凱施餅店 (已結業)

我經過凱施餅店~見到有個黑森林蛋糕, 好似幾好食咁喎~ 決定買黑森林蛋糕上黎, 諗住等大家甜下~大家又有口福啦~黑森林蛋糕 1磅 $110- 賣相幾靚~上面佈咗d生果, 生果鮮甜, 而且支咗d 玫瑰形狀既朱支力cream- 朱古力海綿蛋糕鬆軟~配上幼滑鮮朱古力忌廉,車厘子肉啫喱夾心同朱古力碎! 黑森林蛋糕既perfect match- 朱古力味香濃, 成個黑森林蛋糕甜度適中!- 價錢好抵食, 性價比高既黑森林蛋糕!

The pork floss egg and lettuce roll was pretty good, except it had too much mayonnaise in my opinion. I liked how it was sweet and savory at the same time. The bread was soft and sweet and went well with the mayonnaise, egg, and lettuce. There was also tomato in in to my surprise. The tuna fish sandwich was ok. Wished it had more filling.

本人一直都係奶茶控, 但凡知道邊度有好嘅奶茶都一定會去試試! 早排有同事告知呢一間連鎖餅店嘅支裝奶茶相當唔錯, 今次專登去買嚟品評一下見佢張tag標榜支奶茶係冇加人造色素同防腐劑, 比起便利店買嘅應該會有益啲, 而且價錢亦唔會特別貴, 單買就$15一支, 如果買嘢就加$12蚊換購, 價錢都實惠~ 呢支奶茶味道亦認真唔錯, 一來甜度對我嚟講係啱啱好, 唔會死甜咁~ 二來口感嚟講係入口醇滑,  茶香明顯, 但唔會飲到茶澀嘅味道~ 茶同奶嘅比例亦都均勻, 茶味香濃之餘又唔會淹蓋淡奶嘅濃郁, 估唔到餅店奶茶會咁好飲, 絕對可以返轉頭!

好少會去凱施餅店買麵包，因為覺得佢既款式唔算吸引～但有次食左呢個麵包之後，令我輕微對佢改觀。綠晶靈 $9 佢個名好特別呀，因為有生菜而取名作「綠晶靈」吧，入面夾雜著肉鬆、火腿、蛋沙律！我幾中意食凱旋施呢個系列既麵包，有海之卷、富之卷，都係用肉鬆、蛋沙律、生菜作唔同既既配搭，姐係有Ｄ肉鬆放面，有Ｄ就多Ｄ沙律咁。個人覺得呢個飽餡料好豐富，麵包夠鬆軟，應該仲搽左d醬之類既物體，所以食落甜甜地，而且係岩岩出爐既時候係特別好食！

唔知點解咬佐啖食落酸酸地，之後嗅落臭臭地，吐返出來唔敢食⋯⋯⋯⋯⋯個飽唔會係呢種味道吧？ ？？？？第一次買，冇諗過會咁。都要成十幾蚊⋯⋯⋯⋯有冇人試過？？？？？？

今日到美孚新村買少少西餅甜品去探朋友, 其中買多了一件"栗子黑糖慕思"自己試試,  賣相幾好幾精緻, 仲有隻金色碟裝住, 朋友仲以為要四五十蚊一件, 但其實只係十二蚊咋, 哈哈. 味道都唔錯, 外層是一大片栗子cream, 啲cream都幾滑, 上面唧左一朵栗子蓉造的花, 栗子味好香濃, 岩晒鍾意食栗子味既我~ 入面有兩層, 上面係黑糖味既慕思, 口感輕盈, 黑糖味幾香! 下面係朱古力海棉蛋糕, 口感鬆軟. 黑糖和栗子味幾配合, 十二蚊真係幾抵吃!