凱源餐廳 (已結業)

下午茶真係超細份‼️果日兩個人餓餓地入左呢間茶記，諗住食個下午茶。叫左份雞翼薯條配凍奶茶同粒粒西多士配紅豆冰。先講粒粒西多士，唔好以為我地食到咁亂，上碟果下已經亂哂位，好似求其放哂上去就算。不過心諗，放亂左姐又唔係冇得食，所以算。跟住食左一舊，入面乜料都冇，得個炸字，配埋紅豆冰，咁就$3x蚊，花生醬都慳番🙃。接到落黎到椒鹽雞翼配薯條，薯條得果十幾條，真係細份到一個點，雞翼就其實可以啦，不過三十幾蚊我寧願去掃街買小食囉，食完之後真係覺得好空虛😕好失望。咁樣兩份餐就七十幾蚊，完！

唔知係咪天氣熱無乜胃口，食唔落飯，但又無食早餐，太耐無食野驚會搞到胃痛咁多間茶餐廳 ，是旦入左一間啦，炒粉麵飯今日都食唔落，所以揀左西多士，多一杯紅豆冰降降溫好快有得食，仲要已經切好曬一粒粒，好岩懶人估唔到茶餐廳都會有咁靚嘅食物，加上餐廳裝修都幾靚，坐得幾舒服，冷氣都足夠紅豆冰份量多，超過三分一杯都係紅豆粒，我最鐘意粒粒紅豆有咬口，不過略嫌甜左少少西多士味道就不過不失，都算香脆嘅總括黎講服務食物都OK

叫咗個下俾茶餐，沙嗲牛肉麵 + 奶油豬，盛惠$30。由於非常肚餓，喺無做功課嘅情況下行咗入嚟，點知個麵底勁咸，牛肉係一大塊，仲要咬極都咬唔爛，結果只食咗個齋麵 奶油豬唔脆、唔熱、油唔溶，無誠意到一個點食完無丁點肉落過肚，極度不滿足地離開。呢間茶記算係坐得舒服既，場內亦無乜人，其實都應該要意識到陣伏味有幾咁濃，只能怪自己太想坐低。