凱旋門私房料理

餐廳做埋午巿，應該諗住搵埋附近打工仔同學生嘅生意。每星期更換一次餐牌，5個選擇，$45，加凍熱嘢飲都係加2蚊。之前食過幾次都幾好食，餐廳又有貓，但上次同今日，唔知係咪生意多咗，開晒啲VIP房出嚟坐埋，出餐速度就越嚟越慢。上星期食都仲有10分鐘時間可以倒落口，今日……等咗大半個鐘成枱人都無飯食。最後焗住走，每人盛惠餐飲20蚊。打工仔得一個鐘食飯真係唔好去呢間。無返兩個鐘唔洗只意有得食。8月中果次嘅餐牌餐廳兩隻貓嘅其中一隻。…查看更多

呢間私房菜我食過好幾次，環境唔錯，衛生乾淨，有獨立房間，仲有卡拉ok添，下次多D朋友仔試下book間大房，癲番晚放鬆一下侍應招呼熱情，主動，值得一讚服務態度餸菜方面，本人強烈推介：(1)脆皮紅燒乳鴿，好好食，一D雪味都冇之餘仲要十分非常juicy 熱辣辣...皮脆肉嫩...正呀！！！(2)濃湯花膠雞煲翅，真係足料嫁，花膠厚身有質素，D翅係一排排(唔多碎)，而且個湯冇得頂，雞味濃。分享心德，如果人少可以選擇每位一小煲，人多選擇一大鍋，分量絕對唔會少，必食。(3)豬油渣炒芥菜，一般芥菜會有小小苦味及草青味，但師父好叻懂得用豬油渣去除草青味之餘，仲帶出芥菜獨有的甘味，而且豬油渣炒完唔多油令D菜上碟仲會有光澤，抵讚以我所知呢間店，經理會因應時節推出多款優惠，今次送每人一隻冰鎮南非鮑魚，都會欣賞佢哋嘅心思今次我二個人叫唔到多餸，下次一定再嚟，再同大家分享…查看更多

經朋友介紹今日約咗幾個朋友去呢間食晚飯，啲餸真係好驚喜，沒諗到咁好味。服務又幾好。價錢中等份量相比出邊私房菜算多。個個朋友都贊好食。啱啱今晚開始啤酒又買一送一好開心。帶咗二支紅酒又唔收開瓶費哦！呢餐都幾抵食。值得推介俾大家。…查看更多

呢間私房菜系我去過最貼心服務最到位一間私房菜，每次訂枱後都會提前溝通當日的菜單，保證食材的新鮮，剛剛看到之前的評論，我覺得有不實報道評價呢間私房菜，雖然係商業社會會有互相競爭，但如果惡意用不實的方法去抨擊他人，我覺得要為他們平反一下，我感到非常之不公平，我和我們的朋友會繼續支持😎凱旋門私房菜。…查看更多

朋友之前嚟食過話呢度坐得舒服，啲嘢又幾好食，又唔限時，又冇低消，今次帶我哋嚟試吓，我哋自己都帶咗啲酒嚟，原來呢度都免開瓶費嘅，慢慢傾慢慢食玩到夜晚11點幾，而家出邊好多地方都冇得坐咁耐，真係搵到一個聚會好地方啲餸真係好食呀，下次仲會再嚟試埋其他餸…查看更多