八方米線

聽朋友講話呢間平時佢返工成日叫外賣，咁就叫咗app返去試吓，叫咗麻辣雞肉娃娃菜酸辣米線，一份炸雞翼，味道真係唔錯，份量都幾多，啲米線幾爽，唔會煮到好腍，份雞翼同埋雞肉都好食😋…查看更多

招牌肉碎肥牛米線碗米線超大碗，入邊有好多配料，有菇菌類同埋螺旋藻等等，淨係配料都已經食到飽😹有肥牛肉碎之餘仲包任選多一個餸，真係超足料👍🏻叫咗麻辣湯底都好正🤤酸辣米線酸辣湯底好開胃，叫左腩肉，份量都好多，米線食落好軟滑😋炸三樣 (雲吞，咖喱角，春卷)炸得好鬆脆，食落唔會好硬咁，春卷同咖喱角入邊都好多料😋蒜泥白肉口味偏甜，唔會太辣。加埋啲青瓜一齊食冇咁膩👍🏻🔹🔹🔹🔹🔹🔹🔹🔹🔹🔹…查看更多

呢間米線鋪真係帶我返去咗讀書時代嘅味道，每次都會食佢哋嘅酸辣湯底。酸辣感覺剛好，唔會太過，重點係佢唔會太鹹，飲完之後唔會口乾舌燥嘅。講到餸，我最推薦佢哋嘅腩肉、雞翼同埋豬紅，每款都係大份量，配佢哋個湯一齊食真係好開胃。至於小食部分，佢哋嘅招牌口水雞同涼拌皮蛋真係唔可以錯過。特別係佢哋自家嘅汁料，加咗洋蔥之後，味道更加豐富，口感層次分明，完全唔同於市面上其他地方嘅做法。每次去，我都一定會點，真係食唔厭！…查看更多

住係元朗的中學同學帶我黎食，開左好幾年係小巷。雖然不顯眼，但非常多熟客幫襯。1 點入座，外賣不斷。每一碗堅持新鮮即煮！耐心等待終於食到。嘩，酸辣米線 $32 揀左bb 辣。一啖湯入口真係非凡，豬紅 $8 新鮮魷魚$14 辣腩肉$10 每一款配菜都新鮮，好餐廳會有新鮮魷魚，真係好鮮味。另外，點一客海鮮湯飯 ，非常鮮甜，有新鮮蝦肉，青口，新鮮魷魚，蔬菜紅蘿蔔絲，湯底零味精材新鮮。追加一個小食，生炸雞翼，新鮮即炸，不是再番炸。餐廳對食物有要求，每款都用心，難怪個個熟客都番轉頭。老實說，不住元朗都會再番轉頭幫襯。…查看更多

八方米線就係鳳攸南街，周邊非常多選擇，而呢間米線我經常幫襯，選擇非常多，風味獨特。酸辣米線湯底酸辣適中，搭配魚腐、韭菜雲吞和腩肉，口感層次豐富，特別是腩肉的油脂與湯底的酸辣非常夾小鍋米線則是另一番風味，蘿蔔的清甜與墨魚丸的鮮味相輔相成，雞翼尖的卥味非常入咪。炸三樣的雲吞、咖哩角和春卷也不容錯過。雲吞外脆內嫩，咖哩角的香料味恰到好處，而春卷則是外皮酥脆，內餡鮮美，三樣配搭讓人感受到不同的口感與風味。…查看更多