八方雲集鍋貼水餃專門店 (花都廣場)

營業中

休息中

早幾日突然好想食餃子喺屋企整急凍餃子好似好Hea咁所以一於落街去八方雲集食餐好啲嘅招牌鍋貼好香口 外皮煎得好脆入面啖啖肉 肉汁juicy咖喱同香辣鍋貼都好香口但係唔係好夠辣 如果辣啲會更好紅油抄手好好食食落非常滑 餡味突出辣度適中 皮薄餡靚我哋仲嗌咗珍珠豆漿平時珍珠奶茶就飲得多珍珠豆漿就真係未試過本身都擔心會唔會唔係好夾點知飲落有幾有驚喜喎豆漿好香好滑 唔會太甜飲落都幾清新 消滯一流珍珠都幾有咬口如果多番少少甜味就更加好啦

晚餐時段喺open rice訂餐外賣自取，拎完外賣返到屋企先發現飲品比錯左, 又無提供餐具及醬料。打電話到店铺投訴 , 店員告知餐具及醬料係需要自取，咁我喺訂餐時列明需要餐具既作用係咩呢？而且之前去買外賣，都會係店員根據訂既餐而執餐具同醬料放入外賣袋內，唔知由幾時開始變左要自己執餐具同醬料，定係店員執漏而搵個藉口我就唔太清楚。而飲品比錯款式 , 店員回覆係因為睇錯單‘’囉‘’，比錯款式仲要“囉”字咁既語氣回覆，態度差劣。

路過見到，想重溫下童年回憶，結果中伏。.奶、茶、珍珠3樣都唔合格。最差係珍珠，唔好講口感，根本全部結成一坨，分唔開，好似擺左過夜 😢.平還平，差到咁我寧願唔飲 💔

喺附近體育館做完運動有啲肚餓所以嚟咗花都呢邊嘅八方雲集一直都覺得呢度嘅鍋貼水餃都整得好好味今次時間啱啱好食到佢哋嘅下午茶好抵呀 30蚊就有8隻鍋貼/水餃同豆漿仲有好多唔同味可以揀有招牌、韭菜、芹菜、辣椒、咖喱、粟米、田園等等～我今次就揀咗粟米（因為我真係好鍾意食粟米🤣）鍋貼煎得啱啱好 外脆內軟粟米嘅鍋貼真係好大方因為鍋貼入邊真係有好多粒粒粟米我覺得粟米係最好食㗎🤪仲有佢哋嘅豆漿今次叫咗熱嘅豆漿濃郁甜滑係幸福嘅感覺😍

唔想食快餐亦都唔想煮飯。同老婆食完下午茶有啲飽😓 Dinner決定來個輕食點知發現OpenRice有個指定套餐$49 我哋覺得幾抵食，不過就要外賣自取。一於試一試。 套餐包括一杯珍珠奶茶一杯台灣麵線，五隻嘅招牌煎餃 ，仲有一份珍珠雲吞！ 飽飽地來講，兩個人食啱啱好。唔想飲太多珍珠奶茶太Heavy，兩個人share會啱啱好！我哋覺得佢珍珠奶茶好飲左！ 茶和奶味濃郁！珍珠又夠煙銀！不嬲都覺得佢嘅招牌鍋貼好好食😋珍珠雲吞真係人如其名，細咗少少，如果大返少少就好啦😂麵線都OK配料都算多。

其實以前都有間唔中食下呢間既都唔差既之前但今日唔知做咩野佢啲水準超差外賣自取 要凍豆漿佢比熱豆漿都算 起碼我返到屋企可以雪凍佢但佢果排鍋貼 煎到燶哂成舊炭咁 食落口果舊皮仲要有少少燒野食燶左果陣苦味究竟要煎到幾燶先會有苦味有相為證我爸平時都唔會嫌三嫌四但佢今日都話 煎到咁燶點食呀

八方雲集是來自台灣的水餃🥟鍋貼，我比較喜歡來這裏食麵線，麵線是很幼細的麵條，裡面加有牛丸及豬腸及最重要的香菜 （芫茜蔥），滑滑的口感像食湯羹一樣。蔬菜餃餡料全用蔬菜製造非常健康，食得有營！一碗麵線+4件餃子連一杯豆漿仲有油菜一碟 $49！飽飽😋👍

喺香港想食下鍋貼餃子之類的快餐，好似只係得八方雲集有。諗唔到食咩野，行過見到鍋貼好吸引就去左食啦！我嗌左個套餐，有招牌鍋貼，麵線同豆漿。招牌鍋貼裡面主要都係豬肉同埋一啲菜。外面層皮煎得好香好脆，餡料都好惹味，熱辣辣，令人食完又想食多舊。不過食咁多舊豬肉，而且仲都幾油，好快就飽哂。仲有，吃左碗麵線。原來唔知佢入面有咁多豬大腸。呵呵我好中意食豬大腸。但我覺得個麵線有點咸同埋太＂傑＂或者台灣的麵線係咁，我在香港就好少食台灣的小食了豆漿就不過不失啦。

好耐冇食.., 台灣麵線+韮菜鍋貼 😆鍋貼建議食韮菜,因為味道超正.麵線好似退步咗,較糊口,冇以前咁清甜,它的出品都算水準穩定，每次都吃得滿意。但記得要趁熱食，放涼後皮會變硬。即煎餃子，唔錯唔錯！再叫咗凍豆漿，不太甜，ok啦！八方雲集收費大眾化,正常.😋

年三十晚，唔想出街同人迫，所以留喺屋企附近食輕便餐酸辣湯餃味道幾好，足料等左好耐既韮菜鍋貼，見其他人上左我地都未有，老公忍唔住出聲要職員跟進下招牌鍋貼味道不錯簡單又一餐

八方雲集好多地方都有分店，佢既招牌鍋貼貼既韭菜鍋貼其實幾好食。平時成日都係整食鍋貼，今日試下佢個麵線餐，原來佢個麵線入面有丸同有大腸，但我唔食大腸既關係，我就叫佢走大腸，一黎我覺得大腸好臭，二黎內臟都係少食為妙，再跟一杯豆漿。鍋貼好食，韭菜好味，麵線又好味，豆漿都好香豆味，又唔會太甜。呢間野食係無任何問題，係好食既，只係佢請埋d大陸人返黎，點野食有時要講普通話。喺香港竟然要講普通話點野食....攪錯呀.....

晚上返到屋企附近不知食什麼好，突然想起水餃都久沒到八方雲集了，其實這家連鎖店有點不環保所以小了光顧，今晚最多用了隻豉油紙碟喇！這間位於粉嶺花都分店地方算舒服好坐，服務員落單都快捷算可以。🥟🍜🥟🍜台灣麵線我每次去台灣一到西門町就必食 「阿宗麵線」這裡有七成相似👍田園水餃🥟我最喜愛餡料包得厚實充滿麵團香味，清清地口感十足！用$13 追加一客珍珠紅油餛飩，即迷你餛飩餐單都有很多套餐或散點選擇，但我每次都只會叫田園水餃餐 $39 有一碗麵線及 5 隻田園餃子加杯豆腐已非常滿足了！

今日下午茶食得太飽，夜晚唔係太肚餓，所以去八方雲集買咗個招牌鍋貼餐。10隻招牌鍋貼，配杯凍豆漿，36蚊，價錢價錢唔算太貴。味道ok啦，冇咩驚喜，我比較重口味，加咗好多醋、蒜蓉同醬油。簡簡單單一個晚餐，八方雲集都係一個唔錯嘅選擇。

食品質數也比其他，甚至同區分店差！不夠溫度和餃子破皮！落單員一直推銷其他食物因爲他說自己不知如何操作系統，出來食物又不熱，很失望！之前食八方雲集都覺得美味，價格又合理，但這分店真係貼錢比你都吾好食！

今日下午冇乜胃口，落去点d小食食。间铺有个女服务员因戴口罩睇唔清楚个样服务态度超差，讲野超快完全听唔到佢up乜，跟住因为沟通障碍，落单又落的唔啱！问佢可唔可以cancel张单重新落，佢居然同我讲“你叫我cancel张单即系叫我退钱比你咯？退钱比你我系要被罚钱ga！”…………………你被罚钱关我X事啊！本身你都冇讲清楚到底个餐系点样！搞错左又唔比人改！想点？我作为顾客点解要为你gei错承担个结果？宜家d铺呢d质素差到咁gei人都请？真系太差啦！以后都唔会再去呢一间铺食野！