八木橋日式燒肉

營業中

休息中

喺旺角呢度嘅 T.O.P 有間體驗好唔同嘅日式燒烤放題，入面嘅食材可以話有幾高檔就有多高檔， 上流之中嘅上流。【八木橋日式燒肉】畀我一種有錢佬，去到高級日式料理餐廳，想食乜就點乜， 完全唔使顧慮價錢嘅享受體驗。由裝潢已經可以睇得出呢度環境，同平民日本料理店係完全唔同嘅檔次。 自己去食個午餐放題，只需要 $438，一個鐘半任食! 非常推介佢哋嘅【和牛嫩肩肉】，滑嫩彈牙，油脂味香濃，分佈喺肉嘅每一處，喺燒烤嘅時候已經聞 到非常香嘅牛肉香味。 【和牛外腿肉】都唔會輸俾嫩肩肉，比起嫩肩肉嘅細膩，外腿肉更加飽滿同埋富有韌性，咬落去非 常香嫩。 呢度仲有【黑松露牛油雜菌】，有各式各樣嘅菌菇類，作為配菜，可以襯托牛肉嘅清香，而且微微 帶甜，可以將牛肉嘅膩完全解咗。呢度嘅放題我食得非常開心，大家一定要嚟試吓!

真心估唔到，原來喺香港有一間咁高質素嘅日式燒肉放題!! 本身以為基本上放題就係啲比較參差嘅食材，今次去到呢一間餐廳之後，真係要自打嘴巴!! 完全係高質嘅任食!! 所以今日就特登要介紹一下呢一度嘅正宗和牛燒肉 🤗🌟霞餐$438 🌟這款價格 算係中規中矩，不過如果對比返入邊套餐包括咗任食嘅菜式，絕對係覺得超值，超級多款唔同部位嘅和牛可以任食，仲有唔同款式嘅肉類，汽水，雪糕，天婦羅，全部都係任食，一次過滿足晒我所有願望，呢一個價錢絕對係冇得輸!!🌟 和牛崩沙腩 🌟和牛崩沙腩柔嫩而口感豐富， 好鍾意呢個肉汁，真係超級豐富，食入口嘅時候，啲肉汁喺個口入邊爆曬出嚟!! 爽!🐄😋🌟 清酒煮蜆 🌟清酒蜆煮到味道濃郁，清香帶着淡淡的酒香，令人回味無窮💯🌟香草墨魚仔🌟墨魚仔以香草調製，口感鮮美、Q彈，再配上燒烤的香味，好有層次感💯🌟 鯖魚🌟鯖魚用鐵板燒出來，味道獨特，魚肉滑腍，配上醬汁，好食得停不了口💯平心而論，一間餐廳可以做到有咁多款式，而且仲要係咁高質嘅牛肉可以任食，絕對係香港數一數二嘅性價比日式燒肉放題嘅選擇!!就佢哋嘅食物質素黎講，真的係物超所值！下次定會再黎！

朋友嚟香港旅行，佢嘅旅行清單入面，有一件事係我哋必須完成嘅，就係去旺角八木橋食烤肉。佢喺網上睇到好多人推薦必食八木橋，就拉我一齊嚟試。作為一個本地人嘅我都未試過，今日就同外地朋友一齊嚟食。唔多講，入正題。呢間鋪有四個套餐，分別係雪、雲、霞、雨，每種套餐唔同價錢同肉類。難得我朋友請客，當然係食最貴嘅雨餐啦🤣最重要係任食！唔使等好耐，店員就將我哋嘅食物送上嚟。首先係A5和牛西冷，足足比我兩隻手掌仲大，真係超大。佢嘅紋理十分細緻同靚，烤到差唔多後，再剪開嚟，肉汁特別順滑，入口即化，牛肉味依然好濃，一個字，正！其次係A4黑毛和牛肉拼盤，擁有多種A4黑毛和牛肉，包括有A4黑毛和牛和尚頭、A4黑毛和牛後腰肉、A4黑毛和牛牛肩等等。所有和牛肉都好柔軟，充滿牛肉味，食落去油香四溢。其中最鍾意係後腰肉，肥瘦適中，一口接一口，非常滿足。淨係食牛肉已經食到我哋津津有味，仲有其他食物任君挑選。仲想推薦呢度嘅天婦羅，尤其係天婦羅炸蝦，嗰隻蝦夠大隻夠新鮮，脆脆嘅口感，鮮甜嘅蝦肉，食物嘅素質都好高。

同朋友慶祝生日就嚟咗top食這間燒肉放題雨餐做緊推廣，有半價優惠所以就揀雨餐先嚟一個頭盤韓風瓷壺醬油牛肋骨,鮑魚,味淋魚乾 比目魚西京燒醬油牛肋骨,可以剪開慢慢燒四品和牛燒肉盛+ 薄切和牛我自己覺得黑毛和牛後腰肉最好食A5岩手和牛西冷大大塊燒燒完切開，大滿足味淋魚乾, 冇諗過係燒完好似烤魷魚一樣咁香比目魚魚香滑嫩鮑魚唔落調味都好好食枱邊有張燒烤小貼士飲品選擇都算多仲有汽水,可樂等喺另一個櫃等食期間又叫咗啲熟食炸物都幾好有芝士波, 香芋丸，章魚小丸子，忌廉薯餅， 試過好食每樣都再encore除咗前頭盤之外，仲可以再不斷落單叫牛肉可以落單叫扇貝，清酒煮蜆同埋沙嗲生蠔覺得佢有個兜一份份幾好，唔會燒到啲海鮮太乾睇到我哋個爐就知道係食到唔停口甜品除咗雪糕仲可以order其他整體覺得餐廳肉類質素好高，款式選擇多另外有個位係值得稱讚 ，餐廳通風做得好好 咁多爐一齊係咁燒 ，唔會有太油煙餐廳完全冇漏單，一落好快就嚟到， 食完的碟又好快收走

晚餐唔知要食咩，就打算帶老婆食一餐頂級嘅，可以享受一下二人世界晚餐。啱啱喺旺角逛街見到呢間非常高檔嘅【八木橋日式燒肉】，畀人感覺真係好頂級好高檔。就好好畀老婆享受一餐。呢度嘅環境好乾淨，帶長輩或者朋友嚟用餐絕對唔會失禮人，有畀足人面嘅格調。我哋兩個人都點咗最貴最豪華嘅【雨餐】，可以任食嘅食材真係好多，而且全部都係高級食材！呢度嘅主角係【A5和牛西冷】，牛油嘅雪花真係好多，本來以為烤出嚟應該會好油膩難以下口，但係自己親口食咗之後，感覺一啲都唔油，而且仲散發出和牛嘅甜味同香氣，牛油散發出嚟嘅香氣甚至唔需要蘸料都好提味。仲要提一提【A4黑毛和牛】嘅組合，牛嘅部位同肉嘅種類好多，各有千秋。【A4黑毛和牛薄切】肉質好細膩，好嫩。【A4黑毛和牛和尚頭】肉質好滑，油脂適中。【A4黑毛和牛牛肩】肉質有韌性，好彈牙可口。【A4黑毛和牛三角腩】肉質滑嫩，肥肉瘦肉嘅分佈好均勻。食咗牛肉想換個口味，仲可以攞【扇貝】，肉質一樣鮮嫩，烤出嚟味道非常鮮美，微微帶點鹹同甜。佢哋嘅【章魚小丸子】都係好好食，味道好正宗，就係喺日本食嘅味道一模一樣。呢度嘅晚餐放題真係好抵佢哋嘅價位，好有滿足感，跟老婆都有一個非常難忘嘅回憶

近排心情麻麻哋，每次一遇到唔係咁開心嘅時候，就會好想去食返餐好嘅，於是就揀咗八木橋日 式燒肉啦!!! 🔥如果想心情變好嘅話，梗係要爆食一餐任食嘅燒肉啦! 而且呢一間餐廳嘅裝潢、擺 設、餐具都是簡約舒適風格，離地鐵站不遠，位置距非常方便 ，整體感覺非常好 。😝和牛嫩肩肉♦和牛嫩肩肉肉質鮮嫩，滿口醇香， 燒完之後，依然可以保持到佢嘅嫩滑!! 真係非常之難得!! 果然， 和牛 就係和牛!! 真係點樣燒都好食!和牛崩沙腩♣ 這種和牛崩沙腩真是口感極嫩，充滿和牛的香味，絕對可以滿足你的味蕾。和牛外腿肉♥ 午餐和牛外腿肉，霞餐提供多種味道的鮮美和牛肉，無論是哪一種，都讓人讚不絕口，大滿足。豐富海鮮拼盤♥豐富的海鮮， 呢度嘅海鮮選擇種類都好多， 我哋叫完套餐之後，店員就即刻送咗一盤好精緻嘅海 鮮拼盤上嚟，非常之貼心!! 而且呢間餐廳真係一啲都唔會吝嗇，海鮮嘅種類好多，而且非常新鮮， 我自己好鍾意食燒烤嘅海鮮，因為平時喺屋企都唔捨得食，如果要買海鮮燒嘅話好貴!! 但係可以 任食就另計啦，哈哈哈!! 我好鍾意食呢一度嘅蝦，蝦肉燒完之後更加香，加少少鹽去提鮮， 真係 一絕!我想講呢一間日式燒肉店嘅食物質素

之前朋友推介呢間日式烤肉，佢話雖然呢度係放題式嘅食法，但係嘢食水準好有質素，完全係高質放題。近排又想食燒肉，就去咗呢間試吓係咪真係好似朋友講到咁正。.食嘅係「雨」餐，先嚟嘅係大大塊A4和牛西冷！個雪花真係好靚同埋好大塊，平時出面買單單呢一塊就已經要成幾百蚊！同事仲嗌咗其他a4和牛，講多無謂，直接睇相就知道個質素啦！呢啲靚牛就咁輕輕燒幾下已經好好食，油脂咁十足，正呀！.之後仲嗌咗刺身及生蠔，食落有海水味，都算幾新鮮。.之後仲有一個海鮮拼盤。鮑魚慢慢燒就ok，比目魚燒出嚟好滑，估唔到自己燒都有呢啲質素！.之後仲嗌咗其他人嗌嘅嘢食，雖然牛黎講一定比唔上a4和牛，但質素都叫ok！而且嗌完好快就上菜，一啲都唔會拖住唔出嘢比你。

生蠔： 十分新鮮，無腥味海鹽味濃郁，配少少檸檬汁口感味道更佳。壺漬牛肋肉：醃得非常入味，牛肋肉平身部位牛味都濃，燒到咁上下剪開再燒到外層微微焦香，十分惹味，頗有驚喜。燒比目魚：魚油十足，無雪味，要燒得均勻唔散開 需要一定既技巧。燒雞泡魚乾：燒到表面微微焦香轉色就岩岩好，煙煙韌韌。和牛拼盤：主打係黑毛和牛既唔同位置，有牛肩，三角腩，後腰肉，和尚頭同薄切和牛等等。和牛就出名油花靚，油份重，但每個部位都各有特色，比較平均既就揀三角腩，比較想要油香重既就揀牛肩。個人覺得三角腩及比較出色，脂肉比例較平均，雪花紋理十分吸睛。當然最好就緊係每樣試下啦燒鮑魚：燒7分鐘就岩岩好，鮑生新鮮有咬口，加少少岩鹽有提鮮作用。燒虎蝦：大大隻，蝦味濃，有咬口，賣相及味道一流。燒雞軟骨：頗有驚喜，唔係一般巴西雞軟骨咁，細細粒但無乜脂肪，但雞味濃郁，十分出色。甜品：除左一般既雪糕雪條任食外，另有一人一杯既Häagen-Dazs 雪糕，十分滿足。總結：食物質素唔錯，和牛亦有証書保證，放題黎講，食物對得住價錢，值得一試。

Blue Monday收工約朋友出嚟食下飯嚟咗旺角Top嘅八木橋食燒肉 肉食獸會勁滿足！有幾款放題套餐 由200幾到千幾不等豐儉由人 任君選擇朋友話今日要食豪啲 揀咗雨餐有110品項選擇 非常豐富前菜有鮑魚、牛肋條、雞泡魚乾、比目魚跟住小貼士去燒就得鮑魚好爽彈新鮮 牛肋條juicy 比目魚夠滑A5和牛 打卡勁靚雪花分佈平均 好嫩滑A4黑毛和牛簿切、後腰肉、三角腩、和尚頭、牛肩又係勁靚勁igable油脂、厚度適中 放落去燒兩下就食得入口牛嘅香氣湧出 肉質好鮮嫩 正！生蠔好新鮮 食落去鮮甜 大大隻唔會腥海鮮有扇貝、大蝦、墨魚仔、蜆、鯖魚大蝦肉質爽脆 燒完都keep到海水鮮味 幾juicy揚物、天婦羅都好出色即叫即炸 上枱時新鮮熱辣辣最鍾意香芋波波同一口芝士 餡料好豐富飲品同甜品都係任食茶、汽水、sparkling water都有甜品有日式蕨餅、brownie等等放題嚟講 款式都幾多自助吧仲有雪糕 試咗香芋同朱古力味 perfect ending!

男朋友話請食飯，我諗都唔諗就即刻帶咗佢過嚟食燒肉，一嚟係任食，二來係貪佢非常之高質，所以就走咗過嚟啦🔥 餐廳喺地鐵站行兩步就可以輕鬆抵達八木橋日式燒肉放題，位於旺角的便利位置真的是超級方便👍🏻😝睇落係好不錯喔！@黑毛和牛原味牛舌♦️牛舌的口感緊實有彈性，搭配特製的醬汁，口感超級滿足。@和牛三角腩♥️和牛三角腩 嘅肉味好香，而且呢個位置嘅油脂分布都非常之好， 燒得恰到好處，搭配特別醬汁， 真係非常之美味!@和牛崩沙腩♣️和牛崩沙腩真的是極品美食，燒烤到略帶焦糖色的和牛，質地軟嫩，烤烤的溫度剛剛好。@韓風瓷壺醬油牛肋肉♥️講真，我自己都勁鍾意呢一款菜式，一嚟係佢哋嘅醬汁好濃郁，而且係唔會死鹹嘅感覺，重點係醃到個牛肋肉係非常之香!! 燒完之後更加入味!!還有，這裡的環境裝修和擺設都非常的舒適， 仲有 就係天婦羅，炸物，啤酒汽水全部都係任飲任食，鍾意幾多就食幾多，基本上一定係食到大家飽晒咁離開，超爽!

冇諗到喺香港可以食到咁頂級嘅燒肉放題。不久前聽同事講佢同屋企人一齊去呢間旺角【八木橋日式燒肉】食buffet，然後同我分享咗用餐心得，佢哋一家人都食得非常開心，覺得食材好新鮮，用餐環境亦都好舒適，唔會嘈，重點係高級食材任食任飲。既然佢咁推介呢間日式燒肉放題，我就打算去試一試。嗰邊嘅裝潢真係非常優雅嘅日式和風，的確如佢所講環境真係好舒服，感覺喺度用餐心情都會特別好。然後喺佢哋前台仲見到咩“牛匠岩手認定書”，雖然唔係好清楚，但係就覺得佢哋有好專業嘅證書。講講我今次點嘅配套，叫【雨餐】，就係最頂級最貴嗰個，價位$1108，任食一個半鐘，覺得好抵。【A5和牛西冷】：確實好高級，雪花好靚，肉質鮮嫩好新鮮，可以嘗到濃厚嘅牛油香，軟嫩之餘仲有少少咬勁，加上燒烤出嚟嘅風味，真係非常好食。【A4黑毛和牛後腰肉】：肉質比較細膩，瘦肉較多，但係唔會太韌，和A5和牛嘅味道有啲唔同，都係香氣十足，微微帶點牛肉嘅清香。【A4黑毛和牛三角腩】：油脂偏多，但係分布均勻，因為切片比較冇咁厚，口感比較細膩，比起後腰肉比較軟。【海鮮拼盤】：擺盤非常誘人，海鮮種類多，而且非常新鮮，唔會有臭腥味，個人最鍾意扇貝，好彈牙好香。今

今日係老公生日，平時最鍾意食肉嘅佢我打算畀個驚喜佢，就係帶佢去食佢最鍾意食嘅燒肉而且任食！燒烤店喺旺角T.O.P 4樓，係一間日式燒烤店，叫八木橋。老公到咗之後受寵若驚，感動到差啲喊🤣我同佢講，乜都唔使做，食就得啦。我哋揀嘅套餐係最高級嘅雨餐。平日係$1108，包咗一份頂級A5和牛，仲有其他A4和牛，仲有其他小食同埋雪糕，全部都係任食。唔怕你食唔夠，淨係怕你食唔晒。以下係我個人比較推薦畀大家嘅和牛肉同埋啲小食。作為開胃菜，味付螺肉，果然名不虛傳。佢有盤中明珠嘅美譽，含有豐富嘅營養價值，口感爽滑味美，味道鮮甜，非常之開胃。而黑松露牛油雜菌係我鍾意嘅小食之一。黑松露牛油味非常香氣撲鼻，雜菌又非常爽口，意外地好食。主角當然係A5和牛西冷，呢餐最令我食咗仲想繼續食嘅就係呢個A5和牛，真係好好食。成塊肉油脂非常鮮甜，口感軟嫩係其他肉類比唔上嘅。食咗呢個感覺都回本咗。A4黑毛和牛後腰肉就係我個人覺得呢餐僅次於A5和牛西冷嘅存在。烤嘅時候非常香噴噴，食咗一啖之後，會一直繼續食好多啖，停唔到口。滿口都充滿和牛肉味，而且好有嚼勁，真係好鍾意。牛肉入面我最鍾意嘅部位就係牛脷。所以我哋點咗原味牛脷。牛脷富含

今日同好耐冇見嘅大學朋友一齊聚餐，燒肉肯定係聚餐嘅好選擇啦！我哋嚟到八木橋燒肉嗌咗「雨餐」，有接近100多種食材任君選擇！我哋大家都放開肚皮食，食到盡興！朋友都食到行唔郁😂😂最令人期待嘅當然係呢個A5和牛西冷啦！脂肪分佈均勻，本身仲自帶住自然嘅甜味。甜味同埋牛肉味互相結合，烤熟後切開，一口放入口中唔需要點咬就融喺嘴裏！唔愧係高級嘅味道！簡直係一流！A4黑毛和牛牛肩、A4黑毛和牛三角腩、A4黑毛和牛和尚頭等等部位嘅牛肉都可以任食！品質十分之高！Mozzarella芝士雞腿肉、鮑魚、比目魚西京燒都喺套餐入面！多樣化嘅選擇真係令我哋好頭痛，唔知要揀邊個嚟食！只好全部要噻！！海鮮、小食、天婦羅都係無限追加嘅！生蠔個頭都好大，生蠔嘅肉質非常滑嫩，根本冇腥味，食得出係非常新鮮嘅食材。新鮮嘅生蠔配埋檸檬汁、辣椒醬就可以發揮出生蠔本身嘅鮮甜味~ 正啊！

細佬考試及格，諗住要獎勵一下佢，請佢食餐勁嘅，就問佢想食咩，佢話想食燒烤，就諗到呢間日式燒烤店，八木橋。為咗食呢餐，細佬仲餓咗成日肚，勢必要食飽飲醉。我哋揀咗霞餐，雖然冇雨餐咁高級，但霞餐都足夠滿足我哋兩個嘅胃口，因為佢包含咗多款口味牛板腱、肩脊肉、牛胸腹任食，仲有多口味燒豚肉、雞中翼、雞腿肉任食，無限追加即炸天婦羅，多款海鮮，虎蝦、扇貝、廣島蠔任燒任食，性價比超高。細佬鍾意食蝦，我就叫咗虎蝦，真係非常鮮美甘甜，蝦肉質地緊實，有嚼勁，好食得不得了。我哋仲食咗比目魚西京燒，口味高質，燒到魚皮非常香脆，魚肉口感嫩滑，食到我哋以為嚟咗海鮮飯店，每款海鮮都超好食。嚟到日式燒烤店，點可以唔食和牛，多款和牛肉嘅盤，都唔知要食邊個先，全都烤吧。放落去烤就即刻聞到香噴噴嘅牛肉味。個人比較鍾意和牛嫩肩肉同和牛崩沙腩，嫩嫩嘅，香香嘅，特別好食，而且好多汁，好食到吮手指食咗海同陸，該嚟空啦。雞腿肉配上Mozzarella芝士，雞腿肉嘅鮮嫩同芝士無縫連接，每一啖都充滿咗邪惡嘅芝士，真係無得頂細佬食得好滿足，我都好安慰

今日下晝時間同partner傾完嘢之後，突然之間好想食燒肉，於是大家喺社交平台上面搵吓有啲乜嘢燒肉放題嘅好介紹，咁啱俾我哋見到呢一間餐廳好多人推介，於是就一心諗住走過嚟試吓!!地點位置非常方便，喺旺角 地鐵站一出上去就到，唔錯!!呢度嘅套餐非常之豐富:強烈推薦呢一度嘅生蠔，呢一度嘅生蠔真係刺身級數，但係可以用嚟做燒肉放題真係冇得輸，而且呢一間店舖亦都非常之貼心，準備咗蒜蓉同埋辣椒，可以自己炮製超好食嘅蒜蓉燒蠔，淨係食呢個都已經回晒本啦哈哈哈！！餐廳主打嘅午餐「雨餐」，包括A4黑毛和牛和尚頭、A4黑毛和牛後腰肉、A4黑毛和牛牛肩、A4黑毛和牛薄切。真材實料，每一種肉都新鮮，食落去肉汁四溢、滋味十足。重點最吸引嘅當然唔少得呢塊A5和牛西冷。肉心嘅部份十足嫩滑，入口即溶。感覺到滿滿飽足感，而且幾好咬，口感獨特基本上呢一間餐廳做放題嚟講質素好高，價錢亦都好合理，可以值得推介俾大家有時間嘅話都過嚟試吓