六本·虎居

營業中

休息中

聽聞北角開咗間新的日本餐廳六本·虎居餐廳麻雀雖小但五臟俱全無論任何一個菜式都是師傅精心製作的前菜先來● 煙燻鰹魚這個菜式為正餐日本料理打響頭炮亦是打卡之選震震煙燻的味道撲鼻鰹魚經過醃製不用點日本醬油都非常鮮味● 北海道帆立貝海膽多士 新鮮的帆立貝配上新鮮海膽當時香脆可口● 海膽魷魚卷新鮮的海膽配上魷魚特別的配搭非常美味如果想吃雞全族的就要試試這裏的串燒● 鹽燒雞翼● 鹽燒雞胸● 鹽燒雞腿肉● 鹽燒雞中翼● 鹽燒雞全翼● 紫蘇雞皮蝦卷● 鹽燒七里香這個是比較特別的一道菜色從來都不吃雞pat pat但想不到真的傳來七里香香味十足而其他的串燒有● 鹽燒銀鱈魚● 鹽燒白鱔● 豬肉露筍卷● 燒日本山藥● 鹽燒露筍● 鹽燒秋葵● 鹽燒日本銀杏● 牛油燒日本蕃薯● 鹽燒日本豆腐(京都之娟) ● 鹽燒墨魚香腸● 鹽燒廣島蠔和食● 燒原條午仔魚這條魚都非常可口● 清酒蒸真蠔這個蠔陪上酒非常鮮味清酒把蠔鮮味都迫了出來●這個燒蠔和清酒煮真蠔有點不同這個味道很香● 燒飯團(三文魚,明太子,梅子)這餐和四位一齊來吃得真滿足

自從五月尾開放限制令可以多人食飯之後, 於是乎需要幾個好朋友一齊去北角食 日本串燒同和食。朋友真係冇介紹錯, 雖然地方唔算好大, 但係啲嘢食都即叫即整, 如有家庭feel嘅感覺, 一開始我哋就用白桃酒浪下口清一清腸胃, 一嚟就食咗啲刺身同串燒, 個老細仲好有特色整咗個煙燻鰹魚非常好味又夠創意, 仲有個北海道帆立貝海膽多士, 海膽多肉個帆立貝又夠鮮味, 啲串燒又大大串又大份, 例如: 鹽燒雞翼, 鹽燒雞胸同雞腿肉, 紫蘇雞皮蝦捲, 鹽燒七里香, 鹽燒銀鱈魚, 豬肉露筍卷, 乾燒墨魚香腸同埋燃燒日本蠔, 超有口感果然別有一番風味, 另外和食方面更加試咗佢個燒原條午仔魚、 清酒蒸真蠔同埋呢個燒飯團, 飯團仲有三文魚, 明太子同梅子口味 供咁多位食客選擇！大家邊講邊食談論日常生活依間日本餐廳有氣氛之餘, 重頭有人情味, 我哋邊飲邊食, 老細仲會走埋嚟又同我哋互動談笑風生, 我哋四個真係捧住個肚再三回味咁返屋企！ 我哋幾個朋友已經約定下次再去食過...

放寬限聚令，餓左咁耐，食餐好既係一定的，點都要食好野🥰宜家可以晚飯正常人數聚會，今晚就約返個4人飯局，食個日本菜，朋友揀左北角新開的六本虎居相聚,試下呢間新的日本料理手勢。聽聞呢度新開無耐，麻雀雖小，但武藏俱全。餐廳內無論食物，菜式，師傅，都是精挑細選的。我們點了這裡推薦的好幾款必食菜式，首先前菜有煙燻鰹魚，北海道帆立貝海膽多士 同埋海膽魷魚卷。煙燻鰹魚的賣相帶煙，一揭開蓋煙霧彌漫，讓人眼前一亮，打卡必選。另外兩款就是海膽款式，絕對係海膽控必選，海膽魷魚卷的魷魚特別新鮮脆口，配上包住的海膽口感更有驚喜。北海道帆立貝分外新鮮，師傅重手，超足料海膽係面頭，好食到真係無得彈。試玩前菜，輪到主食，今次以串燒為主，串燒種類繁多，我們咩都想試，就咩都點D。鹽燒係其中一種燒肉手法，我們點了鹽燒雞翼，鹽燒雞胸，鹽燒雞腿肉，鹽燒雞中翼，鹽燒雞全翼，鹽燒七里香，鹽燒銀鱈魚，鹽燒白鱔，豬肉露筍卷，鹽燒墨魚香腸。特別講下七里香，咁大個女都係第一次食，平時絕對不吃雞patpat, 但今次真係想試下，燒得香脆得來，帶點鹹香，很神奇的感覺，沒有唸過會食到咁特別的燒烤。而其他烤肉也絕對能滿足鍾意燒烤的粉絲。食完燒肉，

今日嚟到炮台山同好朋友見面，隨意入咗間日本餐食Lunch，場內有種日本居酒屋感覺，店舖地方唔大，我哋坐係Bar枱，望住廚師做串燒，聽住勁有回憶嘅日文歌，感到好掛住日本喔！我哋叫咗一個燒鰻魚野菜薯餅便當和時日燒烏便當，串燒及鰻魚都係即叫即燒，望落都唔錯喎，好豐富，串燒就值得一讚，十分有水準，下次夜晚一定要嚟試吓，聽店員講，佢哋夜晚主要居酒屋形式，傳統六本木串燒，仲要每日返新鮮雞，不過見店員哥哥有啲忙，就無問太多喇，下次試吓先🤤🤤

今日同朋友做完運動，聽講炮台山附近有好多好嘢食專登過去後邊街尋找美食。其實都冇太大要求，只要飽肚價錢唔太貴就得。朋友見到呢間logo幾特別就話不如去試吓，然後我哋就入咗去呢間好細嘅日本居酒屋。入邊啲枱加埋五隻手指都數得晒，得一台人食緊嘢，然後就叫咗個牛脷便當，朋友叫咗個豬頸肉便當。見佢$88有牛脷，仲話有湯有甜品 咁都算合理。點知一上到嚟麵豉湯個碗正常size，但係啲湯得三份一，我以為人哋飲剩嘅。牛脷得兩串我都ok ，點知配菜方面蛋就得一舊，蕃茄就得兩片，唔講我以為蕃茄同蛋都加晒價！有樣嘢特別多，就係飯。仲有我爭啲睇唔到中間嗰舊仔原來係甜品🤣我食完牛脷，味道都算過得去，但係你個set咁樣真係值個價？朋友個豬頸肉食食吓已經話Cake住牙罅，好乾好柴。total得兩台人 4個人，燒幾嚿豬頸肉都可以燒到咁嘅質素都不得不佩服👍🏻不可一不可再 炮台山咁多餐廳 競爭咁大 祝佢好運

一向喜歡食日本料理🇯🇵禁堂食前曾到訪過，好喜歡呢刻嘅氣氛，出品更加係有驚喜。呢度鋪面細細但幾次weekend嚟都滿座。師傅係面前即場燒，環境充斥熱鬧交談聲、啤酒杯碰杯聲，好有睇日劇主角收工消遣feel👍🏽👍🏽新年後打算再去回味，但店員話暫時唔做堂食，保障店員同客人安全。係有d失望嘅…原本就係打算去relax下，不過疫情無辦法啦😫😫😫店員推薦左新嘅外賣menu。咁一場嚟到又無理由空手而回嘅，點知menu比我想像中唔同。除左平時有嘅燒鳥，都多左好多以前無嘅便當同外賣選擇，望落都幾豐富😍當日試左「A5和牛漢堡扒溫泉蛋便當」&「A5佐賀和牛御飯糰套餐」再加18蚊加一個「鮮蝦醬油櫻花蝦御飯糰」。價錢合理，相比過往堂食性價比更高更抵食💯至於品質我認為同相約價錢等級日餐嚟講，外賣真係好抵食👍🏽👍🏽👍🏽👍🏽之前又食過佢地嘅燒飯糰，宜家御飯糰套餐就唔係燒飯糰。欣賞佢調味做得唔錯，裡面都有一隻原整鮮蝦，雖然size不算十分大，以呢個價錢嚟講好合理👌🏽飯糰包裝亦做得幾好，叫多個飯糰方便留翻夜d食都無問題。便當🍱和牛漢堡好juicy，唔係cheap漢堡扒，煎到約7成熟，中間牛肉係紅色的。和牛漢堡其實無需要we

呢間居酒屋喺炮台山AIA Tower樓下,前身好似係一間拉麵店，今日冇得WFH就諗住落去買外賣食，行過經過見到佢外賣自取做緊九折優惠，就試下啦。佢有個自選Lunch Set，$108可以揀兩串肉再加上本身配嘅菜串燒總共有成四串嘢食，款式夠多，仲有麵豉湯前菜同泡芙，份量好豐富，我諗未必個個食得晒。味道方面我覺得都幾正宗兼好味道，等拎外賣嗰陣睇埋佢大餐牌，見到佢有雞冠雞patpat呢啲部位，好似好特別，但係我唔記得影相😂😂希望遲啲堂食開返可以同朋友再嚟試吓😛

啲野食太淡，完全唔夠味。份量亦太少， $368 喜之次 得兩隻手指咁細舊，打去詢問仲話係咁架啦牛肉烏冬都唔好食希望只係一次失手， 唔係對呢間野整度失望不會再食呢間野，亦不會推薦給其他人

夜晚9點幾已經食左晚飯但又有d意猶未盡 未想回家簡左呢間串燒小店 坐低傾下計食少少野入到去已經好有係日本街邊細細間居酒屋既感覺地方唔大但感覺親切簡左吧檯位坐望住哥哥整野食都別有一番趣味坐低後staff哥哥推介左好幾款清酒不過唔識飲既關係 都係嗌杯啤酒算成間店既氣氛都好好感覺到d staff都輕鬆愉快串燒質素好好下次會再幫襯

食物好新鮮，環境舒服，地方乾淨 ，食吓串燒飲吓酒，可以靜靜地傾吓計，最緊要係位置方便，近砲台山地鐵站，行幾分鐘就到，值得推介，p.s 仲有好多食品未試食，下次一定再去

飲酒食串燒新地方地點十分方便，炮台山地鐵站一出，行幾步就到，港島君綽酒店行行前少少食物品質不錯， 有酒飲，環境很乾淨happy hour 未到晚餐，同朋友飲杯酒食串燒都係唔錯嘅選擇會再幫襯