八月茶室 (元州街)

營業中

休息中

餐廳裝潢精緻，中間既月亮擺設十分有格調，完全唔似一間冰室。餐廳食物種類多，由茶餐廳既粉麵面、多士去到川菜如酸菜魚、水煮魚都有，味道仲唔錯！ 當日食左招牌酸菜魚、流心蛋黃西多士、鮮茄焗豬排飯及XO醬海鮮炒公仔麵。 茶餐廳食物黎講我就最鍾意食焗豬排飯同炒公仔麵，焗豬以炒飯鋪底，再鋪上切件豬排，淋上茄汁及芝士焗香。炒飯有蛋香味，夠乾身，豬排肉厚唔柴無雪味，茄汁帶甜唔會過酸，再配上芝士拉絲感十足。味道屬中上水平。 XO醬海鮮炒公仔麵配料多，海鮮有魚塊、魷魚及蝦等等，以XO醬加上公仔麵炒香，炒麵唔會死咸夠香口，麵感夠爽彈唔會淋哂，，咩都好，缺點就係太高卡路厘，哈哈。 招牌酸菜魚，上菜時勁大碗，份量勁多，除左魚片，配料仲有萵荀、薯粉、雜菌。魚片滑溜無碎骨，份量勁多。湯底酸菜帶酸辣味，十分開胃。呢個價錢，呢個份量，兩個人食一份都飽哂，唯一要彈既就係酸菜有小小唔夠入味。 除左酸菜魚，流心西多都係呢到招牌。一般西多士做法，中間夾左流沙咸蛋黃醬，食到粒粒咸蛋黃仲帶小小咸香，味道食落就好似一個更香口，炸過既流沙包。餐廳會另外配上糖醬，一甜一咸出奇地夾。 總結黎講餐廳裝設精緻，有別一般茶餐廳，食物種類多，質素

長沙灣元洲邨對面有家新開張的「八月茶室」，裏面的裝飾很特別，牆上和天花都掛滿了「月球」，有圓月，也有娥眉月，非常別緻。於是今天約了朋友來嚐嚐這裏的美食。卡位也坐得舒適，新張期內還有優惠劵贈送。我們選了幾味小菜，而我較喜歡吃香辣川菜。“重慶雞煲”，熱焫焫，香噴噴，原煲奉上。香辣之餘，雞肉還爽口彈牙，而且大大件，相當惹味。“孜然牛肉”，除了辣之外，還有孜然粉的香味，轟炸味蕾。牛肉炒得剛好，火候十足，牛肉不老，入口嫩滑。“中式牛柳”，牛柳腍軟可口，配上酸甜獻汁和新鮮菠蘿，相當醒胃。“蒜香蜜餞牛仔骨”，骨中帶肉，特別爽口，牛肉味突出。+$10有絲苗白飯和老火例湯。“流心西多+雞中翼”，最後來過港式甜品，西多蛋黃流心，甜入心頭，還有香脆雞中翼。這裏的川菜質素相當高，色、香、味俱全，而且性價比出奇地高，真是意外驚喜。

位置在元州街上面，外观一看以为比较贵的一家餐厅，结果价位很亲民！点了一道豉椒炒鲜鱿，外加一碗莲藕汤，味道很好，服务员态度耐心，环境还出乎意料好，装修很有品味！值得推荐！

2條仔，又無女，有乜好食？？來到元州邨，就是但搵間茶記開餐算啦！睇啱呢間，牌面夠光猛就入去。叫左2個餸。第一個酸菜魚，佢嘅麻同辣到啱啱好！啱晒我口味，料又足，又大碗，食唔晒咁濟，第二個芝麻糖醋骨，酸甜十足，賣相又靚。再加2個白飯。仲有例湯一碗。真係空住個肚入來，飽住個肚出返去。

位於長沙灣元州商場對面的八月茶室，每日都有8款午餐供選擇，全部五拾幾蚊，仲包埋飲品及中式餐湯，餐湯不是清湯，有料的，而且大大碗，份量十足。今日試了粟米肉粒魚柳飯及金針雲耳蒸滑雞飯，上枱時兩款飯都好夠熱，熱到出煙，至於味道不過不失，可以填飽個肚。

天氣涼涼地，好想食啲湯底嘅菜做晚餐暖笠笠。門口見到個menu好厚，茶室個餐牌有好多選擇，仲有我鐘意食嘅酸菜魚。我6:30入座，轉頭就已經坐滿哂。 招牌酸菜魚$1882至3人份量，魚片大件厚實，啖啖肉，滑嫰冇骨，配菜材料超多，超多薯粉，菇，仲有萵笋，酸得嚟不會好辣，上面灑滿芝麻，聞落去味道更香。 酸菜炒肥腸 $71又係好大碟，好多酸菜，肥腸都唔少，最重要喺肥腸洗得好乾淨，一點都不臭，而且炒得好淋好入味，伴酸菜送飯一流。 蜜椒薯仔牛柳粒 $75牛柳粒表面脆脆的，有明顯的黑椒味但不會過濃，牛柳粒表面脆脆，入面是軟身的。 流心奶黃西多沙律 $37飯後甜品，意想不到流心西多竟然係奶皇，雖然表面睇見不到流出來的狀態，但西多內夾住一層厚厚的奶皇，軟绵绵咁與西多交織在一起，屋企人話未食過咁嘅西多，覺得好好食。而沙律混合新鮮紅蘋果及青蘋果，酸溜溜的沙律作尾很消濟解膩。

連茶餐廳都有川菜食??今晚連同朋友放工過黎長沙灣食過晚飯，叫咗兩碟餸加多個西多士試下先。招牌酸菜魚點咗一個188蚊既酸菜魚，佢嘅配料都好豐富下，有水晶粉做底、草菇、酸菜、萵筍等。跟湯同一個白飯。再加多杯紅豆冰，都系加多21蚊。芝麻黑糖醋骨流心奶黃西多士第二朝整番熱黎，放落微波爐叮五分鐘左右就食得，個餡系甜蛋黃。再加埋糖醬落去食，好味又超甜。仲有兩隻雞翼，系值得推介既下午茶。有機會再嚟試下其他野，環境好服務員工都好nice，仲有問必答。就茶記黎講冇咩好挑剔。八月茶室長沙灣元州街342-356號家壹地下1-3號舖☎23101129

係長沙灣元洲邨附近做完嘢，想搵個地方午餐經過呢間「八月茶室」，覺得同成條街好格格不入，因為門面好光鮮、入面好光亮、寬敞、乾淨，好適合舒舒服服咁慰勞下自己四四方方，都幾多位，卡位坐得舒服兩點鐘有下午茶餐牌、午餐及正價餐牌欣賞凍飲用保冷杯，冰無咁快溶，味道無咁快淡，大大杯凍奶茶幾滑，凍飲都飲到茶香添餐牌有幾款川式系列餸菜，我地揀左個手撕包菜，好惹味，好有川式風味，少少少辣＋蒜香，正魚柳焗飯上枱時邊位d汁重係熱到起泡豬扒包個包外脆內鬆軟，豬扒好好食，夠厚身咬落有口感；夠大塊，夠淋又唔乾流心奶黃西多士配薯角奶黃足料，一開9每粒都食到奶黃香，口感濕潤綿滑

港式茶餐廳相信是不少港人的最愛，今日一於嘗試一間新裝修在長沙灣的茶餐廳，感受一下港式的氣氛.凍檸茶及熱菜蜜,也是香港人的最愛.餐廳環境十分之明亮加上佈置裝飾十分之特別，流心的西多士，是即叫即炸的，十分之香脆，加上廚師控制火候得宜，令熱烘烘的西多士更上一層樓.至於雞翼充滿了肉汁水準十足.這個小炒肉十分之惹味，也是最佳的送飯之選，香蔥也是送酒最佳之物.西蘭花十分之爽口，加上青衣魚柳啖啖肉,方便小朋友及老人家進食.下次一於約埋朋友上是性價比十分之高的下午茶.

近來工作繁忙，好少時間抽到時間去寫下食評了，敬請見諒😛久違的約朋友，今晚遷就一下對方，下班走到長沙灣共聚。餐廳方面，裝修用心，座位舒適，比一般茶記冰室來得更精緻。啫啫豬潤滑雞煲雞皮跟肉均超香滑，豬潤又粉，主要用洋蔥加醬油，口味不過重，入味不太咸。啫得收乾了精華，雞肉味更集中。八月小炒皇韭菜花香口腰果咸香大蝦乾魷魚蝦仁全部齊，適合送飯，份量可真不少，有鑊氣且不算好油。黃金脆皮蝦球熱騰騰，即叫即炸，大大件做得脆身，咸旦下得多，完全令蝦球每面都沾滿鴨旦的香氣，蝦夠入味，肉夠彈。川辣辣子雞丁勁香辣椒🌶️籽蔥花的味道，雞丁切得四四方方，紅紅綠綠得奪目，肉不死實，加上脆腰果，更有口感，辣度相當，愈食愈刺激。流心奶黃西多士配自家製沙律 份量上有驚喜，本來以為配沙律西多份量減半，點知原來原件上😂外面炸到金黃，入面包保留軟軟的，半流心當中奶黃澎湃濃郁，還有咸旦粒，既有牛油香，又有糖漿的香甜，十分美味。沙律🥗醬很多，酸酸甜甜，減了些少炸西多的咸膩。食後感：月球環境設計蠻特別，出品有保証，價位合理且卡位坐得好舒服。

經常去吃早餐，早餐入面嘅麻辣米線配牛排好好吃。重點係服務質素超級好。經常早上打完波，會同波友一起吃早餐，通常都十幾個人，餐廳每次都好有耐心幫我地安排座位。除左奶茶偏甜(少少甜都好甜)，其餘都十分滿意

八月茶室是新開茶餐廳。因為叫八月，餐廳設計充滿著圓dum dum的月亮😆❤️。餐廳十分明亮整潔，座位闊落而舒適。餐牌選擇非常多樣豐富，看到很多都想吃，選擇困難症出現🤣。‖ 招牌酸菜魚 ($98) ‖這是晚市套餐，所以跟湯、白飯和熱飲。賣相吸引，好大碗。湯頭望落濃厚、金黃光澤。魚塊很多，肉質新鮮嫩滑，吃到魚鮮味。湯汁是我喜歡的酸菜魚湯味☺️。鮮香酸辣，味道濃郁而平衡，撈飯一流。配料都多，有水晶粉、菇類、萵筍、酸菜等。這道酸菜魚味道超出預期，猜不到茶餐廳的酸菜魚都做得那麼好。好味，一定要試😋😋❤️。‖ 香煎西檸雞 ($71) ‖大大碟，非常多汁。酸甜度剛好，雞塊新鮮肉嫩皮脆無骨，沒有厚厚的炸粉包著薄薄的肉，讚讚👍🏽👍🏽。出色，好味😋☺️。‖ 櫻花蝦黃金炒飯 ($68) ‖材料有櫻花蝦、帶子、蝦仁、雞肉、鹹蛋黃、翠肉瓜等，都好豐富。飯粒都粒粒分明，味道清香，稍微缺點穫氣。‖ 流心奶黃西多士配沙律 ($37) ‖這個好好味🤩🤩。那個鹹蛋奶黃味非常非常濃郁！🤤🤤 沒有誇張，真的100%濃烈🤯，好味到旁邊的糖漿也忘記淋下，吃完先發現「咦，原來有糖漿嫁？」🤣🤣。喜歡吃鹹蛋奶黃的朋友，有機會絕對要試試🤣🥳。總

呢間8月，取名八月十五意思，入面裝修風格都同月亮有關，長沙灣罕見靚裝修茶餐廳， 之前已經食個下午茶，覺得唔錯，朋友推薦晚飯小菜，招牌酸菜魚，好深刻，特以嚟試一試🕰️大約六點半入座，當時已經七成滿，餐牌價格貼地，晚市小菜🍲，包是日例湯🥣，白飯一碗🍚，餐飲🥤🌈自家製菠蘿咕嚕肉$76咕嚕肉比較瘦，炸得剛剛好，加埋酸酸甜甜十分開胃，感覺健康🌈豬膶啫啫滑雞煲$78雞煲普普通通，略嫌唔夠熱，你做到少少燒燶邊嘅效果🌈招牌酸菜魚$98十分有期望去食呢個酸菜魚，起初食覺得比較酸，唔太辣，精粹就係入面嘅薯粉萵筍非常入味，送飯一流，招牌菜當之無愧！總結💝：有裝修，地方闊落，招呼好，上菜快，價格親民，又一間飯堂！正！

自從上次去完長沙灣老牌茶記，今日放假又再去呢區搵好野食 😙 茶記老字號有其出名之處，其實新式茶記都有啲好特別～八月茶室有正常茶記小炒、碟頭、飯常餐⋯都有川菜食 😮 鐘意酸菜魚好辣的朋友可試試 👍🏻 不過今日朋友唔好酸辣，咁就試返普通茶記小菜啦～嗌咗西檸雞$71同沙嗲金菇肥牛煲$74，配2份飯+例湯@$10，加兩杯半價飲品，埋單都唔駛$200都算好抵食 💰可能落雨唔多客，食物好快就熱辣辣送上 🔥 西檸雞啲汁好酸好開胃～雞肉大大舊！沙嗲金菇肥牛煲好足料，$74有呢個份量真係好誇張 😳 肥牛多，汁料香，用嚟配飯食一流 😋 唯一不滿就係太大碟食唔曬... 啲員工好有禮貌，茶記黎講都幾難得，今日全日落雨，出入都係咁講「小心地滑」🥰 因為我同朋友掛住傾計食得有啲慢... 就算要餐廳趕埋數、執枱都「唔該」前「唔該」後～ 總括來說食物&服務都🈵分. 如果次次試新野都咁好彩就好啦～

呢間冰室花好多心思係設計上同一般的冰室、茶餐廳好唔同！以月亮做主題，成個感覺好柔和舒服應該靈感取自於八月中秋佳節「重慶雞煲」🍲呢個雞煲價錢$9️⃣8️⃣非常抵食份量一啲都唔少！麻辣香好入味，連啲芹菜、洋蔥都勁好味撈飯食一流‼️跟餐$10仲有白飯+例湯呢個例湯真係值得加錢飲滋潤清甜，赤小豆味道好出個湯又唔會有一層油「XO醬炒西蘭花」即叫即炒嘅小菜最夠鑊氣見到流心奶黃西多好吸引餐廳好細心，西多切成4件一咬即刻有驚喜麵包好鬆軟，中間嘅奶黃真係流心㗎，勁好味‼️熱利賓納紅豆冰紅豆略嫌唔夠多，撈左幾次先撈到一匙羹嘅紅豆不過勝在紅豆煮得好綿