八章軍

滿心歡喜過嚟揀好多味道嘅章魚小丸子揀左招牌Top 3嘅味道8粒比完錢一兩分鐘就有😨 唔係新鮮整 只係淋醬一打開個盒，已經好失望，覺得好細粒個外皮超硬 好似翻炸再翻炸 皮又極厚超級難食😨已經係一拎上手就即刻食佢唔係燒既就算擺耐左都係超硬勁硬未食過咁難食既章魚小丸子仲難食過百佳果d章魚小丸子好失望平時lunch time經過佢都未開今次仲係專登等佢開門黎食下次都係食番葵廣果間真係好後悔過咗嚟食，浪費咗quota食其他嘢完全唔知點解咁多好評又話荃灣好出名嘅章魚小丸子真係唔知邊度出名被騙的感覺…查看更多

首次店員的態度敷衍，收數咁嘅態度，完全係唔想你幫襯，唔單止係黑口黑面咁簡單，直程係啤你，完全感受到佢對份工嗰種憤怒，應該好憎個老闆同章魚燒，呢樣都算。俾完錢5秒係檯下即刻拎章魚燒出黎係唔熱嘅，即刻同佢講要換，搞到好似要攞佢條命咁，最後盒章魚燒係仲硬過我條命，硬嘅程度係同路邊嘅石春相似，差啲牙都咬崩，章魚燒入面粉又厚章魚又硬，拎黎打乒乓波應該會適合過食，俾$3x買盒章魚燒又硬又唔熱，仲要受個搽咗3尺粉嘅大媽氣，真係貼錢買難受。…查看更多

叫左6粒章魚小丸子，某某號碼，看著號碼比我後的都有貨拎，一問下發現佢搞錯單，最後我等左廿幾分鐘人生20幾分鐘就這樣沒了由購買到漏單，一句謝謝/ sorry都冇聽到途中又見收銀女士痰上頸，在客人的食物旁吐痰救命可怕因為要夠200字，先至可以劣評咁我講多兩句啦其實都幫襯咗幾年但係你越做越差又請埋啲冇厘搭霎嘅員工你係咪想做死自己呀:(叫的是明太子記得初初食嘅時候我覺得係食過最好食嘅章魚小丸子後來都覺得越嚟越差食物好鹹，宜加去預約洗腎先…查看更多

作為熱愛食章魚燒既人😂 食盡香港章魚燒是畢生理想😂😂 之前收藏左依間位於荃灣既章魚燒店， 今次終於有機會清下啲收藏餐廳😂😂店面唔算好大， 不過係正角落位， 都算係旺店。 章魚燒款式都幾多， 價錢方面不過不失， 正常價位， 最後簡左「黑松露章軍」（$38/6粒） 。 比我想像中快出爐， 等左1-2分鐘就有😯一上手聞到好香既黑松露味， 上面落左好多cream 🤫 好邪惡既感覺食落去幾香， 入面滿滿既章魚，意外地裡面係仲有粟米， 同埋不得不說， 一啲都唔重粉味， 唔會好厚個皮！下次去開荃灣值得再去試下 其他口味…查看更多

在荃灣路德圍有一間頗出名的章魚燒小食店-八將軍。上次試過黑松露章魚小丸子，黑松露味道濃郁，值得再次光顧。而今次就嘗試金沙鹹蛋黃章魚燒小丸子。等待期間，現場都見有數位客人選擇明太子章魚小丸子，牛油粟米章魚小丸子等等……※※金沙鹹蛋黃章魚燒小丸子※※濃郁的鹹蛋黃香氣撲面而來。鹹蛋黃醬汁滿滿包蓋，內餡卻柔軟細膩，夾雜著章魚的彈牙口感。鹹蛋黃的濃香包滿左每粒章魚燒，每一口都隱約感受到鹹蛋黃中的金沙顆粒，帶來細膩的沙質口感。章魚塊的大小適中。👍🏻…查看更多

➸✨紫菜肉鬆章軍6粒 🐙🐙 🐙一打開盒見到肉鬆份量都唔少，差唔多遮哂章魚燒🐙再加上紫菜同醬汁，食落鹹鹹甜甜，幾唔錯😋，不過略嫌外皮少淋，唔夠脆，食落有少少粉 …查看更多

繼續旺中掃街之旅🫶🏻，旺中愈開愈多食店，啲人大部份嚟食野多過行街🤣，今次就試咗幾間人氣店🤓❣️芝士章軍 $35/6粒今次試咗新開嘅八章軍，揀咗炙燒芝士章魚燒，芝士份量都多而且好濃，章魚燒燒得有啲燶🥸，略嫌油咗啲😛🍽️ 八章軍旺角彌敦道688號旺角中心第一座1樓立食區…查看更多

🥡明太子八章軍 $34/6同章魚無雙一樣毫不吝嗇咁落明太子醬明太子味濃(˶‾᷄ ⁻̫ ‾᷅˵)外層有少少脆章魚大粒爽口入面仲有粟米，有口感但入面煮得唔夠乾所以鍾意章魚無雙多啲都幾多人食，不過都算快有得食…查看更多

晚上八點幾九點，唔係太肚餓，所以黎路德圍，因出名多小食嘅地方搵食。想食八爪魚丸，這間有多款口味，叫左明太子口味，用籤吉落去，好脆咁咊，以為會好好食，點知咬入去係好實，入邊全部都係粉咁，從未食過咁難食嘅八爪魚丸 。…查看更多

偶爾會吃一下這家的八爪魚丸，感覺還好 39蚊8粒有挺多款味道選擇，但我都會吃蜜糖介茉，味道還好，外皮烤得算脆，外賣帶反去，會無咁好吃但員工態度麻麻，接待的收銀，一直在玩手機，又攤係度 不在工作狀態，問我要咩，叫完野食講，擺埋錢在台～又叫我等，錢都不先收，是否要袋反埋等你汁好野食再囉出來呢，又不是很多外賣在等，就不收錢先要你先等佢整埋兩盒野，整完又唔記得問過我食咩，又再問 ，問要不要袋又晦氣，食物還好 但員工倒米:(…查看更多

夜晚9點幾買，唔知係唔係做定好多，就咁唧醬出餐，一食落去只係微暖。醬好多，全靠個醬帶起成頭家，本身粒野無味。同埋有一半勁硬，食哂8粒牙都痛，好明顯做定好多，慶到硬晒⋯⋯歡迎測試牙齒健康。。同埋收銀阿姐串到撲街，無散銀/唔係比exact cash千祈唔好去買，開口埋口靚仔靚女，其實order d客跟指示，仲聽到同我前面果個講，下次唱定散紙先好嚟。相比起其他章魚燒，人地即整，有心機，呢度粗製濫做，做定一大堆，食過一次即刻知咩事，真係有比較有傷害…查看更多

我想說的是旺角分店，但是旺角分店竟然沒有資料。之前從YouTube Channel睇到關於荃灣分店的介紹個個都話好好食，所以今次喺旺角見到有旺角分店立即嚟幫襯，影片中個個都介紹芝士口味，因此我哋都叫了八粒芝士章魚燒。旺角分店人流唔算多，所以好快就可以攞到，一打開由於盒子好大，除咗八粒圓軲轆的章魚燒，還有大量的木魚絲當我第一下用竹籤拮落章魚燒的時候的確10分有驚喜，因為拮落去的感覺明顯是脆卜卜的，充滿期待感的放落口就明顯反差極大，感覺蛋漿相對上比較便宜，沒有蛋味但奇怪地食到粟米，然後仲有一股好腥味，就好似平時的雞蛋或者章魚沒有完完全全被煮熟的狀態本身諗住放棄，但係我再俾多一次機會再吃多一粒，但當吃到一半是實在太腥了！而且芝士味單一整體感覺很廉價並唔係好似YouTube Channel Feng介紹咁吸引咁好味。以上均為個人當時感受，不代表任何立場…查看更多

最近荃灣路德圍開咗間好受歡迎嘅章魚燒，聽講長期排長龍，賣點係脆皮章魚燒，平時好鍾意食章魚燒嘅我一定要試試佢!!😆個日宵夜時間都排晒長，睇嚟熱度未減😂不過食完就唔太啱我同朋友口味🥹🙈都係附近葵廣嘅章魚燒好食啲～1️⃣ 蜜糖芥末將軍 $33/6粒食完同同行朋友都一致覺得伏咗😂😂😂見舖頭寫係即叫即整，但個日拎上手已經凍咗，個皮都幾厚粉，而且食落唔係脆皮，仲有啲油膩感🥲章魚同醬汁都算多，配上粟米粒甜甜哋幾特別，不過覺得不太夾😂可能其他口味會好食啲(?)🥺📍Address📍八章軍 🦥荃灣路德圍42號安富大廈地下7號舖🦥紅磡馬頭圍道63號啟岸地下22號舖…查看更多

每次想食都一定有人排隊，呢間係我食過香口脆嘅八爪魚丸，同埋入面都好足料，今次我叫咗櫻花蝦同埋肉鬆，因為佢唔孤寒落勁多醬，所以好好味，佢真係做得幾好，每次經過荃灣都都會想食佢。…查看更多

我買左蜜糖芥末味道,但佢既醬料完全吾合格🤢,量小味道麻麻地,啲醬少到我覺得自己食緊原味🤯,好失望真系,同我平時食嘅差好遠不過小九子既本體都ok,今日甘凍我拎到翻屋企個外皮都仲脆。…查看更多