凱施餅店 (已結業)

老實講平時喺街經過呢個舖頭都比我有次一等嘅感覺，會入去買包，但係一定唔會買蛋糕🎂 今次朋友揸主意，去咗呢度買生日蛋糕，由於加塊朱古力牌要加$20，所以就咁普通生日快樂就算啦😂😂 真係真係估唔到個蛋糕會做到呢一個質素😳 蛋糕好林，食落唔會有好heavy嘅感覺，入面仲有麥提沙，咬落去超級特別！上面仲有繽紛樂😂 麥提沙同繽紛樂都係好脆，其實都真係有啲技巧🤓 所以如果好似我咁，淨係會入去買包嘅朋友，真係可以試吓佢啲蛋糕🎂一試難忘！性價比超級高！

經過餅店，看到有多個款式時尚美麗，顏色艷麗的小蛋糕，忍不住買了2個回家試。啡色的一個是香蕉朱古力慕絲蛋糕，而心型紅色的一個是白朱古力慕絲蛋糕。小蛋糕不太甜，幾好味。值得一提，店員會用獨立包裝膠盒包裝每個蛋糕，避免撞爛，有心思。買蛋糕跟閨密朋友慶祝很好！

早上6:00幾個收銀常計錯數, 試過好幾次, 自己錯仲要態度惡劣, 只有她是這樣差, 其他職員都好好, 希望公司在員工質素方面留意吓茶水阿姐服務質素好, 又快又準, 仲常有笑容

我記得以前賣$12一件之後$13變$14再加價$15我明白舖租加咗所以調整價錢但啲慕施蛋糕完全退步晒，以前啲慕施蛋糕入口即溶賣相又靚，平靚正，我曾經自己食買俾家人食，以前公司散水餅到依加請現任同事食，買過很多，極可能依加換咗蛋糕師傅，(啲慕施蛋糕硬掘掘唔同以前口感退步晒近幾次食都是這樣)，我會再買，希望凱施公司高層見到此留言改善

在葵芳返工，很多時都經過這間麵包店都沒有幫襯，今早去行一圈，有我想吃的包，於是就給一個機會自己試試吧。我買了一個香辣肉鬆包，包上滿佈肉鬆，入口麵包有口感，不太硬。肉鬆很香，帶微辣的味道，好食。從此我就對這間麵包店改觀，經過會再去買的。

收工經過葵芳地鐵站好似好耐無買蛋糕食所以心血來潮去左凱施買CAKE係透明的雪櫃見到好多款蛋糕有芒果蛋糕 芝士蛋糕 仲有好多西餅最後我都係簡左黑森林間野D蛋糕價錢夠平而且很多品種份量夠 日日新鮮出爐見到好多熟客定期都黎幫襯我每日早餐必定幫趁距地夜晚食完飯之後就即刻切左個蛋糕黎食蛋糕好香 而且好滑 夠CREAMY生果唔酸好新鮮中間JELLY好多呀好好味成家都好鍾意食呢個蛋糕下次可以試下距其他款信心保證而且價錢合理

比利時層層朱古力  $112一向對凱施餅店出品的印象都是不錯的，我多數都是光顧他們買些麵包作早餐或下午茶，相比起美心西餅等等其他連鎖店，一直覺得凱施的麵包比較新鮮和好吃，而且麵包款式也合我口味。麵包就試得多，凍櫃內的蛋糕和甜品倒是從未研究過，早幾天細看之下看到這款蛋糕賣相挺吸引，朱古力狀甚香濃的樣子。原本有點擔心這個蛋糕會不會甜得很厲害，吃過之後發現擔憂是多餘的，儘管朱古力味真的挺香濃，蛋糕甜度也調節得宜，一口接一口地吃了四分一個也未覺得"漏"。蛋糕的內部是朱古力慕絲和朱古力蛋糕的夾層，這個蛋糕的另一亮點是其"滑"度，無論慕絲抑或是蛋糕部份也很幼滑，內裡的蛋糕夾層比想像中軟熟，連同蛋糕上朱古力條的香脆，整體吃起來也蠻有層次感。

前幾日有次入凱施餅店睇下買咩麵包食，見到有呢袋綠茶紅豆包，賣相幾靚，綠茶顏色再溝埋方包本身既顏色，加埋就好似大理石既紋理咁。。。哈哈～＄１２有八塊，價錢又唔貴所以都買袋試下～仲專登揀袋望落去有多d紅豆架添！當日早食晚飯，到夜晚９點幾１０點就肚餓要拎出黎食了。。打開包裝都聞到幾香～拎上手質感幾軟熟咁，每塊包厚度適中，又唔會好大塊，岩晒我呢d宵夜時間食～食落口既口感果然唔錯，幾鬆軟，亦都唔會乾～味道黎講，綠茶同紅豆從來都係最佳拍檔～呢隻麵包亦都唔例外～佢既綠茶味幾香濃，再加埋夠林身又香甜既紅豆，出黎既效果都幾好味。總結：不論味道，口感同埋價錢都好滿意，值得再買黎食。

第一次吃這款包是在三年前於工作地點附近的凱施，雖我家樓下都有凱施，卻沒有這款麵包。轉工後每次早上要到此工作單位開會工作，都必定要來買一個吃，以令自己更有力去工作，什麼麵包那麼吸引? 就是合桃扭紋包($9.5)!這款麵包一個份量頗大的，面層焗得脆口，而麵包質地軟熟，內裡混合著椰蓉，並夾著合桃，令整體味道層次更豐富，十分香口美味! 吃完一個真的大滿足呢! 絕對令麵包控表示滿意! 

前日朝早入去餅店買個麵包做早餐, 臨比錢既時候見到原來凱施餅店都有出月餅丫...仲要係我最愛既流心奶皇月餅! 最好就係佢有單個月餅咁賣, 方便比d人試下岩唔岩食先買成盒返去或者用黎送禮~ 而家做緊優惠$35有兩個, $20一個...我就緊係唔執輸買兩個試下啦~ 夜晚返到屋企就忍唔住試左個, 質素係完全超出預期...味道相當唔錯! 一打開包裝都聞到幾香, 一切開件月餅d奶皇餡真係即刻流出黎, 堅有流心~ 好正丫! 奶皇味亦都好濃郁, 奶味同鹹蛋黃味都好香丫, 仲食到細細粒既蛋黃碎~ 加埋月餅幼滑既質地, 口感幾好~ 仲有一個我諗住呢兩日試下叮一叮再食, 聽講咁樣會仲香仲流心~

一起床要想好買什麼早餐是一件煩惱事，葵芳選擇多的是，有時候會到快餐店買外賣早餐回公司吃，有時候隨意到麵包店買麵包也足夠，今天想好了到這家麵包店買我最愛吃的蝦仁沙律包每次一來都會選這個包，因為比一般麵包大之外，餡料亦非常足料，用了透明包裝袋裝著，所以吃的時候不怕弄髒手，可手拿著吃，很方便。每隻小蝦仁口感爽滑重蝦味，而且超多蝦仁，拌生菜和沙律醬一齊吃確實很美味，醬汁多且餡料又多，早餐吃這個挺飽肚，價錢和味道質素成正比，是早餐不二之選

像我這種貪睡懶覺的上班一族，因為不想上班遲到又想睡多點，趕時間，趕車，趕路，早餐一般都會選擇買個面包解決了事。今天在葵芳巴士站等車，趁車未來，先到凱施買個早餐，這間面包店選擇還是蠻多的，各式面包，三文治應有盡有。在我出現選擇困難症的時候，剛好有個婆婆走過我身邊時，我偷聽到她說蛋撻好食。我腦海忽然叮一聲，即時打定主意跟她去選了個酥皮蛋撻蛋撻還是熱熱的，一口咬下去，酥皮真的很酥，而且香味十足，酥皮入口即溶。蛋甜度剛好。食完一個之後，巴士還未到，我趕快再回去又買了一個。

早兩天行去葵芳巴士站時見到凱施櫥窗擺放住一個個賣相幾精緻的甜品, 就入去買兩件先搭巴士~揀左一件黑糖栗子, 一件紐約芝士~ 兩件味道都好食!黑糖栗子呢件, 外面係栗子cream再加頭頂有好香濃既栗子蓉和一粒藍苺, 包住入面軟滑既黑糖味慕絲. 內層既黑糖味慕絲好好食, 黑糖香而不會過甜膩, 內層下方以朱古力蛋糕墊底, 成個甜品都有豐富口感和味道, 黑糖配栗子亦都好正!至於紐約芝士, 芝士味都幾香, 味道跟口感都同食緊平時的紐約芝士蛋糕一樣, 味道帶檸檬香有點微酸, 口感creamy, 底部仲有層芝士蛋糕的餅底添, 甜度亦適中, 真不錯!!每件$12 我覺得性價比都好高! 佢仲有其他款式, 我會考慮遲下用來做散水餅

來到凱施看有什麼可吃的，逛了一圈後本打算空手離開，卻在雪櫃內發現這新鮮名為"布雪"的甜兒，其實是屬於凱施旗下的半熟工房的產品，半熟的產品我認為頗有保證的，在一鼓作氣下，我便買下了朱古力味的布雪嚐一嚐<另外還有原味，抹茶和士多啤梨味可選擇。老實說，這布雪拿上手時頗輕的，我還懷疑它能否令我有飽肚感。它的外型有點像泡芙和巨型版的馬卡龍，看起來相當精緻吸引，上網查看關於它的資料，得知這款布雪是日本相當流行的小吃，是包含着忌廉的小蛋糕。而這款布雪用上了北海道忌廉，朱古力更是用上比利時和法國品牌的朱古力粒，看來選用的食材並不馬虎。打開包裝後，已嗅到很香的朱古力味，輕按下去，感覺其質地柔軟。咬下去，果然，蛋糕鬆軟非常，中間的忌廉朱古力味甚濃，冰凍的忌廉幼滑細緻，像極雪糕的豐盈口感，在我的心頭溶化。喜愛朱古力的朋友必試朱古力口味! 吃完一個後真的很滿足! 價錢不算太便宜，一個$15，幸好是好吃的!

今朝趕住番工，就係公司樓下買咗個麵包返公司食，咁我就買咗一個好耐冇食嘅麵包，啱啱出爐一陣個包仲暖暖地，好開心、滿足❤️個包好軟，好好味而且個蛋同火腿都有啲甜甜地，感覺個包好match ，下次冇時間都可以再考慮試其他包