46
7
0
港鐵屯門站 A 出口, 步行約5分鐘
繼續閱讀
營業時間
星期一至日
07:00 - 23:00
以上資料只供參考, 請與餐廳確認詳情
食家推介
一個價錢三個享受，雞煲+韓燒+火鍋。無錯，係食唔到咁多，所以當日我哋都係揀咗先雞煲，後韓燒就完場。餐廳位置位於屯門工廠區，做下街坊生意咁喇。餐廳佈局，放幾大個雪柜，一邊放燒烤嘅食物，例如：雞翼金沙骨豬軟骨薯餅粟米茄子秋葵菠蘿漢堡扒青口蝦豬大腸秋刀魚。另一邊係火鍋食品，即：雲吞水餃韭菜餃炸魚皮雞子魷魚響鈴牛柏葉紅薯粉等等。另外仲有啲前菜，日式小食居多，約有6至8款，但都仲有泰式無骨鳳爪、沙律。熱食方便就有木桶豆腐花及碗仔翅。呢個雞煲，我覺得好食過嗰間『18樓』，嚿嚿雞都大大件，而且好齊整，眼見足一隻，所有部位都係入面。食完想再添食都冇問題，由於廚房門長開關係，有客落單，師傅即開鑊即煮。至於燒烤方面，就普通啲，冇咩特別。食材係多，但就好街坊，好似打開自己個雪櫃門咁，有咩燒咩囉。飽就一定飽，呢啲地方應該唔係講食質量，分享完畢！
繼續閱讀
可以晚市堂食 打咗幾次電話問都未開返夜晚終於經過見到開返。所以今晚約咗2個朋友來試依家可以 簡燒烤 先 或 雞煲火鍋先我們即刻選食雞煲小辣 走麻。 雞煲打開蓋非常之香 比以前更加好食 值得一讚火鍋就一般嘅食物。烤肉都算款式多仲有牛仔骨 都奄得好好食 豬大腸 燒到冇油乾晒表皮就會脆卜卜 好似炸大腸咁 豬腩肉 都會咁樣食法 。仲有薯餅燒烤類有炸薯餅都幾得意 煎表面脆卜卜都好好食 最可惜是已經沒有自家製的甜品 店員話 甜品冇做。可能遲啲會做返啲甜品呢餐都算滿足
繼續閱讀
行過路過，試返個是日午餐，鮮茄斑腩飯，斑腩有驚喜，外層炸得香脆，內層軟滑，不錯呀！蕃茄都比得幾多，唯一奇怪係食食下有兩啖苦瓜……上一手炒完苦瓜？飯量好驚人，食唔晒。凍檸茶，茶底一般，整體較淡。
繼續閱讀
咁岩經過工廠區又到晚飯時間見佢幾抵食咁就入去啦本身冇抱有期望因為覺得佢價錢咁平正常都係好普通我去到見到有三款有得簡首先會食咗個雞煲先因為朋友要介辣，所以唯有食唔辣嘅雞煲真係第一次食唔辣嘅因為本身冇抱有期望覺得唔辣嘅應該冇咁好味點知食落嘅時候又出乎意料之外個味幾香唔會話冇味食完個雞煲佢會幫你加湯咁就可以打邊爐打到咁上下食晒佢可以再幫你轉燒烤平時嘅我 邊有可能三樣野都食曬而且我打邊爐平時食好少嘢今日我竟然可以由頭食到尾食足兩個鐘食完之後我仲要出去攞甜品食佢嗰日有三款甜品芒果布甸 紅豆椰汁糕 牛奶布甸食食吓嘅時候 侍應已經走咗過嚟同我傾計佢話呢啲甜品係佢哋自己自家製三款甜品都好好食而且仲有豆腐花選擇其實算係幾多而且價錢唔貴好抵食而且好好食最後忘記咗 其實佢係有冷盤同埋小食味道唔差嘅呢個價錢食到咁多唔同種類嘅嘢實在十分之抵
繼續閱讀
今日約左個朋友食飯，見太耐無食過燒烤，咁就周圍搵下望下，點知比我地搵到呢間超抵又好食嘅放題店。 老闆同我地講有兩個選擇，我地揀左呢個choice，先食雞煲再食火鍋最後就食燒烤。食物既種類， 菜，肉，菇🍄基本上嘅野都有，花款雖然唔多，但食物種類都好新鮮，啲肉都醃得好好味。雞煲，我地叫左小辣，啲雞非常惹味，啲醬汁都好好味，大部分啲雞都係雞髀肉，無嘜骨，我地兩個大男人，勁快就已經清哂。跟住就黎到火鍋，我地淥左啲丸同菜食，雞煲啲醬汁好好味，所以轉左火鍋都一樣好好食。老闆仲好好過黎闆我地好唔好食，非常nice,haha。最後就係韓燒啦，由於我地係食肉獸既關係，所以呢part真係好正， 所有肉都醃得好好食，另外一定要燒菠蘿啊🍍 燒菠蘿超正啊，超甜！ 另外佢仲有好多自家制既甜品，芒果布甸，牛奶布甸，同豆腐花，大家都要留肚試下，都係好好味。咁既價錢有咁多好野食，出面真係唔多，真心要推介，會繼續幫襯。
繼續閱讀