冰冰果汁

因為等其他野食，慢慢行到去3樓叫左杯石榴汁🥤，水果汁真係懶人養生必備。唔會好甜，清爽，岩岩好叫左辣又可以解辣正～之前飲果依間芒果＋益力多，好似叫芒果多多，雖然唔膩，但都係真幾甜，對我來講一定要混小食先接受到，以後鎖定水果系列…查看更多

✨$11 咖啡沙冰（走珍珠）其實咖啡味好香，不過呢個沙冰有啲奇怪🤔咖啡溶液、冰粒、冰碎、syrup係分開曬，即係完全唔融合☕️❔質地當然唔綿密 上層就好似食冰咁，下層就係飲凍嘅淡咖啡咁🤣🤣…查看更多

來到葵涌廣場當然要試下掃街啦，因為第一次掃街，當日人流比較多，所以都係隨機抽幾間咁食，遲下再去葵涌廣場會試其他未食過舖頭~~~叫左一杯火龍果和奇異果汁，即叫即整，全部都係用生果真材實料，味道不錯，夠哂健康解渴，價格實惠，不防一試。…查看更多

呢間好奇怪的，走糖要加返兩蚊😂😂不過okay嘅～個人覺得有糖 可以突出到水果嘅清香味，變得冇咁淡。無糖就飲落冇咁有罪惡感，好還原水果本身嘅汁水。每次黎親都係夏天 都係想解下暑😭…查看更多

前要：今日黎到葵涌廣場 突然就提議試下用$100可以買到咩食呢 係兩人份~~葵涌廣場每層都有好多小食店 間間都好似好吸引 要揀食咩 真係好難揀 樣樣都想食甘😂要係度限量用$100 真係財務管理既大運用🥸🥸究竟可以食到啲咩呢 真係既緊張又期待~~第一站 蛋製品專門店🐣🐣第二站 烤焗工房🦑🦑第三站(總站) • 抵抵果汁🍉🍈買完玉子燒 魷魚鬚 之後剩返$20 唸緊再買多樣食物 定買飲品好呢~有飲品就好似有個完味既結局♥️但係$20可以買到兩人份野飲嗎？係杯裝野飲 最好係珍珠奶茶個啲😂😂我哋可唔可以做到呢 知道平時珍珠奶茶個啲 最平都要大約$18-20一杯🥺🥺但係葵涌廣場真係可以搵到😱😱 係3樓既好多果汁賣既果汁店 珍珠奶茶只係$8 見到都覺得非常十分驚訝😱😱唔知邊度仲有甘平既野飲賣呢🤔🤔但我哋仲有$20 就打算富豪啲 飲果汁😋😋有好多選擇 全部都好抵抵 好多水果揀~最後 揀左 西瓜果汁($10) 蜜瓜果汁($10) 完美甘用哂$100🥸🥸果汁唔會太甜 感覺冇加糖水 係水果原本味道 清甜 份量都算大杯最開心既係 竟然有蜜瓜🍈🍈唔係好多飲品店會有蜜瓜~(注：因為唔記得影相 自己畫左兩杯果汁圖😂)…查看更多

我想問幾時開始葵廣啲白苦瓜汁變左質？叫左苦瓜汁之後見到佢拎啲冰去攪跟住比我嘅係紙杯黎 睇唔到濃度一飲落去溝淡左一半 係去到個底先叫濃返啲啲 好唔開心囉永不幫襯 17蚊買你舊冰…查看更多

眼見葵廣3樓變化真大，多嘢食，開多左好多台式飲品之餘，人多咗好多，想當年，放學日日落車行返屋企條路經過葵涌廣場，點都會幫襯佢買杯嘢飲，一邊飲一邊行街。真係好鍾意佢哋出產新鮮果汁，外面好多店聲稱係用新鮮生果榨汁，無糖，點都會飲得出佢哋有落糖水，即是而家好流行嘅日本生果，都有加糖。呢間店歷史悠久，有成20幾年經驗，仍然屹立不倒，老字號，主要係用新鮮生果榨汁，無添加，你諗得出嘅生果都會有。白苦瓜雪梨汁飲落有甘甘地感覺，一啲都唔苦，一飲就知冇加糖水，潤肺，食咁多煎炸野，一定要清熱解毒。加上轉季，更加要養好身子。我真心欣賞呢間店，希望佢哋繼續生意興隆…查看更多

行行吓葵廣見口渴，所以買杯嘢飲不過飲落味道幾失望.....好似飲緊糖水😣同埋奇異果味道唔係太突出，以12蚊黎講覺得有點貴..希望下次店員可以加多啲奇異果，落少啲糖水，一定會更好💪…查看更多

讀書時期，放學必去葵涌廣場，必食呢度既鮮果杯，由15蚊食到而家22蚊，價錢合理，不過我今日想飲野，所以叫左個芒椰珍珠，估唔到mix埋咁好飲，仲有配埋我最鍾意既珍珠，一杯真係唔夠喉，仲要都係$10一杯，真係抵抵抵…查看更多

本身飲開第二間，但見呢間無人排隊 諗住試下有咩分別姐⋯點知中哂伏！我叫杯蜂蜜苦瓜，收我$22，但比杯淡到得小小苦味ge水我，咁樣做生意會唔會太無良心？$8杯都唔會咁喇⋯好過份！中午時段無人排隊係有原因嫁！以後無下次！…查看更多

當你飲梗杯三十幾蚊嘅飲品，依度即搞西瓜汁只係六蚊！對面都有，點解個個嚟依間買？開得近價錢其實差唔多，但質素差好遠！買得果汁預咗溝水，糖都可能，但唔好溝到無味呀？過間有色無味，依間原汁原味，裝滿西瓜肉係你面前按制，真係唔見有咩水，飲落同食西瓜無分別，又解渴。貴少少仲有好多果汁選擇，掃街梗口渴，依個價飲多杯都得！…查看更多

相信大家對葵涌廣場掃街小食的認識:)，不外乎是撈麵和魚蛋，又或是最近崛起麻辣涼拌小食。2019新一年，筆者為大家擴闊掃街範圍吧。這篇食評要介紹的是位於3樓的「冰冰果汁」。在珍珠奶茶未興起的時代，也許大家曾經光顧過它的果汁飲品；當年價錢便宜的西瓜汁和芒椰奶西更加是紅極一時。但原來在果汁以外，「冰冰果汁」也有發售鮮果杯這款健康小食。吃膩了麻辣撈的筆者今天就改行有營路線，以水果作正餐。鮮果杯分有2個Size：大的可選5款水果，小的則選3款:)。水果已預先切成粒狀並放在透明玻璃櫃內，方便食客揀選。筆者選擇了小杯份量，水果可以選擇3款。想不到在1月的時分，還可以吃到甜味西瓜。而草莓外表顏色不太鮮紅，故甜味較淡。（菠蘿、香桃似是罐頭貨色，長期被糖水所浸，筆者不建議選擇。）鮮果汁另外配有涼粉、西米又或紅豆，筆者選了涼粉，入口清涼爽滑。還可以加上淡奶或椰奶，鮮果杯瞬間搖身一變成涼粉撈撈呢。（不過筆者怕甜，就沒有添加了。）當然筆者內心都知道水果的新鮮度遠不及自己家中的；但看到店舖果汁散貨速度之快，相信水果的存放時間不會很長吧。…查看更多

尋日去開葵芳球場嗰個美食節，順便去咗葵涌廣場頂層買嘢飲，因為自己好鍾意飲木瓜牛奶，所以就喺呢度叫咗一杯，佢有兩款木瓜牛奶，一款平一款貴，已經係揀咗價錢較貴嗰一款，因怕平啲嗰款係質素較低的糖水飲品，或使用較差的牛奶。其實以前都有喺度幫襯過好多次，木瓜牛奶都有飲過，都覺得雖然冇乜特別，但勝在價錢唔貴，又飲到合理的味道。今次係買木瓜牛奶走甜，以前都有喺度買過一模一樣嘅飲品，無出事，今次仲特地強調地說”走~甜~”二字，因恐防店員聽不清楚指示，本人比較怕飲糖水果汁。佢沖出來，一飲落去已經甜到傻，所以馬上告知同一店員，錯咗走甜此事，佢亦馬上意識到錯了。點知另一店員 (可能是老闆娘或是年資較長的店員) 聽到，馬上搶先話幫自己我整返杯飲品，指令原本的店員不用負責。我親眼見到佢個杯野攪拌之前，除咗木瓜以內的物體清澈如水，攪拌後都冇再加任何嘢。冇錯，佢整咗杯 (疑似) 木瓜冰水俾我，但我已沒有回頭要求更換飲品，因恐防有店員故意不按章出貨，如在要求多多，下一杯會更不堪設想。最後我有飲完個杯疑似木瓜冰水，始終用咗木瓜唔想浪費，當作”稀釋木瓜汁”咁飲，而且我衷心相信店員除”疑似”冰水內都冇特別加料咁衰嘅 (如再次要求更換就唔知了)，但係唔知點解我又尋晚飲完之後肚痛到今日，食唔落中午飯。我平時腸胃食乜垃圾都唔會有事嘅....雖然本身係佢員工出錯，但講真我寧願佢要求我補少少錢，出過一杯正正常常嘅俾我，好過咁樣糟蹋食物，整一杯唔知乜嘢出嚟。撰此食評，望相關負責人見到，經營手法會有所改善。…查看更多

講真呢個商場咁多嘢食有咁多野行好快就行到肚餓啦同埋口渴！肚餓就好多小食口渴都有呢個唔錯嘅選擇！呢度買杯嘢飲好平㗎！$6-$15都有！睇你想飲乜嘢啦！ 我就揀咗個木瓜牛奶飲都係$10姐！好飲又唔會太甜👍🏻👍🏻…查看更多

環顧整個葵涌廣場的飲品店，這家飲品店算是良心飲品店。因為這家飲品店的飲品價錢十分相宜，幾蚊便有交易。我最喜歡的就是他的西瓜蘆薈汁，西瓜味十足，而且 甜度剛好，加上蘆薈粒，口感十分。食店會把冰塊和西瓜汁混在一起打碎，飲起來更加透心涼。一定不能錯過！…查看更多