一讚既係服務好, 仲要佢唔收加一)

星期日的早上10:30，本來諗住去食 點點心 ， 但是發現點點心要11點先開門，openrice之後來到這家不遠處的 別不同入去之後發現人不少，服務員姐姐熱情的招呼我坐下。一個人，叫左三個點心：芝麻卷，奶黃包，牛肉腸粉。冇耐d野上齊，件件都幾大份，特別適合我這種大胃王～尤其是牛肉腸，上來時我都嚇左一下，份量十足，吃下去也好滑，如果牛肉的比例可以再多d就更好了。芝麻卷清香爽口，非常不錯！最喜歡的是店裡的環境，人不少但是也好安靜，服務員姐姐熱情但又能keep住細聲，保持店內安靜，讓我忍不住贊。下次會再來

行過旺角洗衣街、見到有間點心專門店、個鋪名超特別叫～～別不同點心專門店、同D friend 鐘入去試試、果然有驚喜、味道不錯、店員話全部都係師傅自家製作、真係值得一試！