八王子日式餐廳 (已搬遷)

不起眼的餐廳，若非搜尋到相關餐廳及見到all day breakfast 賣相都找不到理由幫襯All day breakfast賣相真不錯胡麻醬沙律菜番茄香煎過兩條煙肉薄西冷牛芝士腸黑松露炒蛋薯餅少少茄汁豆4片三角多士咁嘅陣容賣69蚊味道亦中上炒蛋夠滑，薯餅好香口只略嫌多士烘得有點over較乾身松露醬雖多但唔多夠香但相信其他店都已經賣8，90蚊不過在舊區，對住另類客群即使呢個價，仍然有食客覺得貴望老闆盡快去新區開…查看更多

朋友呢日話要帶我去搵王子👑，其實係帶我去食飯，搞完爛Gag😂。雖然「八王子日式餐廳」喺旺角，但餐廳位置確係隱世，因為佢喺旺角同太子中間段彌敦道嘅某大廈地庫。餐廳嘅前身係酒吧，定日頭賣午餐，夜晚再變身？環境因此意外地好有氣氛😳。午餐款式唔算特別多，不過無問題啦，最緊要係做到樣樣精😎。大廚話鰻魚飯係必食，鰻魚有成十吋長，一厘米厚，去日本超市買一條都唔止呢個價，只可惜我真係唔食鰻魚🙈。我哋叫咗兩款午餐Share食，味道令人滿意，份量十足，飽飽哦😊，朋友果然無介紹錯！必試足料黑松露卡邦尼意粉($79)，難怪大廚話佢憑呢個意粉煮到攞獎🏆，佢確係好食喎，黑松露味又夠出！我鍾意食卡邦尼，但好怕食到嗰啲好杰又好膩嘅出品，即係食兩啖就滯咗嗰啲。扁意粉非常掛汁，醬汁夠多、兼且Creamy得嚟唔會將意粉漿埋一餅。即使食到後期意粉唔再熱，醬汁仍然保持濕滑🤤。食哂成個意粉🍝當然夠飽，但並無厭咗嘅感覺，反而令我回味無窮。大廚後來仲分享佢嘅執著，佢以前喺餐廳如果客人叫佢翻熱碟卡邦尼，佢寧願倒咗去整過碟，都唔想客人食發漲意粉👍。八王子豐足全日早餐($69)，全日早餐佢都算抵食，你知啦，只要港女鍾意，賣貴兩倍都捨得食，不過我就相反🤣。套餐本身可加配小食，例如烤飯團或者餃子，但好彩我哋無衝動，因為已經好夠食。全日早餐大大份，包括🐮原塊肉眼扒、蕃茄、茄汁豆、煙肉、脆皮腸、超脆三角薯餅、足料黑松露炒蛋、多士麵包同埋沙律菜。佢餐牌所用嘅形容詞真係無呃人，薯餅超脆，好正😋。炒蛋夠滑兼多黑松露；🍞多士有四片，飽肚之選，條腸亦都高質！肉有得揀雞扒或者牛扒，唔準諗即刻答都一定係後者啦。🥩原塊肉眼扒唔錯，大啖肉切件上方便食用，略嫌調味鹹少少，但我幾鍾意。400ml支裝飲品係餐廳自家製嘅，我哋要咗金菊同洛神花茶，兩者都幾好飲，而且減咗甜，飲得舒服😌。個人鍾意菊花茶多啲🌼，因為較清香。最後甜品我哋要咗飛機運日本製雪糕($19)，呢日嘅口味係紫薯雪糕💜，幾罕有喎！雪糕份量好多，早知嗌一份都夠，紫薯含量超高，幾正。廚師話呢款係佢試咗十幾款之中揀出嚟嘅，果然有眼光！總括嚟講，高手在民間(地庫)，兩款午餐都真心好食，有啲估佢唔到。食物好食外，我哋亦都感受到廚師嗰份熱誠👨🏼‍🍳。有機會要訂飯盒嘅話，我會幫襯佢，因為只要買夠十個，好多地區佢都包埋外賣速遞直送到門口，值得支持！…查看更多

這間八王子由門面或店内裝修都是一間有live band show 的酒吧，原來是疫情關係，所以餐廳部份時間分租出來做了日式餐廳吧。午餐只有數款選擇，咖哩吉烈豬扒飯，賣相精美，份量大，價錢抵。食物即叫即煮，熱度十足。吉烈豬扒外脆內嫩，肉質鬆軟，配上甜甜的日式咖哩。咖哩中有洋葱，紅蘿蔔，車里茄及茄子作配菜，十分豐富，走油後的茄子賣相更好。黑松露的卡邦尼意粉，十分creamy 幼滑,  配上煎得香脆的煙肉粒，有一陣陣的煙肉香外，更有香濃的黑松露味。這裡的餐飲更有自家製的金菊/洛神花/夏枯草，少甜健康。…查看更多

上網見到有人介紹呢度嘅原條鰻魚飯好抵食，專程嚟試吓。午餐時段叫一條原條鰻魚飯只需要$89 ，坦白講自己出去買一條鰻魚呢個價錢都未必買到啦，所以真係要試吓係咪咁抵食。鰻魚飯都真係好震撼，感覺就好似一個極巨型嘅鰻魚壽司咁，超大條嘅原條鰻魚放咗喺飯上面。鰻魚飯嘅鰻魚魚肉緊致，唔會太鬆散，鰻魚汁份量適中，鰻魚飯嘅最底亦都有啲玉子，整個鰻魚飯口感豐富，雖然只需要$89 ，但絕對感覺到佢唔係求其嘅。另外叫咗一個咖喱吉列豬扒飯，吉列豬扒非常之大塊，而且炸得香脆，豬扒唔會太乾，仍然有肉汁。咖喱亦都非常之有誠意，有好多配料之餘，亦食得出有好香濃嘅香草味道，味道豐富之餘又有層次。呢度嘅涼茶係自己煲嘅，味道唔太甜，算係幾難得。另外我哋都加咗雪糕同埋心太軟，味道都唔錯。…查看更多

🔸原條鰻魚飯 $89🔸和風原塊肉眼扒炒蛋飯 $89🔸飛機運日本制雪糕 $19🔸法國朱古力心太軟 $49🔸自家制飲品 $9-旺角新開咗一間日式便當餐廳，呢間喺地庫嘅夜晚就係酒吧，朝早同日頭就搖身一變做日式丼飯嘅餐廳，作為旺角地膽當然要親自去視察下環境再報告俾大家知啦！午市便當只係由$69-89，唔好睇價錢經濟實惠就以為係頹飯質素，原來所有食材都係上乘品質啊！重點推介原條鰻魚飯，主角鰻魚有攤平有一隻半手掌咁長，坊間淨係賣條鰻魚都百幾蚊，呢度真係抵到飛起！男朋友就叫咗肉眼扒便當，牛味重，配菜有炒滑蛋同焗茄子段，仲想講埋飯底係增量珍珠飯，大胃王都食得飽！跟餐+$9試埋自家制飲品，金菊露非常清香甘甜，仲有洛神花夠酸好開胃，飲得出冇落太多糖健康得多。而心太軟係同某五星酒店入嘅貨一樣，中間嘅流心朱古力超濃郁，蛋糕體外脆內軟。另外日本空運雪糕係紫薯口味，係我食過最好味最自然嘅紫薯雪糕！…查看更多