八公

營業中

休息中

行街行到好攰,見到都好多人排隊,咁就想食啲香口嘢 ,見到啲大腸都好靚仔,所以嗌咗一份$25豬大腸,原本都滿懷希望想食,點知得五舊，因為返炸嘅原因所以係熱嘅,啲皮係硬嘅,淨係食到啲醬汁嘅味道,大腸應有嘅味道可以話無，唔敢再嗌其他嘢食,無特別之處可取。。。

店舖位於一條小巷，招牌十分吸睛，連我呢位土生土長嘅香港人都被吸引咗，來旅遊打卡應該不錯，對比其他橫街窄巷衛生環境尚算可以。價格不算太便宜，試了一份炸大腸（$25），立即翻炸熱，味道卻一般，主要都係芥末醬蓋過咗本身應該有嘅香脆味道。在夜少少行返轉頭仲見到有坐位添都幾特別。

老公推薦這間小食店，說炸大腸很好吃，我們便點了幾款小食吃，分別是豬肉+魚肉雙拼燒賣、炸大腸和咖哩麵筋。燒賣口感彈牙，質量亦軟糯，但辣油不好吃，而且豬肉和魚肉的味道分別不大。炸大腸是即叫即翻炸，翻炸之後的口感都算脆口的，可惜味道只是一般，還有醬汁很難吃。至於咖喱麵筋則很入味，可惜不是肉的東西賣這個價錢，性價比不高吧。總結來說，這間小食店的食物是昂貴的，而味道則只是正常水味，不過旺角區全部東西都是昂貴，性價比還行吧。

次次買嘢 明明唔多人，但係阿姐個態度都係好差因為係朝早嘅時間趕住返工，所以冇同佢計較 但係第二三次早上再去嘅時候 都仲係好惡劣嘅態度有兩次都係我未接佢就鬆手 啲嘢跌咗佢都冇反應一句sorry都冇⋯ 真系無奈平時收工都會同班同事一齊過去食嘢 嗰陣時記得明明服務態度都好好 唔知點解一到朝早啊姐姐返工就變左

建議大家堂食的燒安格斯牛小排。店員精心挑選的牛小排，配合佐料，以致能食出軟軟的牛小排質素。如外賣的話就會開始變得硬，因此才建議大家堂食。另外，可遇不可求，是因為如果遇上當天的牛小排品質不好，店員會不入貨，因此就會變成沒有這個餸菜了。可見店舖對食材的要求。

今日諗住去買燒賣做早餐,係側邊等咗差唔多十分鐘,短髮姐姐先同我講係另一邊排隊,你明明見到我,唔明點解唔早講,你唔係冇時間講囉,如果唔做香港人咪直接講囉,直接寫明啦,唔係近我返工都未必食啦,已經唔係第一次係咁,我眼見亦唔係第一個香港人比佢咁冇視,食物方面其實普通街頭小食,梗有間係附近,只不過店名有d日本特色

行過旺角經過呢間小食店。諗住小食店快靚正，食啲小食晾一個晾個胃，之後食正餐。點知中伏。食物不足料，貨不對版。聲稱超足料傳統碗仔翅，出到黎係超不足料！服務態度差劣，可能你會話平價小食店唔好講服務，淨係想好似自動販賣機出嘢食就ok,但係一路食，一班厭惡工作嘅阿姐一路做一路鬧東鬧西。不斷喺你食緊嘢嘅時候抹你野食既側邊。小店位於後巷，食食下唔對路一浸後行坑渠味。個碗仔翅雖然超不足料，但呢餐都食到幾飽。因為肚有氣。

呢個係之前係旺角食過一次好好食既咖喱齋 同 即炸豬大腸🩷今次encore再encore👍🏻今次有條龍仔 多咗游客嚟😛另外店員好靚女 靚女整既野食都賞心悅目啲❤️🩵即炸豬大腸 $25🩵燒豬頸肉 $25炸大腸外脆內軟，加上甜醬同芥辣，十分惹味！豬頸肉切到每一舊都可以拉開做一口size，食落都好方便，每一舊都好香嘅燒烤味，油香四溢，一試難忘!😝幾次試過嘅野都好好食，真係值得encore 再encore！🥰btw隔離就係龍津 真係唔洗為咗慳幾蚊走去食😗

於2024年10月13晚，晚上十時到訪。在奶路臣街一條橫街中，有一間名字和裝修都帶點日本風味的小店。「八公」的存在像極在日本街上看到的串燒店、拉麵店，為晚上的食客遞上溫暖。咖哩深海/陳皮魚蛋🐟先不說陳皮魚蛋這古老的小吃見少賣少。這個陳皮魚蛋比我以往吃過的都較淺色，但同樣有很濃烈的陳皮味，帶點酸澀。深海魚蛋則彈牙，配上咖哩汁，吃過就知道為何它是頭號港產小食。腸粉🤍也是香港人最愛的小吃，這邊的腸粉香滑，芝麻味突出。每條都分明，且掛上醬汁，不會說粉餅糊在一起。燒雞皮🐥一客四串，雞皮較薄，鹹香惹味，口感香脆，但又帶點軟糯。豆腐花🫚凍食的豆腐花，淋上大量薑汁。豆腐花滑溜溜，豆味及薑味的結晶，再帶點黃糖的點娺。男朋友直呼好吃。如有機會，再經過旺角街頭，定會再停下來吃兩串串燒。

話說有兩位八公成日同我講八公好好味叫我去幫襯。本八婆油份高怕熱唔想四圍行去搵食一直都冇理到。最近發現原來間嘢都就腳（其實做乜事開8點咁早賣早餐）又早開就去望下。第一次見到外國伯伯同嬸嬸晨早去食豆腐花同碗仔翅牛小排唔係話想食就有得食，老細只供應高級食材，唔夠級數佢唔賣㗎。想試就要睇彩數啦。串燒類全部穩陣嘢，老細要求高一定要燒靚靚。個人推介燒豬頸肉同腐皮角。至於魚蛋燒賣腸粉，老老豆豆，食慣屋邨舊墟老字號，覺得魚蛋同燒賣貨係靚貨，魚蛋鮮味爽口，魚肉燒賣係不規則形狀嘅索豉賣。唯獨是個豉油敗咗個筆，唔夠濃又唔香，反而個咖喱汁可以諗諗，有啲火花。腸粉直頭唔係好想講。太幼啦未食過咁幼嘅腸粉… 豉油同麻醬都要搞搞佢啊老細，我未試過食唔晒一份腸粉嘢飲同豆花都堅。話晒夏天，再凍啲就好。自家酸梅湯必試！又係靚嘢足料嘅酸梅湯呀（點解冇得响食評post video㗎）

餐廳名字： 八公（旺角）餐廳地址： 旺角奶路臣街6A-6E號地舖燒咖哩麵筋麵筋燒到外脆內嫩,麵筋被咖哩沾得惹味兼脆口,簡單做法卻很有創意,值得一試的新口味小食。燒冬菇燒冬菇好好食!厚而不膩,嚼起來香濃入味,比平時打邊爐食更飽滿,真係好過癮嘅小食啊!

一直都覺得啲嘢食OK周不時都會買，但近排轉咗個阿姐，買兩次野都西口西面講嘢態度又惡劣，好似欠咗佢全家咁，再加上隔離新開左龍津，目測佢地都少左好多生意，我都決定再見到係佢就唔會幫襯

我都未試過食過炸大腸連個豉油都唔肯畀人,你收得人廿五蚊一寸,攞D豉油有啲咩問題,仲要態度極差極惡,佢同我講話個炸大腸本身有味然後唔肯畀豉油我但係我食落去淡而無味,啲服務差到一個點,係咪生意真係咁好做唔使憂🤔

我地每次係旺角地鐵站出黎 都會經過呢間店 所以今次就決定黎試下—-------—-------—-------—-------—-------📌 薑汁豆腐花 💸 $20 （必食指數 ★★★★★)我地揀咗凍薑汁豆腐花‼️ 唔鐘意薑味嘅可以揀唔要😼 佢豆味都幾濃郁 同埋好滑 薑汁唔會過於辛辣 反而薑嘅香味好出‼️ 薑汁愛好者大愛💕📌 炸大腸 💸 $25（必食指數 ★★★★☆)雖然得5粒☹️ CP值稍低 但係真心大推‼️ 外脆內軟，咬落去豬油嘅香氣充斥住成個口腔，食落去竟然冇好油膩嘅感覺 👦🏽平時唔太鐘意食豬大腸嘅都覺得ok 配搭埋甜醬+黃芥末，令到成個層次好豐富🌟📌 燒賣 💸 $20（必食指數 ★★★☆☆)燒賣有兩款選擇，分別有魚肉燒賣同豬肉燒賣，可以兩溝覺得魚肉燒賣更勝一籌，豬肉燒賣有啲似平時打邊爐食香菇豬肉丸嘅味道😗 會稍微蓋過本身屬於燒賣嘅味‼️📌 碗仔翅 💸 $25（必食指數 ★☆☆☆☆)作為碗仔翅愛好者👧🏻 呢個係我少有地食唔曬嘅碗仔翅勾芡會比一般碗仔翅再重手，麻油、醋、胡椒粉落嘅份量唔多，所以食落覺得淡茂茂（醋有需要可以叫店家比多小小，但老細唔會俾你自己控制份量，佢見得我地要加之後，起勢

個呀姐勁冇禮貌 好似欠咗佢咁佢同我講 好心你一樣嘢就唔好寫紙😅😅利申第一次幫襯 見人地填我又填 不過無諗過佢咁既態度🙄🙄🙄建議成間舖頭執咗佢咁岩身上無散子我用Mastercard 比錢。。。。佢黑曬面。。。你俾人用緊呢一個方法俾錢 就唔應該咁樣黑晒面，好似我欠左你咁咁嘅服務態度🙄🙄🙄🙄垃圾之中嘅垃圾啲燒賣中間好硬。。。😅😅😅好似唔熟咁$20當買個教訓。。千祈唔好去食唔係阿姐又黑曬面🙄