兩姊妹涼皮X株式会社 (啟德零售館1)

營業中

休息中

兩姊妹涼皮的涼拌料理朋友請了我一道秋葵口水雞加餸，想不到這間店不只是涼皮，而是涼拌都做得很出色。點了口水雞，一打開見到有一層紅色辣油，原本有點害怕，但還好，原來並不是那麼辣。吃起來只是一股辣香，但不會過分辣到喉嚨，果然是專業的調味高手。雞肉嫩，冰冰涼涼，今天天氣這樣熱，吃起來特別清爽，但又不會覺得雞硬，有發揮涼拌的精神和精粹。秋葵令這道菜的營養更豐富和平衡。秋葵裡的潺原本，是挺噁心的，但想不到涼拌時可以這樣討好，吃起來很順口，又營養滿滿，很欣賞這道菜的設計和用心。

第一次嚟啟德體育園，見到有兩姊妹涼皮，嗱嗱臨坐低叫咗個招牌兩姊妹涼皮，見到Menu有個名好得意，叫做媲美拉麵店叉燒的火炙鹹香豬五花，一於叫嚟試吓。由於舖頭比較細，廚房距離近，聽到入邊用火槍燒緊嘢，跟住就聞到好香嘅肉味，原來就係我舊豬五花！佢真係好香好好味！仲叫咗兩款小食，青瓜木耳椒麻雞同椒麻秋葵。兩款都唔算好辣，但份量大，兩個人都食唔晒。

啟德開咗咁多新商場，仲有好多美食！今日就試人氣小店——兩姊妹涼皮，食咗佢地最經典涼皮，仲特別加木耳！ 🍜 經典涼皮 ：涼皮嘅口感爽滑，每夷啖都蘸滿秘製醬汁，用傳統醬料設計出完美比例，令麻辣同酸香都有，好開胃，麻辣味仲會在舌尖上面彈下彈下🌶️ 另外仲加咗脆口爽滑的木耳，為涼皮增添了口感層次，既解膩又清爽，搭配涼皮食就好夾，仲好營養健康！ 🏰兩姊妹涼皮 九龍城啟德承啟道38-39號啟德體育園啟德零售館1 2樓M1-206號

又係真實食評既時間第一次坐底食，味道對比起之前好似有小小出入？味道上好似淡左啲，入之前咁濃味，但整體個口感都係唔差既，麵夠凍。環境：入面啲位小小窄，坐4個都幾辛苦衛生程度：正常食物質素：/推薦菜式：/極不推薦菜式：/總結：有機會會再去食

今日放工屋企人想食酸辣粉，走咗去零售館見佢有得賣就諗住晚市外賣自取，叫左一個酸辣粉同一個重慶小面首先酸辣粉份量勁少，$68連一個餸都冇，湯底完全冇味，一啲酸味都冇，好似食緊加咗紅色嘅清雞湯！食完都唔飽！都唔明佢憑咩賣呢個價錢！$68隔離同一個價錢已經可以打到個邊爐！然後個重慶小面，一樣$68只有麵同湯，個湯一樣都係冇味道，都唔知食咗啲咩！係食過嘅最難食嘅酸辣粉！又貴！又難食！又少！完全唔會再幫襯第二次，簡直係搵笨！

去咗兩姊妹涼皮試雞絲涼皮—酸辣冰爽好開胃！🍜🥢今日去咗兩姊妹涼皮試佢哋出名嘅雞絲涼皮，真係冇失望，酸辣清爽得嚟好滿足！以下係我嘅食後感： 雞絲涼皮 🍜涼皮一上枱已經覺得好吸引，條條分明，晶瑩剔透。口感滑溜彈牙，食落去唔會爛，仲勁吸晒酸辣汁，好味到停唔到口！ 雞絲：雞絲用靚雞胸肉撕開，份量唔算多，但啱啱好配涼皮。雞肉嫩滑得嚟冇腥味，吸收咗調味汁嘅香氣，食落去好惹味，完全唔會柴！ 調味汁：兩姊妹涼皮嘅調味汁真係靈魂所在！酸酸辣辣，香醋嘅清新配埋辣椒油嘅香氣，仲有蒜蓉提味，食落去每一口都勁開胃。辣度適中，唔會辣到搶味，但又夠勁帶出層次，真係好正！ 配菜：加咗爽口嘅黃瓜絲同埋花生碎，黃瓜絲清脆又爽口，平衡咗酸辣嘅味道，而花生碎就增加咗香脆嘅口感，每啖都好豐富，唔會單調！

以前食開太子嗰間，由開張已經開始食見到啟德新開分店就去試下，點知中晒伏D汁勁水勁稀，所以味道都好淡以前食微辣都好夠味，今次食小辣真係冇乜味真係好失望！見佢開左好多分店，但如果守唔住質素，真係未必會再幫襯

見其他分店食評咁好， 近近哋啟德有，就去試下。 啟德分店入面得兩三張枱，唯有外賣， 用qr code落單，上算方便， 我見門口度都好多人等位，生意不錯， 滿懷希望外賣拎到返屋企， 打開見到個樣賣相一般， 食咗😵‍💫覺得味道麻麻地😨😨，成兜水汪汪☠️， 粉皮本身冇味， 質感同其他食肆嘅差不多 ，冇特別出眾 ，我嗌咗bb辣 ，一啲都唔辣， 得幾條青瓜絲同花生粒， 感覺唔知 selling point 係啲乜， 雖然唔係貴，但感覺嘥咗自己卡路裡嘅quota，有啲後悔，下次唔會再食 ~