影片
電話號碼
27929966
開飯介紹
位於西貢市集的海鮮酒家，您可以自帶海鮮到餐廳，由廚師為您烹煮海鮮菜式。招牌菜有脆皮風沙雞，須預訂。
繼續閱讀
獎項殊榮
米芝蓮一星餐廳 (2015-25)
附加資料
米芝蓮一星餐廳
營業時間
今日營業
11:00 - 22:30
星期一至日
11:00 - 22:30
以上資料只供參考, 請與餐廳確認詳情
相關文章
原來西貢有一間咁癮世嘅米芝蓮海鮮料理，真係熟客帶路先知，高質！餐廳裝修係一貫木系佈置，地方寬敞，同時間可以容納好多朋友一齊用餐，真係良朋寬聚最高享受。西貢的海鮮一直是我心頭好，今天我和朋友們來到了「六福菜館」，忍不住期待即將品嚐的美味。椒鹽奇脆豆腐金黃色的豆腐外皮酥脆，內裡卻仍保持著柔滑的口感。椒鹽的調味恰到好處，帶有輕微的香辣，非常開胃。椒鹽焗大連鮮鮑魚賣相令人垂涎，新鮮好巨型，鮮味無比，鮑魚的質素極佳，味超級濃郁，口感帶點煙靭味道鮮香，肉有彈性味道甘香。口感爽口又彈牙，配上蒜香，夠晒惹味，肉質鮮嫩，外脆內軟，新鮮健康又好食，搭配椒鹽的香氣更是絕配。藥膳辣酒煮花螺花螺的味道特別，辣酒的香氣與藥膳的風味，感受到濃濃的東方情懷。花螺的鮮甜在湯汁中更顯突出，入口多汁軟腍，沾上辣酒汁夠晒滋味，藥膳香味十足，更加有口感，讓人意猶未盡。客家鹹菜木耳炆腩仔 炆腩仔豐厚的脂肪，肉身肥美，口感豐富。鹹菜木耳好香脆，腩仔肉細滑鮮嫩，能夠帶出肉嘅鮮味。口感層次分明，腩肉的肥而不膩，鹹菜木耳的搭配增加了脆感，讓整道菜色香味俱全。西貢艇仔蒸飯我係飯桶一定要食飯，艇仔蒸飯鮮甜，口感佳。米飯吸收了海鮮的鮮美，粒粒分明，充滿海味的香味，香氣四溢。再加上美味臘腸，幾飽都食到多一碗。熱辣辣味道鮮香，味道非常夾，中和油膩感，超級美味。食完飯飲返一杯熱茶就最啱，相當出色，完美！
繼續閱讀
來到西貢街這間「六福菜館」吃中菜必定會令你印象深刻，回味無窮，念念不忘佢嘅美味。能夠連續16年取得米芝蓮一星當然都係非同凡響，但佢嘅菜式味道絕對能夠打動你，衷心覺得係實至名歸！頭盤有芥末雲耳，芥末醬汁恰到好處，雲耳爽口，清新開胃～表面灑上脆皮豆腐看似平平無奇，實在很考功夫，表面灑上椒鹽，薄薄嘅脆皮包住軟腍嘅豆腐，好吃必試！海鮮炒飯好耐冇食過咁美味嘅炒飯～材料和炒飯嘅比例均稱，用料豐富，極多海鮮粒，米飯炒得粒粒分明，但又唔會乾身！😋辣洒花甲酒香撲鼻～麻辣香辣融為一體，每隻花甲都滲滿辣酒。店員貼心介紹唔食得辣可以轉油鹽水～❣️席間仲點了鮮果沙冰😄芒果沙冰，西瓜沙冰 食粵菜同時可以飲沙冰消消暑，絕對係雙重享受。沙冰即叫即做，大大杯真材實料冇加糖水～椒鹽鮑魚 鮑魚鮮嫩軟腍又彈牙，用椒鹽爆炒香氣十足，淡淡滋味！天婦羅桶蠔生菜包超大隻肥美飽滿嘅桶蠔，用天婦羅方法炮製，味道真係無可挑剔！鮮味嘅桶蠔配上酥脆嘅外皮，另配爽脆嘅生菜，各人都讚不絕口！😋欖角蜜糖骨排骨肥瘦適中，脆炸之後加入欖角蜜糖芡，排骨好入味，好吃有鑊氣，喜歡欖角骨嘅朋友必點！西蘭花炒帶子帶子厚肉鮮甜，輕盈嘅玻璃芡汁功夫講究。蟶子煎米粉蟶子本身非常鮮甜美味，時間煮得啱啱好唔會靭，米粉吸滿炒蟶子嘅精華👍🏻😋👍🏻經理好好人，仲送咗泰式甜品俾我哋😍香濃椰子味嘅大菜糕，清熱消暑。
繼續閱讀
喜歡跟朋友上山下海，每個月總會到西貢一次，這家米芝蓮一星餐廳，從2015年 到2025年一直受到食客的喜愛，經常期待品嚐他們的招牌菜。餐廳的環境非常舒適，簡約而不失雅致。裝潢以木質為主，搭配柔和的燈光，感受西貢美麗海港的放鬆。西貢地道魚湯 趁熱飲湯，湯色清澈透亮，濃湯的味道以鮮香為主，喝上一口，湯汁滑順，舌尖會伴隨著魚湯的鮮香，味道絕佳，湯底鮮味，成為餐廳的招牌之一，值得每位食客一試！米湯低溫慢煮元貝米湯都幾特別，精緻的湯底以大米熬製而成，清甜而不膩。湯色呈現淡淡的乳白色，散發著米香和海鮮的鮮味，元貝經過低溫慢煮，口感非常滑嫩，肉質彈牙，保留了海鮮的鮮甜。恰到好處的火候令其不失原有的風味，回味無窮。野生海斑龍吐珠-碧綠炒斑球-鹽酥骨腩野生海斑可遇不可求，碧綠炒斑球色彩鮮豔，新鮮斑球的質感嫩滑且富有彈性，肉質纖維較細，吃起來口感非常柔和。可口魚皮部份富含膠原蛋白，吃起來完全不油膩，口感非常細膩。不過火，味道口感頗好，每一口都能品嚐到魚肉的鮮甜，令人陶醉。以野生海斑作鹽酥骨腩，炸到卜卜脆，鹽酥骨腩外皮炸得金黃酥脆，咬下去時發出清脆的聲音，內裡肉質鮮嫩，非常入味，讓人忍不住多吃幾塊。西貢艇仔蒸飯色香味俱全的經典蒸飯，米粒飽滿晶瑩，散發著米香，搭配各種海鮮和配料，垂涎欲滴。蒸熟後的飯粒鬆軟，吸收了海鮮的鮮味，搭配咸鮮海味讓整體風味更加升華，特色西貢地道風味，一種文化的體現，實在不容錯過！
繼續閱讀
講起米芝蓮食肆都有好多選擇性美食，首選一定會係海鮮，原因好簡單除了食到海鮮嘅鮮味之餘，仲可以睇到廚師廚技，再次提升食材層次感，今次又到咗西貢碼頭呢條海鮮街品嚐一餐海鮮盛宴目標餐室當然係連續多年獲得米芝蓮一星六福菜館，係西貢區食海鮮應該數一數二嘅星級菜館，係餐單上除了有多款時令海鮮菜式，仲有其他獨特美食，可以俾大家一次過享受晒先來係必飲西貢地道魚湯$248，一入口已知魚湯用料十足，味道鮮到極點就不用說，而且口感好滑溜又滋潤，飲一碗真係未必夠喉美食逐一開始，再來係椒鹽焗大連鮮鮑魚，6隻$570連加工費$135，一定趁佢熱辣辣咁食焗得時間適中，肉質鮮軟之餘，size都有返咁上下份量，口感更豐富又惹味唔少得有自家招牌菜式椒鹽奇脆豆腐$120，睇落好似普普通通，但食落你會發覺香脆之餘，仲食到豆腐嘅滑溜質感輪到有藥膳辣酒煮花螺（例）小辣$298，上枱已聞到嗰浸藥膳味，表面上已見湯汁被花螺吸收晒精華，一邊食住花螺鮮甜肉質，仲可以試飲下藥膳湯味道有酒香又有藥材仲帶有少少辣味最後食埋呢個飯係西貢艇仔蒸飯$388，食完呢個飯後包你唔係到處食得到咁好味煲仔飯，材料夠豐富有銀魚仔、臘腸、蝦乾，乾魷魚等，配芫荽同蔥粒灑滿飯粒面上味道特別香，每啖飯都係吸收晒呢啲海味鹹鮮味，記得食之前撈埋一齊，不用放豉油等調味已食到真材實料超正蒸飯超滿足，咁又享受完一餐星級美食。
繼續閱讀
放假同朋友入去西貢搵食，一入大街就見到這間連續16年榮獲米芝蓮一星榮譽嘅六福菜館，餐廳分了三層，今次就上了三樓用餐，地方闊落，落單點菜就係由做齊功課嘅朋友負責第一個就係必食嘅西貢地道魚湯 ，是用每天從市場精挑細選的鮮魚熬製而成。師傅將魚肉與魚骨慢火熬煮，再隔渣過濾，只留下純粹濃厚的精華。配以蕃茄和馬鈴薯增添溫潤層次，入口即化、香氣四溢。最讓人驚喜的是濃濃魚味卻毫無腥氣。即使平常不愛魚湯的人，也很可能會被這碗湯打動。小食點了椒鹽奇脆豆腐，外層炸得金黃酥脆，每一件豆腐都均勻裹上香濃椒鹽，香氣撲鼻，完全不需額外蘸喼汁就已味道十足。一口咬下，外脆內嫩，熱騰騰的豆腐在口中化開，滑溜又香口，都是必食推介。海鮮就係椒鹽焗大連鮮鮑魚，選用厚實如掌、肉質細膩的大連鮑魚，經椒鹽焗煮方式烹調，外層微脆帶鹽香，襯托出鮑魚本身自然的鮮甜。鮑魚入口嫩滑，香氣層層分明，惹味之餘又不掩其鮮美，平衡度極高。還有米湯低溫慢煮元貝，以鹹香濃郁的米湯為基底，慢火細燉，讓鮮味全面滲入。元貝經低溫烹調，鎖住鮮甜，肉質緊緻卻柔嫩，入口即化，與米湯的醇厚風味交織出完美平衡。西貢艇仔蒸飯，用了魷魚乾、蝦乾、銀魚仔等食材加入蝦醬輕輕點綴，整鍋飯以蒸煮方式烹製，每粒飯都吸收了濃濃海味精華。蝦醬香氣細膩不搶味，反而讓鮮味更突出，一口接一口停不下來！豉油王炒麵，每根麵條都炒得分明爽口，乾爽不油膩，火喉拿捏恰到好處。灑上滿滿芝麻，瞬間香氣爆棚，口感更添層次！一口咬下，香、焦、脆交織，簡單卻令人回味無窮。今次去夠人多可選食物選擇款式較多，而人少少亦有抵食套餐，完全照顧不同愛吃人士需要
繼續閱讀