12
1
1
港鐵將軍澳站 A2 出口, 步行約5分鐘
繼續閱讀
付款方式
以上資料只供參考, 請與餐廳確認詳情
用家感受，不是打手！2️⃣0️⃣CP值，平日晚餐時段，一人埋單免加一$58，13歲小朋友都係客，都係比咁多錢，點解要先比下欄品質比小朋友，拎回來見到嚇一跳，我即時拎去換，20分係比間舖頭更換時無亞支亞左，快快趣趣換返比我。但出品操手有待改善，熟客街坊客會應該品質好啲。不會再去。5️⃣0️⃣位置，唔近地鐵，要揾下。5️⃣0️⃣環境，Food Court自己揾位，位唔多，有啲迫，執台算快。5️⃣0️⃣服務，正常自助形式，自己買票自己拎。1️⃣0️⃣燒鵝雙拼飯$58，燒鵝拼燒腩仔，完全係下欄嘢。個5片所謂燒鵝係皮黏住啲骨，薄片5塊，完全無肉，聞到香嘅。燒腩仔係9成肥，細細條好精緻下。更换左個碟(無影相)係正常及好食嘅。
繼續閱讀
難得去到將軍澳，決定去早前告急嘅黃色foodcourt度支持一下，第一次去唔熟路，兜咗一大個圈先搵到。上到去見到有粉麵、茶記、燒味、漢堡、石燒等唔同種類嘅食店，大概每人都可以搵到啱口味嘅。雙拼燒味飯 $55被人哋燒味飯吸引，自己都嚟一份；叉燒偏瘦但唔柴，帶少少蜜糖香，而燒腩仔肥瘦均勻，皮有少少脆口，調味唔過鹹；飯粒較乾身，做到粒粒分明，令人驚艷講唔上，比上不足、不過不失吧。見其他人介紹下午茶，似乎更抵食！
繼續閱讀
去food court最好嘅地方就係可以分別食唔同餐廳/ 一齊share食唔同嘅嘢星期日特登去將軍澳南除咗五一牛腩我哋仲叫咗出爐 (雖然我係咁打咗出糧😂)見佢掛晒啲燒味出嚟好吸引咁叉燒燒腩仔雙拼飯 $55 🙆🏿♀️叉燒半肥瘦啱啱好燒到有少少香又唔燶味道亦剛好 唔會太鹹👍🏿而燒腩仔淨係個皮夠脆已經合格又唔會成舊都係肥肉 加分🤤仲搭咗兩條菜比你而兩款主菜嘅份量都係差唔多各有6-7舊我覺得都唔係少價錢都接受嘅但如果可以配埋嘢飲就perfect池有機會好想試埋佢燒鵝🥺❎加一服務費
繼續閱讀
已經唔係第一次食「出爐」遇上下午茶時間去到日日食良梗係唔會唔食燒腩仔湯瀨粉啦燒腩仔仍然出色個皮好脆口唯一係浸湯太耐會變淋而「出爐」嘅瀨粉食落微微煙韌 質地幾好食但唔知點解今日個湯底特別淡如果無咗燒腩仔成碗粉好似白灼咁一啖燒腩仔一啖瀨粉就啱啱好喇
繼續閱讀
有要事要去一轉將軍澳，午餐揀咗去日日食良，個場唔大，行咗一圈決定食個五寶飯，五寶飯有燒鵝、貴妃雞、叉燒、紅腸同咸蛋，份量比我想像中多。燒鵝同叉燒比較瘦同乾身，個人覺得麻麻地，燒鵝同叉燒都係肥啲好食，相較之下，貴妃雞好岀色，好滑好嫩又入味，唔洗點葱油都好食，紅腸同咸蛋正正常常。
繼續閱讀