初心 (已結業)

好食😋$58抵食系列回歸！吉列餐有沙律醬點(我都估唔到😁)；豬柳扒夠脆；田園沙律 同 黑椒汁野菌意大利飯 都好大份；好想食平價一點既食客留意；平得黎質素仲要好👍🏻讚

佢地既豬仔脾之前已經係晚市食過兩次😋但外賣盒影相唔夠靚所以無post過，今次堂食終於影到相啦！佢地既肉類我不嬲都覺更優於其他鋪，「脾」聽落去好實好鞋口，但初心無論黑啤德國豬手定芥末蜜糖豬仔脾，都非常林，肉質好嫩口，選肉既質素唔錯，旋風蛋包飯對我黎講都係第一次聽，外型好特別，飯係白飯底，如果配埋汁撈就好😋對鍾意食清d既食客就唔錯。飯幾大份下，我都食唔晒要打包，對男士黎講，應該好抵食！而且因為都算熟客食左好多次，杯熱朱古力都加幾粒棉花糖，棉花糖溶解後再mix埋朱古力飲真係口感好好😋👍🏻可見大廚對食客都幾上心，有誠意👍🏻

叫咗個鼠尾草白汁牛脷意粉，份量足，牛脷夠淋，冇根冇臊味，唔錯。套餐連西湯同即磨咖啡，$75可以。雜菜湯(紅湯)偏酸，唔知係咁，定個人口味。即磨咖啡就唔錯。食完飯冇嘢做，坐到下午茶時間，想飲多杯咖啡，見加多十蚊有下午茶餐，又叫咗油占多(厚吐司）加咖啡，$28。今次油占多就唔麻麻哋，sorry！麵包唔脆，油占冇味，有待改善。地方唔大，十四個位，簡簡單單，但感覺舒服，可能我坐最入角位，個人覺得幾好。有早餐、午餐、下午茶同散叫其他食品，暫時冇晚市。下次會試吓其他嘢先！

這舖位多年來換過好多手，除了之前＜貓廬＞最成功搬大舖外，好多也是結業。 今次新店叫＜初心＞主打西餐，賣相都幾精美，價錢都合理，早餐Hkd 3x起，午餐（包飲品和餐湯）由 Hkd 68至1xx也有。早餐：沙爹牛肉麵。👍👍👍肉質吾錯，新鮮入味～沙爹香濃順喉咸味剛剛好～佩上出前一丁夠晒味，但喜歡淡囗味的人記得叫要味粉減半。香蔥火腿炒蛋。👍👍新鮮即炒，香噴噴～（可走蔥）仿鮑片火腿出前一丁。👍👍足料味美。佩合完美～薯餅，香蒜多士，法包。👍👍香囗醒神～午餐：T骨扒。👍👍肉質軟熟中有咬口，味道上乘～佩菜新鮮。薯角香脆～大蝦立貝意大利粉。👍👍👍蝦鮮味足，入囗彈牙～立貝肉厚美味，意粉炒得濕度剛剛好～好好食～慢煮雞胸牛油果意大利粉。👍👍👍這個係我吃過的西餐中最好食的雞胸，佢地既意粉更每次也吃得我好滿意～雜菜湯～👍👍👍蕃茄味極足，甜美順喉～必須一試～另外他們的咖啡好過好多貴cafe的出品～值得一提他們午餐伴隨的沙律每次也好新鮮，汁好美味更勝沙律醬～👍👍希望他們可以長做長有～生意興隆啦～🤣🤣🤣

今次試佢地既初心推介系列，一望menu見到黑啤德國咸豬手配忌廉汁意大利飯，即叫😋肉好林，易咬，好味，真係有黑啤味，味夠出，多肉抵食，唔會骨多肉少，($82包餐湯&飲品)咁平既價錢食到咁好既質素真係好抵！👍🏻汁分開上，陣味好特別，似蒜蓉汁香料版，應該會Encore，但仲要試埋其他初心推介既menu options先！

心型意大利飯有驚喜！雜菜湯夠濃味！$65黑松露煙肉燒汁煙鴨胸意大利飯，上菜時見飯係心型都嚇左一嚇，覺得呼應店名「初心」，廚師真有心思！汁好味，食完好飽，煙鴨胸真係好入味！會Encore ! 佢既沙律伴菜有黑醋一向出色，全餐$65包各種免費熱飲真係好抵！

今日試午餐，鼠尾草帶子煙三文魚意粉，香草意大利湯 & 熱菜蜜，下次試下佢個意大利飯先！有6人客岩岩係隔離食完，都多人捧場！一枱食完又有人入嚟，都幾受歡迎！意粉飯其實可以供應到5點但餐牌未更新，只寫到2:30，遲d可能經營到8點

早餐$38三文魚田園沙律配黑醋+法包，質素黎講，實在太抵！我都諗唔到邊度可以咁平就食到依種質素！女老闆態度友善！環境又播英文歌，氣氛好放鬆！下次要試埋佢既意粉！田園沙律用高質菜，雖然價錢平但一d都唔hea ，三文魚份量都唔算少！份量適中！而且無「筋」，唔會60%都要吐返出黎個種cheap煙三文魚！熱利賓納都係免費，平時去開既餐廳，樣樣飲品都要加錢岩岩開業仲可以配薯餅(已出過食評但未有刊登），所以今次配法包就出多次！而且開業無耐我都見幾多人幫襯，證明價值真係幾抵！我都忍唔住要寫下食評支持下！

早餐 $38 煙三文魚田園雜菌沙律配黑醋實在太抵啦！有薯餅、黑松露炒蛋同熱朱古力！比同區食店更有驚喜，其他店依個價錢一定食唔到！食物味道有水準！下次會試埋下午茶同午市！

住附近，落樓試下新開小店，比起同區食店，依間價錢平又抵食又好味，變成我既新飯堂😋外賣自取仲有9折(可WhatsApp 落單)，外賣買埋比屋企人食😋早餐$38就有煙三文魚田園沙律食，薯餅，黑松露炒蛋，椰香奶茶，邊度仲可以咁抵食😋大家樂都無；佢其他options仲有牛角包、香草蒜香吐司等選擇，免費飲品選擇好多，特飲仲有黑牛，白牛，雪糕紅豆冰等冷門選擇；今早三文魚未運到，所以叫住沙嗲牛肉麵先，薯餅夠脆，椰香奶茶椰味夠濃，黑松露夠味，炒蛋夠滑，環境有樹木佈置，坐落感覺舒服，背景有潮流英文歌播放，冷氣夠涼，食物睇得出用心創作，餐具都用靚同有質素既，紙巾好厚好大塊，外賣盒夠大、質料好，QR Code落單、有細節選項，店員服務好，整體感覺唔錯！