61
8
1
港鐵尖沙咀/尖東站 N2 出口, 步行約1分鐘 繼續閱讀
電話號碼
37217788
開飯介紹
凱悅軒供應季節性佳餚及經典小菜,招牌菜為四寶燉萬壽果。 繼續閱讀
特色
同客食飯
適合大夥人
營業時間
今日營業
11:30 - 14:30
18:30 - 22:30
星期一至五
11:30 - 14:30
18:30 - 22:30
星期六至日
11:00 - 14:30
18:30 - 22:30
公眾假期
11:00 - 14:30
18:30 - 22:30
付款方式
Visa Master AE 現金 銀聯 JCB 支付寶 AlipayHK
其他資料
網上訂座
Wi-Fi
酒精飲品
自帶酒水
電話訂座
賞訂座積分
外賣服務
加一服務費
當面支付
素食
有關獎賞計劃
食評 (93)
等級3 2019-01-01
467 瀏覽
同姊妹聚會,梗係要搵個舒服、食物又好味嘅地方!今次我哋唔食西餐嘅tea,轉食中式tea - 飲茶!😁好耐之前已經聽過呢度有點心放題,所以提議嚟呢度,話晒都係凱悅酒店,點都會有信心嘅保證!點心放題係11:00-2:30供應,我哋12點到嘅時候都已經滿座。坐喺卡位好似自成一角咁,椅背好高,唔洗擔心比人偷聽!🤣🤣點心套餐每位$308加一,餐牌上每樣都想食,分開幾次落單,唔經唔覺差不多試晒 (除咗飯同麵!)先嚟蜜汁叉燒,厚切叉燒肉質好稔,完全無筋,而且蜜汁好入味,好食!椒鹽炸魚仔上枱時係暖暖地,似係啱啱炸起,好香又卜卜脆,不過鹹咗少少。我哋最欣賞就係呢個肉鬆皮蛋豆腐,本人其實唔食皮蛋,但呢個完全唔覺有皮蛋嘅味道,醬汁甜甜地,豆腐好滑仲好有豆味,我哋仲encore咗一次!😂呢個涼拌東北雲耳,超級爽口,麻油味重,但如果可以多d醋會比較好。大大粒嘅飛魚子燒賣,蝦肉爽口彈牙,感覺新鮮,因為好友如果食到唔新鮮嘅蝦會即刻敏感,佢今次無事,證明新鮮!筍尖蝦餃皇,皮薄餡靚,相信都係即叫即蒸!另外仲有煎炸類 - 煙三文魚韮菜薄撑、鮮蝦春卷、香煎蔥油餅,薄撑粉厚咗,有d油,食唔出有煙三文魚。春卷香脆,脆卜卜。而蔥油餅煎到好脆,好似食緊一塊餅咁。連豬腳薑都有,豬腳好稔,膠質重,薑醋甜甜哋,好好味。仲食咗黑豚肉叉燒包、XO醬炒蘿蔔糕、醬皇蒸金錢肚、陳皮泥鯭粥、冰花雪耳木瓜糖水、杞子桂花凍糕,值得一提係泥鯭粥,好鮮甜!以加埋一連茶芥每位$377嚟講係有少少貴,但可以享受舒舒服服、不被騷擾嘅環境,都係值得嘅,我哋唔經唔覺傾到差不多4點都無趕我哋走,非常滿意!😊 繼續閱讀
(以上食評乃用戶個人意見 , 並不代表OpenRice之觀點。)
等級1 2018-12-14
502 瀏覽
不好意思各位,以下大家提及的北京佳餚已經沒有。剩下的只有普通中菜館點心的水準,普通中菜館的服務,昂貴的賬單。我在weekday 的一天lunch 來,地方不算太大,飯廳基本上坐滿,侍應基本上只有兩個,態度不太友善,好幾次舉手很久才能招他過來,實在是沒有服務可言,堪稱酒店。可能點心是即叫即造吧,每次點菜等很久才上菜,而且是擠牙膏式,每碟普通點心基本上是二人份量。由於第一次到來,想問問份量如何,夠不夠,侍應覺得差不多。但事實上這種份量跟擠牙膏式得上菜方式實在不夠。味道是可以。總括來說,要找一個優點是地點比較方便,但絕對可以有更好的選擇。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-10-31
1314 瀏覽
難得平日放假,梗係同屋企人歎番個靚茶啦,今次去左尖沙咀HYATT 既凱悅軒試一試個任食點心,任食時段由11:30 – 2:30,每位$308。我推介下列食物: 蜜汁叉燒(夠入味,豬肉鬆軟,夠新鮮)、椒鹽銀魚仔(唔油,熱辣辣,好正)、老火例湯係蓮藕鲫魚湯(無咩油,夠味,無味精),我一連叫左兩碗黎飲。相反,豬腳薑好淋,但唔夠入味、肉鬆皮蛋豆腐個醬汁有d杰,豆腐唔夠滑,味道一般,其他點心都算水準之上。如果幾個人想試哂所有點心,點心可以一件件咁叫,每類試哂就已經好飽啦。環境清靜,服務態度良好,想渡過一個休閒上午係一個唔錯選擇。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-10-22
1019 瀏覽
幾年前開始已經一直係我心水的中菜館生日月的飯局當然少不了畀訂枱時間早了半小時到達點了簡單的香片茶 茶味香醇今天兩個人 我點了喜歡的菜式 凍鮑魚 酥炸素卷 竹笙鼎湖上素和乾扁粉絲龍蝦煲每次都會食凍鮑魚 鮑魚軟硬適中 連伴菜的海蜇和酸薑絲也十分好味酥炸素卷 裏面的蔬菜超過六種 吃起來脆脆的 十分香口竹笙鼎湖上素 裏面有多種素菜包括竹笙 黃耳 冬菇 草菇等等 味道適中摯愛的乾扁粉絲龍蝦煲 粉絲乾身 龍蝦清甜 彈牙 雖然肚子已經很滿足 最後也加了喜愛的蛋白杏仁茶 為這頓飯或上了完美的句號題外話星期一至五匯豐信用卡有九折 繼續閱讀
(以上食評乃用戶個人意見 , 並不代表OpenRice之觀點。)
等級4 2018-07-17
4555 瀏覽
時至今日,酒店的F&B Outlet,不論中菜廳定還是西日餐廳,邀請客廚來獻技,已愈來愈普及。 就連我常光顧的凱悅軒,本月亦邀得北京Grand Hyatt 『長安壹號』的徐晉大師, 擔任客席主廚。 長安壹號,於老饕而言,應該未食過都聽過,我期待左呢餐地道北方佳餚好耐了。 先來的幾款小食,蒜香皇帝菜,非常之北方的前菜,爽嫩的皇帝菜以腊八蒜作調味,來得清爽醒胃。 另一款小吃,辣白菜拌鴨絲,鴨絲口感好,加埋泡過的辣白菜,辣度幾強,有如在吃韓國Kimchi。 醬香牛展,圓圓的形狀明顯是師傅下了手腳,牛展軟滑而入味,出色。 前菜都咁好,主菜有期待也很正常吧!鐵板扒蝦皇,用上緬甸大虎蝦,隻隻有我手臂咁粗,難免換來大家的嘩嘩聲,以鐵板上自當更吸引。 蝦頭多羔,蝦物肉爽彈牙,配以師傅秘制的咸香汁醬,一啖蝦肉,再呷一口芬芳白酒,不羨仙。 紅燒肉乃北方的家常菜色,加入了鮑魚,將之變得矜貴。開半的鮑魚煮得軟腍入味,然而,我始終更欣賞鬆化的紅燒肉,尤其是頂頭肥美的部份,都係果句,膽固醇萬歲~ 以前叫乞兒雞,家陣俾個好名佢,叫富貴雞,以慰借大家的玻璃心。繁複的工序不在此長氣,總之師傅扑開紅泥,掀開荷葉,陣陣香氣撲鼻而來。 雞肉嫩滑有汁唔嚡口,裡頭的蓮子、咸菜及五花腩等更是重點,而呢度扑嫩雞的菜色,準會帶給大家無盡歡笑。 麻婆豆腐呢度家常又好下飯的菜色,加入了燒鹿筋後,層次更為豐富,誰要白飯請隨便叫。 濃湯栗子白菜,為一眾濃味的食品,作出了平衡。 地道炸醬麵固然可口,不過吃至此時,食力差既我只能完成半碗,分了一半給愛麵食的朋友。豬肉水餃是正宗的北方口味,個人十分喜歡。 店員奉上甜品餐牌,酥皮流沙盞早已成為我的囊中物,讚過N次也不在此重複,但時間限定的芝麻醬糖餅,更不可錯過,月底之後食唔番架喇~ Well,都唔係既,去長安壹號食囉~ 繼續閱讀
(以上食評乃用戶個人意見 , 並不代表OpenRice之觀點。)