六榕仙館

營業中

休息中

真係非常方便佐敦站 a 出口真係五分鐘左右可以行到。非常好彩十二點左右去到有卡位 ，七蚊一位茶 ，店員立即 送上一碟辣椒醬 備用 ， 問過 原來 唔使加一。同朋友嚟 叫咗一碟齋滷味 另外一個 豉汁涼瓜鮮竹炒麵。我朋友話齋滷味算唔錯， 硬齋都合理唔算太硬。 我自己覺得 ok啦 ，一定好過一啲 普通 齋菜館 ，算有啲誠意嘅。我就比較欣賞 炒麵，因為 炒工幾好起碼脆脆香香，加多啲汁好好味，不過鮮竹嘅做法 同其他齋菜館有啲唔同，如果佢能夠將鮮竹嘅 品質提高啲香啲效果一定更加美味。佢哋有兩層， 不過老人家就多數揀下面，拍拖嘅可以上去。茶品叫做中等啦，第一巡可以但係第二巡真係冇曬味。街坊多，聽人講已經六十幾年歷史啦。

從外國來的朋友，想一試又近市區又地道的齋菜，小人即時想到此處。齋滷味是一的味道，麵筋之類撈酸酸甜甜的醬汁，那可以令人不快！所謂的五柳仙班，根本就只是一條炸芋頭魚！造型夠魚，炸得香口，雖好食但勁熱氣。咕嚕肉其實就是咕嚕炸腐皮，神隨是汁醬，茄汁是主場，喜見菠蘿更能突顯。素鹹魚雞粒炒飯，都不知那來鹹魚的香氣，卻竟然有假蛋？假蟹柳？全素是不是要全走呢？全無頭緒，摸不著頭腦，總之的是顏色斑斕，令人一再添欲！走老派齋菜的路線，可以一再追棒！

傳統齋菜鋪可以話係香港買少見少。呢間佐敦傳統齋菜小鋪，我同屋企人隔一兩年都會黎幫襯，除咗鍾意食佢呢到既齋滷味，呢到既手工小菜都味道唔錯，而且份量大碟👍🏻如果屋企有老人家都鍾意食下齋既不妨帶佢地黎。雖然鋪面地方唔大，座位都比較密同細，但就係呢種傳風味，令到屋企既老人家好歡喜。齋滷味份量都算多，足夠4-5人食。一碟有齊5-6款齋，除咁一般出面都有既酸齋、麵根、叉燒、腎等，仲有齋雞、齋鮑魚，煮得入味。齋燒鵝因為齋鴨賣哂，唯有試下齋燒鵝。齋鴨係平時一層層腐皮，煎到脆卜卜個隻。面呢隻齋鵝既口感就類似齋雞，用軟身d既豆皮做，加上少少類似五香既調味，雖然個皮麵會煎到脆脆地，但個人比較鍾意齋鴨個種千層腐皮既口感。不過隻鵝既份量都好多，好夠食。發海蒲團呢味傳統齋菜唔係到到都搵到，雖然做法看似簡單，但好好食！佢既似法係用一塊大腐皮包住裡面既百合同菇菌齋菜，再係上面鋪滿發菜。裡面煮菇菌個醬汁調味好好，食到菇既鮮味，加上有百合片，食落去好清新，又唔會太淡口。呢到雖然細，但好多傳統齋菜都有得食，而且份量ok，味道唔太濃，適合老人家食，臨走時仲見到隔離枱叫咗碟羅漢齋炒麵，好大碟好多料！下次一定要再試下😋

朋友知道我鐘意素食，所以推介呢間傳統老店比我，今日同老公經過所以即刻入去試吓，餐牌有幾個，花多眼亂選擇困難，所以揀咗呢個寫住新派素食嘅餐牌，唔係好肚餓，所以揀咗兩餸一湯少少哋試吓先服務員態度友善，笑容滿面，食咗食得開心啲記者1. 香薰炸脆皮鴨：上枱仲係熱辣辣嘅，賣相都唔錯，夠香唔夠脆都幾乾身，跟咗一碟酸酸甜甜嘅醬，點醬一齊食更加好味2. 法海蒲團：菜芯綑邊，腐皮包住好多料，入邊有黃耳、馬蹄、百合、雲耳、菇等等，面頭鋪滿咗唔少髪菜，呢度唔錯，老公話好好食3. 冬蓉蟹肉翅（有蛋）：賣相一般，味道比較清

好耐都冇食齋，趁着假期清一清腸胃，朋友推薦了幾間素食店，最後就試下呢間歷史悠久的老店，這家老店位於佐敦的懷舊素食店。這間餐廳食物味道和菜式也非常傳統，不是新潮素食餐廳，係古色齋店。餐廳有上下兩層, 枱唔算少，雖然光顧大部分都是上了年紀的人士，感受老式情懷。各種食品都萛很好，廚師供應的食物是熱騰騰，份量適中，消費一般中價，有好多舊菜色，質素水準略有參次，如果能夠儘量小些油……那就更加好，需然味道稍為參次，但合乎清淡原則。偶爾去食吓齋菜，感覺也不錯，對素食者來說，係一個好地方， 如果菜式上有蛋， 也會明確指出， 方便全素者識別。餐廳裡面有一個賣點心的位置，賣的點心都係傳統的點心和中式的餅，他們出品的中式餅，不是太多素食店會做到。馳名齋滷味 $40咖喱齋味道質感還可以, 齋叉燒口感偏硬, 醬汁都偏甜，不過不失。五柳仙班 $85其實係非常邪惡又熱氣嘅炸芋頭魚配酸甜汁！一條魚大約分成10件，每一件都係外層非常香脆，裏面嘅芋泥做到好細滑，芋頭控一定要試。六榕炒麵 $77師傅炒到啲麵脆卜卜，非常足鍋氣，鋪左好多餸在上面。炒桂花素翅（有蛋）$105呢個炒翅因為幾特別，湯翅食得多，原來炒都好好食，好香又

以前住在旺角經常來食嘅素菜館，很喜歡食粥同羅漢齋炒麵，酸齋夠味，裝修後第一次到坊，真的好漂亮，好光猛，好舒服，一家人坐低慢食嘅素菜館，素菜好多款色又特色，又好好味，

守齋日，不能吃熱血動物的肉 ....人在佐敦 , 行過路過「六榕仙館」就貢入去食個晚餐 ~南乳腐球荔芋飯：不論是腐竹球或是芋頭都煮得入味，芋頭夠腍仍未至於散，南乳汁香濃入味，夠水準 ~乾燒伊麵：即叫即炒，夠鑊氣，伊麵偏向 彈口，配料是冬菇、芽菜、甘筍絲， 個面煮得入味也不太鹹 ~有一個知識想講被大家知，其實虔誠天主教徒，每逢禮拜五都要守齋的；有一些兄弟姊妹在星期三、五都會守齌；在一些重要日子，更要守嚴齋 .... 多數間稱為「清水麵包齋」 ~本篇完 ~

中秋連假既最後一日, 同長輩們去佐敦行街~長輩想食齋, 搵左幾間餐廳, 最尾揀左呢間, 因為見佢門面好有傳統齋鋪feel 😂5點零鐘入坐 (個lunch 其實都未落曬格 😂) , 嗰陣餐廳未係好多人, 姐姐得閒推介下有咩好食😂 同埋啲餸都上得好快~首先叫左個 ❤️ 齋鹵味 ($40) ❤️仲特意叫姐姐唔要咁多咖哩齋, 要多啲酸齋 😂因為遲左影相, 所以已經比人夾走左 1,2舊 😂😂😂個齋幾好食~ 有我至愛既酸齋, 咖哩齋, 素叉燒, 素鮑魚…等.跟住就有 ❤️ 五柳仙班 ($85) ❤️啱啱炸起就拎過黎, 個皮幾鬆化, 好食!!加上, 有大大碟酸甜醬, 可以瘋狂點醬食芋頭魚, 勁開心!! 😂 最後, 仲有個 ❤️ 羅漢上齋 ($95) ❤️我覺得幾足料丫, 有唔同既菇菌類, 又有竹笙黃耳雪耳雲耳, 馬蹄髪菜等等 (好耐冇食過髪菜啦 😂).鐘意濃味既人可能會覺得佢有啲淡, 但我就覺得啱啱好~如果唔係本身飽飽地, 都好想試下出面啲酥餅 😍 下次如果再黎食想試下啲豆腐同蠔~整體黎講, 今餐都唔錯丫, 呢排日日大魚大肉, 食返清淡啲都幾好呀!!同埋呢間齋鋪, 有服務之餘冇加一 (姐姐話 初一十五先有),

友誼餐 $550好耐都冇食齋，趁着農曆十五清一清腸胃🥗蟹肉燴素翅(有蛋)🍲姐姐一拎上黎就幫我地分好一碗碗，完全影唔切相😂總共都分到6碗，素翅好爽口👍🏻羅漢上齋有雜菇、菜心、粟米芯、髮菜、馬蹄、雪耳，估唔到有黃耳係入面，但味道偏淡，適合老人家小朋友或者健康人士食。蜜豆鮮百合🫛味道都係偏淡，蜜豆整得好翠綠又好甜，配埋鮮百合係健康之選。翠塘豆腐(有蛋)🥚下面係蒸蛋白，上面有雜菇、素蟹柳、豆腐等，濕濕地撈飯一流🍚荔卷拼香煎腐皮卷本身係荔卷拼脆奶，不過同枱有人唔食奶，所以姐姐就幫我哋轉左香煎腐皮卷。兩樣煎完都冇乜油，又香口又夠脆，荔卷好香芋頭味食完都唔會滯。日式烏冬普通醬油炒日式烏冬，冇乜特別，但係好大碟一定夠飽。友誼餐本身包左以上六道菜，我哋另外仲叫咗酸齋，雖然唔算好大碟，不過每樣都有啲同埋味道都唔錯。

我耐唔耐都幫襯外賣齋加餸，食左好多年，幾個月時間個價就差成10蚊，通漲加價無所謂，但份量少得過份，到底睇個阿姐心情靚唔靚比多啲你定係你間店有標準答案，野食係唔錯，但價錢一啲都唔合理原本媽媽好喜歡食佐敦六榕仙館的齋鹵味，今日買完極之唔開心，40元買一盒齋鹵味，妳估有幾多份量呢？買完竟然得12塊酸齋及9塊齋鴨，當然我選擇要2款。但都唔係得咁少嘩❓離晒譜。真係攪到心情都差埋，真係要重新物色過好食又公道老實店舖

本身想去別的店, 明知十五齋期定必人多, 我卻忘了訂座, 唯有看看附近其他餐廳的情況, 基本上每間餐廳都有人龍, 只是看那一間比較快, 最後就試試這間歷史悠久的老店。前面人龍大約有幾張桌, 餐廳有上下兩層, 桌子不算少, 不久已經可以進入。餐廳只有基本裝潢, 另外十分環保, 幾乎沒有冷氣, 都是全靠風扇, 怕熱的朋友要多留意。馳名齋滷味 $40咖喱齋味道質感還可以, 齋叉燒口感偏硬, 醬汁也偏甜, 我只吃了一件就算了。我們點了一個三人餐, 包含一湯三菜 $350五柳仙班外皮不算很脆, 明顯芋頭很多堆得蠻實, 比起其他餐廳的比較容易飽肚, 而菜拿上來時都不是在最熱的狀態。羅漢上齋比較淡而無味, 正常冬菇都應該炆到入味狀態, 可惜這裡沒有, 菇味亦不重, 其他配菜也差不多, 我也只是吃了幾口就沒再吃了。菠蘿咕嚕肉味道倒是跟真咕嚕肉相似, 用麵筋煮成, 之前吃過用猴頭菇用合桃煮的, 相比之下這個沒有什麼驚喜與誠意, 而且吃到有非常輕微的辣味, 這個倒是怪怪的。金湯海皇翅都是偏淡味, 我們加了少許鹽大大提升了味道, 不過仍然只屬正常水平。整體是失望的, 因為畢竟歷史悠久的老店, 屹立多年應該是

我已經食了這間餐廳很多次了，因為這間餐廳的職員很友善，他們會主動同我地傾偈，職員的服務態度很好，他們會不停幫我哋加水。另外，這間餐廳嘅食物質素也很好，佢地啲齋嘅肉食落去唔似齋，我以為自己食緊肉，我知道唔係咁容易可以整到。依間餐廳嘅食物真係好好味，係我食過以來其中一間最好食嘅齋館，強烈推介！

六榕仙館係香港老字號齋舖。店員服務態度好好，有時仲會同食客傾2句，幾有人情味嘅食店。餐廳只接受大枱訂位 (例如6-8人)，我哋一行3人就要walk in等位。呢到嘅食物好夠熱，每碟食物都不停冒煙。錦鹵雲吞 (有蛋) ($85)薄脆口感香脆，酸甜汁嘅配料幾多，例如有番茄、菠蘿、草菇、燈籠椒、素雞、生根等。素蟹柳西蘭花 (有蛋) ($90)鮑魚雞絲粥 ($32/ 碗)羅漢炒麵 ($72)配料以菇類以主，加埋素雞、雲耳、粟米仔同甘筍。送: 紫米露

讚1 第一次幫襯既老字號 幾估唔到水準唔錯 素鴨真係鬆化果種。酸汁惹味 炒飯均勻 松子無膉味 蜜糖豆同百合都新鮮2 環境幾乾淨3 每人百幾銀 算抵食彈1 服務係真係有啲老舖feel 要忍一忍

復活節假期人流密集了，但疫情下部份店舖未開，到佐敦用膳，本來去澳牛，一條超長龍，只好放棄，適逢初十五，最後選定食齋菜，去了老牌素食店「六榕仙館」，點了羅漢齋$90元及豉椒腐竹飯$62元，羅漢齋有榆耳，比較少有，其餘金菇、腐竹、草菇等，整體容量較少，油份稍多，味道一般，不過不失，豉椒腐竹飯有些驚喜，份量很多，味道不錯，適合2人份量，結賬時收銀態度很惡劣，還被收銀叱喝，莫名其妙，如此待客實非一般，擾攘一輪成功結賬，連同茶錢加一結賬共$189元。此食評如實講述店鋪員工態度，被要求修改3次了！我只會寫事實，為何要唱好？