影片
之前我都係係尖咀果間買~覺得佢地既CAKE同職員服務態店都好好~依家就唔知係咪因為係屋邨店~CAKE既質素都仲好好~但果D女職員既態度就真係差~可能屋邨多D公公婆婆~佢地有時會向職員問多句呢D係咩包丫之類~但果度D女職員就答得好悔氣~人地老人家都係問多句唧~講真D女職員有語氣好D又唔會蝕底既~有次仲俾我買緊包時聽到D職員係度講岩岩出門口果個客既壞話~仲要都唔算細聲~我即係心諗~以後都係少D去呢間凱施好D~都唔知幾時俾人講~~
繼續閱讀
尋晚(23-1-2010 Sat)去男友人LKH家食佢為o岩o岩出嫁o既女兒LL做o既生日晚飯,加埋佢一家,女友人DC,同我男友,共有9個人,佢細女LYY買o左個蛋糕返o黎,呢個蛋糕細細地,有半磅,咁就o岩啦,因為個個都食到好飽,大家淺嚐就唔會o徒啦.個蛋糕好靚,LYY o既taste真唔錯.切好晒可以食喇,士多啤梨慕絲算鬆軟,但士多啤梨味唔係好食得出.而上面o既朱古力味係淡淡的,整體而言都唔差o既.LKH問LYY蛋糕幾錢?佢答$7X.我唔知佢o係邊間買,上o黎openrice search,凱施竟然都開o係屋邨,真係強.
繼續閱讀
一到下午時間便開始口痕痕,行去凱施睇下我鍾意的麵包糕餅,順便醫下我既口痕有好多美麗麵包在對我搔首弄姿兼發出誘惑迷人香味,令人目眩神迷剎時間唔知從何處落手!正在心大心細左右為難時,救星出現~蛋塔駕到~岩岩出爐新鮮滾熱辣~蛋塔那漲卜卜充滿光澤的黃色可愛小臉,即刻將我吸引過去~其他麵包佳麗Sorry囉~今次我已心有所屬,情定蛋塔.呵~呵~買左兩個蛋塔幫佢影完靚相後,急不及待的送入口中~岩岩出爐既酥皮咬落有D索索聲,最鍾意酥皮有小小鹹味,搭配滑嫩蛋漿真是絕配啊~蛋漿唔會太甜亦冇太多奶味唔會覺太漏,柔嫩順滑內餡加層層鬆酥皮,食完齒頰留香~新鮮出爐的蛋塔令人回味無窮~
繼續閱讀