八小福私房菜館 (已結業)

尋晚去左八小福入面食晚飯 入到去環境乾淨 有k唱 汽水任飲 由於一早order定野食 所以唔洗簡食物啲野食全部都係老闆自己諗 啲野食都好新鮮 有好多都係廚師自己諗既 味道唔錯 黑椒蟹好夠份量 蟹味鮮甜 炒梘夠穫氣 仲有腸粉同豬潤一齊炒 好惹味 特別係個杏汁豬肺湯 豬肺好味 湯濃 唔夠杏汁 下次同朋友食飯都會再簡呢間…查看更多

食物質素高，大廚好有heart！！！又有K唱，又有麻將打，又有美食，一個價錢幾種享受！價錢合理！ 今晚珍禽海味，各味有聲有色，一條魚有三種食法，令人一食有幾種口味！…查看更多

朋友中意食私房菜，係openrice搜尋一下就見到觀塘呢一間，所以就book位試下。我地平日去都有3枱客人喔，Full左，一定要先booking喔。。。菜式已經訂到，有2款揀，大閘蟹季節所以就食蟹宴啦。。。。前菜有4款：小蕃茄：酸酸甜甜，都幾特別既，伴碟好靚🤣豬腳仔：小少辣，細細件好方便食椒鹽墨魚：好好食，食到停吾到口冰梅芭樂：好食，好香，有啲蘋果甘爽又脆燉湯：每人一盅好足料，花膠，螺頭，雞，瘦肉，蟲草花，真係好多材料好鮮味。入口飲到有膠質，清而濃無味精前菜：大閘蟹公乸各一，吾好睇佢細細隻，每隻都爆膏主菜：小龍蝦🦞:原本以為係手指甘小既小龍蝦，原來吾係，真係大龍蝦細隻版，煮到好香濃味，不過個殼真係好硬，好難開囉🤣但肉質鮮美，個汁真係好好食，好惹味。鮑魚走地雞：個汁又杰又濃味！每人都有一隻鮑魚，仲有雞。啲雞好滑炆得好入味，正啦籠仔盤龍鱔：鱔下面係糯米飯🍚，啲鱔好肥美。糯米飯吸哂啲味，好入味呢蟹粉高山菜：用蟹粉煮菜，感覺好奢侈，哈🤣小福蟹粉炒飯：好大份，炒到好香，粒粒炒飯。個個都食到好飽啦，連飯都食吾哂。湯圓仲有2粒薑汁湯圓，好滿足飲品已經包左汽水紙包飲品，老闆都好友善，幾好食既私房中菜。…查看更多

我又嚟八小福私房菜， 前菜 :其中一款是用番石榴做的沙律 ，很清新爽口好好味、 另一款是金錢肚，大大件又淋又入味 。主菜有: 大扇貝 ，不是一般粉絲蒸，用什菇炒好放在上面，很好味 。豬潤腸粉炒大蜆，辣辣地腸粉又滑又入味， 蜆夠大隻夠新鮮 ，超好味 。避風塘炒 大蟹，又多膏又有肉非常惹味 。杏汁豬肺花膠湯，用上靚花膠彈牙的，豬肺洗得很乾淨冇臭味又夠淋，主廚很窩心，他怕食客不喜歡杏仁味 ， 所以啲湯的杏仁味不是太濃，另上一大杯杏汁，隨自己 囗味加添杏汁。話梅雞沒有太濃的話梅味，但賣相不錯。 龍躉蒸糯米飯 喜歡淡淡魚肉啲朋友會較喜歡。 瑤柱冬瓜小棠菜，幾好的配搭。桃膠糖水，我將剩下的杏汁加入糖水內，非常配很好味。在這裡食得很開心，因大廚很用心煮。值得再来試下個新菜。老闆話下次出的X0醬會有辣味的， 期待下次可品嘗辣的X0醬!…查看更多

屋企人大壽，係八小福擺一圍，啲食物唔錯，個別有少少咸，大廚即刻調味，誠心推介。食到大叫滿足離開，所以大家值得夠人就包場，$500一位，我收貨，舉手指公。1. 冰鎮鮑魚 (爽，鮮)2. 溏心蛋(一般啦)3. XO 醬帶子(自家製，惹味)4. 蟶子(唔鞋，爽，好味，清蒸無走雞)5. 雞蜆煲(救命，好惹味，好正，仲有豬潤，蜆又大隻無沙)6. 條魚(起哂骨，淡淡肉，火喉岩岩好)7. 仲有桃膠糖水其實仲有幾個餸，仲有飯，但太好味我無影其他)靜靜地想包一圍，真係唔錯，食到你唔食既私房菜，有誠意，讚讚讚。…查看更多

一班好友可以聚首吃一餐晚飯是好難得機會，朋友推薦這間私房菜館，面積雖然細，但環境清潔，招呼服務一流，很有親切感。大厨製作每度菜式都好有心機，尤其是佛跳牆和我至愛甜品，而且價錢公道，一定再試！！！…查看更多

冰鎮鮑魚有清酒味和醬汁味，很新鮮爽甜。六小碟，最好味係麻辣豬手，不是太辣，但非常爽脆入味， 這個前菜最好味。 清酒溏心蛋 好好食 又甜又滑 。佛跳牆原盅燉，有瑤柱瘦肉雞腳螺頭海參花膠鮑魚，用料足，非常濃味 ，絶無冇加味精 ，蒸大蟶子， 蟶子放在糯米飯上蒸， 糯米飯吸曬蟶子的味， 蟶子 好新鮮超爽甜，糯米飯內加了很多蝦米仔，所以有很香的蝦米味。話梅雞視乎你是否喜歡話梅的味道。蒸魚好細心，起曬啲骨，條魚很新鮮。蝦兵蟹將浸高麗菜湯， 很用心，用支竹煮湯隔渣再加鹹蛋黃還有蟹肉做湯底，很花功夫用心做。 黑松露帶子拼xo醬帶子， xo醬是自家製，所以好香但不辣，黑松露配新鮮帶子，比較特別的配搭，但味道都不錯。 海鮮釀蟹蓋同以前做法不一樣，不是用豬肉釀，做法比較西式特別 。最後是甜品，椰皇燉燕窩，若份量多些就更滿足 。很好味，值得再和其他朋友來試試。招呼不錯!地方整潔。食堂沒有酒樓的臭油煙味。…查看更多

Facebook 見到呢間私房菜嘅菜式好特別，便膽粗粗book埋同朋友試一試。入到嚟，環境舒服及空間大，一家人團結努力經營，十分有heart又有❤️意的菜式。大家食到好滿足，飲品任飲又冇任何什費，讚👍🏻！大部分的食物都好食，我特別喜歡焗蟹蓋、流❤️蛋、佛跳牆、山楂話梅雞同椰皇燕窩湯圓😋😋😋可惜魚鱗沒有整理好，菜就一般。總括來說，值得一試，價錢👍🏻👍🏻…查看更多

一大班朋友慶祝生日，搵左呢間私房菜，地點係觀塘，幾方便，餐廳細細地，喺工廈入面，隱蔽得黎坐得舒服，我地一行成三十人，包左個場，唔止有得食，仲有得唱K同打麻雀。食物方面，菜式幾有心思，份量夠多，我最喜歡六小碟前菜，佛跳牆非常足料，話梅雞酸酸地味道特別又開胃，仲有女士至愛嘅椰皇燕窩，連伴碟都睇得出廚師嘅用心。我地帶埋蛋糕同紅酒，都無收我地切餅費同開瓶費。四百蚊一位呢個價錢，私房菜黎講算抵食，一大班人聚會真係唔錯，我嘅朋友唱K唱到唔想走。期待餐廳遲些有新菜式，再約朋友去食過。…查看更多

呢間食店嘅間格，坐得十分之舒服，同三五知己一齊去，絕對係值得一試嘅地方。而食物賣相更加是一流，食物質素可以咁講，我試過好多間私房菜，呢間絕對係名列前茅，而最重要一樣野就係呢度嘅食物好多地方嘅食店都未必有得賣，到最後埋單個刻，個價錢亦都十分合適。食完餐飯返到屋企，完全無口渴嘅感覺，相信冇咩味精。我估呢間鋪如果有機會嘅話我一定會再去。希望下次佢會再有啲新菜式令我有啲驚喜。唯獨缺點，要去試呢間舖，最好有預先訂位，因為好多時已經爆滿。…查看更多

朋友介紹呢間新開私房菜，估唔到細細間舖，食物有水準有特色，食到好飽好飽，食唔晒要打包走。我地因為人多包左場，仲可以唱K，服務同食物都值得一讚! 我個人最鍾意胡麻淮山、佛跳牆同椰皇甜品。…查看更多

服務非常周到，家庭合作形式，非常有人情味！食物美味新鮮， 看得出廚師的手工及創新，價錢非常相宜，飽我都食唔落，最好味是佛跳牆，膠質極高，淨係飲碗湯都值回票價👍👍另外仲有好幾個餸都未影，一定要介紹一個廚師設計嘅話梅雞，相都未嚟得切影，就已經四分五裂了…查看更多