7
6
1
以上資料只供參考, 請與餐廳確認詳情
食評 (19)
等級4 2022-10-26
604 瀏覽
平價「沾麵」之選今日同女女去左沙田玩,玩到咁上下,小姐話肚餓要食麵麵,所以就去左一田食沾麵,我叫左個直源醬油吉列豬扒沾麵加6隻餃子,估唔到一田平平地都有咁好食既沾麵,個麵質軟硬適中,唔會淋我好中意,個直源醬油都好好味,我女食左一啖同我講yummy,哈哈,吉列豬扒炸得好好個好出色,外脆內遠,唔會炸到"乾珍珍"咬落整係得d炸粉,餃子都十分唔錯,一咬去落,d肉汁勁多,好正,雖然座係唔太舒服,不過勝左好食! 繼續閱讀
(以上食評乃用戶個人意見 , 並不代表OpenRice之觀點。)
等級4 2022-01-15
955 瀏覽
去完新城市廣場行街~平安夜例牌多人~既然幫襯隔離間買咗豚肉溫泉蛋飯套餐~順便喺依間叫拉麵食先費事行嚟行去豬軟骨野菜拉麵係醬油豬骨湯底送綠茶~加$20有三件炸雞球豬軟骨椰菜拉麵份量唔算多~有兩舊豬軟骨幾入味幾淋~椰菜半生熟~筍片有幾片~最平嘅芽菜一大堆~可能想俾人感覺大碗湯係比較多~都食到豬骨湯味唔會話好淡+$20有三件炸雞球~入味配沙律醬幾好食綠茶淡而無味~飲落好似水份量少食完都係唔飽嘅~真係冇下次 繼續閱讀
(以上食評乃用戶個人意見 , 並不代表OpenRice之觀點。)
等級3 2021-10-27
825 瀏覽
lunch time 唔知食咩好,好耐冇食日本沾麵,見呢間有沾麵就試吓😛差唔多1點去到,唔係好多人,唔洗等位👍🏻餐廳只有高櫈,坐得麻麻地舒服,不過都可接受😙🐷吉列豬扒沾麵湯汁唔會太鹹,亦唔會太油膩👍🏻麵唔算彈牙,但都掛湯,而且份量多,絕對飽肚🤪炸豬排就令人有啲失望🤦🏻‍♀️,唔夠酥脆,而且有啲乾同冇咩味道,但溏心蛋唔錯,夠味🤪👍🏻整體來講,以69蚊嘅價錢食沾麵係平民福音😛而且佢麵嘅份量好多,打工仔食一定夠晒飽肚😋 繼續閱讀
(以上食評乃用戶個人意見 , 並不代表OpenRice之觀點。)
等級3 2021-05-25
1536 瀏覽
去沙田諗住行一田超市行個圈,先搵地方食個lunch 先。呢個係一田裏面類似food court嘅角落頭,有呢間日式餐廳,初時我哋睇個Menu嘅時候都唔知係來自金澤嘅,後尾我哋坐低嘅時候先發現呢間真係來自日本嘅定食極黑叉燒野菜拉麵 $66+吉列炸蝦三隻$18比想像中冇咁辣不過啲叉燒做得幾好個拉麵咁個比例都算多吉列炸蝦🍤 炸得好香脆豬軟骨拉麵(醬油豬骨湯底)$66一般般日式餃子6隻 $25煎得啱啱好仲加埋啲蔥蒜配埋更加惹味香口兩個拉麵再加兩個小食再加汽水,埋單唔使$200 ,性價比高下次來一田超市搏殺嘅時候會再來 繼續閱讀
(以上食評乃用戶個人意見 , 並不代表OpenRice之觀點。)
等級3 2021-01-01
1023 瀏覽
天氣咁凍,令人好想食返個湯麵,今次食返個平價飯拉麵,送一杯好淡既綠茶,學生仲有得減$5。本來都想試麻辣牛肉拉麵,今日食辣可以保暖,但係自從喺日本試過麻婆豆腐拉麵,都覺得fusion呢樣野⋯唔係個個都做得咁好。今次都係try try蕃茄湯,加埋黑胡椒,味道都幾濃郁,面頭用咗車厘茄。啲雞絲真係差啲,質素麻麻,肉質同味道都係雪藏得好耐嘅。最好食係隻糖心蛋,因為係用日本蛋,味道正,整得幾好喎。至於細麵,即拉麵就不過不失 繼續閱讀
(以上食評乃用戶個人意見 , 並不代表OpenRice之觀點。)