冬暖夏涼 濃雞湯車仔麵館 (已結業)

如果你有留意開娛樂新聞的朋友，當然有睇前排送禮勤的精采表現。擺明係李克勤唱都可以話唔係佢唱還要說估不到，假到咁，無人能及，那首富士山下的聲線，完全係命運就算癲沛流離的那把聲音，究竟，呢個遊戲有什麼意義呢？這個新聞令我想起剛剛吃過的一間車仔麵店，冬暖夏涼，點解，因為送禮勤有首歌我非常鐘意，就係叫冬暖夏涼，佢首歌配合佢健康專一的男人形象，深深在腦海中記錄著。有時候，名字與事實，就好像那個比賽一樣，兩樣東西都極不相乎，我以為呢間餐廳係一個好男人聽左呢首歌後，為了太太而開哂恩愛的一間自家菜舖頭，煮的東西都係冬暖夏涼的時令菜式，但後來我吃過麵先知道，原來呢間車仔麵係老闆對自己的雞湯湯頭非常有信心，於是起了這個名字，大概這裡的湯頭就好似agent 係樓盤sale你賣樓一樣，有異曲同工之妙。冬暖夏涼，有舒適合時而又令人有家的安心感覺，這間小小店，介紹原因係因為佢係有一份誠意嘅。車仔麵為主的這個小店，呢度嘅車仔麵普通得黎有份特別，就係有撈麵食，雖然你會話，市面有啲車仔麵地方都有呢類選擇啦，不過呢度無論麵種，醬汁，車仔餸嘅選擇都特別而且多，你有見過連綠茶麵，紅薯粉，橋麥麵和冷拉麵都可以係車仔麵種嗎。兩個

今晚收工約左媽媽過大角咀食車仔面，可幸呢度收得夜，去到九點都唔驚無曬ya食姐幫媽子叫左去油豬大腸，清湯牛腩，韮菜豬肉餃加香辣汁既麻辣小辣河粉！個大腸真係無呃我喎，唔肥的！我食大腸既，但平時見到少少肥已覺恐怖，驚左嗰種古怪咬唔開既煙un口感, 呢度唔肥，舊舊都食得，而且煮到夠曬軟淋，偷左媽咪嗰碗好多黎食！牛腩係我好喉一塊塊靚肉，無肥亦無我唔食的筋痴住晒，有點咬口得黎，放在口中一絲絲，啖啖肉，好愛食肉咁食法！豬肉餃都唔錯，皮唔厚，仲幾滑tim.... 而且廚師無貪快煮唔透，因為實在係怕左食嗰d厚皮得來未煮熟難食既餃子！餃入面既豬肉無乜un都要命既肥肉，韮菜都幾香鮮既，而且足料，抵食！河粉好夠滑呀，望落去精螢通透，小店能用上成本較高的來貨來換取高質食物，食客既我真幸福我呢就叫左蒜香黑豚腩片，鹿兒島醬魷魚，麻香榨菜腎片加蒜香醬油汁既綠茶冷面！由於上次黎知道個黑豚腩同魷魚真係好正，所以今晚呢兩樣都要求了打孖上！！嘻…… 返工成日辛苦過後有食神了！YEAH!! 好鍾意食綠茶面，貪佢夠清新，食完涼浸浸透心涼好舒服，而且出面極少有車仔面店有，呢度店仔細細，竟然咁特別會有？！咁一定要叫啦！腩片好香蒜蓉味

12點來到試左自選嘅車仔麵，見到餐單上面飲豆漿要加6蚊，但係老闆娘話送個細嘅豆漿 豆漿有凍有暖，要左凍，微甜，正常車仔麺選左3餸： 去油豬大腸 （熱食） 麻辣牛肚，蜂巢豆腐（凍食）薯粉 （湯）如果叫餐嘅話就無得自選餸同埋某d 餐set 左冷麺，但係抵食d ~~去油豬大腸：真係去左裡面嘅肥高，滷水味好入味！麻辣牛肚：夠麻辣但係唔會比麻味搶左辣味，好入味蜂巢豆腐：質地幾特別，細細粒，甜甜地，好入味薯粉 （湯）：選左麻辣雞湯（中辣）﹣唔算好辣，麻辣味較淡，所以唔會蓋過雞湯味老闆娘態度親切，見到佢個個客都會問d 野arm 唔arm 食店舖位置有d 難搵，如果奧運站就係3期地下門口出（薄餅店 e...gogo）轉右過馬路一路行到見到奧拍御峰，係759附近

小弟自問也吃過不少地方的車仔麵。但以冷麵的形式來奉客的，就不是經常有機會碰到了....今天在這間位處大角咀，一所最近甚具人氣的車仔麵舖，就嚐到了一碗頗令人愜意的車仔冷麵....時間尚早，人客仍不多。可以安安靜靜的享受一頓麵，的確是十分奢侈的一件事....原來除了可依照慣例在點菜紙下單之外，這裡還有車仔"熱"及冷麵套餐提供的，實是一個蠻貼心的舉動....點了一個D餐，內容主要有鹿兒島醬魷魚、麻辣豬耳、凍筍以及沙茶蜂巢豆腐。麵底從四款當中揀選了蒜香醬油汁，再配上普通的冷拉麵，這就成了....先試口麵，麵質偏帶硬及少許Q彈。醮著甜甜的但沒有甚麼蒜味的醬油，感覺真的有些像在吃日式的冷麵；所謂的鹿兒島醬原來是在沙律醬汁中混入WASABI而成，配著爽爽脆脆的魷魚，味甜而不膩帶少許攻鼻是頗搭的；豬耳於我個人而言是最好的 ---- 是真正的麻與辣兼備而兩者亦平衡得很好，豬耳固之然也跟前述的魷魚一樣，都是爽至嗦嗦聲的；凍筍很入味；豆腐是外脆內軟滑但就沒有很重的沙茶味及香；身為配菜奉送的青瓜粒，同樣都是爽兼帶少許辣，甚為惹味....更為畫龍點晴的一著便是最後灑上帶點點炸香過的紅蔥蒜末，令麵吃起來香氣就更盛

朋友知我喜歡四處覓食，就帶了我到這位於人流不多的小店，從門面看毫不起眼，隨時路過都會走漏眼，而我從來都不看外表，朋友既然帶我來，此店一定是能給我帶來驚喜！店內裝修十分明亮簡潔，廚房就在店內的盡頭，入到店內，店員安排我倆坐在廚房對出的位置，一坐下，我就已經聞到陣陣雞湯的味道從廚房撲出來，果然不是一般的車仔麵。先點食物，一看點餐紙，原來這裡還有冷食的車仔麵，我倆決定一人點一款麵，一款冷，一款熱，再配自家製特飲。冷麵選了外面少見的綠茶麵配日式照燒汁，當中比較特別的餸一定是鹿兒島醬魷魚，蒜香黑豚腩片及沙茶蜂巢豆腐。冰涼的綠茶麵當然帶有淡淡的綠茶味，感覺清新；鹿兒島醬魷魚一進口就有驚喜，醬汁味道帶有芥辣混沙律醬的味，原來老闆是從日本自已購入山葵再用自行調製，怪不得如此好吃，而魷魚有嚼口；蒜香黑豚腩片，肥廋剛好又入味；沙茶蜂巢豆腐，沙茶味濃，汁料滲進蜂巢豆腐的大小孔，而且口惑鬆軟。熱麵選了米粉，一上台，我就被舖面的瑤柱吸引，車仔麵有瑤柱真的是第一次見到，配料的牛腩及牛根非常入味，口感又鬆軟，最特別一定是湯底，聞到香味已知足料，入口就如平時飲老火湯一樣，味道十分濃郁，而且絕不油膩。而兩杯特飲，蜂蜜蘆

這夜約了同是在大角咀上班的友人覓食。見到呢間車仔麵，發覺這家車仔麵似乎跟普通的車仔麵有所分別，地小店內, 從門面來看是普通到不得了的車仔麵店。店內裝修很像台式餐廳的感覺，甫看店中，感覺光猛整潔，於是便走進了試試簡單的大木桌椅，讓人坐得很舒服。而且光猛明亮，感覺上衛生還不錯。店工也很友善，感覺很像一家家庭式作業的食店。四正兼偌大的用餐區 , 木製桌椅擺放在兩旁 , 中間通道寬闊 , 地面亦乾爽。腩汁芥蘭，芥蘭是灼過的，因此沒有肥膩感覺，加上腩汁，增添食味呢！等了不久，友人的湯麵首先奉上。一看之下，份量比想像中大。試了小辣。但原來麻辣嘅小辣也不簡單！麵底選了粗麵，麵條顏色澄黄，煮製時間洽好，麵條爽口帶點彈性。瑞士雞翼(2隻)： 一碗麵有2隻，體形屬正常size， 雞翼每一個位置都上色均勻，飽滿亮澤，咬下外皮富彈性，內裏的肉質還是纖嫩， 雞翼煮製時間洽好。黑椒牛根丸(3粒)：很小見到車仔麵店有供應的，當然要點來試試。先呷口湯，果然不錯，印象分大增。扎肉幾彈牙；牛筋丸混入了點黑椒，惹味蜂蜜蘆薈清潤飲, 喝起來潤喉舒服, 滋潤清甜, 原材料為龍脷葉，羅漢果等材料。在下自細也喝過龍脷葉煲的涼茶，是

好耐都無食過車仔面喇，今晚收工決定去認真食一下，點左五香牛、蒜香黑豚腩片、鹿兒島醬魷魚、胡麻雞絲、麻辣牛肚、綠茶面加馬來沙爹汁同豆漿    真係好少可車仔面店竟然有綠茶面食囉，即時雙眼發亮*v*真開心喇咁就梗係即刻點呢個啦，天囗慶，食下冷面最好不過啦！          餐廳有三十多個位，冷氣夠，條街太熱，入到黎都幾涼爽下！老闆加員工只有三個，而樓面同廚房都係老細一腳踢，撞正食飯時間，客人滿滿！雖然人多，但店員都唔會想你食完快啲走咁，加上環境開揚，光線足，坐得都舒服，員工招呼都幾周到，老闆好忙咁煮面，但都無黑口黑面，相反仲好有笑容tim等左5分鐘左右，碗面就到，上台擺得又幾靚喎，仲好大碗好足料下，每個送都份量十足！豆漿幾冰凍，而且唔會過稀過杰，都有淡淡豆味！先講牛展，牛展牛味足，而五香味唔會好重咁姐左本身既肉味，肉鬆軟易咬開！魷魚就好正，個鹿兒島汁係加入芥辣所混合而成，同海鮮一齊食好清新，少少芥辣香味，好啱夏日食呀，鐘意！蒜香黑豚腩片一啲都唔肥，而且蒜味好勁，面頭既辣椒物體好彩唔會辣，食四片嚴重唔夠喉，個辣味係做到川式既正宗口味！雞絲爽囗同洽度好處既胡麻醬一齊，唔會“張 “到一口係，

向來車仔麵不是我杯茶，原因大多數車仔麵的檔口都予我一種油膩之感。適逢於大角咀遊玩，友人想吃車仔麵，便捨命陪君子，來到冬暖夏涼品嘗一番。鋪頭來的乾淨程度教我驚喜，十分企理，自自然然就令我食慾大增。冬暖夏涼的主打為雞湯湯底，可惜雞燥熱，而且夏天30度下，我放棄了這個選擇。我就點了個冷食，蕎麥面配沙茶汁，綠兒島醬魷魚，蒜香拍青瓜。首先一提，看到凍食的價錢不禁令我O嘴，因為即時想起為何譚仔既小菜竟然可以賣到20，30蚊一碟。蕎麥面配沙茶汁:感覺十分清爽，因為向來蕎麥面帶清淡麥味，但配上沙茶汁的味道剛剛好，而且不油膩，感覺清涼健康。而且配菜甚多，份量十足。綠兒島醬魷魚我會俾10分，夏天胃氣甚差，此菜令我胃口大增，因為當中的沙律醬中含山葵味道，魷魚肉爽口，一流。蒜香拍青瓜青瓜欠缺爽口之感，個人嫌蒜味不夠。埋單40都不用，而且價錢十分公道，唔錯，下次黎會再食。

都說我喜歡食車仔麵，中午很多時會去佳佳開餐，最近又知道了多一個選擇。呢間冬暖夏涼，環境比佳佳企理。試了個午餐Ｂ，有四個餸，分別是瑞士汁雞翼、牛筋丸、蘿蔔，以及扎肉，我揀配油麵，小辣。先呷口湯，果然不錯，印象分大增。扎肉幾彈牙；牛筋丸混入了點黑椒，惹味；蘿蔔清甜，腍身，冇渣。要挑剔的只是雞翼，不夠「瑞士」。加5蚊可配店家自家煲制的清潤飲或洛神花茶，下次要試。

友人相約吃車仔麵, 地點在大角咀，想一想已年多的時間沒有吃過車仔麵, 加上大角咀區對個人來講交通也算近便, 而且有時都想找自已喜歡去的食肆, 吃些簡單又有水準的食物, 基於以上種種的理由, 個人也正有此意，就在一個週六的下午三來到，跟幾位友人會一會此店。冬暖夏涼濃雞湯車仔麵館位於大角咀的杉樹街，附近都是一些街坊形式的食店, 店子地方不算大，但也相當企理, 寬敞而舒服，店內以木枱椅為主。如一般的車仔麵店一樣, 每張枱上都有一疊落單紙, 從落單紙中抽取自己想點的食物。看看落單紙，食品的種類也算多，除主打的車仔麵，同時有其他小食。先點了蜂蜜蘆薈清潤飲, 喝起來潤喉舒服, 滋潤清甜, 還有蘆薈粒, 入口爽口清涼，在天氣較熱的這天，喝這個就正好。再來的就是車仔麵, 要了粗麵為底，伴以美國肥牛、清湯牛腩、牛柏葉及金針菇作為配料舖滿了一大碗。這裡賣的就是濃雞湯, 先試了湯底, 味道甜美也有香味，只是略嫌湯頭不太夠熱, 幸好粗麵極富嚼勁, 配料方面，美國肥牛是口感嫩滑而牛肉味頗濃郁，清湯牛腩入口軟滑鬆化, 肉質嫩滑, 肉味濃郁, 牛柏葉爽口彈牙, 金針菇也新鮮好吃, 整碗車仔麵算是交足功課。這裡的店員

有朋友報料給在下，話說大角咀除了人氣車仔麵外，還有一間車仔麵好吃，於是乎在下於今天下班後，就到朋友所說的車仔麵吃碗麵。冬暖夏涼濃雞湯車仔館是朋友口中好吃的車仔麵，雖然開業大半年，但是卻以濃雞湯的湯底作招徠，就是這樣，在下也不妨吃一碗吧。雖然地方細細，但又四四正正的，配合木製的餐桌餐椅，令空間感大為闊落，而且簡單的裝飾，不會太過花巧。從餐牌得知有著套餐和學生餐，而點餐時同樣地在這張點餐紙上勾選，而最低消費為每人二十個大洋吧。當中的麵底有常見的粗及幼麵，油麵粉粉和河粉，，出前一丁及紅薯粉，但是另外還有三款特別的麵，包括了綠茶麵，蕎麥麵，紅薯分粉和冷拉麵。另外還可以選擇泰式咖哩，馬來沙爹汁，蒜香醬油汁及日式燒汁等。其他配料亦是常有的，如牛腩牛筋，蘿蔔等，但亦有豬柳漢堡和越南扎肉都有得楝。在下選了好幾款配料，包括了清湯牛腩，瑤柱牛筋，瑞士雞翼，腩汁蘿蔔及廚師腸等，而麵底則是油麵，並加上了腩汁。加上腩汁是源於上世紀九十年代時，吃粉麵的一個習慣吧，就是使材料有種牛腩的香味，這肺汁也做到吧；湯底確是很濃的湯底，而且用上了雞骨和豬骨等材料熬製，因此喝一口是全無味精，不覺口湯，因而全部都渴光了。而其他配

小時候兩小無猜拍拖的活動總喜歡到學校附近的車仔麵檔，因為價格便宜又可以自由組合，今日碰巧經過車仔麵檔，一於去重溫兒時回憶。大角咀的冬暖夏涼濃雞湯車仔麵館，地方不算大，但非常整潔，有別於平日的車仔麵檔。蜂蜜蘆薈清潤飲有淡淡的羅漢果味，加上爽口的蘆薈粒，滋潤清甜。我點的是C餐涼拌麵，麵條是有四款選擇：綠茶麵、蕎麥麵、紅薯粉及冷拉麵，我選了綠茶麵，雖然吃不出綠茶味，不過麵條質地幼身彈牙。醬汁我選了馬來沙爹汁，含有花生粒，非常惹味。材料有麻辣牛肚， 爽口的牛肚帶有濃郁的麻辣香。胡麻雞絲，雞肉嫩滑。沙茶蜂巢豆腐是我最喜歡的，由多個小孔組成，吸盡沙茶味，味道又帶點甜，甚有口感。朋友點了自選濃雞湯車仔麵，材料有去油豬大腸，清湯牛腩，咖哩魚蛋，芝士腸，最驚喜是去油的豬大腸，清理得很乾淨，而且沒有油膩感，煮得夠腍，推介。另外牛腩炆得夠腍而且入味。$40 的套餐材料如此豐富的確抵食，而且配搭新鮮又不馬虎，絕對是抵食之選。______________________________兩小無猜 古巨基情感主宰身邊一切　多醜惡都很美麗甜蜜到　奇妙到　笨伯亦顯得聰慧小小火花都珍貴　小可愛都可放大投入到　狂熱到　奉獻

Bel Bel 自從跟了一班食友周圍搵食後，就越來越為食啦，早排有食友去過「冬暖夏涼」食濃雞湯車仔麵，她講到好好食，攪到我都好想去試下。於是趁某晚在美容院脫完毛後，就專誠由尖沙咀搭巴士來到大角咀，車程都是 15 分鐘左右。「冬暖夏涼」位於大角咀住宅區，第一次來這裡，覺得有些難找，不過幸好有 Google Map 的幫助，而且路過時也發現附近都有不少特色餐廳進駐了。今次來到，發現除了熱麵，還有冷麵，果然就如小店的名字「冬暖夏涼」。這天有點熱，所以我選擇了冷麵。細看之下，凍麵的配菜都挺特別的。跟餐加 $5 便可叫「蜂蜜蘆薈」凍或熱飲。我這杯凍蜂蜜蘆薈，看似沒什麼特別。原來裡面有許多蘆薈粒，真材實料。而蜂蜜的甜度和飲品冰涼度都剛好，裡面沒有冰粒，喝完不會把我凍死，對於我來說是不錯的。我這款凍車仔麵，有綠茶麵配蒜香醬油汁、蒜香拍青瓜、涼拌海帶、蒜香黑豚腩片、酒糟雞翼、香醋木耳、沙茶蜂巢豆腐等。上面還灑了一些香蒜片，食物把整個大碗都裝得滿滿的，這刻令我感到很豐盛！綠茶麵比較稔身，本身味道較淡，不過配上濃香的醬油汁就好夾，加上蒜片都幾有咬口，好香好好味。今次所選的配菜味道都較濃，那是因為我較喜歡吃

在長沙灣晚餐吃到有點悶，這夜約了同是在尖沙咀上班的友人到大角咀覓食一番。看見「冬暖夏涼」的名字很有趣，稍稍了解一下後發覺這家車仔麵似乎跟普通的車仔麵有所分別，便好奇試一試。店內裝修很像台式餐廳的感覺，簡單的大木桌椅，讓人坐得很舒服。而且光猛明亮，感覺上衛生還不錯。而且店工也很友善，感覺很像一家家庭式作業的食店。冬暖夏涼，大概意思是這裡的車仔麵可跟熱湯或涼拌吧!愛食涼拌的我看到點菜紙上有形形式式的配料選擇，一時之間很難決定要食什麼。還好這裡也提供了套餐的選擇，$40便有1麵4餸，配飲品也不過多加幾元而已，真的很化算。心大心細的我便選擇了冷麵類D餐(鹿兒島醬魷魚﹑麻香炸菜腎片﹑味凍筍和涼拌海帶絲)薯粉配沙嗲醬。原本想把鹿兒島醬魷魚換成流心蛋的，但店員姐姐說他們的鹿兒島醬魷魚很受食客歡迎，是推介的配菜後，就打消更改的念頭。沙嗲味的薯粉很少見，一開始還擔心味道會不夾。先試一口沙嗲醬，不算太濃，但點微辣，很是開胃。薯粉也不會太軟，加上沙嗲醬又出奇的相襯。店員還提醒說如果醬汁不夠可以再添加。而每一款配料都各有特色，最不得不讚的是鹿兒島醬魷魚(還好當初有聽店員姐姐的推介)真的太‧好‧味‧了！鹿兒島醬

果日同老婆去旺角買完野，見時間尚早就行入大角嘴搵食。點知好多鋪頭都未開，但見到呢間個名非常長既車仔麵，又冬暖夏涼咁，就決定入去試下。因為我到而家都硬係會將佢同另一間打邊爐既野有聯想。入到去，位置唔多，但都有老式麵檔既格局：木桌﹑木椅。老闆同老闆娘非常好人健談，一入去就來問我地食乜，仲主動介紹唔同野同埋野飲！通常入車仔麵檔既感覺就係要平同快，是旦食得飽就得，但呢次入去有咁好既 service experience 真係值得加分。我地兩個人，叫左個冷麵同一個熱麵，乜都試到。冷食係我至愛，叫左蒜香鼓油汁配橋麥麵。送就叫左 胡麻雞絲﹑香醋木耳﹑沙茶蜂巢豆腐。其實同佢個 C 餐差唔多… 由於我唔食牛肚，所以都係選擇左散叫。味道超一流，冷麵處理亦都一流，非常彈牙唔會太硬。個麵汁，老細話如果唔夠可以叫佢加。熱食方面，我地就揀左清湯腩﹑瑞士雞翼同埋柱候豆卜。瑤柱同豆卜係分開上的，但自行將瑤柱包入豆卜一齊食，真係一流！非常好食又夠入味。出街食豆卜最怕油益味，呢到食居然無，處理得非常好。順帶一提，店內既豆漿係佢地自己磨的，而蜂蜜蘆薈清潤飲都係佢地自己買料返來煲的，所以飲起黎除左清甜之外，仲有一份親切感。絕