冒喜 (宏利廣場)

營業中

休息中

今次食冒喜，主打川味湯粉＋小食，啱晒鍾意食辣嘅朋友，價錢比想像中抵食好多，CP值算高！🥢 兩款湯粉：💥 黃金酸菜湯：夠酸辣，湯底有少少花椒麻香，飲到尾都唔會覺得膩～
🌶 青二荊條湯：青椒味超濃，成個湯底都係清爽帶麻！
🍢 配料自選，有：潮汕牛丸：手打嘅牛丸，肉味重有彈性，咬落去Juicy。
滑牛 & 滑雞：都幾嫩，唔錯。
芝士腸 & 午餐肉：邪惡必備，冇得輸。
貴州脆哨：重口味之選，香脆又惹味。
豬大腸 & 蟹柳 & 海帶結 & 萵筍 & 貢菜：爽口夠多元，咬住咬住幾開胃～
🥗 小食方面：🌶 秘製藤椒魚皮：涼拌上枱，椒麻味一流，魚皮滑溜又帶彈性，推！
🍄 惹味杏鮑菇：浸得入味又唔過鹹，爽彈帶少少甜，好Fresh～
🥤 飲品：大和豆漿：搭配辣味一流。
洛神花山楂蘋果：酸甜清新，幫到解辣～📍座位環境幾寬敞，色調玩味中式，牆上仲有menu介紹唔同湯底

放工同同事去咗依間食辣嘢嘅餐廳🌶️ 試咗佢哋嘅招牌菜，一定要同大家分享下！🍲✨八寶套餐好抵食！可以揀8個餸，配特濃清雞湯同刀削麵。揀咗墨魚丸、芝士腸、竹輪卷、豬大腸，仲有貴州丁家脆哨、鮮冬菇、油麥菜同萵筍，好豐富 乜都有齊！🤩 推薦貴州丁家脆哨入口香脆，食唔停口😆豬大腸滷得好入味～清雞湯底又夠曬清甜，好飽肚滿足！💯牛魔王套餐身為牛魔王嘅我，當然要試埋佢哋嘅牛魔王套餐啦！🤤 配生椰番茄湯同白飯，真係正到爆！肥牛同滑牛肉都好嫩滑，潮汕手搥牛肉丸多汁彈牙，黑毛肚好爽脆，特別推薦牛黃喉口感好爽滑😋😋！配埋新推出嘅生椰番茄湯底酸甜開胃👍秘製藤椒魚皮必點小食！一上枱就聞到陣陣藤椒嘅香味，魚皮爽脆彈牙，麻辣嘅味道好過癮，食到停唔到口！🌶️😋最後一定讚下佢哋嘅飲品🍎洛神花山楂蘋果酸酸甜甜，解膩一流，🍋酸梅青檸烏龍茶清新解渴，真係好啱食完辣野飲！🍹

冒喜真係my Favorite，平時去開北角和富嗰間分店，估唔到牛頭角都開咗間分店，呢日同朋友去開觀塘，順便去朝聖下。 呢間分店好chill好舒服，喺高級商業大廈地舖。鍾意食牛嘅我照舊叫「牛魔王套餐」，送秘製沾醬料，好惹味。 配料有肥牛，滑牛肉，潮汕手搥牛肉丸，黑毛肚，牛黃喉，真係大滿足。 配重慶麻辣湯底，小辣對我嚟講啱啱好，唔係得個辣字係有層次嘅湯底。牛黃喉真係摯愛，口感爽脆。 滑牛肉新鮮。肥牛牛花均勻肥美。黑毛肚爽口有嚼勁。朋友就叫咗「八送八寶套餐」，有八樣餸可以揀，其中墨魚丸彈牙鮮美，蟹籽蟹粉丸爆漿口感令人上癮；內臟愛好者必試豬大腸，口感爽嫩。 湯底方面，朋友試咗 青二荊條湯，我試咗一口，辣味背後隱隱有陣神秘刺激嘅香味，富有層次。另外叫咗 秘製藤椒魚皮，脆辣過癮。 仲有 貴州丁家脆哨，非物質文化遺產食物，鬆軟香脆，佐餐一流。最後以 自家製桂花蜜烏梅冰粉 作結，止渴解辣，食完辣之後食佢身心爽利。

第一次見到個份量嘅時候真係嚇到 O 嘴，成個臉盆咁大嘅碗裝住滿滿嘅餸菜，CP 值高到爆燈！重點係佢哋有 7 款湯底任你揀，今次試咗新出嘅湯底，簡直係我哋食辣星人嘅救星！又香又辣店入面有自選同套餐兩種揀，自選可以揀 4 餸、6 餸或者 8 餸，我強烈推薦滑牛肉，入口滑捋捋；潮汕手槌牛肉丸彈牙到可以打乒乓球；胡椒豬肚入味又有嚼勁，呢三樣都係必點！鍾意口感豐富啲嘅朋友，一定要加份貴州丁家脆哨，咬落去卜卜脆，鹹香鹹香，成個冒菜層次感即刻提升！​主食選擇都多到眼花，土豆粉、火鍋麵、米線、木薯粉、白飯應有盡有。我試咗二荊條湯底配木薯粉，Q 彈嘅木薯粉吸滿湯底精華，每啖都香辣濃郁，正到飛起！同行朋友唔食辣，點咗營養白胡椒湯底同特濃番茄湯，同樣好評不絕。如果有選擇困難症，直接點肉食王套餐或者牛魔王套餐，包你食到捧住個肚出門！​仲有個隱藏彩蛋一定要講！佢哋送嘅秘制醬汁真係絕絕子，無論蘸咩都超級好味，話曬 “蘸鞋底都好食” 真係一啲都唔誇張

加班工作後到了公司樓下的冒喜食碗粉鍾意佢個湯底啱口味有銅錢、吉祥、八寶三款套餐晚飯喎梗係食豐富啲同同事都點了八寶套餐再加特飲😋點自己個碗點左青二荊條湯潮汕手搥牛肉丸鵪鶉蛋美國肥牛胡椒豬肚豬大腸鮮冬菇蓮藕片貴州丁家脆哨土豆粉上枱時大大碗香噴噴湯底鹹鮮辛辣好惹味🤤脆哨似港式豬油渣香香脆脆土豆粉滑滑的有咬口同事個碗差唔多全部叫晒葷餸😆重慶麻辣湯潮汕手搥牛肉丸潮汕蒜香墨魚丸魚腐蟹籽蟹粉丸美國肥牛滑牛肉午餐肉油麥菜米線湯底叫左中辣但感覺同我碗小辣差不多辣度全部係肉同事話食得好滿足洛神花山楂蘋果酸梅青檸烏龍茶兩款特飲都係酸酸甜甜的微微甜好啱口味配上辣野特別好味😆大滿足的冒喜👍

你知道什麼是冒菜嗎？冒菜是起源於成都 是一種小吃 也稱“一個人的小火鍋”冒菜的製作方法是將食材放入調料湯中燙熟 然後盛入碗中 再加入香油、蔥蒜等調味品香港都可以試到這種風味了～今天不太想食辣 選了生椰蕃茄湯食材有潮汕手搥牛肉丸、滑牛肉、胡椒豬肚 、油麥菜、豬大腸和貴州丁家脆哨麵條選了土豆粉土豆粉好像裹上一層水晶一樣一咬即斷 很彈牙牛肉丸爽口彈牙又多肉汁滑牛肉厚度剛好豬大腸和胡椒豬肚完全不會有異味 入口非常爽口貴州丁家脆哨其實就是炸豬油粒粒 乾身脆卜卜 會單獨上枱 放進麵條內可以增加麵的口感最最最美味的是生椰蕃茄湯底椰子原來和蕃茄這麼配合 香甜濃郁～

去到觀塘想食辣嘢一定要食呢一間冒喜，絕對滿足到想食辣嘅心😻🌟八寶套餐 秘製香辣湯 微辣呢個叫咗-魚腐 -潮汕手搥牛肉丸: 牛味濃郁 十分Juicy-墨魚丸-竹輪卷-豬大腸: 冇異味，而且好乾淨-貴州丁家脆哨: 呢個係分開一兜上，炸到脆卜卜，十分香口，可以就咁食或者放落個湯度吸咗d味都好好食！-豆皮-豆腐串: 豆皮同豆腐串都好索味！🌟 八寶套餐 重慶麻辣湯 微辣-潮汕手搥牛肉丸-蟹柳-鵪鶉蛋-滑牛肉: 入口嫩滑，咬落去完全唔韌-黑毛肚: 平時好少見有得食嘅黑毛肚 爽脆彈牙 唔會嚡口 亦都吸晒重慶湯嘅精華-冰豆腐-萵筍-牛黃喉: 黃喉份量好多 食落冇腥味 口感實淨-番薯粉🌟秘製藤椒魚皮魚皮份量好多，雖然係藤椒但亦唔會太辣，係一個爽脆嘅冷盤🌟酸菜拌魔芋酸菜開胃，魔芋爽滑彈牙，一齊食口感層次豐富🌟洛神花山楂蘋果

冒喜地址: 觀塘觀塘道348號宏利廣場地下G02號舖 ===================== 玩完水上運動好累無力，去食米線補下先！$68 8寶套餐有8個餸咁多，貴州脆哨是 脆豬油渣粒，好好食當零食一流，仲點了滑雞片、五花腩，豬肚，油麥菜同蒿筍，芝士腸，王中王火腿腸！超級豐富呢唔食辣架人有湯底要了生椰蕃茄湯，不同辣度迎合不同人，酸甜清新好重蕃茄味另外跟配米線，仲有幾個麵底同白飯option $18 自家製鳥梅冰粉，夏天食好爽又可以解辣wor,烏梅味冰粉酸酸地咁開胃，個糖水落好多架，texture 如jelly 般 好滑直溜入喉嚨#

琴日去咗「冒喜麻辣燙·冒菜」觀塘新開嗰間分店試食，真係幾好食！新鋪頭夠乾淨光猛，位與位之間唔會太逼，冷氣又夠凍，食麻辣野最緊要唔好熱到成頭汗啦～我嗌咗兩個招牌套餐，一個配酸辣湯，一個配生椰番茄湯。酸辣湯要咗微辣，辣度啱啱好，帶少少酸味好開胃。特別係配黑毛肚同牛黃喉呢啲爽口嘢，索晒啲湯汁真係正！加埋土豆粉一齊食，滑溜溜咁，同個湯底超夾㗎😋生椰番茄湯就真係有驚喜！椰奶香同番茄嘅酸甜味撈得好好，個湯可以直接飲都得。魚腐同墨魚丸浸落去特別好味，建議配蕃薯粉食，咬落去仲正🥥啲配料都幾高質，手搥牛肉丸同潮汕墨魚丸都夠彈牙，食得出真材實料。滑牛肉夠嫩，黑毛肚又夠爽脆。丁家脆哨好特別，有少少似豬油渣，香脆可口！小食方面，秘製藤椒魚皮真係好香口，椒麻味好出，魚皮脆得嚟又有咬口！涼拌酸辣土豆絲辣度適中，好開胃～【冒喜】📌觀塘觀塘道348號宏利廣場地下G02號舖

公司附近最近開咗間專食 #冒菜 嘅連鎖店「冒喜」！估唔到短短開業一陣子，已經吸引唔少食客😉 #小秘書 當然執輸，跟住班同事去朝聖👀 提早10分鐘放飯嘅我哋，成功做到「頭位用膳」😆嚟得幫襯，梗係要試吓佢哋馳名嘅 #重慶麻辣湯 做湯底，不過為免食到口水鼻涕流，我都係要個微辣試吓味，下次再挑戰🤭 為食嘅我揀咗個「六餸吉祥套餐」，顧名思義，我可以揀六個餸，再另加$5要個 #米線 😉 配料比起我食開嗰間 #麻辣燙小店 出奇地多，食極都有嘅 #蓮藕片，就連 #午餐肉 有三件😅 再加埋 #炸枝、#竹金菇、#墨魚丸 同 #魚腐！對我嚟講，要食晒面前呢碗嘢... 簡直係創舉🤤 坦白講，湯底係惹味嘅，不過都 #重味精 同幾 #油膩 下，搞到個腸胃成個下晝都有啲悶悶不樂😅 不過好食嘅嘢通常都係唔健康... 就當間中俾自己一個treat day啦！📍 #冒喜 (觀塘)觀塘道348號宏利廣場地下G02號舖

今日同朋友去觀塘食四川冒菜，這間餐廳叫冒喜，是有冒着香氣喜迎風味嘅食品，位於觀塘觀塘道348號宏利廣場地下G02號舖，這間餐廳地方寬敞整潔，裝修得舒適溫馨，枱凳擺放整齊，令人坐得舒服，店員服務態度又好，有冇加一，值得向大家推介。餐廳餐牌有三款套餐來叫冒菜食，選咗最豐富嘅八寶套餐，是在20款葷食材同19款素食材內選8款食材，而湯底同主食就選1款，我就選咗青二荊條湯、米線、潮汕手搥牛肉丸、美國肥牛、滑牛肉、貴州丁家脆哨、牛黃喉、鴨血、娃娃菜、芫茜，朋友就選咗生椰番茄湯、土豆粉、墨魚丸、五花腩肉、豬大腸、王中王火腿腸、潮汕手搥牛肉丸、美國肥牛、金菇、貢菜，仲叫咗個小食秘製藤椒魚皮同飲品洛神花山楂蘋果。⭐️青二荊條湯（米線+ 8種食材）湯底特點是青二荊條辣椒為核心，清新微辣的青辣椒湯底，帶有藤椒的麻香，湯色青綠，麻而不燥，口感鮮爽不膩。美國肥牛油脂香濃，滑牛肉嫩滑，潮汕牛肉丸突出肉香，脆哨增添酥脆鹹香，牛黃喉爽脆如軟骨，鴨血細嫩入口即化，娃娃菜吸湯清甜，芫茜增添草本香氣，米線吸附椒麻湯汁仍保持彈牙，與脆哨形成軟脆對比，辣而不燥，層次豐富，令人喜歡清新的麻辣。⭐️生椰番茄湯（土豆粉+ 8種食材）生椰

店員推介佢哋嘅招牌湯底係生椰蕃茄湯，聽落都覺得好吸引，仲要係自家製嘅湯底，特別推介潮汕手搥牛肉丸、滑牛肉、貴州丁家脆哨（非物質文化遺產美食）、豬大腸，完美吸收晒湯底嘅精華，淡淡蕃茄味非常好食，再加埋番薯粉亦都非常索湯，成個口感味道配搭都夾，又煙煙韌韌。另外叫咗個養生白胡椒湯麵，湯底乳白色，胡椒味道剛剛好，就係有少少辣。追加咗藤椒魚皮勁爽脆，好惹味。酸梅青檸烏龍茶/洛神花山渣蘋果，兩款特飲都能生津解辣。桂花蜜烏梅冰粉，酸酸甜甜冰冰涼涼，吃辣後啱晒。

喺北角食完冒喜之後就開左條路、今次去觀塘食。佢個黃金酸菜湯帶有丁點麻辣感覺生椰番茄湯。將嘢將或者椰汁擺入蕃茄湯真係幾有創意，一啲都唔會覺得中伏，比起齋蕃茄湯更加refreshing 係真的。除咗湯底之外，可以講吓啲我特別中意食的配菜。佢有冇麻辣嘅鴨血食，平時我喺譚仔唔食得辣都可以食吓鴨血補鐵質。同埋佢啲鴨血算係大份、其他舖頭可能會薄切，佢嘅鴨血都算係有厚度。佢嘅蓮藕片、蘿蔔片、萵筍片雖然會係薄切，但其實就好多塊，反而可以疊埋一齊有方塊酥疊加的嘅口感。crunchy! 佢話有呢一個非物質文化遺產嘅「貴州丁家脆哨」食，感覺有啲似係炸豬油渣咁、如果拎嚟送酒一流。其他我覺得手打牛肉丸都幾彈牙，可以一食。如果你平時鍾意食開紅薯粉，麵都值得食佢個土豆麵，有少少煙韌！