八月花 (朗豪坊)

營業中

休息中

八月花，位於旺角亞皆老街8號朗豪坊3樓35號舖。 其實已經對這間中菜館的菜式好熟悉， 因為已經食過好多次。 店內環境唔算寬敞， 我們今次叫了節日套餐，另外再散叫菜式，晚餐 ～ 前菜$17、節日餐$388位(8折)、炙燒松露黑豚肉$198、芥末脆香蝦球$168、 黑松露醬羊肚菌腐卷$138。 🔸節日餐 ～ 套餐包括菠蘿海蜇球冷鮑魚、 上湯開邊龍蝦伊麵、 蟹肉燴燕窩、 鮑汁白花釀海參、 蘆筍山藥炒藕片、 蛋白杏仁茶。 每款菜式表現普通，只有龍蝦伊麵稍為做得好些。套餐份量太少😅， 所以最後我們要加多三個菜式。 🔸炙燒松露黑豚肉 ～ 感覺以前比較好味， 現在口感偏硬， 肉質沒有嫩感。 🔸芥末脆香蝦球 ～ 蝦球炸得過火了， 沒有酥香感。 🔸黑松露醬羊肚菌腐卷 ～ 味道普通， 羊肚菌只有四粒。 四人用餐，埋單大約二千， 感覺水準退步了😅。 🏷️溫馨提示～ 整個用餐體驗均屬個人分享意見， 只作參考😊。

新年同老婆出咗去食飯，周圍都冇乜鋪開，就揀咗間集團式中菜，由於新年嘅關係，所有set都係新年套餐，所以決定單碟，兩餸一湯加一飯燒味雙拼-叉燒拼油雞： 叉燒估佢唔到係半肥瘦，唔係瘦到柴嗰種，酒樓嚟講算係好好食！但酒雞就俾咗個雞翼位我，全部都係碎骨，味道就得個鹹字醬油炒飯： 啱啱炒起，所以送到上嚟嘅時候仲係熱辣辣！抵讚！味道係唔錯，但炒飯就唔係粒粒分明嗰種，集團嘢唔要求得咁多豉汁帶子蒸豆腐： 整體嚟講好鹹，賣相同擺盤都係求求其其個種瑤柱燉冬菇盅： 成個湯都係冇乜味，似係拎啲高湯，再放粒瑤柱同埋冬菇個一種成餐飯整體一般，最唔滿意嘅就係，明明仲有好多細枱，都要安排我哋去廁所門口，要同佢哋講，佢先肯傳俾我哋，呢一樣就差咗啲

各位飲食界嘅朋友大家好，今次我去左一間令人驚喜嘅餐廳試餸啦！起頭我哋點咗個大閘蟹套餐，啲花雕醉雞細細塊但酒香飄逸，個蟹又肥嘟嘟新鮮到爆炸。翅湯和海參炆雞都溫潤滿分，講真個鍋煲得嘅海參入味得嚟口感又滑，簡直係靚到冇朋友🤩！繼續有咕嚕蝦球同臘肉芥蘭，都鮮香得滯，蝦球彈牙又唔黏牙，臘肉煙韌帶勁，油光閃閃。再配上瑤柱炒飯，米粒飄香，一啖一啖嘅幸福感覺🥢。完場個薑茶湯圓啖啖薑汁暖笠笠，好滋味！總括來講，份量大細適中，價錢ok，仲要係咁高質素，呢間實在係筍盤之選，真心值得推介！👏🔥🎉

今日同屋企人嚟食 真係估唔到未開始食就一肚火落單個陣 有位著西裝嘅男同事(有帶眼鏡) 貌似係全場最大 落單好似好趕時間咁 我地10個人 未落完第六樣就叫我地再諗下先 其實我地已經可以落得單 如果趕時間可以叫其他人同事過嚟落 本身都覺得可能好忙所以佢先咁趕 但落完單拎張單返嚟叫我地check下 發現有幾樣落錯咗 我地諗返個位男同事去處理 過咗陣 有出餐同事就隊咗啲出錯咗嘅野食出嚟 我地話我地冇叫呢幾樣野食 個出餐同事就話 你地咁多人食埋佢啦 即係咁 食唔食得晒係一件事 啱唔啱食又係一件事 如果客氣啲 禮貌啲嘅 我哋食埋冇咩所謂 但出餐同事嘅態度真係令我哋連1星都唔想比希望餐廳方面可以跟進跟進(雖然評論區有好多都係服務質素嘅問題，但都希望會有改善)

咁耐以嚟，第一次食飯食得咁唔開心，親友問我邊間好，我就在這個openrice網度揾，我比較喜歡食廣東菜，這間菜單上的圖片覺得幾好，價錢可以接受，就放棄了其他食店，點知座下來想點菜，職員話圖片的菜式是很舊的，拿了份新menu給我們看，menu的菜式很少，那我就點套餐，一碟炒菜，半隻鴨，幾支啤酒，菜式的份量得很少，根本食唔飽，基本上你一定要另外多叫幾個菜，到比錢先發覺價錢貴得很，大家想去之前，真係要諗清楚……

環境🛋：在朗豪坊三樓扶手電梯上去就見到，晚上730左右已經坐滿曬，同酒樓甘比較嘈雜，人多了自然位置都相對擠逼。食物🍽：叫了个大閘蟹套餐，有花雕醉雞，大閘蟹，翅湯，海參炆雞，咕嚕蝦球，臘肉芥蘭，薑茶湯圓。六個餸一個甜品。再加了一餸兩個主食，瑤柱炒飯幾好食。計埋加一total 二千幾。食物正常，長輩都算滿意，份量都算比較細份，大部分都可以食曬。宜家有個紅酒龍蝦六人套餐相對更加抵食😂下次再帶長輩們試試

星期五晚上去左旺角八月花食晚飯，都知道星期五係比較多人去食野，因為第二日係星期六，好在一星期前已經訂定位，未夠7:00全場已經坐滿客人，我哋已經點咗一個晚餐set（10人餐），首先上咗第一道菜就係乳豬，跟住就叫侍應上第二道菜，我哋等咗半個鐘先上第二道菜，因為多人問題，都明白會等得比較長時間，然後開始陸續上菜，我本人都比較鍾意食魚，所以有一道菜是魚，我一食嗰條魚，佢嗰啲雪味仲未解除，係好難繼續食。其他食物都一般，沒有什麼特別。不過，雖然食客比較多，但服務質素都嘗如理想。不過對比以前就差一點。

戴眼鏡著Shirt衫既男侍應（高級）不單對同事差，對客人聲氣也一樣差！客人叫他，竟然可以答：「等我倒埋水先！」；向他查詢優惠怎樣使用，回答時顯得不耐煩以及晦氣！店裡職位不及他的，態度都比他好！如果他不是八月花某管理層的皇親國戚，那八月花真的需要正視這位高級侍應的侍客之道。生意好，不代表用差的服務態度就是理所當然！因為有朝一日，食肆會自食其果！

經過旺角朗豪坊商場，突然好想食返一盅兩件！所以就入咗去食！點心選擇都算多！食物質素方面，雖然沒有太大驚喜，但還是中規中矩的！基本點心水準！等位不算太久，可能是平日吧！整體上可以一試

劣食之選一定唔會再食，完全唔值呢個價同屋企人一行14人（11個大人3個小朋友）去旺角食晚飯，諗住搵個坐得舒服啲嘅中餐廳食飯，諗住以前食過八月花好似唔錯選擇。無諗過原來以家變得咁差，食物唔熱又難食，又細碟，海鮮唔新鮮，最離譜係碟燒鵝係凍到一層油係面，原全唔值依個價！員工服務亦無特別好，好差嘅體驗！劣食，我哋全家人一致認為唔會再嚟食第二次，實在好差嘅用餐體驗，收費又貴極不推介，去稻香或者海港都好好多。

以前佢哋腸粉最出名好食，個腸粉淋patpat爛開入面條油炸鬼隔夜兼又實又硬， 瑤柱蔥花炸兩腸粉 , 瑤柱都唔見有一條。 煎馬蹄糕， 之前馬蹄餡料好多，好好食，味道又濃又香，今次淡而無味馬蹄份量又少又唔香仲煎唔熱。 美心旗下茶位加到十七蚊， 茶葉又唔好。 師傅轉咗

食物一般，2年都冇點改過餐牌，冇加入新菜式，咕嚕肉唔夠脆口，炒蛋個樣麻麻，但係最好食，有個火灸黑松露豚肉，唔記得影相，平時都有叫開，但今次豚肉太乾，好鞋，個蔬菜都可以

呢日約咗媽咪同妹妹去飲早茶，嚟咗呢度果然唔錯，雖然係星期日但早上九點果然人很少，去到任揀位置不過就限時九十分鐘，都ok. 點心都算中規中矩，腸粉有啲淋，有少少失望。 鯪魚球份量好大，我哋三個人都覺得太多，最好有四個人以上至叫！ 其他點心都算唔錯，係個牛栢葉份量太少，好似比人偷食咗咁😜 叫咗個皮蛋瘦肉粥，啲料都好足，粥底都好綿，好味道😋整體來講呢度都算唔錯，如果想飲早茶嘆個一盅兩件又唔想等位呢度係唔錯嘅選擇！

如果你不想去一般茶樓虐待自己，但又未至於想豪花一餐去酒店中菜廳吃 。美心集團下的茶樓算是中價茶樓消費的最好選擇了。對上一次來應該是一個月前的事情，那一次的用餐後印象頗佳。所以今次再來和母親吃晚飯。美心酒樓的茶水雖然比一般的茶樓貴，但一分錢一分貨，除非你預算太少，否則值得。今晚的菜餚只能說用圖片只供參考去形容。菜式的模樣，一點也不像中價茶樓應有的水準。而且上菜速度極快，由下單到上完四道菜，前後只花了15分鐘左右。我懷疑因烹煮的時間過短，是晚四道菜完全沒有鑊氣，我敢說即使一般茶餐廳的小炒也做得更加理想。是晚我們點了:Bb豬沙律紅燒豆腐蝦籽蟹肉燴伊麵竹笙扒魚米評價:如無AE卡優惠，此餐費用若為八百元。經AE卡折扣優惠後，此餐費用實為五百元。考慮整體用餐體驗，我認為(fair value)應為四百元左右。最大考慮是食物不夠熱，擺盤惡劣，而上菜過快令人無法每一道菜好好品嚐。唯一酒樓環境和茶水扳回一城。謹供參考。

叫左個鐵板海參，海參係炸的，姜葱底，海參固然冇味，但粉冇味，姜冇味，唔知想點點樣。收成2xx,完全唔知想整道咩嘢。八月花本來都是一間唔錯的食市，依加搞成咁，人才真的係重點。