影片
開飯介紹
以烏冬為主打菜式的日式餐廳，另外亦供應燒物、飯類等料理，口味多元化且定價相宜，適合家庭聚會及與好友聚餐。
繼續閱讀
營業時間
今日營業
11:30 - 15:00
17:30 - 22:30
星期一至日
11:30 - 15:00
17:30 - 22:30
以上資料只供參考, 請與餐廳確認詳情
相關文章
第二次食，$98黑安格斯肉眼沙律，呢個類似定食餐，個牛排好好味，雖然有啲薄，但係醬汁以及軟硬程度控制得很好，好好味，大推。呢個餐有個迷你忌廉烏冬，第一次食，我覺得味道都好好食，但第二次就失色咗少少，味道比較淡，不過我覺得都可以接受。牛排真心值得一試。另外今次也吃了八沢咖喱豚肉芝士焗飯，吃過一次，不會吃第二次了，他的咖喱味是有點特別，香料味重，但味道比較淡，也偏甜，越吃越膩，不過也是有點新奇，從未食過這樣的咖喱
繼續閱讀
最近我試咗呢間餐廳嘅招牌「黑松露忌廉海鮮烏冬」，首先要讚下佢哋嘅帶子，實在非常嫰，咬落去一口就冇得停。不過，湯底同埋麵嘅味道就有啲普通，冇特別驚喜，配菜都係中規中矩，唔會令你大叫好味，但都算唔失禮。服務態度方面，真係非常好，員工都幾友善，令我感覺舒適。食嘢時，服務生會主動關心我哋嘅需要，呢點為用餐體驗加分不少。不過，講到性價比，就有啲失落，因為價錢略高，可能未必值得再回頭。不過，餐廳位置方便，對於想搵個地方輕鬆食飯嘅朋友，呢度都幾合適。總括而言，偶爾試下都唔錯，但我覺得仲可以更好！
繼續閱讀
呢間嘢大大話話都食左十年，以前舊舖到依家間舖到開分店，今個禮拜去食左個lunch ，非常失望，直頭係難食，個黑安格斯嚴重懷疑係問隔離茶記借貨，雙重芝士豬扒撈烏冬仲離譜，擠嘅芝士醬同一pat 仔cream 就打發，無文無味，難怪當日飯市去烏蠅都無多隻
繼續閱讀
拉麵麵底難食，唔爽口，口感似有小小熔咗嘅片裝芝士感，比較粉份量有D少再加埋咁嘅價錢 （$70+）都唔緊要喇，但係拉麵喎！係拉麵呀！你連拉麵嘅靈魂都冇，點樣好食呀？我最多都可以同情下你，咁嘅經濟環境，再加有好多香港人北上消費，收入差咗，可能先至係食材上入手，買D成本比以前低少少嘅食材烹比客食，呢個唔係問題，問題係可唔可以用其他嘅版子嘅拉麵呢？建議買返嚟之後試咗先啦。。。如果唔係咁嘅口感，我哋都唔會食唔晒成碗拉麵，都會尊重返個廚師，但係個麵底真心唔得
繼續閱讀
地鐵站出口一出步行約1分鐘就到，地點非常方便.店內播住輕鬆純音樂，環境都好舒服。我同朋友兩人係星期一閒日晚上光顧，感覺客人唔算多～.第一次光顧，決定試佢招牌菜式 銷量no.1嘅黑松露忌廉海鮮烏冬 $98————湯底：黑松露配忌廉味道幾夾，而且口感滑嫩濃郁，食完成個烏冬都唔會口渴海鮮：有三文魚同帶子，三文魚熟到恰到好處，甚至有種入口即溶嘅感覺，好食！帶子都幾彈牙😋烏冬：感覺煮得太腍，失去彈牙嘅感覺.黑安格斯肉眼牛扒沙律 配白飯及忌廉烏冬 $98—————牛扒：醬汁味同牛扒好夾，生熟度適中，但如果再腍啲就更好忌廉烏冬：基本上同黑松露海鮮忌廉烏冬冇太大分別，只係少咗黑松露味白飯：日本米香口，但兩個主食其實有啲飽….覺得整體都中上，只係有少少位可以再改進，期望改善完變得更好食👍🏻
繼續閱讀