影片
以上資料只供參考, 請與餐廳確認詳情
我食過咁多間台灣野 呢間係我食過最好食嗰間 佢嘅豬軟骨米粉好好食 佢嘅豬軟骨好彈牙 好多汁 好容易入口 佢嘅甜品芋圓超級之好味賣相又好睇 好值得一試整體來講 呢間鋪真係好值得一試。
繼續閱讀
星期六中午時間真係好難响元朗搵食, 行咗好多條街, 好多間舖, 周圍都爆滿, 正來來回回走多次, 離遠見到呢間舖頭個招牌, 心諗博一博去望下, 點之竟然有位, 仲要有卡位, 當時真係諗都唔諗就走入去, 橫掂好又一餐, 唔好又一餐, 趕住睇戲, 博一鋪~入到去環境都唔太差, 簡簡單單, D位都唔算太窄, 況且我地又坐到卡位, 即刻睇睇食乜好? 其實佢真係好多選擇, 有飯有麵, 都諗咗幾耐下, 但又冇乜時間, 求其點兩個麵食下, 怕食飯太飽, 等陣睇戲會瞓着~ 酥炸雞粒湯拉麵正常地D酥炸雞粒係分開上, 因為唔會整林佢, 見到D雞粒份量都算幾多, 而個麵個碗又超大, 真係怕食唔哂~ 但其實個麵的份量唔算多, 只係得個碗大呃得下人~D酥炸雞粒炸得幾香口, 唔會太油, 個脆皮又唔會太厚, 而且又係一口size, 另外仲配咗個雞醬添, 正~不過碗麵就差d, 雖然好健康地加咗d椰菜, 但d麵食落口係車仔麵果d油麵感覺, 又油又林, 個簡直係碌麵水的味道, 超勁鹼水味同麵味, 好差~ 豬頸肉肉燥蕃茄拌公仔麵呢個又係超大碟, 麵都應該唔只一個, 除非佢個麵係好大個, 餸又夠多, 蕃茄睇得出係大大舊的牛茄, 好厚肉, 一d都唔酸, 個汁杰度適中, 肉燥味道亦都唔錯, 唔會太鹹, 不過係豬頸肉燒得唔夠香口, 但咁大碟4餸麵(仲加咗D椰菜), 呢個價錢真係超抵~ 凍港式奶茶雖然冇茶餐廳咁濃味, 但比西餐廳好~ 水蜜桃汁好似飲緊水蜜桃罐頭汁, 不過係淡少少~
繼續閱讀
非常港式、完全唔台灣、偏淡、叫咗香菇豆腐肉燥飯+珍珠奶茶、珍珠完全焾哂、一D咬囗都冇、衰過西米、死甜。肉燥似噚晚阿媽肉餅再回收飯、只得菇真係香菇、重本貴貨、食具奇怪唔實用
繼續閱讀
由又新街舊舖已經成日食，搬左黎呢邊都要食，因為下午茶真係好抵！！重點下午茶係星期一至日都玳有，我照舊都係香酥雞柳米線，大大蜿米線配即整既大大舊脆雞柳真係perfect match，仲要送埋送吐司(自已揀醬，照舊朱古力)超好味，勁香口一定要趁熱食，再加杯布丁可可，賣單36蚊真係無得輸。同埋呢到就好似家常便飯咁，坐得舒服又得飽！已經食左好幾年，間唔中都去食，老闆一直比我感覺好nice，門口有好多貓貓狗狗告示，好親民，岩岩見到佢地有賣洪瑞珍，下次試下先。
繼續閱讀
店名有甚麼意思呢？敞大的餐廳，卡位剛好有人離座，挺舒適的環境。餐牌上不少選擇，選了個有湯有餸有飯的午餐。豬肺湯，期望越大失望越大，以為是美味老火靚湯？只是普通例湯加入兩件豬肺而已，普通而油光，不如理想。酥香雞柳肉燥飯肉燥較油膩！像剛開出的罐頭肉燥，酥炸雞柳反倒沒那樣油，放涼一點才吃減少熱氣。十件八件都有，不太瘦，但又沒有雞皮，還算不錯。飯體積相當大，女子肯定會覺得多。熱綠茶味道較淡，但最奇怪的是，店員竟然將一只叉子放在杯內給我攪勻？實在風趣。酥炸魷魚湯米線，米線極清。魷魚較油膩。
繼續閱讀