231
10
18
港鐵尖沙咀/尖東站 N1 出口, 步行約1分鐘; 棉登徑入口 繼續閱讀
電話號碼
27788808
92471684 (WhatsApp訂座專線)
開飯介紹
位於尖沙咀的一間Omakase日本料理餐廳,用料上乘,材料由日本空運到港,提供包場私人派對服務。 繼續閱讀
營業時間
今日營業
12:00 - 14:30
18:00 - 22:30
星期一至日
12:00 - 14:30
18:00 - 22:30
付款方式
Visa Master AlipayHK 支付寶 現金 OpenRice Pay
座位數目
16
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
電話訂座 詳細介紹
外賣服務
加一服務費
當面支付
以上資料只供參考, 請與餐廳確認詳情
有關獎賞計劃
招牌菜
壽司割烹料理現今流行的日本料理是將「壽司」與「割烹」結合,形成「壽司割烹」這樣的店家型態。
食評 (266)
尖沙咀嘅八瀧係日式鮨店,最大賣點係無限追加壽司,追加超過二十件更可在榜上留名,啱晒大胃王!前菜三點為香郁嘅海膽豆腐、軟腍兼入晒味嘅磯煮南非鮑魚、同埋爽口嘅赤水母刺身,配柚子酸汁特別開胃!日本嘅厚岸真蠔刺身,配自家製嘅蘋果醋啫喱,酸味溫和仲帶果甜,同蠔味好夾!肥大肉厚嘅北海道牡丹蝦,以蝦膏作為醬汁,加埋以蝦殼提煉而成嘅蝦油,勁爆惹味,仲有啲東南亞菜嘅感覺!超軟滑兼creamy嘅鱈魚白子,輕炙至半生熟,特別顯甜!季未嘅秋刀魚仍然肥美,製成小卷,以漬物提升口感!烤至半生熟嘅活北寄貝,加入特製嘅白粟米凍湯,超清甜!醬油漬過嘅鮟鱇魚肝,勁軟綿,好似牛油咁,香郁滿分!海膽拿破侖八瀧嘅signature dish,以紫菜天婦羅夾住拖羅蓉,再舖上大量嘅赤海膽,最後灑上淡雪鹽,加埋background music同埋櫻花雪景嘅視覺效果,真係創意無限!以清甜可口嘅帶子高湯,作為間場!北海道嘅帶子肥大肉厚,加入柚子皮增添清新!千葉縣嘅深海池魚肥得嚟又夠爽口,中間夾咗啲萬能蔥增香!胡麻鯖採用江戶前嘅做法,魚味香郁!熟成7日嘅福岡真鯛,鮨味得以提升,紀州梅醬有啲似果jam!北海道嘅甜蝦以特製嘅蝦醬油作調味,鮮上加鮮!青森縣嘅野生中拖羅,鮮味、油香、仲有酸味都好突出,正!可以無限追加是日壽司款式,食咗好多件深海池魚同埋中拖羅!甜品係白粟米同埋赤蜜瓜! 繼續閱讀
(以上食評乃用戶個人意見 , 並不代表OpenRice之觀點。)
等級4 2023-10-31
86 瀏覽
餐廳做緊5週年感謝祭,晚市Omakase有8折優惠,仲可以無限追加壽司。前菜三品水母刺身配柚子醬汁,好清爽。南非鮑魚,肉質鮮嫩。鱈魚白子,肥美creamy。先付二品北海道真生蠔:配自家製蘋果啫喱,特別清甜味美。瀧•刺身五點1)北海道牡丹蝦刺身:配蝦膏,點埋用蝦頭熬製既蝦醬油,令蝦味加倍濃郁,層次豐富。2)愛知縣白象拔蚌刺身:加左柚子皮,倍添清新。3)大拖羅網燒:帶少少焦香味;師傅教1件就咁食,另一件就配洋蔥漬食,2種唔同口感。4)香箱蟹:加昆布蒸熟,再將蟹肉和蟹膏釀番入蟹彀度,配搭梅酒啫喱,酸酸地,好特別。5)鮟鱇魚肝刺身:加醬食更軟滑,配wasabi食,味道更加平衡。煙燻甘鯛立鱗燒鯛魚厚身,魚鱗脆卜卜,配海膽醬食,口感更豐富。天婦羅海膽拿破崙上層海膽,下層拖羅,配有米味既淡雪鹽,帶番出少少甜味既口感。壽司活北寄貝:拍一拍令肉質更爽口好食。日本賴尿蝦:師傅好細心幫我哋挑出蝦腸。秋刀魚:油脂充沛。中拖羅:魚油比例適中。海膽墨魚:口感豐腴有層次。赤身醬油漬:醬油輕醃後,更鮮甜。吸物帶子清湯:鮮甜。甜品豆腐味雪糕及蜜瓜:雪糕散發大豆香味,配搭北海道蜜瓜,甜而不膩。總結,食材質素高,服務態度專業,我哋在櫻花雪景下享受左一頓盛宴。 繼續閱讀
(以上食評乃用戶個人意見 , 並不代表OpenRice之觀點。)
等級1 2024-03-01
113 瀏覽
餐廳環境:有個會噴雪花既櫻花景 算幾好 有冬日氣息😹師傅經常不見人 廚房傾計樓面會聽到 完全無高級餐廳感覺頭盤紫蘇葉玉子豆腐 機煮鮑魚 螢光魷魚食之次序為 左至右玉子味道無太特別 主要只有紫蘇葉味個人覺得 紫蘇葉的確有帶出鮑魚既甜味魷魚爽口 主要是酸酸地開胃由職員介紹 未見到廚師松葉蟹茶碗蒸味道足夠 每啖都有蟹肉有少少焦香 不知是焦 還是有意廚師及職員都沒有介紹 普通菜品一道XXX真蠔少少酸味啫喱 加紫蘇花 加生蠔果酸味太強 食唔到有蠔鮮味 無紫蘇味粟米湯泡 加檸皮 加白象拔蚌本人覺得樣貌及口感還好 算好甜既菜式甜似粟米湯既甜 鮮甜不多秘製洋蔥 火炙吞拿魚洋蔥太重味 食唔出吞拿魚味酸酸地 係開胃菜蝦膏加蝦肉加蝦油蝦油煮左4個鐘 每日用新鮮牡丹蝦蝦甜 油香 膏香整個碟滿滿蝦香 蝦偏向甜 但清新呢道菜令我開始覺得食緊Omakase😹西澳洲龍蝦 加炒過的龍蝦膏鮮味不太多 有蝦甜味 膏味不太濃郁有牛油味不算很強的菜色直接廚房攞出來的😹黑松露脆皮金鯛皮好脆身 肉滑 味不太強 淡淡的上一道龍蝦及這一道都有少少西式到現時都不覺廚師有在表演😹烤海苔 加帆立貝無鮮味 海苔不香不脆。。。😹蝦飯用櫻花蝦 蝦油 蝦膏整成似炒飯 食落ok 但食完 食唔落好多野用意。。。😹龍蝦白湯暖暖的 似有蝦味的濃魚湯不能不說 好容易誤會有味精 因為味精本身就是 海鮮的鹹鮮味(應該係)海膽 吞拿魚 脆海苔海膽感覺上未到好新鮮 味亦都不太鮮甜吞拿魚味不強熟成真鯛淡而無味 飯軟腍深海池魚有少少味 不太強中拖有肉酸味 無香味 溶雪可能算做得好無言😹食完3片都 立即食薑 。。。進入無限時間赤身不錯 不知是否標準已下降😹梳子魚味淡真池魚味淡帆立貝是鮮甜!甜蝦正常 淡淡的銀雪魚正常帆立貝再食 是新鮮的 但未到好甜赤身再食 普通 甜品手工雪糕 蜜瓜雪糕算正常 蜜瓜不太甜魚生生日杯魚生暖左 放左好耐咁 飯酸 。。。😹整體來說:個人覺得唔好去,質素差過放題,講多無謂兩個人有折都過3000,比咁既野我,重要生日去 繼續閱讀
(以上食評乃用戶個人意見 , 並不代表OpenRice之觀點。)
走進八瀧,望吓四圍日式裝潢,心情已經好放鬆。拎起箸一試帆立貝,靚絕!貝肉Q彈,微微炭香,包埋紫菜嘅香脆,好配!再嚟一勺海膽,每次都係咁驚艷,綿滑鮮甜,完全唔使芥茉都夠味。而嗰個燒過嘅腦天,脂肪少少,唔會腻,對味!大拖羅簡直係軟綿王道,炙熱後更透出海味,鰹魚酸汁提鮮得嚟,豐富口感。同屋企人一齊試咗門口推介嘅安康魚肝,滑嘅,濃嘅,微微嘅苦味,啱晒我口味。呢度嘅梳子魚又唔輸蝕,結合海膽嘅濃郁,正到不得了!食完甜品黑芝麻雪糕,味道又濃又唔那麼甜,簡直係完美收尾。放工後嚟呢度chill下,咀嚼之間,都冇咩煩悶可以繼續喺腦海停留啦🤤🍣🍮。 繼續閱讀
(以上食評乃用戶個人意見 , 並不代表OpenRice之觀點。)
等級2 2024-01-18
194 瀏覽
朋友曾經提及這間餐廳,加上係FB 睇到、咁就去試吓。位置okay 方便,搭地鐵容易去、尖東方向去快啲。環境簡約乾淨,一啲都唔嘈。店舖細細地、但舒服呀。吧枱闊落、但吧櫈比較高咗少少(因為我腳短)🤪店員及吧枱廚師嘅服務態度非常好及認真。食物質素好及美味😋第一次食,揀左個中價Omakasa ..12 款手握🍣, 新鮮美味。蒸蛋🥚好滑好食。甜品係芝士雪糕🍧👍🏻👍🏻👍🏻唯一個湯比較鹹,可能我本身係食得淡一點嘅。下次有機會試埋晚餐。Open rice 有優惠及店舖也有生日優惠🥰 繼續閱讀
(以上食評乃用戶個人意見 , 並不代表OpenRice之觀點。)