影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
餐廳：初遇地點：西灣河太安樓菜式：台灣野餐牌：平日兩點至六點有下午茶套餐，主食20選1，有米粉、吐司、拌麵、飯、手工麵、小鍋等，好多選擇。套餐配飲品6選1，可以加錢升級餐飲。另外都有地道小食。慢煮烏醋豬軟骨便當 $56慢煮烏醋豬軟骨便當有超大碗白飯底，面頭有三大件豬軟骨，豬軟骨好淋，一咬就化，而骨位帶少少彈牙，超正！而味道好入味，酸酸甜甜醋味令人好開胃。伴有酸菜，椰菜，紅蘿蔔同粟米粒，色彩豐富，仲有一隻蛋角仔。烏醋豬軟骨 $82 唔夠喉仲可以單點豬軟骨，一客六件，份量唔少，醬汁撈飯一流。台南擔仔米粉 $45 米粉超滑溜，幼身吸湯，面頭加有滷肉，好夠味，中間有半隻去殼蝦，灑上蔥花同酸菜，簡單而好味道。初遇紅燒半筋半肉手工麵 $62招牌紅燒半筋半肉手工麵大大碗，手工麵係白色粗身有咬口麵條，個湯加左$3轉宜蘭沙茶湯底，超惹味，推介。牛筋三大條，好淋，食落滿嘴骨膠原。牛腱心兩大條，肉中間有好多筋，整得超淋，好好食。伴有好多鹹菜同蔥花。麻辣鴨血 加$16小食可以無限追加，無限一個餐只可以加一款。麻辣鴨血一客五薄片，好爽脆，面頭加上大量辣椒同花椒配蔥花，味道非常辣。鮮鳳梨水果茶 加$8鮮鳳梨水果茶加有新鮮橙片同菠蘿粒，味道帶濃濃鮮果味，而茶味唔會太濃。珍珠奶茶 加$8珍珠奶茶有好多珍珠係底，叫左少甜同少少冰，同行友人飲得津津有味。冷泡台南高山烏龍茶 跟餐冷泡台南高山烏龍茶係膠樽裝，好方便又衛生。呢度食物質素唔錯，最緊要係價錢非常街坊價，而且無加一，好抵食。裝修光鮮，座位舒適。
繼續閱讀
今日喺西灣河做完野放工見到一間好耐之前食過嘅一間台灣菜餐廳叫初遇而且轉咗menu就入去試吓啦✨紅燒半筋半肉麵🍜加$6 轉咗麻辣伴麵🌶️上菜時見到麵好大碗🍜麵上有牛筋同埋牛肉各兩舊✌🏻牛筋炆到好淋👍🏻一咬就㫁，而且仲有陣骨膠原醬住個口牛肉紋理清晰可見一樣好淋，入口唔使咬就斷開🤟🏻食落仲有陣陣牛肉味加油香麻辣麵底亦好出色🤟🏻🤟🏻麵條仲有預先用麻辣汁醃過🌶️🔥令到每條麵都會掛有麻辣汁，相當惹味💦而且食完又唔會油膩食到落碗底仲有好多半肥瘦滷肉同埋辣椒碎麻辣加油香撈埋真係好好食😋✨古早花雕雞卷🐔🍗有六大舊上菜時仲聞到陣陣花雕酒香🍶每件雞卷都有杞子作點綴雞皮好薄，雞肉好滑好嫩口👍🏻食落冇咩肥膏，啖啖肉啱哂鐘意食得健康嘅人✨黑糖薑母茶🥃🫚杯茶好足料落單時仲可以揀要少少甜飲落薑味濃👍🏻飲完成日真係有股熱力走混全身🔥餐廳內部闊落坐位枱面整潔企理👍🏻通風亦好充足💨💨侍應態度親切咁上菜時會講出菜名同埋會放喺食客面前👍🏻👍🏻
繼續閱讀
店面雖然不大，但佈置得溫馨雅緻，充滿台式小店的文青氣息，坐下就能感受到那份台灣特有的親切感。餐牌上的選擇不多，但每一款都精挑細選，主打台灣地道小吃和特色飯麵。我最愛他們家的滷肉飯，滷肉滷得軟糯入味，肥瘦均勻，滷汁香濃，淋在粒粒分明嘅白飯上，再配上半隻滷蛋，簡單卻幸福感爆棚！每一口都是濃濃的古早味，彷彿回到台灣夜市的小巷裡。除了滷肉飯，他們的鹽酥雞也炸得香脆可口，外酥內嫩，灑上胡椒鹽，滋味無窮。還有那杯經典的珍珠奶茶，奶味香濃，珍珠煙韌彈牙，甜度恰到好處，完美搭配各種小吃。
繼續閱讀
見到網上都幾多人推薦依間餐廳，所以都幾大期望。我哋點咗士林鹽酥雞滷肉飯便當配（熱）桂圓紅棗茶以及初遇牛肉手工麵配芋香珍珠奶茶。$75 士林鹽酥雞滷肉飯便當+：便當配料好豐富，有肉鬆、粟米、酸菜，當然重有滷肉同埋鹽酥雞。滷肉切得都算細粒，肥瘦適中，不過味道唔夠濃；而鹽酥雞味道不錯，但炸粉厚咗少少，雞唔夠Juicy，有少少柴；而其他配料無乜特別。桂圓紅棗茶：味道十分淡，感覺加咗配料，然後倒熱水入去咁⋯⋯$75 初遇牛肉手工麵：牛肉麵最重要就係個湯底，有牛味但唔夠濃，尚可；至於手工面粗幼適中幾滑身，不過唔夠彈牙 （可能師傅煮冧咗少少）。牛肉有牛筋同牛腩兩個部位牛筋咬口不錯，但係唔夠入味，牛腩味道不討好，仲有少少酸酸地⋯⋯+$8 芋香珍珠奶茶：味道正常發揮，但珍珠較少，不過加$8都算抵飲。——味道：👍🏽👍🏽👍🏽環境：👍🏽👍🏽👍🏽.5價錢：💡💡 💡服務：⭐️ ⭐️
繼續閱讀
我叫咗紅燒牛肉手工麵。啲牛肉都炆得幾軟，唔會太肥，個湯底有少量藥材味，對我嚟講叫剛剛好，個手工麵相當有驚喜，麵質煙靱有咬口。同行嘅人點咗藥膳花雕牛肉頁丸手工麵，幾乎無藥膳花雕味。可以用低於半價加購飲品，如果想飲杯珍奶嚟哩度都係個划算嘅選擇。成間餐廳其實種類偏少，細心睇會發現啲食材嚟嚟去去得幾樣，就睇你配飯定配麵，配麵再睇咩湯底咁。服務嚟講全QR code點餐，無特別嘅地方。鋪面較細，所以坐嚟講有啲窄，同埋侍應可以企嘅地方亦唔多，所以會總有一個侍應企喺你視線入面嘅感覺。
繼續閱讀