全記海鮮菜館

營業中

休息中

我們從鹽田梓打卡后，回碼頭找海鮮吃，原本去海傍街的全記，但錯入了萬年街的全記，被評為米芝連食店～水準越來越差，別被這些招客手法吸引！我們選了二人套餐，12款任選4款，我們選了以下：1. 豉椒炒蜆～有一半蜆是不新鮮，蜆不開咀，有些還半生熟，劣質！2. 香蒜椒鹽墨魚～油炸到淋而不鬆脆，口感差！3.蒜茸粉丝蒸元貝～还可以！4. 特濃芝士焗龍蝦(伊麵底)～芝士味道不夠濃味，龍蝦適中，伊麵份量比較少，味道一般！整體上，不及海傍街的全記，老闆同一個，但兩店的水準有差別，只能說廚部師傅手勢有差別吧！

滿心歡喜咁入去，然後呵呵😄三個人，散叫嘅，唔係特別肚餓，就叫咗蝶雞腳，一隻蟹，大蚌同象拔蚌，夾埋成$1200+，喺西貢應該都係差唔多咁貴仲一問三無。無通菜無墨魚餅，連鮮檸梳打嘅青檸都無😅等咗成半粒鐘就嚟45分鐘都淨係上咗雞腳就去問服務員。佢態度好傲慢，好似完全唔在乎呢單嘢咁樣囉之後隻蟹上嗰陣時係已經拆開咗嘅。佢好似處理咗咁樣，但其實佢篤爆咗個尿囊，搞個成隻蟹蓋嗰啲膏都係苦嘅😓反正對我嚟講係一個好差嘅經歷，唔會再嚟

今晚好高興，成班朋友一齊去食海鮮餐。一定諗起全記😍乜都唔使講一定係食盡最新鮮嘅嘢🤣🌊 先嚟過青瓜海膽刺身海膽係鮮味十足，帶有甜甜嘅味道，有一種清新田園嘅青瓜帶出海膽嘅濃郁味感響度。🌊象拔蚌刺身一般嚟講食象拔蚌刺身都係要大隻嘅比較好味，今次就點咗一隻大小小嘅。肉質鮮甜，彈牙爽口，刺身先食到呢種感覺，鮮味十足。🌊金銀蒜粉絲蒸扇貝扇貝嘅肉非常厚，一啖咬落去蒜香味滲晒落粉絲度，一口放入口真係掉咗一陣先至食得晒。真係好新鮮厚肉，蒸出嚟嘅時間又啱啱好絕對唔韌😛🌊南非鮑魚走油脆炸鮑魚，竟然係可以用嚟點黑醋食。鮑魚好爽口，炸咗出嚟個感覺食落去好香口。🌊長腳蟹呢排長腳蟹比較當季，係時候食返隻大大隻嘅長腳蟹，腳身非常有用。入邊啲膏爆曬，好鮮甜。🌊芝士焗龍蝦平時食開嘅芝士焗龍蝦都係伊麵底，今次食嘅竟然係未試過嘅飯底。龍蝦鮮味全部俾啲飯吸收晒啲精華，味道當然係一流啦😜🌊炸豆腐呢個豆腐冇得輸，炸到金黃色外脆內軟。食落去外表係小小嘅鹹鹹地但係入面好軟滑嘅感覺，呢個簡直係招牌菜。

無寫食評一年, 今次我真係忍唔住要講, 哩間食肆真係...好到不得了!先唔講嘢食好唔好味, 因為今次我推埋BB車去, 入餐廳前, 已經有2名店員招待我地,話樓上無咁嘈, 闊落D, 本身因為推住BB車, 費時搬上搬落, 點知店員話可以幫我係地下個層泊埋一邊先,咁又唔驅喎, 最多都係抱住BB上一樓啫.嘢食都係陣間先講, 我地食完野之後, 諗住揸返架車走, 臨走前多口問一問店員, 附近有冇幫BB換片既地方.因為出發黎西貢前已經做好資料, 附近應該得公立診所有得換片, 其餘要去球場更衣室換.點知店員非常熱心, 直頭比我地入地下個層既女洗手間換, 仲比埋條新枱布我地墊住個梳妝枱位.咁鑑於我係男仔唔方便既關係, 店員仲幫我確保女廁內係無人, 我地都唔好意思, 拿拿聲幫BB換左片先.好, 講返嘢食先, 因為西貢太多間海鮮坊, 所以預先問定朋友邊間好食又抵食2個大人加個BB, 都係叫個二人餐快靚正香蒜椒鹽墨魚 - 炸得剛剛好, 炸漿亦好薄, 墨魚肉好淋, 因為要睇住BB, 就算凍左, 都仲KEEP倒好淋身, 但就唔太覺有蒜香味, 不過食下食下, 係有少少咸既古法椒鹽鮑魚 - 雖然係跟人頭每位上一隻,

我同我妹兩個小朋友放假，所以捉埋婆婆入西貢行吓食吓嘢，12點入到去我妹已經晨早話食海鮮🤭我呢個家姐導當然時奉陪😎，我同我兩個妹我哋兩個女同埋婆婆一行五人～入全記見到有海鮮餐即入但係我哋幾個都唔係好大食，所以問可唔可以叫三人份量，侍應又非常好佢哋話可以（諗住唔夠食再散叫）必食芝士焗龍蝦伊麵😋澳龍又多肉⋯⋯👍🏻分量非常好豉椒炒蜆好大碟😂😂不過我影得唔好我最鍾意食嘅椒鹽賴尿蝦朋友話椒鹽鮑魚好好味我第一次試⋯⋯都唔錯嘅當然要叫番啲小朋友鍾意食嘅嘢啦～咕嚕肉佢哋個個都話好味其實仲有個生菜同埋飯後水果（橙）連埋茶位九百幾埋單⋯⋯都唔錯啦！我哋入咗牌坊入邊嘅全記嗰邊小人啲坐得舒服啲🤭不過食到一半都已經坐滿晒人👍🏻

經常都會去西貢食飯，如食海鮮中餐就一定係去全記，但疫情關係已成年冇去，今次约左個朋友去到就求其叫左个二人餐，加錢改條沙巴班再加碟燒鵝例牌，落單時候已觉得奇怪，侍應問龍虾要唔要開邊?開邊要加錢...心想二人餐不嬲都係一隻龍虾開邊，點解要加錢?唔加就斬件上(後尾應明白了)上菜....自問係食海產大，一食就知D龍虾係死虾已雪藏過既，一定唔係新鲜龍虾，份量少，仲要連下面Ｄ伊麵都少得可憐，兩个一人一小碗都分唔倒!一碟生菜同雲吞麵鋪碟油菜一樣大細(可能仲要少D)，咕噜肉ok，條魚ok係游水魚，燒鵝比以前差，肉好老，不過不失最精彩既菜係蒜蓉粉絲蒸元貝，隻帶子係街市賣幾十蚊一大包個D雪藏帶子肉，擺兩粒落個帶子殼度就當海鮮賣，你地全記有冇搞錯呀？當Ｄ客係傻瓜?????離哂譜，疫情可能令飲食難做，但都唔係咁樣做生意卦，仲米芝蓮推介??招牌仲要唔要呀?????????????自已都算係全記熟客，但以後一定唔會再幫趁全記!

在海鮮街內的全記海鮮店體驗一般，一入到去經理啊姐就很不耐煩亦沒有好好講客人放在第一位後面去做未入海鮮街個間嘅全記，服務態度真係好過個位經理啊姐，無論係邊個都對客人好好。總而言之對全記嘅食物新鮮程度和多樣性印象不錯，但係人嘅服務叻就...

第一次去西貢食海鮮🤣🤣有老手推介幾間全記這間最好食，梗係要試吓啦最愛長腳蟹，超大隻肉質鮮美🦀藍龍蝦清湯伊麵🦞椒鹽賴尿蝦，超多膏🦐清蒸魚上鮮（吾記得咩魚🐟）粉絲蒸扇貝🐚

海鮮街同海傍廣場嘅全記都係同一個老闆 只不過如果想一邊嘆住海灣同離島黃昏景致 建議可以選擇位於海傍廣場嗰間 但今次我地揀左海鮮街入邊 同埋坐樓上嘆冷氣 話哂都有三十度未入到去餐廳 門口姐姐已經不停推薦二人餐咁望過真係幾抵食 $600/2個可以食到幾款小菜 當中仲包括海鮮菜式 值得一戰決定好食依間 會問坐出邊定上去 咁我地揀左嘆冷氣 上到去都幾大 不過每張都係大檯 侍應安排我地坐靠窗細檯 可以望住黃昏古法椒鹽鮑魚 位上依款係米芝蓮推介 鮑魚好大隻 外層酥香包裹住溫熱鮮美嘅鮑魚 唔錯香蒜椒鹽墨魚依款係米芝蓮推介 外層椒鹽酥香 炸粉又唔厚 墨魚夠彈牙 特濃芝士焗龍蝦配伊麵一上檯 雖然話二人份量但一啲都唔少 而且龍蝦拼埋應該都有一隻 龍蝦肉質鮮味彈牙 唔會因為芝士味濃而食唔到龍蝦味 依款值得推介碧綠泡蝦球 依個小菜都係比較油 蝦球分量對於二人還算可以 枝豆同雲耳都新鮮 食落索索聲郊外油菜加$10可以轉自己想食嘅菜 不過就落得比較多油去煮 💛套餐仲會有果盤或者糖水送 每位茶芥$20但整體煎炸嘅菜式對比蒸煮出色

🚁伏伏伏。生日海鮮餐🚁~~~~~~~~~~~~~~~~~~~~~~家人生日想去食海鮮...點知...全家都覺得麻麻...先講最滿意嘅🔷 油鹽焗奄仔蟹奄仔蟹當造，原本店員揀左3隻瘦擘擘嘅...媽咪最後親自落手揀，爆多膏👍🏻新鮮 + 油鹽焗真係好難整得唔好食😂🔷椒鹽賴尿蝦賣相一流！呢個都係全家人滿意菜式之一，夠惹味！屋企真係做唔到！🔷椒鹽鮑魚平時食清蒸鮑魚就多，今次試吓椒鹽， 真係麻麻哋。首先一食落口成口油...好似無回鑊翻炸咁...仲要無咩味...因為只係表面有少少椒鹽粉...唔係成隻都有味...好彩隻鮑魚夠新鮮，食落一啲都唔韌🔷清蒸石斑差少少先熟得晒🤧，仲有d肉未離骨...加多1分鐘就prefect 啦... 咁一定好過蒸過龍，成條魚老晒就唔好食啦🔷鹽水花甲Hum...花甲相對地淡d...因為食到濃濃嘅胡椒味😂...而且開唔到口嘅比例約有1/5...係咪多左d 呢？🔷豉椒炒蟶子唔太夠鑊氣......大家食完豉椒鮑魚之後，再食呢一個，成個人已經滯晒唔係好食得出佢嘅鮮味...😮‍💨~~~~~~~~~~~~~~~~~~~~~~~~👅味道/賣相 🌕🌕🌕🌑🌑🐋環境/服務 🌕🌕🌕🌑🌑👛性價比

喺西貢食過唔少海鮮餐廳，好多間都話自己米芝蓮，不過之前食開嗰幾間質素都真係有返咁上下，所以從來冇懷疑過西貢嘅海鮮餐廳。今次係朋友book枱所以有機會試呢間，今次主要係散叫，落咗去海鮮檔揀咗幾樣海鮮，主要係個聖子問題，喺地下落完order上3樓等食，點知5-8分鐘左右聖子已經上枱，一開頭都奇怪點解可以咁快，點知食落去仲要係唔熱嘅⋯真心覺得自己俾人昆咗，攞海鮮入廚房洗海鮮炒埋上枱唔使10分鐘仲要係唔熱嘅，我覺得唔係我叫嗰啲海鮮🙈。其他嘅餸菜一般上到枱都唔熱，叫咗個燒鵝完全係凍嘅，除咗個聖子有問題之外之外其他嘢係一般，可能我食過西貢嘅其他海鮮餐廳呢間係唯一一間我唔滿意嘅餐廳。

好熱心咁叫人入黎，我見278一位兩個人就500幾，應該啲野食都有啲質素既，入到黎服務質素好，坐低叫埋野食，叫左個白灼蝦，賴尿蝦，豉椒炒蜆，扇貝，除左個扇貝味道好啲之外，其他都全部唔掂，白灼蝦又細隻我諗比得果幾兩你勁少，個椒鹽賴尿蝦，炸到柴曬再沈啲椒鹽粉落去就上台，個豉椒炒蜆唔熱得黎仲要唔好食，最後佢會送埋個菜同糖水比你，真心下次入西貢唔會選擇呢到，仲要每位278，加埋500幾，性價比超低，唔會有下次

復活節長假期專登入西貢行吓吹下海風，跟住去食海鮮，周圍都好多人，見到有洪記，勝記，六福，隨便揀咗全記話有米芝蓮一星，點知賴嘢！揀咗個二人套餐（每位$278）：揀咗豉椒炒蜆，椒鹽鮑魚，芝士焗龍蝦，薑蔥炒蟹，加一碟青菜同半個香橙。每人加$40蚊由斬件變成半隻開邊龍蝦，但都幾細隻。炒蜆同炒蟹都係細碟同埋好鹹，每人得幾件，重點係完全冇鮮味。鮑魚細細隻一人一隻少少偏鹹。係乎海鮮都唔新鮮，可能要去自己揀啲貴價海鮮先至似樣。總體真係唔掂，呢個價錢隨便搵間酒樓都好過佢，冇下次！

有朋自遠方來，西貢海邊的悠閒是需要去感受一下的，當然還有早已馳名的西貢海鮮。選了好多家，有不少店都有提供優惠海鮮餐，比如五、六百塊已有四五道菜。材料談不上上乘，但絕對是划算在魚缸選擇了五斤半的啖啖肉阿拉斯加蟹（抵過在明星食），椒鹽賴尿蝦(不夠大隻），炒得好乾身的超好味全記鮮蝦炒飯，菇炆豆腐（有點普通），超大超好味超多蒜蓉蒸帶子，坐樓上嘆冷氣望海景食一絕。

上次同friend一齊行山順便飲茶，咁就要食過另外一間酒樓嘅點心，所以就試吓今次呢間，咁其實每間酒樓都外貌特色差唔多，只不過想睇吓佢啲點心有無啲咩唔同🤣🤣🤣咁上次又叫咗蝦餃燒賣鳳爪嗰啲啦，咁其實都唔差嘅，佢哋嘅蝦餃同埋蟹子燒賣都大粒，啲嘢食質素唔錯，唔會好似其他咁勁細碟，所以符合返個價錢💰💰💰😄😄😄但我得佢哋炸嘢食方面就比其他酒樓差dd，譬如鹹水角，炸雲吞…嗰啲都係唔夠熱同埋鬆脆咁整體來講都唔差嘅