4
1
0
電話號碼
23837081
營業時間
今日營業
09:00 - 21:30
星期一至日
09:00 - 21:30
付款方式
現金
其他資料
電話訂座
食評 (5)
等級4 2013-12-21
1022 瀏覽
剛去完北京旅行,由於餐餐火鍋、涮羊肉,而天氣又乾燥,所以返到嚟香港D火出晒嚟。  成個星期試過中西合壁方法,但D飛滋都唔謝&喉嚨又腫又痛 (T.T)一早約咗成班friend去九龍城打邊爐,心想今次無得開懷大嚼喇。提早過去九龍城逛吓,買吓泰國小食 。 逛到衙前圍道,聞倒煲涼茶嘅味道抬頭一看原來有間涼茶舖。吸引我眼睛喺"廿八味" 呢3隻字!阿姐見我企咗喺度睇每款涼茶嘅工效就問:廿八味同野葛菜都好咖,清熱解毒 ......。"無錯中晒呀", 頓時間似見倒醫師問症咁,即刻將我嘅病況話佢知!阿姐極力推介下就要咗一支廿八味,希望幫手撲吓大熱氣同燥火,順便為之後嘅火鍋晚飯打吓底,唔想咗火上加火喇。阿姐溫馨提示,如果覺得太苦就食枱上嘅涼果送啦。心想廿四味都不時飲啦,多四味ok啦。嘩!唔係講笑從未試過咁苦嘅涼茶,好苦呀!!隔離嬏嬏見我𢲡埋囗面個樣都覺得好笑,不停話呢D苦囗良藥呀。講真呢款廿八味幾濃縮,黑蚊蚊,但係飲完成支後,囗腔感到甘甜味久久不散,可以減輕啲腫痛呀!感覺良好。 繼續閱讀
(以上食評乃用戶個人意見 , 並不代表OpenRice之觀點。)
等級2 2011-11-16
874 瀏覽
崩大碗不是處處有賣, 最喜愛此家崩大碗, 夠味, 無溝水 我次次去九龍城, 都一定去此處飲番杯"綠水" 清下底 最近太濕熱, 又打邊爐,食過串燒,大閘蟹,韓燒, 再加自助餐, 毒素太深; 暗瘡最老實, 整個下巴填滿晒... 幹左支綠水之後, 好似有明顯反應, 起碼放左d濕屁, 清左d宿便 , 感覺良好, 無肚脹了~(PS 太夜光顧好似淡味d, 都係果句~早買早享受)間鋪事頭&員工好好人, 整日都笑笑口, 呢d態度好抵讚 一杯$7,一枝細$15一枝中$23一枝大($45) 忘記幾錢了.我多數買中size 自己獨飲 繼續閱讀
(以上食評乃用戶個人意見 , 並不代表OpenRice之觀點。)
等級4 2009-08-24
418 瀏覽
我阿媽是九龍城常客, 由於常在對面街市買菜, 所以對附近有什麼好吃知之甚詳, 今天我們舉家過來吃飯, 她就帶了我來喝她不時都會買回家的葛菜湯。店面招牌聲稱這兒已有五十多年的歷史了, 幾乎人人來到九龍城都要在此飲番杯涼茶。是日天氣炎熱, 店員阿姐便招呼我們到店內坐。先來一人一碗生魚葛菜湯 ($9@), 在別處喝到的葛菜湯要下鹽, 這裡的就不用了, 因為已夠鹹, 入口有點點甘味, 又有少少感冒時喝的那種鹹鹹的涼茶味道 - 是日我有點兒作感冒, 它就正中下懷了。要清熱, 除了葛菜水, 還有龜苓膏 ($20, 冷熱同價)。阿媽擔心龜苓膏會不會像近期某些店子的出品不夠足料, 阿姐拍哂心口話老字號真材實料, 真的是每天一早用龜版鮮製, 每一碗要落足 9 小時心機云云。我們看見店子每一角落都有製作中的龜苓膏, 覺得阿姐應該無吹水; 她還給我們半碗裝的特別試食版試食, 它比起坊間的龜苓膏滑身, 卻沒有那麼彈牙; 藥味勁濃有點帶酸, 我得下點糖漿才能將之消滅。吃到後來, 見到碗底有些藥材碎, 果然所言非虛。阿姐又說有客人吃了 XX 堂的龜苓膏整個月都不見效, 但吃他們的卻兩星期已清了暗瘡, 為了證實效果是否這麼神奇, 阿媽之後再來掃了幾碗回家給我吃。後來阿媽還叫了在附近的老爸和地膽親戚來飲涼茶, 老爸也是喝葛菜湯, 他說有點像他小時候喝的王老吉; 從未來過地膽親戚則像發現新大陸般說要再來吃龜苓膏呢!店子開朝八晚十一, 隨時可以來清清熱。 繼續閱讀
(以上食評乃用戶個人意見 , 並不代表OpenRice之觀點。)
等級4 2008-05-19
207 瀏覽
在街的另一邊吃完了泰菜局,正好在這一邊的涼茶舖喝碗葛菜湯。清澈、鮮甜、滋潤,亦有生魚的味道,喝起來夠聚火。不知是否有神效,但喝飽一肚啤酒喝這一味,也很受用。每碗八蚊,值得一試。連隨拿出50大元,買一大支回家慢慢喝。 繼續閱讀
(以上食評乃用戶個人意見 , 並不代表OpenRice之觀點。)
等級4 2006-11-10
173 瀏覽
南記過後,拉大隊到街口飲涼茶,友人話此店的感冒茶,效力強勁.飲後藥到病除.$30一杯涼茶,價錢差不多係Rolls Royce級.其中兩人,亦有點傷風.前後三杯,盛惠$90,好比在Hapy hour,一人一pint Bitter.入口並不是想像中的苦,因為幾熱,不能一飲而盡.事後感覺,的確舒緩少少.第二天,還是要sick leave.飲涼茶,係沒有醫生紙比你的. 繼續閱讀
(以上食評乃用戶個人意見 , 並不代表OpenRice之觀點。)