影片
電話號碼
24143328
開飯介紹
餐廳位於錦田，設有室外用膳區；主打正宗泰國菜，如冬蔭公、咖哩蟹、泰式海南雞等。餐廳亦設有午飯套餐，提供各種泰式飯麵。
繼續閱讀
營業時間
今日營業
11:00 - 14:45
17:15 - 21:15
星期一至日
11:00 - 14:45
17:15 - 21:15
*6點后做外賣
以上資料只供參考, 請與餐廳確認詳情
有關獎賞計劃
錦田向來美食多羅羅，今次想試吓泰國菜醃酸辣鳳爪無骨鳳爪非常爽脆，而且十分惹味！因為辣度十分足夠，食唔到嘅朋友需要稍為注意下但作為開胃菜絕對係不二之選～黃咖喱（雞）黃咖喱creamy但完全唔覺得辣，雞髀肉嫩滑，而且仲有啲蔬菜、薯仔🥔作配菜～馬拉盞通菜 通菜新鮮翠綠，前面食得比較重口味，當然要食返啲蔬菜🥬中和一下配上蝦醬一起炒，非常惹味燒雞全翼雞全翼好大隻，燒得好入味，咬落去啖啖肉，基本上不用蘸任何醬汁都已經好滿足啦！冬陰功湯 放上原隻開邊蝦+草菇，湯底好濃郁嘅椰香味，而且不會太辣，飲落去尤其舒暢！新鮮椰青 椰青好清甜，不會有任何酸酸的怪味，而且仲可以食入面啲椰肉，都好清甜椰青奶冰落左煉奶，飲落去絕對透心涼，在這個炎炎夏日尤其喝一口尤其解渴！
繼續閱讀
今日趁冇咩雨落，下晝去左元朗行山，行完之後當然就喺附近搵餐廳食晚餐，最後揀左喺錦田食泰國野，黎左呢間泰國餐廳食飯。燒雞翼 食泰國野就梗係要試下串燒啦，今次試左佢嘅燒雞全翼，呢度隻雞翼火候燒得剛剛好，雞皮咬落卜卜脆，裡面嫰滑雞肉仲好好多肉汁，加埋個酸辣醬食話咁快就食哂成隻雞翼喇。無國界蒜蓉包係呢間餐廳名物黎，我地落左order之後，發覺原來周圍每一枱都有叫呢樣野食，呢度蒜蓉包有6大條，每條表面都均勻搽滿蒜蓉牛油而且烤得金黃酥脆。黃咖哩(雞)另外我地都叫左個黃咖哩配雞肉一齊食，呢度嘅黃咖哩唔辣但椰奶味重，配料有青紅椒、洋蔥同薯仔，適合啲唔食得辣嘅朋友仔食。馬拉盞炒通菜份量幾多，馬拉盞少少辣好惹味。菠蘿海鮮炒飯有鮮蝦，魷魚，青口，蟹柳，飯粒粒分明，夾埋菠蘿粒，腰果，肉鬆碎黎食，好夾又有口感。鮮芒果冰呢個天氣飲真係一流，透心涼，芒果味好出好鮮甜。凍柑桔蜜飲入口好滋潤，即刻覺得冇咁熱氣。呢間餐廳仲要係寵物友善餐廳，食飯都見到好多可愛嘅毛孩😍😍
繼續閱讀
從來未入過錦田嘅我，今次去左錦田 天空之城既地方，揾左間勁多人食嘅泰國菜，完全係意想不到咁好食，重要全部野食都好大份👍🏻👍🏻👍🏻大份到等於出邊嘅兩倍青木瓜沙律 $72青木瓜沙律清新爽口，口感酸辣，搭配花生口感更加好，真係好鐘意食燒豬頸肉 $98燒豬頸肉肉質鮮嫩多汁，外皮香脆，煙燻香氣。另外配上店舖嘅特製醬汁，提升咗豬頸肉嘅層次感👍🏻👍🏻👍🏻沙嗲雞,沙嗲牛$18$18性價比好高，燒得好香脆，雞同牛都一啲都唔硬。另外食沙嗲串燒，我最鍾意就係食佢個醬汁。佢呢個沙嗲醬好香，係有d花生粒粒個隻沙嗲醬。鐵板蠔仔蛋$ 148蠔仔好嫩，好大隻，上到枱重係好熱辣辣👍🏻裹邊重好多蛋汁，超大份芒果糯米飯$ 68係雙色嘅芒果糯米飯，有原味同埋斑斕口味，另外芒果好香甜鮮芒果冰$38係用新鮮既芒果嚟整既沙冰🥰🥰重要好大杯
繼續閱讀
講起元朗泰菜，「冬陰牛牛」個名掛住冬蔭功，但實情佢哋道燒豬頸肉先係隱藏大佬！今次同班friend掃街，一試即刻列入「返兜必點」名單，食肉獸聽住——68蚊一碟，份量多到驚，抵到笑！ 炭火香爆燈！外脆內juicy一上枱就聞到炭燒焦香，師傅火候拿捏超準，外皮烤到金黃脆口，咬落「咔哧」聲！重點係鎖住肉汁，每片厚切有成隻手指公咁厚，入口彈牙唔韌，肥瘦位三層分明：脆皮→油香→瘦肉，食落完全唔膩，連埋烤到微焦嘅油脂邊，邪惡到停唔到口！ 秘製香料醃足一日同坊間淡茂茂嘅豬頸肉唔同，佢哋用泰國直送香茅+斑蘭葉+蒜蓉醃足24個鐘，入味到骨子裡！鹹香中帶絲絲甜味，仲有淡淡香草氣息，唔使點醬已經夠哂味。配嘅青檸辣汁都係自家製，酸辣醒胃，夾住生菜食更清爽～ 性價比炸裂！晚市必搶對比區內其他泰國菜！目測有成20大塊，堆到成座小山咁，三個人share都夠喉。
繼續閱讀
在元朗尋覓地道泰國風味，這家專攻泰菜的館子絕對值得一試！店內裝潢簡樸，充滿泰式風情，服務亦算親切。然而，甫踏入店內，首個感覺是 冷氣不夠凍。香港炎夏的悶熱似乎未能完全被驅散，尤其當晚市人潮漸多時，略感侷促，邊食邊有「大汗叠细汗」之感，算是美中不足之處。若怕熱的朋友，建議選擇近門口或非繁忙時段光顧。但！說到食物，尤其是店家的 招牌「鹽燒烏頭」，絕對能讓人暫時忘卻那點悶熱，成為整晚的焦點。這道菜式堪稱 必食推介！一整條肥美的烏頭魚，外層被厚厚的粗鹽嚴密包裹，經炭火或猛火烤製，上桌時香氣四溢，視覺效果已非常震撼。店員會熟練地幫忙敲開鹽殼，揭開魚皮瞬間，熱氣伴隨着獨特的炭烤香與魚鮮味撲鼻而來。裡面的魚肉 雪白嫩滑，火候控制得宜，完全沒有過火變老。最精彩的是魚肚內塞滿了泰式香料靈魂 — 香茅、檸檬葉、南薑、辣椒等，精華盡滲魚肉之中。夾起一塊魚肉，點上店家附送的 秘製青檸酸辣醬汁，入口先是魚肉的鮮甜細嫩，緊接着是泰式香料複雜而清新的香氣在口中綻放，酸辣醬汁的刺激更將鮮味提升至另一層次，味道層次豐富，鮮而不腥，惹味非常。那飽滿的肉質與濃郁的泰式風味，令人回味無窮，完全體現了泰國菜的精髓。除了鹽燒烏頭，店內其他菜式如生蝦刺身、冬蔭功湯、炒金邊粉等也頗具水準，但鹽燒烏頭憑其獨特風味和震撼的呈現方式，穩坐 「最強推介」 的寶座。總結而言，這家元朗泰國菜專門店在 食物質素上，尤其鹽燒烏頭，絕對是超班之作，值得專程為此而來。唯獨 冷氣系統略為遜色，若店家能改善這一點，用餐體驗將更趨完美。為了那條令人驚豔的鹽燒烏頭，些許悶熱，還是值得忍受的！
繼續閱讀