八天堂 (創紀之城五期(apm))

營業中

休息中

八天堂 (創紀之城五期(apm)) 呢間八天堂喺apm屹立咗好多年，週末晚上唔知食咩好，睇下menu好似幾吸引就扑鎚入去喇有一點幾重要，因為呢度講到明冇加一，所以無論係拎餐、收拾餐盤、清理檯面都要客人自己做。首先我係覺得呢樣嘢冇問題嘅，規矩講到明客人係應該要配合，但係我坐過張枱可能上手客人唔自律，成個檯面都係搣碎咗嘅收據，冇職員嚟清理亦都冇其他吉位，咁我唯有自己撥開佢喇。基本套餐都係跟一杯熱茶同埋蕨餅。鰻魚茶漬飯（$8X）鰻魚普通，唔肥美，唔大件，就係超市冷藏鰻魚嘅質素，配一杯白飯，另外有紫菜碎同埋wasabi。絕對唔係難食，但真係好普通好細份。會欣賞嘅就係茶壺同埋飯碗嘅質感好好，好日本feel。明太子忌廉意粉（$7X）都係嗰句。稱唔上難食，但真係好普通好細份，啱曬小鳥胃，我正常食量就覺得唔係啲夠喉🤧全餐飯最好食就係蕨餅！口感煙韌，味道清甜，唔似得一啲放題雪到硬掘掘，一咬就散。其實舖頭個氣氛幾chill，燈光昏昏暗暗，餐具方面佢提供嘅係木筷子木匙羹木叉，但茶壺同埋飯碗嘅質感係幾高質。如果係完全唔注重cp值嘅人，可以去試下

1）落單同睇menu都係食門口做哂先入座，冇人會帶位，全部野self-serve，連拎餐點都係。2）食物份量少，我本身已經係一個細食既人，食完都好似冇食過咁。3）食物味道正常，sukiya，或者吉野家會比較好食。4）食完要自己拎返餐盤出去。80幾蚊一個餐，但就連茶餐廳都不如。呢個價錢同服務不如去隔離food court食。好難想象佢係一間獨立鋪位但係做到好似food court咁。強烈建議大家唔好比佢個靚靚餐牌呃到，空有其表。

經過apm 諗住試下晚餐叫左1份燒錆魚茶漬飯 再加19蚊飲凍黑糖牛奶珍珠焙茶入到去原來係自己搵位自己拎同執枱但呢個價錢都唔算平唔叫特飲都要7x-8x見到有人冇執枱個職員即刻罵個客黎到個飯同我講冇晒茶壺求其搵個紙杯裝住就算咁一開始落單個陣就話冇啦望一望只係放個茶包個飯份量勁少同埋比隻木匙羹都裝唔到幾多飯飲品完全冇焙茶味飲落似普通既珍珠奶茶雖然間舖冇收加一但都算貴去food court 食冇咁嬲食完冇下次

星期五晚放工後和朋友到觀塘APM 食晚餐☺️原本想去food court嗰邊食，但由於正係晚餐時段，所以food court嗰邊好多人，我哋搵唔到位😅由於我哋都開始覺得肚餓，所以決定去搵其他餐廳食晚餐😊周圍行去搵吓有冇其他適合嘅餐廳，經過八天堂，見到佢餐牌上面嘅食物賣相都好吸引☺️而且好好彩咁啱有位唔使等，所以我哋就好快決定食呢間😄朋友叫咗火炙三文魚茶漬飯加玄米茶😋而我就叫做三文魚牛角麵包😆😋 朋友覺得火炙三文魚漬飯味道不錯，好快就成碗食晒😆 我就覺得我叫嘅三文魚牛角包好驚喜😆簡直係喜出望外😆我冇諗過三文魚同牛角包呢個配搭係咁夾☺️😄而且飽到感比想像中強😄👍如果下次再去，我諗我都係會再叫返三文魚牛角包😋😆

APM搵食 經過見到蛋糕幾吸引 就諗住試下點鮮所有蛋糕賣哂🥲就唯有剩係食正餐啦🍛咖喱炸雞飯 + 🍍菠蘿煎茶唔.....咖喱炸雞飯囉 毫無特色KFC ge雞會比較出🙂菠蘿煎茶係半價加購 唔值💩🍱鰻魚茶漬飯 + 玄米茶得五舊細細舊嘅饅魚 係完全唔夠餸飯😅簡單啲黎講 係食緊茶溝飯 但盛惠$88去買饅魚壽司都無咁貴🙃食物普通都算 職員態度極之惡劣‼️‼️首先餐廳係0服務嘅落完單 自己搵位 自己拎餐職員只係負責高談闊論 勁大聲傾計 一路食飯 就被逼聽住佢地傾計🙄我地第一次食 唔知道食完要還餐盤 起身就走有職員就即刻叫我地交還餐盤 同時間 另一個職員講左句：嘩！佢地咁衰嘅！呢間一定無下次無咩人食嘅餐廳 真係唔建議試🫥

Apm好多甜品、蛋糕店，食飽飯經過試下佢哋個軟雪糕，本著無咩期望試試佢。自從上次去完日本，一直都好掛住真正嘅綠茶雪糕。可惜係香港大部份係偏向奶味濃，抹茶濃度低，甜度高。抹茶味好濃郁，奶味唔會太濃而掩蓋咗綠茶味，而且上面仲灑上好多綠茶粉，呢間真係有驚喜！下次會再Encore~

如題食完之後個肚keep住唔舒服左成個下晝，我上晝淨係食左一個好細既芝麻包，跟住係八天堂食完個飯到夜晚嘔之前都冇食過其他野。幾肯定係個飯既咖喱有問題，當時我有同事點左一份淨炸雞食冇事。而且自己都幾常食咖哩，應該唔係自己身體對咖哩敏感之類既問題。如果佢有特別既香料配方我就唔知，而且食唔出。上次食過三文魚茶漬飯都還好，唔知點解咖哩炸雞飯出事。食個陣個咖喱味道一食就覺得唔好味又唔似變壞，但炸雞品質還好，所以將就下食埋佢。跟著下晝就開始唔舒服，到夜晚嘔完啲咖喱就好番啲。

上星期與朋友到觀塘食tea，我點了一份蛋沙律牛角包。它們以牛角包為基礎，內夾著美味的蛋沙律。牛角包稍微有點乾，而蛋沙律的味道也並不出眾。我希望牛角包能更鬆軟一些，而蛋沙律可以更加豐富多樣，增添一些配料讓口感更加有趣。

之前次次食八天堂都係食佢最出名嘅牛角包但係原來觀塘APM呢度嘅八天堂，有堂食，仲提供埋日式輕食，而且選擇都幾多不過堂食空間不大，枱與枱之間狹窄，十分之逼夾，建議大家馬上食完就走，坐得唔舒服晚餐set就點咗個日式燒牛肉溫泉蛋don飯，同埋三文魚茶漬飯茶漬飯較為出色，首先香港好少地方有茶漬飯食，另外呢一個set有埋甜品同飲品都只係$88屬於區內性價比之選而茶漬飯嘅茶（ 湯），湯汁清甜，唔會搶咗三文魚嘅鮮味，令到成個湯飯好清新，可以留肚食甜品甜品方面，嗌咗個芒果芭菲芭菲層次豐富，芒果亦都好多令人見到少女心大發煮食份量啱啱好，令到女仔都可以留肚食到甜品🍧

每日返工放工都會經過觀塘工業區，平時食飯通常都會留喺工業區。不過今日約咗朋友係apm睇戲，收工之後去睇，時間有啲趕就留係商場搵嘢食。八天堂其實每次經過都想試試，今日終於有機會試試佢。入到餐廳空間不大，枱與枱之間距離都好近。如果想要啲私隱度就揀較入嘅卡位，不過只有兩枱，先到先得。- 南蠻炸雞丼飯⁷²炸雞炸得金黃香脆，肉汁豐富肉質彈牙。南蠻炸雞當然個沙律醬都好重要，醬汁內有蛋薯仔等材料而成，絕不馬虎非常美味。- 玄米茶（跟餐）玄米茶美味清新，食飽止渴解膩一流。- 黑蜜蕨餅（跟餐）黑蜜蕨餅口感煙韌有彈性，甜度適中。

今日係APM行街，見到八天堂呢間甜品鋪嘅甜品好吸引，即刻入黎試下。我地叫左一個share 1️⃣抹茶卷蛋糕新地💰58+💰12卷蛋本身想揀培茶味，但係賣曬，所以要左抹茶，食落口感濕潤，抹茶味香濃。最出色係新地，抹茶味好香濃，裡面有忌廉、米通、抹茶啫喱，另外我仲加左錢叫咗白玉同埋紅豆，整體唔會好甜，白玉煙靭，紅豆泥唔會太甜，成個口感好豐富，抹茶啫喱好好食🥰🥰🥰🥰🥰消費價錢：2人💰70，人均💰35結論：（10分為滿分）味道：8.5/10性價比：7.5/10回頭指數：8/10餐廳名稱：八天堂 (創紀之城五期(apm)) (觀塘)餐廳地址：觀塘觀塘道418號創紀之城五期(apm)2樓L2-8號舖

之前聽人分享過八天堂嘅卷蛋，但一直未有機會買來吃。今次咁啱嚟到呢區，一於去買來試吓，好掛住日本嘅味道啊～卷蛋有好幾種味道，草莓抹茶焙茶等等。因為媽媽鍾意食🍫朱古力味，所以就揀咗呢隻味帶返屋企。蛋糕拎咗返去之後未食係要放喺冰格。食之前幾個小時拎出來解凍就得～$158的卷蛋，相比起其他日本蛋糕品牌嚟講，呢一間性價比算係幾高。味道我都覺得幾鍾意，中間的忌廉幼滑得來又幾rich，不過略嫌朱古力味唔夠重，對於我呢個朱古力控來講就覺得可以再濃啲～😜

抺茶紅豆白玉卷蛋蛋糕配雪糕球 $58抹茶卷蛋🍵🍰蛋糕夠濕潤抺茶cream雪得夠凍好似雪糕咁🍨好重抺茶味唔甜回甘🤤係大人口味既抺茶卷蛋我超愛😻抺茶雪糕🍧唔易溶奶既比例較少🍼不過抺茶味唔夠突出🍵白玉煙韌🍡紅豆綿密、甜左少少🫘焙茶卷蛋糕 $38焙茶香氣欠奉❌抺茶卷蛋較出色抺茶芭菲 $78賣相吸引🤩打卡一流📸用料豐富由上而下有抺茶雪糕🍵🍧、蕨餅、紅豆🫘、穀物忌廉、芝士蛋糕🍰同抺茶寒天蕨餅-沾滿抺茶粉、口感軟糯煙韌🥰芝士蛋糕-壓碎既、奶香四溢🍼抺茶寒天-抺茶味突出、爽彈味道、口感豐富一個芭菲滿足曬所有願望😇凍抺茶紅豆拿鐵 $42抹茶拿鐵超正🍵口感順滑抺茶味濃郁💯餘韻帶少許回甘飲完十分解渴會encore💚

好食評價：🌕🌕🌕🌕🌑CP值：🌕🌕🌕🌗🌑•抹茶卷蛋糕新地• $58🔥呢個超推推推推推！抹茶雪糕好濃 好滑 好有茶味好好食😆😆😆但卷蛋可以再soft啲 再creamy啲食到底仲有啲玄米脆脆+抹茶啫喱•抹茶紅豆雙重芝士蛋糕• $58🔥估佢唔到嘅cheese cake😂真係幾好食喎都雖然芝士味重啲 抹茶味無咁出但真係好滑啲芝士 連埋紅豆一齊食！正！P.s. 鋪頭座位唔算好多 真係簡單輕食 chill一陣都ok嘅

今天在APM經過看到這間八天堂，他們主打茶類甜品，餐廳的座位不多，只有兩張枱是提供梳化位置。在晚上的時間也不會太多人，等一等就有位。三文魚茶漬飯 （$88）香港不多地方可以吃到好吃的茶漬飯，居然在這家小店當中找到！而且只是$88 ，實屬有驚喜。湯汁清甜，突出了三文魚的味道。混合起來，很好吃！相信會再為了這個茶漬飯來APM ！明太子忌廉意大利麵（$68）意大利麵就正常發揮啦，不過估唔到係日式餐廳都可以食到忌廉意大利麵。而且價錢便宜，係學生晚餐以及糧尾之選😂✨宇治煎茶口感甘甜， 很解渴日本焙茶焙茶味道香濃，同出邊餐廳淡淡地嘅味道完全相反。物超所值。抹茶紅豆白玉雪糕抹茶雪糕就有啲失望，可能因為佢係現成的雪糕球，不是軟雪糕，所以味道不會太濃郁。這個抹茶雪糕感覺上奶味比較重，完全吃不到抹茶的味道，但是紅豆很甜，白肉軟林林，不錯不錯！在APM找到這間便宜，而且好吃的餐廳，實在太高興了！推介各位這裏試一試！