円相

營業中

休息中

呢間店裝修同擺設都好有風格,仲要有印有店名既杯,水杯超靚,流線型。野食都好特別,其他日式店比較少見。我叫左一碟炸蝦,好岩送酒。刺身甜蝦就食得多,炸甜蝦真係少食,好惹味,食唔停口,可以連頭食添。另外叫左磯煮鮑魚,煮法特別,中意醬汁既味道。甜品係梅酒JELLY,裡面好多梅,好正,同埋好抵食。室外有D坐位,岩中意食煙既人出去放下風。呢間店仲有好多特色既小食,同埋開到比較晚,岩飲酒吹水食小食。重點係小食係其他地方食唔到。

-円相-@尖沙咀.餐廳牆身貼了不同音樂海報，開放式吧枱加上極簡約嘅設計，成個氣氛都好relax。特別想讚一下當晚餐廳播的都是超合我口味的偏重型音樂，餐廳仲特意校到音量比較細，唔會影響到食客傾計。.啤酒同埋清酒嘅款式好多，食物選擇都算多，而今次點的每道菜嘅水準好高。.蝦沙柚子轉 ($52)大蝦柚子沙律，食材新鮮，爽口嘅大蝦，加上微酸的西柚粒同醬汁，食落好清新開胃。.芝麻雞翼 ($58)雞翼炸得好香口，外皮酥香，雞肉醃得好入味，肉質細嫩。.蒜香厚切牛舌芯串 ($68)牛舌都算厚身，牛味唔算好濃，肉質爽口結實。.火炙明太子山藥煎 ($92)本身好鍾意食淮山，所以超推介哩一道菜。淮山燒香後咬落依然爽口。.上面鋪了明太子醬同三文魚粒，令口感同味道都好多層次。.西京燒三文魚 ($108)三文魚燒得剛好，保持一點半生熟狀態。.西京燒的調味唔會太甜，外層燒香過後更帶出三文魚嘅鮮味。.蒜香牛柳粒黑醬油炒飯 ($118)一上枱就聞到好香嘅醬油炒飯味，擺盤好簡單吸引。.炒飯粒粒分明，醬油平均沾到飯粒上。蒜香牛柳粒肉質軟嫩，拌埋蔥粒同蛋黃更為提味。.白桃梳打 ($48)好易入口的一杯飲品，唔會太甜。.Medl

今日嚟到尖沙咀搵食我同另一半都係鍾情於日式餐廳喺門口俾佢哋嘅裝修吸引咗入去我地點左自選燒鳥串～可以揀三款雞既串燒不能三串都同款（兩串是可以啦）我哋揀咗兩串月見汁免治雞肉捧串同埋一串邪惡得來，而係我喜歡嘅炸雞皮日文中的「月見」係賞月的意思喺醬汁上面加上生雞蛋就好似見到天上嘅明月一樣當我曾經試過一次之後每次見到有呢個食品都必會order😊而且重要唔Share得要一人一串啦😂😂蒜香牛柳粒黑醬油炒飯一碟炒飯嘅牛肉粒，估唔到係咁多配上黑醬油炒～非常之惹味 明太子燒飯團建議一上枱盡快食熱辣辣～明太子微微辣～ 好味蒜味鹽燒豚腩肉串好厚好有口感～燒得入味又juicy另一樣我最愛既係燒油甘魚鮫 燒到皮脆但入面都係好juicy而且魚肉嫩滑～如果唔係要渣車配一杯啤酒就一流了食物質素非常不錯很滿足的一餐

我自細就好怕啲燈光好昏暗嘅居酒屋，彷彿入到去都食得唔舒服，所以我好鍾意呢度嘅環境，感覺上燈光充足，而且空間寬闊。佢呢度嘅曾設好得意，見到黑膠唱片同結他，似乎係用懷舊音樂做主題，用柔和嘅燈光更加襯托出呢度嘅氣氛，令人渡過一個放鬆的晚上。我更加鍾意佢呢度嘅侍應，做事不慌不忙，適當嘅時候過嚟斟水，但係同時唔會打攪我哋。我哋叫咗四味菜。火焰明太子蓉山藥煎：本身預計淮山會滑潺潺，但係煎落竟然幾爽口，好似食緊沙葛咁樣，配上彈牙嘅明太子，少少辛口之餘，更加能夠為底下淡口嘅淮山吊味。雞肉串燒三：我哋揀咗雞腎、日本雞肉，同埋月見汁免治雞肉棒串，我覺得呢度嘅串燒質素十分之高，佢燒完之後仲有肉汁，雞肉棒村裏面嘅雞軟骨增加口感，日本雞肉就略嫌佢調味不足，如果加少少胡椒嘅話會更加好味。雞腎都切到好大舊，令人滿足。明太子蟹籽蝦冷烏冬：我原本會以為佢好 creamy ，好似卡邦尼意粉咁樣，點知食落都幾清新，有少少柚子香味，而且蝦肉彈牙爽口。佢跑咗少少只洋蔥絲喺面，令人食落冇覺得咁飽滯。烏冬質感比較硬，似乎係走al dente風格。西京燒三文魚：我個人嚟講食三文魚，唔喜歡全熟，如果中間仲有少少軟滑嘅質感會比較好，雖然

朋友推介嘅一間日式小店，位於尖沙咀漆咸圍，算得上旺中帶靜。餐廳有唔少日系佈置裝飾，感覺舒適。餐牌選擇頗多，除咗有主打嘅燒物，仲有小食、沙律、烏冬、冷麵、炒飯同多款酒類飲品。燒雞串燒拼盤 （$98）- 可選三份燒雞串燒，我哋點手打免治雞肉棒兩份及雞腎。睇賣相已經夠晒吸引，免治雞肉棒夠晒入味，點埋蛋漿，味道好正。雞腎亦燒得香口，入口爽脆。明太子日式燒飯團（$46@）- 呢個絕對係必食推介，飯團燒得好香，熱辣辣，帶少少飯蕉味。配搭面頭嘅明太子，令到質感同味道都好豐富。真花魚一夜干（$108）- 份量相當大，燒得好香，入口肉質鮮嫩，鍾意食魚嘅朋友唔好錯過。明太子玉子燒（$72）- 玉子燒得香口，好有蛋味，配搭面頭嘅明太子同埋木魚，味道好有層次感。日式炸雞（$86）- 炸得香脆可口，雞肉保持雞肉嫩滑，點埋醬汁，啱晒送酒飲。蒜片牛肉粒（$96）- 呢個份量亦都相當多，牛肉大大粒，配埋蒜片，都幾惹味。自家製蕨餅（$52）- 呢個超有驚喜，蕨餅入口煙靭，抹茶味道濃郁，配埋紅豆同黑蜜，中和左抹茶嘅苦澀味，味道一流。小店食物質素唔錯，環境亦舒服好坐，適合同朋友聚餐飲嘢

有朋友好鍾意搵香港啲新開嘅居酒屋，今次俾佢搵到呢一間，入到去嘅時候成個感覺好年輕有活力，店員都好似好好朋友咁樣，好似係大家一齊經營住一件事咁樣。 本身以為都係食串燒或者sushi，點知呢一度都有幾多佢哋自己自家嘅fusion菜。味噌煮牛肋肉($88): today’s special，牛肋肉炆得好淋，而且配菜嘅紅蘿蔔都好甜，味道都算不過不失，而且份量兩個人食來講都算唔錯嘅。酸冷麵超人($92): 呢一個都係自己一見到餐牌就想點嘅食物，完全冇諗過可以將冷麵汁加入啤酒。食落去用冷麵點啤酒先，仲會感受到有少少碳酸嘅感覺，幾得意。而且啤酒同本身嘅冷麵汁都幾夾。明太子燒飯團($46): 自己好鍾意飯焦，所以見到有燒飯團嘅，都會第一時間嗌，明太子同醬油燒飯團真係好夾，唔怪得知好多居酒屋都會有，呢間就略嫌以自己嘅standard來講，自己覺得可以再燒脆少少，食落去就會有脆卜卜嘅感覺一流。七味炒日式魚板($52): 魚板嘅意思其實好似我哋食拉麵個d魚蛋片，佢哋用上好多嘅洋蔥去炒香佢，我相信七味粉嘅功勞絕對唔少。日本雞腎($38): 味道算正常，不過不失。蒜味鹽燒日本豚腩串($48): 選材有心機，真係

Thu 2 Nov 2023 晴尖嘴 漆咸圍 周圍通街都係小店，汰弱留強 眼花撩亂。我希望呢間 円相 可以長做長有。成間舖由外到內嘅裝修好有心思，就算喺對面街見到鋪面已經進入 家鄉、居酒、有心小店、精緻…… 嘅狀態。雖然佢主打係清酒，但係佢嘅食物一樣係超高水準。清酒品種目不暇給，酒牌非常有心機 舉細無遺 介紹每一支清酒，一定滿足到所有 初 低 中 高 級 飲家。唔使怕羞，唔識就問。佢哋幫你揀埋，冇問題。炸一口芝士。應該係 Camembert，小鹹 creamy smooth 香口。餸酒一流。唐揚豆腐。清香嘅豆腐味 多汁。適合烈酒後清吓味蕾。玉子燒。make to order，配料豐富。好食。火炙明太子山藥燒。好食。串燒都好出色，個串燒雞皮食到停唔到口。燒飯團。好出色。好可惜 眼闊肚窄。食唔到甜品，下次一定會試。

今日放工有空去咗呢間佐敦附近嘅居酒屋。店內嘅環境好似日本風，好靚同有氣氛，背景音樂都幾輕快，令我放鬆咗好多。佢哋啤酒同清酒存貨好多，好多款式揀。先嚐咗啲開胃小食，香脆甜蝦，蝦味好濃郁，口感都幾好，唔算好特別，但仲算可以接受。然後，試咗三款特色啤酒，可以自己揀。店員好細心咁解釋點樣飲用同唔同嘅味道，其中最驚喜嘅係黑啤，有朱古力同辣味，好特別。仲有佢哋嘅皇后炒飯，有蒜香同濃郁嘅牛味。唔得唔提嘅係佢哋嘅免治雞肉串燒，廚師處理得好啱啱好，肉質剛剛好，配搭埋月見汁，好適合中秋節主題，雞肉串外脆內嫩，每一口都有美味嘅雞肉汁，雞軟骨都好香脆，真係食出廚師嘅功夫。炸雞同一般居酒屋差唔多，但最出色嘅係柚子醬，有柚子皮同蔥嘅香氣，味道好豐富，值得一試。主食就叫咗個：和風溫泉蛋拌飯🤪最後仲有個甜點：自家製綠茶蕨餅伴紅豆😜總括而言，我好推薦呢間居酒屋比情侶同朋友聚會。店員都好有禮貌，呢種服務好難得。

跟闺蜜逛街，走到佐敦的一条小街上，看到一家颇有文青气息的食店，名叫円相，会念这个字吗?字典上念源，但香港人习惯讀yen，就是日元的意思。万圣节过后，还没拆除装饰，看见里面有书，有吉他，还有酒的装饰，想到詩书趁年华，就走了进去， 享受一个文青的午餐。午餐是典型的东瀛风味，豚肉生姜烧，温泉蛋味素饭，和風炒牛肉，堅魚湯乌东，還有前菜茄子，麵豉汤。闺蜜喊著肚子餓極了，所以又点了一条真花魚🐠一夜干，明太子玉子烧，🧈还有一个开胃的，虾沙柚子转。柚子沙律漂亮又好吃，很开胃，最重要的是柚子醋，味道调的很好。明太子玉子烧，粉红鮮黃一大卷，蛋香味十足，大口大口的吃很满足。烤鱼又是另一道美味，一大条花鱼，烤的外香內嫩，沾点柠檬汁和萝卜酱油，鲜美无比，齒頰留香。两个午餐套餐也非常精致，温泉蛋味素饭既漂亮又好吃，闺蜜吃了一大碗，说了几次赞👍👍，牛肉🐮和猪肉🐷份量很大，吃得我们饱饱的。这小店的姐姐👩‍🔬服务热情周到，给我们介绍食物，走的时候还认真的教我们怎么去地铁站。在这里吃饭，真的很舒服，还有一大优点，就是这里的蔬菜份量很足够，所以很健康，吃得开心又放心。😘😘

香港人鍾意日本野食都係不爭嘅事實，呢間主打日式料理、串燒嘅居酒屋，裏面嘅裝修耳目係為主，不過多咗好多關於音樂嘅元素，例如有好多CD、樂器作為裝飾品，而且見到舖頭門口有宣傳好多Concert既海報。環境來講，雖然佢唔係好大間，但係整體都好舒服，而且仲有吧枱，如果想飲杯啤酒，同Bartender傾吓偈都幾好。同朋友兩個人試咗佢幾款小食，同埋串燒：。酒盜芝士：用咗少少鹹蝦醬，非常有趣。柚子胡椒雞軟骨。厚切牛舌芯。免治雞肉棒。牛柳粒醬油炒飯整體食物質素都幾好，最緊要係每一款都即煮即燒，熱辣辣夠晒新鮮，味道上偏濃郁，重味啲。最後加杯咖啡配個抹茶紅豆缺餅，chill住坐咗一個下午，根本上呢間餐廳食物種類都幾多，咖啡、啤酒都有齊，同朋友聚會，應該都好容易滿足到每一個人既喜好。

餐廳有好多日本菜式，我今次就叫咗和風炸餃子、蒜味鹽燒日本䐁腩串、明太子玉子燒、醬油湯烏冬、白桃梳打同芝麻雞翼😛首先係和風炸餃子，佢係用日本風味包裝嘅餃子，外皮炸得香脆，入面有多汁嘅肉餡同埋日本嘅調味料，真係好好食㗎！蒜味鹽燒日本䐁腩串係另一個必試嘅菜式，串燒嘅䐁腩烤得恰到好處，每啖都飽滿多汁。明太子玉子燒係用明太子同煎蛋糊烤製而成，口感香軟！醬油湯烏冬用上醬油湯底同煮熟嘅烏冬。呢個湯麵好適合喺寒冷天氣嘅時候食，暖身又滋味！白桃梳打係一杯清新嘅汽水飲品，入面有白桃嘅香甜味道，非常解渴同開胃。最後，仲有芝麻雞翼！佢係用香煎嘅雞翼，再撒上芝麻同其他調味料，燒烤至金黃色，真係唔錯！

哩間新開居酒屋堅有驚喜，食物質素高，有多款唔同種類既酒水供應，好岩同朋友黎小聚一下，氣氛幾好。我地見到哩款好有趣既飲品，第一眼係比佢個名吸引左，叫芒果糯米糍普洱茶菌，斟出黎就見到充滿氣泡，而且係天然既，係含有豐富益生菌既健康飲品。飲落酸酸甜甜，有種獨突既發酵味道，好得意! 另外仲試左款芒果酒，好似飲芒果汁咁，香甜好易入口。哩度d小食前菜好好味，今晚叫既兩款都係必點! 哩個綿密鮟鱇魚肝入口綿滑細嫩，味道鮮美，有d似食緊鵝肝既感覺。超中意火炙明太子容山藥煎😍本人係山藥同明太子fans, 佢竟然將兩樣野結合仲要非常之夾，山藥既爽甜同埋滿滿咸香辣既明太子，再加上微甜醬汁，人間極品♥️串燒哩度都拿手, 蔥花牛肋肉串滿滿蔥花，牛肋肉嫩口彈牙，月見汁免治雞肉棒串蛋汁濃香，雞肉棒有粒粒軟骨口感，面頭層燒汁好香甜，出色👍🏻喜之次一夜干喜之次比比平時食開既花魚更有鮮味，肉依然細嫩，表面有焦香，鮮美😋蒜香牛柳粒黑醬油炒飯，牛粒都落得重手份量多，醬油味重而不會過咸，重點係牛粒d油脂同味道都炒到入哂味😋

円相地點雖然唔算好近地鐵站，但個人覺得都幾值得行多幾步腳黎幫襯既日式居酒屋🤪唐揚豆腐外面脆脆地，咬開入面豆腐就好滑👍🏻 仲有好大量既蘿蔔蓉、蔥同木魚絲，令到整體唔覺油膩～柚子胡椒雞軟骨雞軟骨炸得好香口，啲醬唔夠可以再添🤩火炙明太子山藥煎本身黎之前都諗住一定要嗌佢，果然味道不負所望🤩 山藥好爽口，加埋一舊舊既明太子口感勁彈牙，同埋山藥本身都係唔重味，加左明太子之後就好惹味！蒜片牛柳粒牛柳粒好軟淋淋同juicy，蒜片都炸得好好，仲有大量既洋蔥，夾埋一齊好好味！明太子玉子燒玉子燒煎得好好，金黃色又軟熟，仲有明太子既少少辣味🤪日式漬茄子茄子煮得好淋同入曬味👍🏻牛油蒜蓉炒雜菜好香牛油味，又有香菇、白菜、蘿蔔絲，份量仲要好大碟！龜泉- 小夏 柑橘酒好易入口，好開心有得就咁叫細細杯過下口癮🤪柚子梳打見到drinks menu好多酒既選擇，下次再黎既時候要再試下😎

淺間之乳酪酒 90ml (5勺) $88 / 750ml (4合) $560真係有好香嘅乳酪味 酸酸甜甜好易入口，酒精5% 飲多咗都唔會咁易醉，難怪大受日本妹子歡迎唐揚甜蝦 $98每隻甜蝦都炸得酥香 連蝦頭都可以食埋自選串燒(任選3款) $98佢地唔可以3串都揀同一款，不過有句英文特別mention：Ｍax 2 options can be repeated🥰🥰雞皮 x 1 + 免治雞肉棒 x 2雞皮炸得香脆 下酒之選，免治雞肉烤得香口 香甜月見汁 沾上蛋黃令雞肉更滑蒜香厚切牛舌芯串 $68軟腍又夠彈牙爽口 牛味十足火灸明太子山藥煎 $92山藥煎得半粉爽 再放上明太子醬同明太子小方粒 火槍烤香，口感層次豐富，第一次食呢個配搭👍🏻明太子燒飯團 @$46飯團表面烤得微微焦香 外脆內軟，明太子微微辛又唔會太鹹自家製抹茶蕨餅併紅豆 $52蕨餅表面沾了一層濃濃的抹茶醬 滿滿甘香 分別配合香甜既紅豆or黑糖享用 會有唔同效果*日式木系裝修 坐得好舒服*有好多款手工啤酒同日本酒提供*店員好細心 會主動幫我地加水

今日同媽咪係尖沙咀行完街經過韓國街附近一條小巷見到呢間居酒屋 門口裝修好別緻所以就同媽咪入咗去試下點左幾樣野食 蟹籽蟹柳玉子燒上枱時熱辣辣 咬落去好juicy好滑蛋上面嘅蟹籽同蟹柳多到滿瀉切開都有5-6件係高質既玉子燒吉列炸蝦表面炸得很鬆脆即使食到尾聲擺耐左 都仍然好脆配上蛋黃醬 很滋味係好適合配啤酒既小食大推介！大蝦明太子蟹籽冷烏冬明太子醬包住每一條讚岐烏冬烏冬夠凍 又夠煙韌明太子味道濃郁 再撈埋蟹籽一齊食超級滿足～而且有生洋蔥絲 微微辣令成個烏冬冇咁膩鰻魚飯鰻魚大塊厚實 香口醬汁濃郁 飯面除左已淋上醬汁仲有味素和紫菜 伴埋一齊食 味道好豐富份量亦十分足夠免治雞肉串配蛋醬汁雞肉串混有少少軟骨口質不錯 亦燒得惹味配上蛋黃醬油 味道再升一個層次甜品叫左紅豆鯛魚燒上枱時熱辣辣 裏面紅豆餡甜度適中2個人share 岩岩好 店員好有禮貌亦非常有耐性不停幫我地加水見我地食完既碟亦好快收拾很愉快既用餐體驗