影片
以上資料只供參考, 請與餐廳確認詳情
嘩嘩嘩😳勁surprise愉景新城開初遇！我真係好鐘意佢哋嘅menu! 佢開係玩具反斗城隔離，前貓頭鷹餐廳位置✨今日係後面翠豐台做完嘢，走過嚟愉景新城搵嘢食，貪佢坐得舒服😌但冇諗過呢度有初遇！1點已經係到，不過見到勁多人，有學生有Office lady~加上自己唔係咁肚餓就諗住等兩點teatime平啲😏😏點知teatime都係咁多人😂😂😂不過職員好好人呀！😳俾咗個角落頭位我哋，可以放到架餐車我哋差唔多食完嘅時候隔籬枱一家四口拎住架大BB車，職員都係安排呢邊俾佢哋放車同坐得鬆動啲如果有嚟過呢一邊都知道呢度嘅格局唔闊，但係佢哋都盡量安排適合嘅位置俾大家～食物慢烤魔鬼辣椒雞腿包其實每次去都真係好想嗌呢個，奈何我又真係怕咗佢「魔鬼辣椒」呢幾隻字😂😂😂今次有人肯同我share，就試一次！佢真係好香辣～未去到辣到接受唔到。但半份真係夠👍🏻烘過嘅多士同嫩滑嘅雞腿肉，再加上香辣嘅口感😌真係值得一試黑麻油雞翼配呀嬤控肉燥飯超級香嘅麻油雞翼😀再加上肉燥飯好好食😋烏龍茶奶蓋、藍莓奶蓋超鍾意藍莓奶蓋😂因為好鍾意佢嘅甜但同事唔鐘意甜，所以佢嗌烏龍茶半筋半腩手工麵佢俾咗啲麵我試，我初初以為佢會好硬，原來佢係好爽口！早知我都嗌麵啦😭天氣太熱，食啲湯麵係舒服啲～重點係佢有一啲酸菜好開胃🥹個湯又係勁好飲但係飲晒會好飽😂
繼續閱讀
好耐無去愉景新城，原來多左好多新餐廳，見到初遇裝修幾靚座位舒服就去試下烏醋豬軟骨滷肉飯便當今日見到有烏醋豬軟骨平時唔係成日見就試下，酸酸甜甜的烏醋令豬軟骨一啲都唔油膩， 雖然佢有4大件但都話咁快食完，烏醋配上滷肉飯更加錦上添花。紅燒半筋半肉手工麵每次去台灣必食的牛肉面一定要點，有兩大舊牛肉同兩大舊牛筋，好抵食，每舊都煮到好入味，入口即化，面條彈牙有筋道。古早烤香腸香腸肥瘦均勻，口感唔會鬆軟亦都唔會太油膩， 細細份做小食啱曬。
繼續閱讀
好友約我去位於荃灣青山公路398號愉景新城1樓1023號舖的<初遇>食下午茶餐，環境舒適，裝修新淨，坐得舒服。我哋點咗：🥢紅燒牛肉麵拼古早滷肉飯 $52：牛肉軟腍入味，麵條有咬口，滷肉飯好惹味。🥢逢甲玉米起司蛋餅 $38 x 2 ：蛋餅煎得蛋味香濃，餡料 的粟米好味。🥢慢烤雞腿蛋吐司$42：雞腿香口，拼煎蛋，口感豐富。🥢夜市烤手工雞卷（1串）$16：雞卷香脆可口，唔錯。🥢冷泡台南高山烏龍茶（ 跟餐）：天熱好啱飲冷泡茶。🥢仙草奶茶 $8（ 跟餐）：仙草好食好清涼。🥢愛文芒果綠茶 $8（ 跟餐）：果味濃郁好好飲。
繼續閱讀
好似係荃灣嘅新分店，當日都唔少人，要排隊等位。掛住台灣嘅牛肉麵，叫咗紅燒半筋半牛肉麵，味道都幾正宗，至少安撫到我個台灣胃。甘梅雞排湯麵，炸雞扒都幾香脆。黑麻油雞翼，麻油味唔算太出，但味道OK。最正係古早烤台灣香腸，真係好好食，好想再追加。滷肉A菜，啲滷肉都幾多，廚師唔吝嗇。珍珠奶茶少甜少冰，味道正常。反而係想讚吓個女同事，我嗌完珍珠奶茶之後，佢甜笑住咁問我使唔使少甜少冰呀？真係好有禮貌，忍唔住俾個like👍
繼續閱讀
14:40入座 14:45落單 d野20分鐘都未到催左三次應該係經理過黎「我都入左去催，佢地未比到我都無辦法」🤡 大佬 人地15:00下午茶嗌d野都到啦 仲要同長者食飯差少少餓親婆婆 野食還好唔突出，無服務態度同出餐速度咁突出🤡🤡🤡
繼續閱讀