5
2
0
電話號碼
29857505
營業時間
今日營業
12:00 - 20:30
星期一至日
12:00 - 20:30
以上資料只供參考, 請與餐廳確認詳情
招牌菜
See this logo so we toke this restaurant. Seafood with sea view was nice. Fish cook well, not over-cook. Lobster a bit small but with cheese sauce still full. Lots of cheese, tasty. Lobster was chewy, so lobster were fresh. Shrimps a bit less. Many seafood!
繼續閱讀
天氣涼涼地, 行完山睇完日落, 順便係大澳出晒名既全記吃個煲仔飯才回家。蘿蔔牛腩煲 ($65)牛腩用滷水汁炆得入味, 肉質炆得軟腍, 唔太鹹, 滷水幾香, 有點可惜是蘿蔔完全不吸味, 相信是後下, 而不是同時間炆的。 鹹魚肉餅煲仔飯 ($65/大, 臘腸加$10)肉餅 ~ 有肉汁, 有肉香, 惹味又滑。鹹魚 ~ 不是梅香, 好細舊, 仲系尾部, 冇肉食兼完全唔鹹香。 臘腸 ~ 半肥瘦, 油香, 好食。米飯 ~ 唔夠幹身, 米飯粒欠煙靭, 冇乜咬口, 幸好都有d飯蕉吃, 算是將功補過吧食落又無朋友講得咁好食, 同求其系一間餐廳食嘅煲仔飯的差唔多。
繼續閱讀
今日一家人黎到大澳行下，行到咁上下要搵野食黎醫下個肚，行到去吉慶街見到呢間餐廳有好多人食，仲有好香嘅煲仔飯味，就入去試下。一坐低見到煲仔飯都有幾款可以揀，因為我地一行5大4小所以叫左2個大嘅煲仔飯，一碗面，加一碟炒菜。先講煲仔飯先咸魚肉餅飯：肉餅十分好味，唔會太咸，入面有有甜梅菜十分惹味，咸魚就有2片，唔係好咸嘅咸魚，呢個煲仔飯我都食完再食多碗。窩蛋牛肉飯：有好多牛肉，但可惜牛肉被梳打粉醃得太勁，所以林到入口即溶，但同時可能因為咁除左林之外個牛肉係冇咩味，成個煲仔飯係靠隻雞蛋同豉油先有味。豬手米粉：豬手炆得十分林身，亦都入味，一碗有4件豬手，唔錯唔錯蝦醬菜芯炒牛肉：開頭本身想食通菜嘅，但可以因爲唔啱時候所以冇通菜，咁就轉左做菜芯，咁黎到大澳梗係要食下蝦醬啦，果然冇叫錯，十分香嘅蝦醬味，令人想食完一啖又一啖，又唔會話太咸，咁牛肉當然都有用粉醃過所以都係好林身，但因為有蝦醬嘅調味所以都十分好味，連小朋友平時少食肉都食左幾舊。整體黎講呢間餐廳都唔錯，落單時老闆娘都會細心介紹有咩好食，又會提議我地有小朋友可以叫d咩比小朋友食，不錯！
繼續閱讀
吉慶街最後一站，亦是最飽肚的一樣，就是全記的煲仔飯。幸好吃過那麼多站，仍有胃納容得下半鍋煲仔飯。不過來到之時，小小的店早已滿座，老闆娘只好在大門外給我們加開一桌。吃不了太多，便兩個人點了一客滑雞煲仔飯($38)分享。上來熱騰騰的，店員給我們豉油自行加入。雞滑嫩，油全落到飯粒裡頭，令飯更甘香誘人。飯粒粒分明，又沒過硬或夾有生米，味比一般煲仔飯香，很是好吃。最後當然少不了鍋邊的金黃脆口的飯焦。飯的確很不俗，要是能加一條臘腸便更完美了。大家來大澳別只顧掃街，也試試這家的煲仔飯吧！
繼續閱讀
(剛在十一月寫過全記的食評, 想不到之後的一篇又是我寫的啊!)來到香港水鄉, 別以為海鮮酒家是唯一的選擇, 大澳還有各式各樣的小鋪, 擁有古舊的環境, 親民的定價, 加上毫不造作的街坊味, 在大財團壟斷的市區已買少見少, 比大酒家更值得試呢!食物方面, 不要期望有什麼精緻小菜, 都是一貫的街坊味.鹵味雜燴($55): 大澳鹵味?!?! 大澳出名鹵味的嗎?!?! 不再深究了!滷水豬脷, 豬腸, 豬耳, 豬肚, 雞翼, 雞翼尖, 雞腳, 紅腸共冶一爐, 夠大堆頭了吧! 全部材料燜得軟腍入味, 而豬耳, 豬肚, 豬腸則保持爽脆的質感, 鹹中帶微甜, 其實和你我在家弄的滷水沒有什麼分別, 不過在微寒的冬季, 在郊外吃到熱騰騰的鹵味都是一種市井的幸福! 油菜($28): 油份下得重手, 整碟菜也就油油亮亮的. 生菜爽甜, 不知道是不是大澳在地種植的? (沒有問), 但當你幻想這棵生菜是在好山好水的大澳成長的時候, 一切都變得美好!雲吞麵($23): 據親切的老闆娘表示, 雲吞是店子自家包製的, 小小的一粒散尾雲吞, 傳統又漂亮! 蝦肉與豬肉完美五五比例, 蝦肉爽, 豬肉甜, 比很多麵家做得還要好! 麵條不知道是不是店子自製(沒有問), 卻有自製竹昇麵的水準?!?! 鹼水味近乎沒有, 麵質條條分明, 沒有糊在一起, 麵條具有像橡皮筋的彈性和韌性, 有麵粉香和蛋香, 很厲害! 不期然令我想起在澳門吃到的竹昇麵.滑雞飯煲(大-$55): 上回吃過滑雞煲仔飯, 今趟再encore! 煲仔飯即叫即製, 需時十五分鐘以上, 要吃好東西果真要有耐性!今次點了大的煲仔飯, 真害怕四個女人仔吃不完, 吃了第一口, 才知道這是過慮的, 豐腴的雞油落在煙韌的飯粒上, 雞肉雖為冰鮮, 但仍不失嫩滑, 加添香菇令飯粒更香. 加上甜美的豉油, 四人在不知不覺間幹掉了一整煲大飯! 底部還有很多飯焦, 比上趟的還要多, 四人拿人鐵匙爭吃鍋底香脆的飯焦, 真是一個很好笑的情境.大澳真是一個臥虎藏龍的地方, 越不起眼的小店, 越容易帶來驚喜, 例如茶果財, 阿伯雞蛋仔等, 大家一同來大澳發掘好店吧!
繼續閱讀