八記粉麵專家 (已結業)

十二月十三日 (星期一)本來今晚和同事們吃和味館buffet不過最後取消了今晚屋企沒有煮飯,老公仔陪我吃晚飯到了老公仔最喜愛吃的八記牛雜豬肉丸河豬肉丸既結實又彈牙牛雜新鮮,老公仔最喜愛牛腸,煙韌爽滑魚蛋墨魚鬚米想不到魚蛋拼什麼,老公仔說這裡的墨魚鬚好吃於是就一試,墨魚鬚無可否認,很鮮味,可是只配上清湯就顯得有點腥了,不過就非常爽口有口感魚蛋很彈牙,推介!蠔油生菜吃些菜總覺得健康點...爽口生菜,沒有走油都不太油膩

上星期有晚同fd 去左觀唐整d野, 整完之後覺得肚餓, 朋友仔就帶左我去食一間麵檔叫做8記粉麵專家.坐底左睇下叫野食, 俾我留意到佢既調味料有好多選擇, 仲係有淘大既牌子添之後見到佢個牌貼左鮮墨魚鬚, 就一於叫佢~我呢, 就叫左墨魚鬚魚皮餃加紫菜麵~我最中意食既墨魚鬚, 幾大條, 咬落去好彈牙, 新鮮既.好好食佢d魚皮餃咬落去勁多汁, 魚皮都幾煙韌, 另外特別既係佢既紫菜, 唔同自己平時食開個d既, 佢係青綠色, 好新鮮..似係海中個d..唔係平時食4洲個d黎, 好食好多架~紫菜又成為我依間既至愛~kaka30幾蚊碗, 都幾抵食~d材料真材實料~

如果話叉燒拉麵係日本嘅代表食物，咁香港嘅代表應該唔少得雲吞麵、魚旦河、牛雜麵。觀塘輔仁街，連續四間鋪都係做粉麵嘅，當中我最常幫襯“八記”，因為佢有電視睇，而且食物好有水準，伙記又醒目，今日中午我就去食咗個牛雜河：牛雜河 ($20) – 材料十分豐富，絕不能與平價粉麵鋪相比，有牛肚、牛肺、牛腸、牛膀，全部都好入味，各自各精彩；河粉滑潺潺，個湯底又好鮮甜，質素OK~~~呢餐一碗河粉$20，以觀塘區嚟講算OK，會有下次嫁~~~

有時簡單的一餐也會給食客留下深刻印象，就如這間在官塘的八記粉麵專家。店開在裕民坊旁的小巷裡，雖開在街頭，卻尚算整潔乾淨，簡單的格局，是這一帶白領街坊的天堂，次次來親這兒食飯都坐得滿滿的。每隔幾個月我都會想起這店的墨魚鬚，就如今天心癮起，收工兩點幾過來吃個lunch﹗每次必叫的組合，墨魚鬚、炸魚皮紫菜麵。炸魚皮很細心體貼的分開上，夠薄身脆口有魚香，輕輕浸在湯中尚脆時入口，味美﹗呢一頭有幾檔麵鋪你要炸魚皮佢都係放在麵中，上枱時未食都已經腍哂，失卻那「炸」的惹味意義。有睇我食評都知我是墨魚魷魚怪，好此道者來這間吃墨魚鬚，準沒錯﹗份量夠多夠重手，墨魚爽口彈牙，煙韌有致，那種在口中交織的脆口感覺，不是別店所能做到﹗吃麵我必加紫菜底，就算多普通的麵也能逸出清新感覺，這店的紫菜鋪滿麵底，鮮而不覺有腥，正﹗不得不提提愛濃味朋友，來這店必加少少佢地既辣椒油，加幾滴已能令成碗麵錦上添花。千其唔好貪心下得太多，超辣的，我幾滴已吃到滿頭大汗﹗加多罐汽水三十幾蚊埋單，很滿意亦滿足，這叫簡單也可吃出不簡單﹗

第一次黎八記, 呢條街有三間係粉麵店 而其餘兩間都試過 見食友話八記都食得過於是試下云吞麵$20 好似比隔離平小小, 五粒正常size 既云吞賣相明顯不討好 但保持中立, 先飲(湯)為敬, 味道幾味精下 再試一口麵, 無乜鹼水味也爽口云吞睇落樣衰衰, 蝦也不新鮮, 但味道調教得奇好 點點甘香, 豬肉與蝦比例也恰當, 唔錯喎 雖然話似味精既湯, 飲完後又唔算口渴喎放低廿蚊, 感覺良好 ~

Due to the TKO signal failure I was forced to change my travelling plans, so stopped over at Kwun tong for food!Didn’t feel like going to APM, so went out to the streets and found an alley way with lots of noodle shops, selected this one purely by random, sat down scanning the table for a menu, realised their wasn’t a menu, damm. Then realised it was written on the wall.The whole situation reminded me of my holidays coming to HK, clueless and lost, as not knowing what and what there was to order

呢日要食自己又在官塘，第一時間諗起八記﹗掛念八記是因為佢地既自家製墨魚鬚，半年無食超想食﹗二話不說一坐低就要碗紫菜墨魚鬚麵，嘩，墨魚份量多過以前呢﹗計計埋埋有成十粒左右，有幾粒仲係超大件，既有咬口又彈牙，嗒真0的仲有陣陣墨魚清香，味道從鼻子呼出來，感動﹗紫菜份量足，反而湯底是鹹了點，不過有墨魚鬚，已經足夠﹗

三月八日 (星期日)這是老公仔小時候的常到食店,不知何固,沒有來了頗長一段時間(至少有十年),問他,他也不大清楚當老公仔還是小學初中的時候,差不多每個週日都會和家人到旺角的金魚街逛一個下午,然後十次有八次都會到觀塘,一家大細來到位於輔仁街這條專賣粉麵的巷--八記吃一個下午茶他仍然記得最喜歡的是豬肉丸,今晚點的雙併當然亦不例外,點了個豬肉丸魚皮餃河,而我則點了牛腩雲吞米,另外一碟炸魚皮豬肉丸真的非常爽口,不過只得兩粒,未夠滿足,至於魚皮餃則用了很新鮮的魚肉,咬落不會散,而且很香,魚皮亦很煙韌這裡的河粉亦很美味,不會一夾就碎,而且很滑,配上清湯底,一流享受至於我的牛腩亦很煙韌,算稔,只是腩汁不夠多,老公仔說這是這裡的'特點'至於雲吞,皮薄而蝦肉爽脆,但因為有豬肉做餡,所以我個人覺得不夠十全十美米粉就不過不失啦至於魚皮會較一般的窄身,很亁身和爽脆,是頗美味的小吃!老公仔'知錯'了,他說以後會常來的(就算自己)為什麼?是回味!是好味!

四間麵店以前 我細個曾經聽過 咁樣分類牛腩食明記丸河食八記=.=其餘2間 近巴士站個間 都OK d近的士站個間就真係.......其實呢幾間野 我出世就食到而家0.0" 都廿幾年我唔肯定講到邊間最好 邊間最差 個個人口味唔同但八記比較O岩我口味其實有段時間都食過合興 同明記但明記真係越來越差 合興就有時得又有時唔得反而八記 比較穩定雲吞 勁難食=.= 千萬唔好叫丸類 算一般 墨丸比較好0.0牛雜 叫好吃 但唔係最特別 同埋同其餘3間比最多叫好小小 或叫差唔多八記其實最好食係 墨魚蘇 呢個唔係間間有 真係又爽 又好味跟住 係d 河粉唔知大家食呢4間麵食 有冇留意 只有八記 河粉唔會一夾就散???我諗真正吸引到我o既係佢o既河粉 夠滑 唔碎不過提一提大家 八記有個特點唔係牛雜牛腩類 d湯係冇腩汁 比較淡味所以想好食d 可以叫佢地加食 0.0不過我覺得都係太貴=.=....

提到食麵，不得不介紹一間我經常收工都去吃既麵家，為吃既唔係麵，而係我既最愛墨魚.......官塘既八記粉麵，來得呢度食麵當然有原因，就係呢度有佢自家制既墨魚鬚﹗好少麵鋪會有呢個送俾你揀，所以我就揀左八記喇﹗哈哈﹗調味方面好多選擇，不過我只會加少少辣椒油走油﹗鮮墨魚鬚﹗成日發夢都見到佢架﹗今晚我叫左墨魚鬚魚皮餃加紫菜底麵，個名夠哂長﹗係咪好大食呢？魚皮餃咬落香噴噴肉香四溢，肉汁勁多，魚皮夠煙韌，好多人都話我唔魚不過又食炸魚皮又食魚皮餃係咪玩野？其實唔腥無魚味的魚類副產品我都吃的﹗主角來喇﹗墨魚鬚﹗做得超好，新鮮結實彈牙又夠多，咬落充滿質感，墨魚怪的至愛呀﹗呢度0的紫菜顏色好鮮明呈青綠色，唔似自己買番屋企浸水開出來的那些，入口很清新，閒時一個人上網可以一晚食成一百包四洲紫菜的野人，見到有紫菜食真係垂涎三尺，配住個麵食真係一流﹗簡簡單單的麵鋪，其實不簡單﹗百物騰貴，碗麵不便宜呀﹗加加埋埋三十蚊先埋到單﹗不過愛吃，最多明天吃得便宜點，也要來整番一碗﹗正如愛墨魚，明知膽固醇高得很也要吃，最多明天吃貴格麥皮吧﹗

地盤工作八月最辛苦，話說收工累得要命，路過呢條街見到有魷魚鬚幾個字貼左0係門口，所以行入來食下﹗其實食車仔面我就一定叫魷魚架喇﹗不過都係第一次0係麵鋪見到有得加呢樣送，佢地大賣既係鮮魷魚鬚﹗貼滿成間鋪﹗點了雲吞魷魚鬚面紫菜底，再加多支忌廉。魷魚爽口彈牙，份量不少，好味道﹔雲吞有五粒有細蝦，唔算好爽身不過味道不錯﹗紫菜色澤偏綠，配住0的麵一注一注咁食一流呀﹗整體好滿意，就係有魷魚鬚食已經叫我一定會再幫趁了﹗

墨魚鬚好好味, 好爽口!! 肥腩好味, 爽腩仲好味!! 湯底都唔錯~~

一排幾間牛集店我覺得這一間較整潔,味道唔錯,河粉質感好,介蘭加油好味,墨丸爽口彈牙.湯底唔怕太鹹。

由於以前0係觀塘工作, 所以lunch /放工既時候, 間唔中都會黎下呢度食野~多數叫的是牛肚河/米~我本人覺得味道幾好~牛肚份量岩岩好~ 湯底係牛腩汁~而且好大碗~ 食完超飽!!當然, 有讚, 當然有彈啦~我曾經試過呢度既雲吞麵~但雲吞好唔新鮮!!豬肉多過蝦!!唔好食!!

早一排黎過呢度食lunch, 因為見去開隔離間明記d水準不斷下跌, 於是乎把心一橫就黎呢度試下, 點知.....唉!兩個人坐底友人叫左碗雲吞麵, 而小弟就叫左碗墨鬚米, 另加一碟炸魚皮! 先講雲吞麵, 雲吞得五粒, 但係就好細粒, 蝦肉好少唔係太好味; 而墨鬚米就好得下, 墨鬚好香好爽好好咬口, 味道一流, 不過湯底就淡淡地冇咩味, 唔係好得; 至於炸魚皮就簡直係非常之差, 又唔脆仲要好淋下, 好韌下添, 原全係失敗之作!今次唔比喊面全因d墨鬚, 如果唔係喊梗呀, 我相信下次我唔會再黎喇, 除非淨係想食墨鬚啦, 否則應該唔黎喇!