兩草 (威德閣)

認識「兩草」係因為據說是Chilam兩公婆經常去食，既然附近有分店所以來試吓。叫了兩碗飲+1枝飲品，埋單$100算幾抵食。飯的份量女生吃剛好，男生可能要加點其他小吃。香煎脆邊蛋肉餅飯$42（+$18檸檬意米水）燶邊蛋煎得非常香脆，肉餅也是煎得有點脆，好味！肉餅略嫌薄了點份量不足，淋上醬油很好味。剛好有飲品推廣，叫了原價$25的檸檬薏米水，甜度不高適合我口味，推薦滑蛋叉燒飯 $40賣相唔錯，蛋夠滑，叉燒切成幼幼的絲略嫌口感不足，醬汁偏甜一點，我還是比較喜歡肉餅飯的整體味道。…查看更多

炮台山懷舊飯堂叉燒蛋飯 40元＋胡椒湯（加$10）叉燒鋪滿成碗飯，鹹香夠味，帶少少焦邊加上滑蛋鋪面，蛋汁流晒落飯度，完美融合成碗邪惡滋味！一拌即香，叉燒＋蛋＋飯每啖都超滿足。胡椒湯香濃夠暖，胡椒香撲鼻但唔嗆喉，配主食剛剛好。餐蛋豬油撈飯 35元香煎午餐肉＋流心太陽蛋＋濃香豬油，拌飯一流，食到停唔到口！半熟蛋一拌即爆黃，加埋豉油香同蔥花，開胃之選!咖央多 24元表面烘得香脆，中間夾住厚厚牛油＋香甜咖央醬，鹹甜交錯，食落超治癒！性價比高，推介午餐之選！…查看更多

成日聽人盛讚呢間餐廳，今日終於到我去試吓。樣樣嘢都好似幾好食咁，最後決定叫「香煎脆邊蛋肉餅飯」同埋樽裝奶茶。🍚個飯我叫咗少油多蔥，食落冇咁罪惡。肉餅真材實料，唔會太多粉影響口感。🧋樽裝奶茶冇得選擇甜度，但係好彩都唔係太甜都幾好飲。我本身都真係幾唔鍾意食飯，但係見到有咁多人討論呢間餐廳又忍唔住要去試吓。一試佢個飯真係做得幾出色。下次去試埋滑蛋叉燒飯先得🤤…查看更多

一坐低即刻嗌咗碗招牌豬油渣溫泉蛋飯上枱時熱辣辣 面頭鋪滿金黃脆卜卜嘅豬油渣仲有啲蔥花 賣相不錯😛- 豬油渣溫泉蛋飯 $40一啖戳穿蛋黃 蛋黃同飯撈勻 再夾埋豬油渣一齊食真係幾夾😋豬油渣炸得亦都夠脆雖然望落好似好細碗，但其實都份量足夠枱面仲有豉油可以俾你加 鍾意重味啲就可以加多啲味道未去到驚為天人 但係算係性價比唔錯價錢亦都幾抵·另外都嗌咗個咖咉多士 總共有4塊咖咉多士就不過不失 略嫌唔夠熱同埋好似剩係得咖咉醬但係冇牛油咁所以都冇特別影低…查看更多

之前喺旺角成日經過兩草咁啱今次係北角見到 又唔使等位 就走咗入去食入面個裝修懷舊 好適合打卡當日叫咗香煎脆邊蛋肉餅飯有好多豉油加埋蛋汁一流仲叫咗豬腸粉熱食真係好好食 加埋辣醬真係冇得頂好少食到咁好食嘅豬腸粉仲Encore叫多咗一碟再叫咗一碟雞翼煎得好脆 好多汁 好少地方可以做到呢個效果好想再叫多一碟 但係真係太飽最後飲埋個胡椒湯收銀姐姐怕我哋唔夠飲 仲提我哋可以添飲🤭食咗咁多嘢 兩個人埋單都唔使$200喺香港真係好少搵到啲舖頭又平又抵食…查看更多

今日中午一點左右嚟到，等咗一陣，店員好快速就安排到我入座，雖然係搭枱但我唔介意！坐低落單冇耐就已經送到面前，效率超高超快！絕對係「快靚正」加埋懷舊大排檔裝修，有feel有feel我叫咗個香煎蛋肉餅飯，賣相非常靚，肉餅幾厚，D飯粒粒分明，再配埋隻世一脆邊蛋，多蔥，好好味！檸檬薏米水飲完舒服，感覺新鮮，仲要大大支，原來係佢哋自己煲㗎！下次想試吓佢哋嘅胡椒肉骨茶同埋雞翼！…查看更多

本想支持一下小店， 因為很喜歡飲胡椒湯， 想食就試吓啦。點知中了伏…由一進入餐廳， 要限制你嘅座位到要加胡椒湯嘅服務等等， 服務員態度都是非常差。又說可以免費添加胡椒湯， 又說米粉不可以加湯，還不是加湯吧了， 唔加就加，唔就加啦， 說一大堆廢話， 不是食物的問題， 是人嘅服務態度問題。 說不了！ 不知所謂，不吐不快， 非常失望 ！我覺得香港嘅小店，如果要求存最基本服務態度唔可以咁惡劣，我唔係欠咗你哋， 我有消費㗎， 唔係你嘅情緒包啊服務員💁‍♀️！ …查看更多

平日夜晚差不多七點嘅時候一個人去食見到有四個吉位但係店員要求我搭枱我問佢可唔可以坐四人枱其中一個位店員強調要搭枱我最後坐喺四人枱先有人嚟先算結果第二位食客入嚟佢即刻安排佢坐我對面隔離仍然有兩個吉位🤔其實我唔介意搭枱只要你張枱夠深唔好我食嘢嘅時候同對面個食客個頭好近🫣其實有冇諗過好尷尬？仲要係唔識嘅一男一女唔高興係店員嘅態度一個人食就係坐得舒服啲嘅自由都冇？其實我都係一樣俾咁多錢食飯Lunch time繁忙時間我理解但係夜晚確實唔算多人我坐低到走嘅時候都係不斷有吉位以後一個人我唔會再嚟呢度食嘢一係就外賣食物不過不失未去到嘩然可能我嘅味蕾都比我嘅感受影響咗…查看更多

上次食過雞扒飯，極重味精，食完個口好唔舒服。諗住今次試下食叉燒飯應該好d，點知都係有味精。另外，d叉燒原來係叉燒“絲”，仲要極少肉。茶記/燒味都唔會咁做啦，我寧願你比3舊完整既叉燒都好過咁。其實間野已經用app落單，已經少左好多野做，服務態度都係好差，櫃台收銀個女人極冇禮貌，客人唔係你既出氣袋，你返工又辛苦，客人食個飯又辛苦。如果考慮價錢平，咁不如食兩餸飯，又真係好味冇味精又健康又唔洗受你氣咁辛苦。…查看更多

行開去北角，想搵啲商場以外路邊嘅小店，被呢間餐廳嘅傳統港式食檔裝潢吸引到就入咗嚟。坐落都感覺到餐廳好有懷舊味道，不過落單就係用而家呢個年代先有嘅QR code自行落單因為客人唔多，所以店員都好樂意協助同服務嘅。呢度個好處就係食物可以散叫，無話一定一人叫一個主菜，而係可以叫唔同小食、「淨食」、三文治等等大家share啲食物。不過叫調返轉講，飯麵嗰啲就唔跟飲品，加嗰啲涼茶飲品都要+$20，飲品就唔算太划算。香煎脆邊蛋肉餅飯 ($42) ★★★★★雖然個飯碗唔大，但係載滿白飯，上面再舖一塊肉餅同煎蛋，一般成年人應該勉強夠飽(或者可以再加一份小食)。佢真係做到菜式名講嘅「脆邊」煎蛋，簡簡單單加埋啲蔥油同甜豉油已經好下飯；肉餅亦煎到非常香口，肥瘦適中，又唔會太鹹加埋少少豉油就啱啱好，好快就食完成碗白飯，係難得將家常小菜做得好好嘅餐廳。…查看更多

兩草係旱有人情味濃厚餐廳，係我黎東岸公園必食飯堂，真係好意外發現的，本來食半島，哈哈。滑蛋叉燒飯一流100分！齒甲留香，胡椒湯都好好味，下次要試埋招牌炸雞翼！！…查看更多

🚩港島平價之選 香港人的浪漫🚩📍 兩草「兩草」在廣東話中有二十元的意思，而這間餐廳亦如其名，讓食客能以相宜的價錢嘗到不同種類的美食。它有售地道小食如腸粉和雞翼，亦有茶餐廳類的食物如肉餅飯和三文治，更有不少新加坡美食如咖央多士和肉骨茶，款式可算是多不勝數。雖然食物偏向地道又便宜，但店舖的裝潢絕不失禮，富有舊式大排檔特色之餘，店內更會播放不同年代的廣東歌，是香港人必懂得的浪漫。🍴香煎脆邊蛋肉餅飯 ($42)你沒有看錯，這碗份量十足的肉餅飯甚至不需$50。先要讚，這隻脆邊蛋做得十分出色，蛋邊做到少少燶邊而非常脆口，中間的蛋黃又能依然保持流心。戳開它，把蛋黃連同蔥粒和豉油一起混和在飯粒之中，是非常邪惡但無敵的組合。肉餅方面，整體來說偏乾身和實淨，不像蒸肉餅般充滿肉汁，個人來說不太喜歡這個質感。但以這個價錢來說，單單是那隻脆邊蛋已值回票價。🍴小籠包胡椒湯 ($40)$40有四粒小籠包。小籠包本身沒甚麼特別，就是大家能想像到的那種味道。皮既沒有很薄，也沒有很厚，簡單來說就是普通小籠包的感覺。但配上胡椒湯的這個組合，我也是第一次見。首先，湯的胡椒味濃，能暖胃之餘入口又舒服，整體配味做得很好。其次，胡椒湯能中和小籠包的膩，配合店內其他油份偏重的食物（如豬油飯或炸雞翼）同樣能有解膩的效果。在這個百物騰貴的年代，能以這樣的價錢嘗到美食實屬難得，有機會經過的話記得要去支持一下。…查看更多

食物上枱賣相好正香煎脆邊蛋肉餅飯肉餅味道比睇落去淡, 不過可以根據自己口味加豉油, 雞蛋煎得啱啱好豬油渣溫泉蛋撈飯同樣味道偏淡，同埋有啲太油原粒蒜肉胡椒湯最鍾意呢碗湯, 蒜味好香又夠辣, 天氣凍飲好舒服咖央多士個樣平平無奇, 但係咖央味好出, 多士又夠脆, 好味…查看更多

北角小店👍🏻👍🏻🔸️肉餅脆邊蛋飯 $42性價比高💕足料，好大碗！😍肉餅：肉質實在，無加入太多水，好飽肚👍🏻脆邊荷包蛋：蛋黃夠香又濃白飯：飯粒分明， 份量多，如果豬油多d會更好🔸️想食多幾款小食，可以選擇小飯🔸️鮮蝦胡椒湯米 $48胡椒湯 ，因為無油，比起豬油飯，食完無罪疚感🤣湯底算濃，有胡椒味，不太辣，適合大部分人蝦夠新鮮，蝦身飽滿👍🏻🔸️招牌炸雞翼 $27好好食❤️炸得剛剛好👍🏻外脆入面又keep到多汁見到雞翼咁深色，以為炸得太耐，原來係醃料既顏色影響🔸️豬油渣 $15十分推介，炸得剛剛好❤️外脆內軟，送飯一流‼️佢唔係豬油渣麵果d 脆到硬👌🏻🔸️檸檬薏米水 ‘微糖’ $22🔸️每日新鮮煲，欣賞小店的心機 🩷所以唔揀汽水😊員工服務好好，有親切笑容💕…查看更多

$4x 個飯，價錢係ok.可能覺得自己巳經好平所以問多句都厭煩，唔休冇生意！希望佢生意興隆，請多兩個人幫手等d員工做得開心d,客人又食得開心。香港服務業加油！！！…查看更多