公和荳品廠 (已結業)

某日老婆send 段網上推介芋圓小店話好想試，咁見到係公和荳品，應該有D保證啦。以豆腐花芋圓黎講$25蚊真係有D貴，因為荃灣豆腐花比拼賣到$2同$3蚊。尼到$25蚊，感覺上有D貴。好主要係試佢既芋圓，可以一句講晒：唔掂！因為最基本既「煙」韌感都冇，好似好粉團咁。因為老婆揀黑糖唔係疆汁，黑糖冇黑糖味既糖水。咁試下個豆腐花啦，其實唔太滑，都叫有豆味既。不過如果食豆腐花都係荃灣食啦（可能本店會好食好多）所以一次就夠。（佢前鋪賣iphone case, 真係令人唔太想食）

又是這樣，看到乜假期報道，葵涌廣場新開了這個公和豆品廠的小分店，店內有芋圓發售，因此就過來看一看🧐。看到門面小小，雖然一方被另一間手機殼小店遮住了，但我還是繞到後邊，看看有沒有芋圓🤪。餐牌上面看到，有紫/黃色的芋圓，看似非常繽紛，而且大大粒，亦都見到碗子之內盤滿缽滿，好像很豐富。只是$25 ，當然立即叫一碗，問問是凍的還是熱的，店員都支吾以對🤔，大概是因為，芋圓都已經煮好了，然後放在煲子裏面保溫，因此她回答是室溫。小型外賣膠碗裏邊，底下的豆腐花不算太少，但是上邊的芋圓，其實實際細細粒，雖然黃色紫色的數量為數也不少，但是有點彈牙，軟林林，內裏比較空虛，難怪有評也說是空氣芋圓，而且沒有什麼地瓜或小芋頭味道，跟其他在外邊吃過的芋圓味道相當不同，這兒的相當淡口。再加上底下的豆花，本身都沒有什麼豆味，就顯得整碗所謂糖水，一點兒味道都沒有，即使行遠了幾步，我還是踴躍走回店面，加一羹砂糖。就是這樣，上邊有門牌，旁邊有一個鍋盛載煮好的芋圓，後邊有個櫃裝住豆花以及豆漿，再加一張枱，就是這個公和的小店。如果在葵芳吃這碗芋圓要$25 ，倒不如到地下吃$26的撈麵會比較划算而且滿足。

一向好愛芋圓, 本身經過葵廣想找云云食店中有沒芋圓, search到甜圓但又見佢話已結業, 又或者已搬遷...咁見公和有就去試吓......我唔太好豆花, 為咗芋圓先食... 所以叫佢少豆花, 唔知店員有冇因為咁而俾多少少芋圓我.... 但anyway我覺得比樓下另一位食評多芋圓 (佢嗰碗係少得離譜~)甜度低, 同豆花一樣可自行加糖, 豆花沒有特別好食, 唔滑又唔香..... 芋圓佢話手工自家製, 算係比松記同海記既芋圓好食, 仲食到少少芋頭碎 (但當然最好還是康瑞~) 不過因為個base只得豆花, 又無位坐, 其實幾粒芋圓賣$25係幾貴~況且, 以公和個招牌出品咁質素的豆花, 係頗令人失望~ 

作為公和豆腐花的粉絲，最喜歡落九龍城食返碗原味豆腐花，再加煎釀三寶。可惜宜家已經無賣三寶了。見到葵廣有公和分店，就當然要一試。上次試過芋圓豆花，都ok，係有點貴。今次試其中一個特色豆花，就係淡奶豆花其實自從係澳門食過豆腐花加淡奶後，就好鐘意咁的配搭，可惜香港無。堂公和有呢個選擇就當然要試。可能我期望太大，雖然外賣姐姐都幫我加了糖水，但食落都無咩味，同埋唔知點解同我係九龍城公和食的豆花好似無咁滑咁。所以我下次都係決定要返返九龍城個間食。

重以為食薯片先要買空氣，原來荳腐花都要買空氣「圖我未開始食」，但得2/3碗，水重多過荳花，利害!加幾粒芋圓就可以賣$25唔講明以為食左一半，但我只係開蓋影相無食過滑係滑，無荳味。其實唔係好食到，兩三啖就無左😂之後都係係到飲糖水，其實留返啲資金唔好賣廣告做好返啲質量比較好，唔係百年留唔著啲客都只會執下一間又一間。好懷疑之前食評啲相係咪做梅自己影完自己post出黎？利申我有食旺角街市果間食開，起碼係一碗先。

葵廣係個每次去都會遇到新鮮感嘅地方，但我唔係經常流連嗰邊，喺網上見有人分享，原來呢邊嘅公和荳品廠有芋圓出品。好奇心驅使，罕有地跟跟風。係人都知公和好耐歷史，呢間位於葵廣2樓，一上電梯就見到，話係九龍城店嘅分店。餐牌供應豆花、豆漿，除左傳統口味，仲有紅豆、什果、士多啤梨、椰汁等配料，單拼$18，雙拼$20。三色芋圓豆花 $25用上100%荔蒲芋頭每日新鮮製造，見店員當時都係剛剛煮起芋圓豆花可選熱/暖/凍，口快快答左要暖，或多或少冇熱嘅咁好食。三色圓分別為紫薯圓、地瓜圓、芋圓，總數16粒，形狀不一。三色圓各自味道好淡好淡好淡，只有好認真咁噍，先有少少味道，以地瓜圓已經算最突出。冇加糖或者糖水煮，所以係完全唔甜。圓嘅質地唔夠煙韌，好在有啲噍頭，唔會死實實。公和出品豆香都幾重，但因為點左暖豆花，所以都係預期中冇熱豆花咁滑溜溜。

天氣開始熱，最好就係去嘆凍豆腐花。豆腐花有分熱和凍。熱豆花當然要落黃糖，黃糖咬落脆卜卜，加上豆花的熱力，將黃糖慢慢溶下，食落有兩重口感。但我今次係食凍豆花，甘就要落糖水，糖水的甜度不能太濃，太濃就會整到豆花好難入口。而且，凍豆花的溫度要夠凍而不彊。不彊即是不能凍到硬，要拿捏得好準。公和就做到了！魚肉釀豆腐要煎得恰到好處，煎得要金黃而且要實而不散。豆腐的製作層次要高一層，整時要讓豆腐夠實，多加功夫才可以。用心製作，值得讚賞！

今日黎左葵芳葵涌廣場發現公和就試下佢地既豆腐花過然保持九龍城店水準👍👍豆腐花超滑好有豆味，問過店主原來每日由九龍城店新鮮運送豆腐花豆漿過來，唔掛得咁好味啦～