3
1
1
營業時間
今日營業
11:00 - 21:00
星期一至日
11:00 - 21:00
付款方式
AlipayHK 支付寶 現金
座位數目
60
其他資料
當面支付
食評 (10)
等級4 2020-03-01
132 瀏覽
話說呢間野新開張話台灣過江龍既時候,我就去咗試食,睇返張相已經係12月1號既事🤣🤣我好多相都未出添🙈山雞部x初茶最出名好似係呢個👉🏻花雕雞腿塊-扛霸公仔麵 $46 配飲品半價 太妃鮮奶茶中杯半價後$13 花雕酒味係幾濃既 不過雞粒有些少失望係好似食緊KFC果d雞粒爆谷咁,我心目中係再啖啖肉d同埋個炸漿可以做得輕身d, 嚿西蘭花🥦都係白烚野,至於個手指公👍🏻既扛霸公仔麵實情係淡而無味有d酸菜蔥花鹽咁嫁咋,淡到我叫佢另外比d醬汁我😅。杯太妃鮮奶茶就好味既,creamy,toffee夠rich, 正宗台式飲品嘅質素!另一個🧀️起司肉蛋綿吐司-囂張脆薯$38 配芋頭椰奶半價後$16 呢個toast反而幾有驚喜,醬汁又好味,只係感覺有少少貴要另配飲品,呢杯芋頭椰奶係初茶招牌黎,老公話好好飲好飲過milksha添,不過我好憎芋頭味嘅嘢所以我唔清楚喇🙅🏻‍♀️薯條正常啦,下次再食既話想試壽喜燒同蛋餅,如果你哋都食過既話我知好唔好食啦😆仲有感覺真係好快餐 全部都係外賣餐具 估唔到係間商場入面 #台灣過江龍 #山雞部 #初茶 #土瓜灣 #花雕雞 繼續閱讀
(以上食評乃用戶個人意見 , 並不代表OpenRice之觀點。)
等級2 2020-02-04
285 瀏覽
台式餐廳比較偏遠,點左壽喜燒肉,醉雞飯同一份厚切肉三文治,味道唔錯,特別是三文治,好厚身,蛋好大份量,夠兩人食,點埋杯翡翠綠茶,以為翡翠即係有啫喱,但杯野咩都冇,純茶黎。雖然人流唔多,而且用塑膠餐具不能回收,應該改用可洗餐具。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-01-25
205 瀏覽
平時經過都見好受學生妹歡迎,一黎轉個彎就係協恩/鄧鏡波,方便快捷。但最唔好嘅係,堂食都用紙盒膠羹,食嘅時候佢哋已經換左兩次垃圾袋。叫左個壽喜燒肉飯跟蛋餅,都好食嘅。蛋餅又鹹又甜,裡面包住芝士同薯餅,有少少味蕾衝擊,一盒紙盒四塊。壽喜燒肉飯嘅燒肉係幾好吃,但再熱少少就好啲。我諗其實佢呢間應該係主打台式飲品,可能初茶個邊有機會會試一下。但就唔太建議食堂食食品,就算食都可能帶個食物盒。如果有店員見到呢個review都希望改善下啦。總括來講,食一次就夠了。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-01-18
225 瀏覽
去759買野,諗住呢間開左一般時間就去試下食,d人成日話蛋餅好食就試下蛋餅有咩咁好食啦,叫左個芝士薯餅蛋餅 ,有少少芝士但食唔出芝士味,薯餅薄d, 蛋薄薄地,個皮有少脆既 面滲左d椒鹽粉,但真係完全唔好食,同埋貴左D 繼續閱讀
(以上食評乃用戶個人意見 , 並不代表OpenRice之觀點。)
等級1 2019-12-30
475 瀏覽
係網上睇喥介紹,老公話想去試吓,於是噚日專登走過去。位置唔錯,一入商場就見到,完來係以前麵包店的當食位置。睇完個餐牌,好彩係下午茶嚟試,如果唔係老公又會黑面話中🍌,因為佢哋正餐的份量同茶餐廳的下午茶餐差唔多😅。點完嘢食坐低,無幾耐就有得食。叫咗一份雞排公仔麵,薯餅起司蛋餅,1杯高山青茶同翡翠檸檬。除咗個公仔麵軟腍咗尐,其他嘢都好食好飲。尤其是個蛋餅,薯餅脆,芝士香,蛋餅軟熟,下次去都會再叫。雞排就夠乾身,如果可以熱多少少就更好。嘢飲就比一般台式飲品店有心機,但無得甜度同冰塊,如果有得就好啦! 繼續閱讀
(以上食評乃用戶個人意見 , 並不代表OpenRice之觀點。)