冒喜 (柏廷坊)

上環嘅冒喜整體感覺真係幾特別！今次叫咗佢哋嘅人氣套餐同幾款加餸，價錢合理，食物選擇多樣。朋友揀咗唔想揀菜就選咗牛魔王套餐有美國肥牛、滑牛肉、毛肚、潮汕手抽牛肉丸同牛黃喉，肉質新鮮，肥牛切片油花分布均勻，涮一涮即熟，好滋味值得推介系生椰香茄湯以為系椰菜點知系椰子湯底，帶椰香，甜味配辣味湯底好調和，第一次食呢一種蕃茄配椰子口味嘅湯底，超驚喜，覺得一定要試，最尾系完全一的冇淨飲曬湯底牛丸比想象中彈牙，有很重的牛肉味薯粉好掛湯我就想試多幾款唔同嘅嘢，就揀八寶套餐，可以任選8款菜式包括了魚腐、潮州蒜香墨魚丸、鵪鶉蛋、滑牛肉、豬大腸、 脆哨、牛黃喉同白蘿蔔片。各款配料都幾有特色潮州蒜香墨魚丸，蒜香濃郁，咬落彈牙，非常有嚼勁另外又叫咗魚腐，魚腐軟軟滑滑，完全吸曬湯汁的味道滑牛肉嫩滑，入味得宜，豬大腸同牛黃喉處理得乾淨冇腥味，口感彈牙。牛黃喉感覺有一啲似魷魚，爽口彈牙，覺得好好食另外發現咗一個好特別嘅配料初頭以為呢個係花生原來就係貴州丁家脆哨乜嘢系脆哨？原來就好似豬炸豬油渣咁樣，食落好香好脆，仲可以一樽樽咁樣賣就都幾方便湯底選擇帶微微辣味嘅養生白胡椒湯，真係重胡椒味，越食個人越嚟越熱，超暖胃飲品叫咗自家製洛神花山楂蘋果，帶點酸甜，清爽解膩，夏秋轉季飲正好，飲品樽裝好可愛餐廳全日免加一，都幾抵食👍…查看更多

放工想食碗麵, 想起另類新鮮款式大碗麵, 以冒菜作為主要菜式, 配合獨特的川菜風味, 品嘗了上環的<冒喜>, 由於餐廳全日免收加一, 而且自選套餐都係$58起, 以這區來講, 感覺好抵食！！入到餐廳, 估吾到環境非常舒適, 地方非常寬敞, 都幾適合同朋友放工來聚餐, 而且人均消費超級便宜, 充滿性價比。我們二人, 叫了兩個八寶套餐, 兩個都非常好食。生椰蕃茄湯底配料： 魚腐、牛丸、墨魚丸、滑牛肉、胡椒豬肚、豬大腸、牛黃喉、毛肚配刀削麵椰子蕃茄湯底, 味道非常突出, 味帶清甜。另外推薦牛丸, 入口彈牙爆汁, 滑牛肉好鮮嫩, 胡椒豬肚同毛肚都非常爽口, 豬大腸煮得好入味。刀削麵是較為粗身的, 入口很有口感, 而且亦都非常彈牙。養生白胡椒湯底材料： 魚腐、牛丸、墨魚丸、竹輪卷、滑雞片、滑牛肉、五花腩片、豆腐串配番薯粉魚腐同豆腐串同樣非常吸湯, 吸收曬胡椒湯底的味道, 咬落去爆湯, 非常好食。滑雞片同滑牛肉, 入口非常嫩滑。五花腩片, 肥瘦均勻, 入口肉質彈牙。番薯粉晶瑩Q彈, 入口感覺煙煙韌韌, 做麵底好食！！~小食叫了惹味杏鮑菇, 呢個杏鮑菇入口帶點微辣, 是一種麻麻辣辣的味道, 開胃惹味, 非常好食！！~洛神花山楂蘋果山楂味道比較突出, 入口清新清甜。酸梅青檸烏龍茶充滿酸梅和青檸的味道, 入口酸酸甜甜。餐廳除了坐得舒服外, 供應的冒菜粉麵套餐大碗又抵食, 選擇亦都非常之多, 價錢實惠, 有機會一定會再來。…查看更多

上環嘅冒喜分店搬咗去新鋪啦，店內設有90個座位，空間比之前更大更寬敞！裝修亦有著冒喜嘅一貫特色！另外仲有一部低層專屬嘅電梯添，喺繁忙時段都完全唔洗驚等唔到𨋢同埋冇𨋢用啊～✨八寶套餐呢碗叫咗潮汕手搥牛肉丸、蒜香墨魚丸、滑雞片、豆皮、金菇、娃娃菜、滑牛肉同埋貴州丁家脆哨！每款餸都各具特色，其中貴州丁家脆哨最特別，個口感有小小似食緊豬油渣嘅感覺，入口香脆，估唔到同冒菜都咁夾！養生白胡椒湯超正，充滿胡椒嘅香味！土豆粉晶瑩剔透得來又口感Q彈～✨八寶套餐而朋友呢碗就叫咗魚腐、芝士腸、蟹柳、豬大腸、黑毛肚、鴨血同埋娃娃菜！推薦魚腐同黑毛肚！重慶麻辣湯味道辣辣哋好過癮！如果鍾意芫荽可以叫多芫荽！叫完多芫荽之後，真係成碗都係，多到見唔到啲餸，勁澎湃🤩啲芫荽仲要好新鮮，中意食芫荽嘅一定唔可以錯過啊～✨凍 洛神花山楂蘋果味道酸酸甜甜，清爽解膩～✨凍 豆漿依家冒喜已經有五間分店啦！📍紅磡總店║紅磡蕪湖街83號Y83地下G05A號舖📍 觀塘分店║觀塘觀塘道348號宏利廣場地下G02號舖 📍上環分店║上環文咸東街22-26號柏廷坊3樓📍灣仔分店║灣仔謝斐道250-274號杜智臺地下6號舖📍北角分店║北角和富道和富薈B50號美食廣場A1號舖…查看更多

今晚又喺做野忙到出唔到街食醒起隔離街 冒喜 ，即刻撳手機落單自取攞外賣個陣店員笑笑口遞過嚟仲講句：辛苦晒，趁熱食啊！ 就係呢份暖意，俾咗我呢個打工仔一個細細嘅安慰吉祥套餐（任選6数）    -魚腐吸飽雞湯超滑溜！手搥牛丸彈牙爆汁竹輪卷咬落啖啖爽、美國肥牛油脂甘香配娃娃菜同油麥菜索盡湯底精華特濃雞湯真係無得頂，鮮甜到呢～銅錢套餐（任選4款）    -潮汕墨魚丸蒜味爆香，超彈牙！豬大腸滷得入味，咬落煙韌無異味脆鯛魚片嫩滑得嚟帶點爽脆，毛肚索盡湯汁好過癮特濃雞湯底依然係靈魂所在銅錢套餐（任選4款）    -魚腐吸湯一流，美國肥牛牛味濃，滑牛肉嫩得嚟唔韌，脆鯛魚片雙重口感正！白胡椒湯底係精髓，飲落暖胃又帶少少辛香，唔會太嗆喉，同煙韌嘅土豆粉出奇地夾…查看更多

今日同朋友去上環食冒菜，呢間餐廳搬咗地址之後空間更大更寬敞，有成90個座位，仲有低層專屬電梯，繁忙時段都唔使點等𨋢，好方便！菜品選擇超多，有肉有菜，湯底都有好多款，有辣有唔辣，價錢好公道，抵食！我哋睇咗餐牌，$48包四款配料，$66有六款，$72有八款。如果唔想自己揀，佢哋都有set好嘅可以揀。我叫咗個重慶麻辣湯底，揀咗美國肥牛、牛黃喉、毛肚、鴨血、娃娃菜、萵筍、蓮藕片同白蘿蔔片，再加咗個番薯粉。個湯底夠麻夠辣，配料新鮮，特別係毛肚同鴨血，吸晒啲湯汁，好正！朋友就叫咗養生白胡椒湯底，揀咗潮汕蒜香墨魚丸、午餐肉、美國肥牛、胡椒豬肚、鴨血、金菇、萵筍同白蘿蔔片，面底要咗米線。個湯底飲落好暖胃，白胡椒味好香，朋友話好舒服。我哋仲叫咗個杏鮑菇小食，好快就清晒！飲品就叫咗酸梅青檸烏龍茶，酸酸甜甜，解渴又解辣。呢度味道好，價錢合理，地方又坐得舒服，下次過上環一定會再嚟！…查看更多

其實我食完都唔係好分到冒菜同川菜有咩分別，喺我眼中都係啲辣嘅嘢呢間餐廳嘅形式有啲似食車仔麵咁，自己揀面底湯底同埋餸，之後就全部嘢擺埋一碗咁，優點係餸嘅選擇都非常多，總會有一款係啱自己食，如果唔想煩嘅話，舖頭都會有一啲推薦組合大雜燴，概念有啲似過橋米線咁，就咩都可以試吓唔使諗! 我老公就係因為費事諗所以嗌咗牛魔王套餐，我自己就係自選餸菜，湯底同面，貪新鮮嘅我見到青二荊條湯就二話不說即刻嚟試吓啦，新嘢最啱我! 結果個湯底比我想像中辣，要即刻嗌嘢飲嚟降吓火，建議唔食得辣嘅人千祈唔好嗌！佢個樣望落可能因為冇紅油又冇紅色辣椒，所以睇落好温和唔辣咁，但千祈唔好睇小佢，我已經叫最小辣度，但我覺得係辣過譚仔二小不過個湯底都好香，鍾意辣嘅人絕對值得一試…查看更多

從未試過冒菜，但一聽到呢個名及店舖用上紅色火辣辣的裝修就知道是吃四川麻辣！見到港九都有數間分店，就試下離港鐵站最近的上環店！（基本上一出過條馬路就到，而且有Lift直達，樓梯都路洗行）Menu清晰，像麻辣燙一樣喜歡點什麼餸都可以！它分別有3個套餐，分別就在於要幾多個餸！今次我就選擇了6餸再加麵底！因為見到隔離枱大大碗怕食唔曬。惹味杏鮑菇冷盤，麻辣味小重，不過是開胃款式湯底是精粹：食得辣的我點了重慶麻辣湯，可選辣度！今次選了小辣，但麻辣的刺激感在口腔中蔓延；而麻中帶辣，辣中帶香，是重口味人士之選。好刺激！相反，朋友吃不了辣，則選了養生白胡椒湯！雖然沒有辣味刺激，但胡椒濃郁又不搶喉，好有層次的湯底，不會太單調。都推薦！至於配料方面特別推介：潮汕手搥牛丸：彈牙，好有牛味潮汕蒜香都墨魚丸滑牛肉：有咬口有牛味，是新鮮牛肉製成牛黃喉：口感超級爽脆，咬落「嘎吱」酸梅青檸烏龍茶:一飲好酸好青檸，好提神；酸甜平衡恰到好處，帶來清新的口感，解油膩又醒胃！洛神花山楂蘋果:山楂的微酸增添了層次感，好清甜！柱花蜜烏梅冰粉：清爽可口，冰粉的滑嫩搭配烏梅的酸甜，讓人感到無比清新，尤其是吃完辛辣後，可以消除口腔的麻痺感覺。…查看更多

冒喜搬舖之後地方大咗唔少，午市終於唔洗排長龍啦👍🏻今次揀咗任選六款食材嘅吉祥套餐（$66），食材揀咗潮汕牛肉丸、芝士腸、滑雞片、鴨血（+$5）、蓮藕片、蒿荀配火鍋麵，重慶麻辣湯（小辣）。食材份量俾得好大方，唔會得一片兩片，食到最後都有餸送麵，我直頭覺得六餸餐餸仲多過麵😂 重慶麻辣湯香辣惹味，同火鍋麵係絕配，索湯得嚟又唔會浸到個麵淋晒，呢點好緊要，因為碗麵又辣又熱你唔會食得好快😂 提提大家，紅油係冒菜嘅靈魂，所以冒菜本身就係好油、偏濃味，唔建議飲埋個湯底啦。…查看更多

雖然天氣真係好熱，但都無阻我食辣嘢嘅決心，今次黎到上環岩岩搬咗新舖嘅冒喜，一上到去地方超大，就咁粗略數過應該都有差唔多成一百個座位，枱與枱之間闊落，唔會話好似其他餐廳咁樣枱貼枱，有返啲私隱度，而佢地有低層專屬電梯，我相信星期一至五lunch呢啲繁忙時間就唔使再等幾轉𨋢先上到去啦。雖然喺上環，但啲價錢都好公道，4餸$58，6餸$66，8餸就$72，難得一齊嚟到，梗係食個8餸啦，我地分別嗌咗：1）8餸八寶套餐（潮汕手搥牛肉丸、潮汕蒜香墨魚丸、豬大腸、貴州丁家脆哨、牛黃喉、毛肚、鴨血、滑牛肉） ⭐️⭐️⭐️⭐️⭐️/⭐️⭐️⭐️⭐️⭐️2） 4餸銅錢套餐（潮汕蒜香墨魚丸、海帶、毛肚、豆皮） ⭐️⭐️⭐️⭐️⭐️/⭐️⭐️⭐️⭐️⭐️3） 藤椒魚皮 ⭐️⭐️⭐️⭐️⭐️/⭐️⭐️⭐️⭐️⭐️呢間嘢真係無論味道同環境都非常啱我哋口味，特別推介潮汕蒜香墨魚丸同潮汕手搥牛肉丸，真係完勝出面99%嘅丸，另外亦都有好多小眾嘅食物，例如貴州丁家脆哨、海帶同魚皮等等，真係食食下都要share俾啲fd知呢間嘢好好味🤤。最後賣單$248食到非常津津有味，又唔使加一，又坐得舒服，真係就黎講到呢間嘢無缺點🤣但確實係真係可以一去再去嘅餐廳，唯一一樣嘢就係如果有提供一次性嘅圍裙就更加好啦🫶🏻就唔使怕啲湯汁會彈到件衫😂…查看更多

冒喜本身響香港已經有四間分店，食飯時間成日都大排長龍，新開呢一間響上環空間好大好寬敞，目測差唔多有100個座位，雖然佢係樓上舖，但係有專屬嘅電梯，就算繁忙嘅時候都唔使等𨋢🤩佢有得自選想要乜嘢食材，但係如果唔想煩嘅話佢都已經有四個套餐，咁有選擇困難嘅我，點咗一個毛血王套餐，有毛桃、鴨血、午餐肉、萵筍同埋娃娃菜，再加上佢哋秘製香辣湯底（可以選擇辣度）朋友就叫咗個八寶套餐刀削麵，刀削麵姨姨煙韌韌，好肉咬口，八寶套餐八個餸，適合晒三心兩意乜都想試，又大食嘅朋友仔👍🏻餐廳有自家出嘅洛神花山楂蘋果同埋酸辣青檸烏龍茶，山楂蘋果，酸酸甜甜好開胃，超級推介👍🏻佢仲有五款自家小食，今晚試左🐟秘製藤椒魚皮🐟，辣到適中，魚皮爽口彈牙，超級好食，真心推介，一定要試！…查看更多