出爐 (已結業)

用家感受，不是打手！2️⃣0️⃣CP值，平日晚餐時段，一人埋單免加一$58，13歲小朋友都係客，都係比咁多錢，點解要先比下欄品質比小朋友，拎回來見到嚇一跳，我即時拎去換，20分係比間舖頭更換時無亞支亞左，快快趣趣換返比我。但出品操手有待改善，熟客街坊客會應該品質好啲。不會再去。5️⃣0️⃣位置，唔近地鐵，要揾下。5️⃣0️⃣環境，Food Court自己揾位，位唔多，有啲迫，執台算快。5️⃣0️⃣服務，正常自助形式，自己買票自己拎。1️⃣0️⃣燒鵝雙拼飯$58，燒鵝拼燒腩仔，完全係下欄嘢。個5片所謂燒鵝係皮黏住啲骨，薄片5塊，完全無肉，聞到香嘅。燒腩仔係9成肥，細細條好精緻下。更换左個碟(無影相)係正常及好食嘅。

難得去到將軍澳，決定去早前告急嘅黃色foodcourt度支持一下，第一次去唔熟路，兜咗一大個圈先搵到。上到去見到有粉麵、茶記、燒味、漢堡、石燒等唔同種類嘅食店，大概每人都可以搵到啱口味嘅。雙拼燒味飯 $55被人哋燒味飯吸引，自己都嚟一份；叉燒偏瘦但唔柴，帶少少蜜糖香，而燒腩仔肥瘦均勻，皮有少少脆口，調味唔過鹹；飯粒較乾身，做到粒粒分明，令人驚艷講唔上，比上不足、不過不失吧。見其他人介紹下午茶，似乎更抵食！

去food court最好嘅地方就係可以分別食唔同餐廳/ 一齊share食唔同嘅嘢星期日特登去將軍澳南除咗五一牛腩我哋仲叫咗出爐 (雖然我係咁打咗出糧😂)見佢掛晒啲燒味出嚟好吸引咁叉燒燒腩仔雙拼飯 $55 🙆🏿‍♀️叉燒半肥瘦啱啱好燒到有少少香又唔燶味道亦剛好 唔會太鹹👍🏿而燒腩仔淨係個皮夠脆已經合格又唔會成舊都係肥肉 加分🤤仲搭咗兩條菜比你而兩款主菜嘅份量都係差唔多各有6-7舊我覺得都唔係少價錢都接受嘅但如果可以配埋嘢飲就perfect池有機會好想試埋佢燒鵝🥺❎加一服務費

已經唔係第一次食「出爐」遇上下午茶時間去到日日食良梗係唔會唔食燒腩仔湯瀨粉啦燒腩仔仍然出色個皮好脆口唯一係浸湯太耐會變淋而「出爐」嘅瀨粉食落微微煙韌 質地幾好食但唔知點解今日個湯底特別淡如果無咗燒腩仔成碗粉好似白灼咁一啖燒腩仔一啖瀨粉就啱啱好喇

有要事要去一轉將軍澳，午餐揀咗去日日食良，個場唔大，行咗一圈決定食個五寶飯，五寶飯有燒鵝、貴妃雞、叉燒、紅腸同咸蛋，份量比我想像中多。燒鵝同叉燒比較瘦同乾身，個人覺得麻麻地，燒鵝同叉燒都係肥啲好食，相較之下，貴妃雞好岀色，好滑好嫩又入味，唔洗點葱油都好食，紅腸同咸蛋正正常常。

將軍澳人一定知道日日·食良呢間‘全黃’嘅Food Court，全場100%由良心小店組成，所以特登去支持下。出爐係一間燒味小店，佢哋嘅招牌係煙燻燒鵝同燒腩仔，我嗰日就試左呢個雙拼飯。呢碟燒味飯賣相唔錯，煙燻燒鵝食落真係有陣煙燻味，冇令人失望，燒鵝上碟時仲係暖暖哋，皮脆有光澤，肉質入味，唔韌有彈性，不過我可能唔好彩，切俾我嘅燒鵝部位肉質扁身薄左少少。燒腩仔個皮好鬆脆，肥瘦適中，肉質鮮嫩。白飯粒粒分明，豉油汁甜甜地都唔錯。

好推薦將軍澳呢一間燒味 燒味靚質素 配呢個價錢 算抵係一個food count 入面嘅小店今日嚟咗食雙拼做brunch 🤣燒鵝叉燒瀨粉$58今時今日要食到一碗靚嘅瀨粉已經買少見少呢到既瀨粉爽口兼滑溜叉燒啲汁 有麥芽糖漿 甜度適中 叉燒夠香 咬落爽口雖然唔係話厚切 但呢個價錢 配呢個質素 好不錯了呢度嘅燒鵝係古法煙燻燒鵝皮脆 夠肥 肉質好滑嫩 真正皮脆肉嫩😍今日有幸係燒鵝髀添呀🥰🥰🥰 之前都試過買半隻燒鵝 買返屋企加餸次次都咁好食

出爐係一間食燒味嘅小店，位於將軍澳好出名嘅黃色 food court 日日食入面，幫襯當日本來想試另一間黃店老點嘅 “三權分立 缺一不可” 套餐（即係蝦餃燒賣叉燒包各一件），可惜佢冇開 / 未開，於是就疊埋心水食燒味。叫咗個雙拼飯：叉燒皇拼脆皮燒腩仔，兩者以燒腩仔水準較高，皮夠脆，肉質肥瘦尚算分明，好食👍；相對之下，叉燒就較為失色，雖然味道正常，但係非常瘦，瘦到甚至咬起上嚟感覺頗硬，少啲牙力都出事😂。值得一讚嘅係，叉燒同燒腩仔份量都幾多，食哂啲飯，仲剩番唔少餸慢慢𡁻。另外想講下呢個場，原先以為係普通 food court，只不過全部商戶咁啱都係黃店，點知上到去，成個場都有 Mee 懲罰計劃嘅宣傳品，仲有個易拉架寫住食嘢請你睇蘋果日報，確實黃到金，睇嚟仲勁過葵廣😆。其實喺豪宅樓下有個領展格局嘅街市同 food court，淨係呢下都已經夠哂勁啦🤗。

日日食係出左名既💛💛Food Court 難得放假可以瞓晏啲，瞓醒就梗係要去日日食😛😛之前都食過幾次，今次朋友就推介食燒味🍖🍖假日2️⃣點幾，就食返個足料又平平哋嘅下午茶餐🆙🆙1️⃣燒鵝拼燒腩仔瀨粉E個餐燒鵝係主角，除咗燒腩仔之外，仲有其他燒味可以拼。但留意番，下午茶餐係唔跟汁嘅，汁醬要另外加兩蚊。幅相影到啲燒鵝好似好冇用咁，但其實足足有4️⃣舊鵝胸😆😆超級鍾意食燒鵝嘅我，就覺得加晒分啦💯💯只係少咁D左醬汁🈵🈵2️⃣雙拼飯(另買熱朱古力)朋友就話呢個雙拼飯份量好多(下午茶黎講都算大碗)都係因為冇加兩蚊醬汁🥺🥺而令到成個飯比較清少少😅😅佢嘅叉燒唔係乾爭爭都算幾好食🥰🥰3️⃣阿華田脆脆好特別👍🏻👍🏻好飲😋😋最後不得不讚入邊嘅服務員💁佢哋都好有禮貌💯一見到有盤就會即刻執🆙🆙仲會幫顧客搵埋位添🈵🈵

心血來潮想食燒味飯，所以就揀咗呢間餐廳食。其實燒味飯嚟講都算貴，不過佢嘅燒腩仔真係幾好食，皮脆肉厚👍🏻叉燒都唔奀，一啲都唔乾爭爭！  唯一嘅缺點就係整個環境有少少油煙味，希望可以改善下啦💛

天晉2隔離嘅Parkside開咗個黃food court💛之前已經介紹咗其中一間鐵板燒店！今次講下依間位於門口位嘅燒味店🤔見立場琴日都有出報道原來美食廣場俾業主下令移除所有文宣，不過明明廣場以前所貼的文宣並不激進，只係標語「願母子平安」、「你的 12 歲過得怎樣」🤫.👓古法煙燻燒鵝雙拼飯 $58配脆皮燒腩仔小店招牌係古法煙燻燒鵝，食落真係明顯有陣煙燻味同平時唔同！個燒鵝皮脆，但塊燒鵝偏扁身肉質薄，食完好似冇食過咁😅燒腩仔個皮係脆而不是淋嘅，肉質都軟身唔韌，但稍為多肥膏位偏油膩，吐左啲肥位之後實質吞得落口嘅瘦肉份量吾多😂成個燒味飯其實賣相好靚，有色澤又好似好多肉，但食落其實肉量吾多，不過飯底多食哂食碟飯唔會餓親嘅🤣但變相覺得吾太值依個價錢，四十蚊貨色～🤔評分：6/10👓五寶飯 $68古法煙燻燒鵝、叉燒皇、貴妃雞、紅腸、鹹蛋半隻煙燻燒鵝同上述一樣香煙燻味但肉質薄。叉燒唔算非常淋身香蜜糖味，雞肉反而肉質口少少正常。五寶飯整較為豐富飽肚啲，不過就比雙拼飯貴10蚊囉～評分：6.5/10💛任何一間餐廳買完嘢食之後可以拎住張單去隔離 奶茶聯盟半價加購飲品👓美祿恐龍 $15👓好立克胚芽 $15兩杯都好

夜晚放工冇堂食，唯有買外賣啦。之前都試過日日食入面嘅其他鋪頭，見到依間一入food court第一間嘅燒味都多人排隊，今次就試吓你啦。個叉鵝飯會唔會太豐富？明明叫咗少飯都咁大碟🤣女仔應該食唔曬。叉燒肥瘦適中、又鬆軟，好味過出面啲連鎖店太多。燒鵝唔洗講添啦，鵝髀🤤正記住野飲係唔包的，想飲就行入少少係奶茶聯盟度買，拎住野食張單去買有平啲。買完先發現原來仲有得whatsapp外賣自取，勁方便，下次可以一放工就order定！

朋友介紹才知道這裏有個food court，入口在露天停車場側邊，不起眼。上到去已經給第一間嘅買燒臘的檔口吸引了。我對燒鵝有份執着，皮不脆就很難吃下去。又想試佢嘅叉燒，所以叫咗個雙拼。燒鵝皮沒有失望，有煙熏味，又有鵝油香，可能部位嘅問題，有少少韌，下次一定要食下裝。叉燒好香口，我吃的部份不是半肥瘦，，但都算腍身。叫咗小飯，但都嚟咗一大碟，食唔晒，有點浪費。food court內其中一個特色就係沒有看到一個集團式的經驗，全都是小店。值得一讚係落單的姐姐很有禮貌。想支持小店的朋友，不容錯過，終於有一間比較好吃的燒臘店給將軍澳街坊了！

一向唔特別鍾意食燒味，所以成個日日食foodcourt間間都試過，唯獨未試過出爐燒味。foodcourt聖誕節期間有9折，於是今次行完donki, 就買左雙併燒味飯下午茶餐試吓出爐賣的都是傳統燒味，款式齊全，一排排吊晒出來，靚唔靚一目了然我哋分別點左燒腩仔併貴妃雞($32)同燒鵝併叉燒($38), 雖然係下午茶餐，但份量一d都唔少！燒腩仔皮脆汁豐👍👍燒鵝食落真係有啖啖煙熏味，叉燒蜜味和鹹味平衡，半肥瘦的肉質嫩滑又有油香。忍唔住決定斬多隻燒鵝下庄今晚加料

唔講唔知，原來將軍澳The Parkside一樓開咗咁隱蔽嘅food court！全部小店組成，非連鎖，職員全部都好nice~同朋友一人哎一間，我就試咗「出爐」，因為啲燒味全部掛住好吸引呀！睇到招牌寫住係炭燒，全部燒味都係自家製，一於試吓啦☺️燒鵝燒腩仔雙拼飯燒鵝偏多脂肪偏肥，不過味道又幾好～反而燒腩仔幾出色，皮好脆，一層肥腩肉加一層實瘦肉，真係啱啱好！除咗飯之外，仲可以揀轉米粉同瀨粉，下次再試下😆喺餐廳嗌咗飯，去飲品嗰邊加+11蚊就可以有大大杯嘢飲！