155
4
10
港鐵尖沙咀/尖東站 N1 出口, 步行約1分鐘; 棉登徑入口
繼續閱讀
電話號碼
27788808
92471684 (WhatsApp訂座專線)
開飯介紹
位於尖沙咀的一間Omakase日本料理餐廳，用料上乘，材料由日本空運到港，提供包場私人派對服務。
繼續閱讀
營業時間
今日營業
12:00 - 14:30
18:00 - 22:30
星期一至日
12:00 - 14:30
18:00 - 22:30
以上資料只供參考, 請與餐廳確認詳情
有關獎賞計劃
招牌菜
相關文章
尖沙咀餐廳繁多，今次同老公一齊享受Omakase！聽師傅講5月開始會有雪景！一路食嗰陣師傅同我哋都有傾，有講主動撩我哋傾偈🤣 20道。割烹 $1588 前菜用上精緻嘅木盒，盛裝着海膽豆腐及水母刺身，海膽豆腐配上蟹肉絲，入口清甜有淡淡的鮮味🪼水母刺身切成一絲絲咁配上酸汁，入口味道開胃靚靚3格盒仔裏面放咗螢光魷魚🦑磯煮鮑魚及日本水果鬼燈籠🏮🦪日本小長井華漣蠔生蠔配上紫蘇葉，生蠔入口海水味濃郁有專人刷刷外殼 + 蘋果啫喱🍤北海道牡丹蝦表面有燒過嘅蝦膏，淋上用蝦殼煮出嚟嘅蝦油，入口有陣陣好濃郁嘅蝦味湧出嚟！超好食！如果用嚟撈飯真喺超夾！🔥火炙大拖羅師傅話燒至1成熟，建議第1塊淨食，第2塊配配上洋蔥酸汁，大拖羅油脂濃郁入即化！而底部嘅洋蔥帶點微辣🤣🌽愛知縣白象拔蚌呢個創作菜式！將粟米打成粟米湯泡沫，入口好香粟米味🌽🫘青森縣鮟鱇魚肝第1口食鮟鱇魚肝口感綿密順滑，第2口配搭山葵一齊食，帶點刺激感！🍰 天婦羅海膽拿破崙創作料理！將炸紫菜夾住拖羅蓉，鋪滿赤海膽，上枱時師傅撒上淡雪鹽，帶出飄雪感覺，呢個天婦羅海膽就好似拿破崙咁一層一層！要瞪大個口先食到🤣 入口先食海膽嘅鮮甜味之後咬到超脆嘅炸紫菜，最後食到拖羅蓉，層次好豐富！呢個一定要快食！如果唔係紫菜就會變腍✨🦀松葉蟹肉絲配上梅酒啫喱及蟹湯啫喱，由外層開始每層每層咁食，食到中間會見到長方形嘅蟹湯啫喱，蟹肉絲啖啖蟹味，最後撈混一齊食蟹味更濃郁！🐟金鯛立鱗燒配上海膽醬，金鯛魚鱗片一塊塊咁豎起入口好酥脆！金鯛魚肉保持到嫩滑🤩 🍲湯品：呢個擺碟好靚！湯字茶壺、金鶴茶杯配搭賞月瓦盤🎑 茶壺勁熱！湯品新鮮出爐熱辣辣，味道好鮮甜！呢個喺帶子象拔蚌湯配搭豆腐，飲完暖笠笠🥰 準備接下來嘅壽司環節～🍣壽司：自家製醃蘿蔔及酸薑🔸北寄貝 清甜爽身🔸赤身醬油漬 醬油味道突出🔸中拖羅 厚身啖啖肉油脂濃郁🔸黑鯥魚 燒魚皮油脂好香🔸障泥烏賊 海膽魷魚 入口較黏口 配搭紫蘇花🔸燒左口魚裙邊手卷 甜品：🍈靜岡縣蜜瓜 蜜瓜肉軟嫩多汁！作為結尾好滿足🥰
繼續閱讀
喱間已經開業5周年既鋪頭我實在太遲發現！而家仲做緊半價無限追加優惠，如果book到就已經賺到了！加埋一一個人$1000 都吾使就食到咁高級既享受😎成個menu有成20 道菜，成個整法比較fusion,同出面既omakase好多時候用袖子既做法好吾同，喱度比較特別小小！一開頭由淡食到濃，所有既擺盤同環境老闆都好有心思！重點推介-天婦羅海膽拿破崙，呢度係師傅特別創新嘅，兩塊炸紫菜中間嘅拖羅蓉夾住紫蘇葉，上面再鋪左厚厚既海膽，同埋灑上海鹽雪花 食嗰陣時餐廳仲會配合埋噴灑人造雪花 成件事都好滿足，口感都好豐富 完全唔會覺得油膩 好有係日本既感覺之後就係配上唔同嘅魚生壽司，食到飽，吾夠仲可以無限追加！真係聽都未聽過！而且全部都係魚既刺身，有左口魚，池魚，靖魚等等😍啱一啲鍾意食食物質素而又大食嘅朋友 呢個Menu簡直係不二之選 一定會推介俾朋友最後有個蜜瓜同芝麻雪糕，好完滿又開心既一餐
繼續閱讀
今次係我第一次食omakase, 所以都特登搵咗一間性價比高嘅日本餐廳黎試。 咁啱見到佢有做五周年優惠原本$1588既餐牌 依家淨係要$794 😍仲可以無限追加😍😍 所以就去試吓佢。首先係前菜有海膽豆腐同埋水母刺身，呢兩樣嘢聽落去已經好特別點知味道是落去又出奇地夾喎。 味道好清新好fresh好開胃。跟住之後仲有道appetizer-有螢光魷魚，磯主鮑魚同埋日本水果燈籠。佢哋都放喺一個好精緻嘅玻璃上盒入面 搞到我都唔想食靚到。 味道都係想像中咁清新同埋有啲爽爽甜甜。試到廚師嘅心機同埋食物嘅精緻終於試完前菜之後黎個日本小長井生蠔 配埋廚師特製嘅蘋果啫喱。味道何其地夾可以帶出生蠔嘅鮮甜。同埋廚師選取嘅小長井生蠔本身都好肥美 口感好豐富 好多汁。下一道菜就係北海道牡丹蝦。師傅喺牡丹蝦上面鋪上面再淋上有蝦殼煮成嘅醬汁淋係牡丹蝦上面 令到成個味道都好豐富，可以食到牡丹蝦嘅鮮甜之外，都係可以食到蝦膏嘅香味。仲有愛知縣嘅白象拔蚌-呢度餸係其中一道最特別嘅菜式，廚師將爽甜嘅象拔蚌浸喺粟米打成嘅白汁上面 味道到好creamy 好有fusion 菜感覺喱度比去出面既omakase 相對較fusion ,值得一試
繼續閱讀
尖沙咀見到一間日本餐廳做緊優惠買一送一，所以專程去試一試，感覺性價比好高！一入到去餐廳，見到個環境勁靚，有好多櫻花嘅背景，令人好似置身於日本！😆我就叫咗佢嘅Omakasee 套餐。依家上嚟就係前菜，其中有水母刺身配咗柚子汁，食落去清新爽口～之後一上嚟就係重頭戲，出場好有霸氣，一嚟就出晒所有嘅壽司。師傅好好咁逐一逐一介紹，壽司嘅幼脂由底至高咁上，令人食到佢嘅層次。當中最靚嘅經驗就係油脂最濃最香嘅左口魚，一放落口成個油脂係個口到溶化，識到滿滿嘅幸福感！😍除咗主打嘅壽司之外，接着仲有牛肉手卷，湯同埋甜品，份量都非常之多同豐富。而佢嘅雪糕都好好食係豆腐味，食落好清爽。買一送一嚟講都幾抵食真係！
繼續閱讀
最近工作好忙，已經好耐冇去過日本旅行，難得係同男朋友嘅特別日子，梗係要食餐好嘅，上網見到呢間餐廳做緊優惠，仲有好特別嘅櫻花雪景，就決定訂位去食🌸首先上嘅係海膽豆腐、赤水母刺身，菜式用咗好靚嘅碗碟，廚師擺碟用心，成幅畫一樣，赤水母嘅柚子汁令人好開胃🪼接住係熒光魷魚，自家制磯燒鮑魚同合桃魚乾，廚師有用火槍係表面燒一燒，佢建議由左邊食到右邊， 呢三個前菜係淡味少少，因為要準備食之後嘅主菜。食omakase嘅好處就係有專人詳細介紹返每道菜，令我地好好享受👨🏻🍳下一道菜係黎自長崎縣嘅華連蠔，特色係比較白，飽滿，養個陣有專人幫蠔刷身。出面餐廳多數都係配酸汁，會掩蓋蠔既鮮味，呢度嘅廚師專登配返酒積蘋果啫喱。我食之前有試左啲啫喱先，少少甜幾特別，再放係蠔上一齊食，蠔味果然係好突出🦪食到呢個時候，餐廳老闆請大家飲自己調嘅果酒，原來旁邊嘅食客今日生日。果酒由清酒、綠茶同荔枝調製，酒味唔會好重，帶住濃濃茘枝香，啱晒酒量一般嘅我🍶再黎係左口魚邊包魚身，魚邊油脂較重，我哋望住廚師用火槍燒，迫出魚油，再點自家制豉油食，啖啖魚香好好食🐟下一道菜係北海道牡丹蝦，特色係比較多膏，廚師用咗特別做法，抽出蝦膏，另外調味，再燒一燒d蝦膏，底部係精華蝦油，用左蝦殼蝦頭煲左幾個鐘，呢個食落好入味，表面嘅蝦膏，加埋中蝦身，撈埋底嘅蝦油一齊食一流。呢個菜好香好獨特，有豐富質感，特別係個蝦，第一次食已經印象深刻🍤拖羅多士中間有天婦羅碎、拖羅蓉、紫蘇葉，好似三文治咁食。最上面係龍珠果，拖羅係蛇腹位，油脂高，食落有魚油流出，正😋再黎係愛知縣白象拔蚌，下面係白粟米凍，可以撈埋一齊食，廚師用槍打氣泡入去凍湯，食落會綿密d。我好鐘意個湯，食落好creamy, 而且象拔蚌好新鮮，聽到旁邊顧客話黎食過三次，每次都更好食🤤夏天係鏗魚既季節，廚師特別把表面燒一燒，紅色係肌紅蛋白，配埋洋蔥係底下，酸酸味味。廚師自己調配既洋蔥酸汁，帶著酸酸小辣，配埋鏗魚食好清新🧅接住係海膽拖羅天婦羅，中間係用梳打水炸既紫菜，果然特別脆口。豐富嘅海膽灑上淡雪 (米和鹽）混合，食嘅時候，廚師背後櫻花突然有灑雪景，真係好有意景，令到人食指大動。下一道菜都係令人非常深刻，煙燻鯛魚配海膽醬，用咗蘋果木。金目鯛鯛魚表面很脆，魚鱗炸得爆脆，食落很有層次感。加埋廚師自己調配嘅海膽醬，食落不會太濃味😋飲完象拔蚌帶子鮮湯，作為壽司既過場，接住有十件壽司，由淡到濃，有北海道帶子、深海池魚、褔岡真鯛、網池魚、梭子魚、九繪魚、銀鱈魚bb、鯖魚卷同、左口魚邊……鯖魚卷中間有醃蘿蔔，旁邊有香脆口感，而左口魚邊有用火槍燒一燒表面，食落充滿魚油👍🏻壽司可以冇限追加，但我哋已經好滿足，最後食埋日本芝士夾餅，為豐富嘅晚餐作結😙總括而言，餐廳食物質素高，廚師非常用心製作，環境舒適，又會主動講解，同食客傾計。櫻花雪景亦係令人印象好深刻，旁邊嘅食客表示佢已經係第三次光顧，難怪大家都會再嚟😆
繼續閱讀