影片
點心非常有特色，餐廳營業時間星期一至六11am-6am，星期日二十四小時。地點非常方便，服務一般，食物質素一流，環境舒適，倘若晚上肚餓的時候，我仍會再來光顧的。
繼續閱讀
好少寫食評，但係嬲到忍唔住寫返一篇：食物味道好麻麻，不過都唔係問題，我本身志在飲杯茶，今日第二次過嚟食嘢，個阿姐（唔知係老闆娘定咩，兩次見佢都係坐喺度自己食嘢）無啦啦攞個雞毛掃出嚟喺度掃電視機啲塵，我仲食緊野，啲塵飛晒過嚟⋯⋯過多一排，佢又無啦啦走出去出面抹玻璃，無關門，我近門口個位，啲藍色玻璃水唧晒過嚟我隻手度⋯⋯好無奈⋯⋯佢態度唔優做我都冇咩感覺，但係咁樣太過分啦啩⋯⋯⋯我就唔會再嚟，都唔建議大家嚟受罪。
繼續閱讀
同師傅一齊飲茶，聽講呢度服務都幾好，睇落又乾淨，坐得舒服，入去飲下茶，叫左都幾多野食。啲食物新鮮熱辣辣，叫左壺鐵觀音，愈飲愈香，唔似茶樓果啲擺好耐既茶淡而無味。叫左點心拼盤，好靚，幾得意，另外又叫小籠包、鳳爪排骨飯、蝦春卷……。食到我地都好飽，再慢慢飲杯茶（沖左咁耐都好香又夠茶味）。埋單兩人二百幾，都算合理，重點食物質素幾好👍茶又香👍（希望保持水準）去飲茶都係想食熱辣辣點心同香濃既茶，宜家啲酒樓質素都麻麻，呢間好有驚喜，值得推薦。（不過場內得一位姐姐，可能唔係繁忙時間）
繼續閱讀
見諒因為冬天夜晚好凍，之後一入去坐低點左個湯之後停唔到，全部食到最後一件先醒起影相，講下佢啲燉湯先，其實我夜晚如果想食得健康啲，尤其係宵夜，我一定係去呢間，因為主題比較健康，又係飲茶，通頂都冇咁大壓力，佢啲茶都好有回甘味，至於佢嘅燉湯算足料，入味但飲唔到味精味，每盅湯都佔左一半係材料，感覺幾好，佢個流沙包都好出色，流出黎嘅奶黃食落係做到有沙粒嘅口感，但我最中意食係佢個紅棗糕，好煙靭同埋又唔會太死甜，蒸得好好食，推得推介。
繼續閱讀
樓面多過廚房 因為全部嘢都係預制 無意見但好明顯見到佢麻醬甜醬重用點解我會知？因為我叫左腸粉但無食醬我食到8899 佢黎收番個醬去番本身出菜個位茶位六蚊 但淡到爆 講真我都飲得淡 佢個茶同紅棗糕係無味嫁
繼續閱讀