入素

營業中

休息中

【葵青區】【入素】喺葵興搵嘢食，見到呢間素食餐廳好似幾特別，就上去 Life@KCC 嘅八樓會一會佢。去到坐低之後都冇人理我，不過見佢得一個侍應就體諒吓。得到餐牌同 QR Code 之後就叫嘢食。叫咗幾樣嘢，首先係主食 $88 嘅「手工海南雞配黃薑飯」要「少少飯」。啲雞係素雞，整埋個皮，係幾得意嘅。個飯就普普通通，好彩要得少。仲有海南雞飯啲醬配合，都似模似樣。不過我反而最中意跟飯嘅嗰碗「香菇素湯」，好香菇味。嘢飲我就加 $14 飲「西柚烏龍茶」，係凍嘅，我覺得都幾正，烏龍茶苦澀啲但西柚味又好香甜。叫咗 $12 嘅「沙爹羊串」，沙嗲味幾濃厚，裏面就類似麵筋咁，係純素嚟添。其實我仲叫咗 $22 嘅「雪花椰汁糕」兩件，不過我忘記咗，佢又冇上，就冇咗件事。如果好似 1am1809 嗰間越南嘢咁就好，不過佢哋收得起加一，呢 $150 我都係唔介意畀嘅。。。（地址：葵興葵昌路72-76號Life@KCC 8樓804號舖）#1amfoodie #foodie #hkfoodie #hkfood #food #foodporn #instafood #followforfollowback #food

店名：入素地點：葵興葵昌路72-76號Life@KCC 8樓804號舖1）手工海南雞飯 配合飯及素湯 $88外型做得好像真，配埋薑蓉同埋甜豉油嘅醬，真係幾似食緊真正嘅海南雞飯。海南雞係用齋鴨製作（P.s我本身係幾鍾意食齋燒鴨，所以我都好滿意呢個菜式🫣）同埋個皮都整到幾滑身，都幾似真雞皮，有少少煙韌2）素乳豬拼桂花叉燒 配白飯及素湯 $96叉燒係整得幾正👍，咬落去嘅時候係juicy，唔乾身係，食落去幾好咬口，味道又不錯。乳豬佢係會做到上硬下脆，相對上係會乾身啲，肉身就係齋燒鵝鴨造成嘅3）素三文魚刺身3件 $22像真度超高嘅一味餸，食落去係真係有三文魚味咁，點埋個滑Wasabi同豉油就更加似，超鍾意食呢個🤫4）麻醬秋葵 $25麻醬微甜，點埋秋葵好好食5）百香果配檸檬 （跟餐+$14）百香果味重微甜，配埋檸檬微酸，中和番好好飲6）百香果配綠茶 （跟餐+$14）呢個會較為偏甜，但係味道都唔錯嘅整體嚟講都幾得意，第一次食咁像真度高嘅素菜，味道又不錯，推薦大家可以試試佢總價連加一$285

🥗葵興健康素食之選環境寧靜又舒服 坐窗邊仲睇到街景添🌃晚市套餐有齊主食+飯+湯+飲品 另可優惠價追加小食一份🐷素乳豬拼桂花叉燒配白飯 $118睇到menu桂花叉燒幾吸引就叫咗雙拼真係整得好似叉燒🍯塗咗一層蜜糖幾sweet 乳豬外皮炸得脆🍄香菇素湯湯色清澈味道清甜 無味精 底湯中有幾款菇粒🐟素三文魚刺身最好奇就係三文魚點素法 蒟蒻口感好似真刺身加上顏色花紋一模一樣🐠仲附上豉油wasabi 🍋熱檸檬水3款免費跟餐飲品 都算大杯🐔手工海南雞飯配黄薑飯 $124雞件還原度高 飯粒粒分明充滿黃薑味 千島醬沙律菜伴 🥗另配3款醬汁🍄香菇素湯湯色清澈味道清甜 無味精 底湯中有幾款菇粒🍵百香果綠茶夠冰涼 百香果汁味濃 無核方便飲🐮沙嗲牛肉串醬汁夠多 微辣惹味🐟日式燒鰻魚 $16腐皮炸得幾似魚皮質感 口感香脆🐏沙嗲羊串 $12醬汁微辣 但炸得偏硬

今晚同老公食素，我地叫左兩個dinner set! 🌸素乳豬拼桂花叉燒配白飯+素湯+百香果烏龍茶+ 素三文魚刺身外型真係好似乳豬，素乳豬嘅仿乳豬皮仲好香脆可口，入面係腐皮，沾埋醬汁都好味！叉燒外型同味道都真係好似真叉燒咁，質感又幾好，帶有陣陣桂花香味，幾有驚喜！素三文魚模仿到魚生嘅口感同埋外型，再沾上wasabi同埋豉油，真係幾特別！🌸手工海南雞飯配黃薑飯+香菇素湯+檸檬百香果+話梅涼瓜手工海南雞飯像真度好高，雞肉係一層層摺疊嘅腐皮！而仿雞皮都好通透，黃薑飯有濃濃嘅薑味，配埋甜豉油同墊薑蓉一齊食，幾好味香菇素湯清清甜甜，入口仲帶有微微嘅菇菌香味話梅涼瓜口感好清爽，苦瓜嘅苦味同埋酸酸甜甜嘅話梅，味道好夾，好開胃呢！🎀餐廳舒適寬敞，裝修以植物為主調，感覺好舒服，餐廳素食食物好精緻，味道都好好味呢

絕對唔係其他食評所講嘅什麼新派、精工素食，反而我覺得係返翻以前年代，仿呢樣仿嗰樣再亂攪一通嘅素食店。所謂素湯就係切幾塊雞髀菇片加水同菇粉。海南雞飯零香料，只有黃羗粉較色、雞皮用唔知糯米定澄面之類嘅物質攪到煙韌，起哂根出現大量麩質再加黃羗較色、點雞嘅三款醬，除咗kecap manis同羗油正常啲，另外一款似係用泰雞醬加叉燒醬同面豉撈出嚟嘅就比較奇怪！話梅涼瓜只有甜味，其甜度係甜品嗰隻級數，零酸零苦味，更加唔好話有話梅味！話晒都加咗廿蚊，你攞個磨揸粒話梅喺面度磨幾下都好呀！另外個吉豬飯，就用大量豆渣包糠之類加小小omni，炸皮厚到你攞個叉拮落去，就已經壓散晒入邊個餡嘅程度，仲要唔熱！麥記個新餐肉包都好你萬倍！飲嘢就算了，成餐飯除咗有幾塊沙律菜之外，就係另一個飯面嗰幾條甜椒，除咗膚淺、誠意欠奉同唔健康，我唔識點形容呢間素食店亦絕不推介！

入素係葵涌一間新派素菜，今次嚟食佢哋嘅招牌菜，真係有驚喜！😋 一坐低，環境好舒服，啲裝修簡約又有啲文青feel，啱晒打卡📸。首先要講下佢哋嘅手工海南雞飯，真係好有心思！😮 海南雞係用腐竹整成，外型勁似真雞，連啲油脂都扮到好似，賣相一流👍。食落去口感滑滑地，配埋黃薑飯同沙律，味道層次好豐富，完全唔覺得自己食緊素食！😆 仲有一碗素湯，入面有菇，飲落清甜又暖胃🍲。炸素蝦都好正，外皮炸得香脆，入面啲素蝦彈牙，食落去有啲似真蝦，啱晒鍾意食海鮮但又想食素嘅朋友🦐。素沙嗲牛肉串都唔錯，沙嗲醬香濃，牛肉串口感實在，食完好滿足😋。日式純素牛蒡扒拉麵配沙律都值得一試，拉麵煙韌，牛蒡扒味道香口，沙律新鮮爽口，成個組合好有層次🥗🍜。素三文魚刺身都幾特別，口感滑溜，味道清新，幾有驚喜！🐟飲品方面，熱百香果綠茶同茉香綠茶都好香，飲落去好舒服，幫到消滯又解渴🍵

啱啱星期一去接男朋友放工,係葵興KCC@Life見到依間素食店 @green_entrance.life.kcc ✅手工海南雞飯配黃薑飯(HK$88):海南雞用素豆皮卷製成,✅素乳豬拼桂花叉燒配白飯(HK$96):叉燒用麵筋,乳豬都係用素豆皮捲成再煎香✅入素拼盤(HK$72):成個評判最經驗嘅係嗰幾串牛肉雞肉串燒,入口完全係肉既口感,完全估唔到佢係豆製品另外仲可以叫一個餐加$22去追加素三文魚/沙嗲牛肉串/羊肉串/雞肉串/炸春卷🍱同男朋友覺得整體唔錯~平日放工可以再戰🤭

🥢呢間素食都唔錯👍終於有時間帶hubby黎試吓🥬佢試過都好欣賞呀☘️下次有機會再約埋素食朋友仔一齊過嚟食飯🥳☘️手工海南雞飯配黃薑飯：呢個唔講都唔知佢原來係素嘅海南雞飯🐔特別係佢個雞皮真係同真嘅雞皮好似✅海南雞仲會跟埋三個醬汁添🥢加埋香菇素湯同百香果綠茶👍大滿足呢🥳☘️素乳豬拼桂花叉燒配白飯：桂花叉燒係必食嘅🥢估唔到素乳豬更加有驚喜呀❤️乳豬個皮脆卜卜🔥入面個腐皮仲超香添💯加多杯百香果烏龍👍唔錯唔錯😌🍣素三文魚刺身三片：三文魚似模似樣嘅外表👍仲跟埋醬油同埋Wasabi✅視覺上好正🥢食入口係蒟蒻嘅感覺❤️ok呀👍🥬素蠔油娃娃菜：好大碟蔬菜🥬夠曬健康💯🦐炸素蝦：好大隻炸素蝦🔥脆卜卜仲有有好多蔬菜餡喺裏面✅好食🥳

今日嚟到葵興，上網推介有呢一間素食餐廳，就喺地鐵站附近就即刻過嚟試吓，服務員嘅服務態度好好，食物嚟得好快👍好有效率但係試過呢一間素食餐廳嘅羊腩本身個期望呢都唔係好高，但係食完又好似，尤其是啲肉丸整得好似肉腩，超正🤩另外個三文魚呢個賣相都好似三文魚，原來係蒟蒻嚟嘅哈哈👍韌韌又好美味喎，平時食吓素對身體都好啲今日食到一間質素唔錯嘅都覺得值得推介而且價錢係好平，兩個人去食，每人都係$100左右好抵食，如果想食素菜嘅朋友，不妨過去試吓。

點解咁講, 因為我幾乎每次去都忍唔住嗌佢個素海南雞飯(係有一次成功食咗佢個喇沙), 今次去到就算幾想食, 都要試新嘢!🥢桂花叉燒煎蛋飯 (配素蠔油娃娃菜) - 食慣咗素叉燒就唔會諗似唔似肉, 反而crave嗰種麵筋質地, 有燶邊或者甜味就係bonus, 呢款就係食慣嘅口味, 加埋煎蛋同豉油飯一流☺️店家好細心, 娃娃菜嘅素蠔油可另上🍱日式燒鰻魚便當 (配沙律, 香菇素湯, 白飯或燒飯糰) - 素鰻魚非常脆口, 仲有紫菜做皮, 連葷食朋友都想知入面係用咩做☺️揀咗飯糰, 今次飯糰少少乾, 如果濕番啲就更好喇☺️🍢關東煮 - 有似牛蒡丸嘅蒟蒻, 少少娃娃菜同豆卜🦪素蠔同椰汁林明頓係必食!! 🍄‍🟫佢哋個湯又係勁正, 唔知點解菇湯可以咁香甜🥰石門店已經無咗, 希望葵涌店頂得住啦🥹大家得閒支持吓😌😌

無諗過素食都食到海南雞飯!! 唔講真係唔知原來係素嚟, 像真度極高! 鍾意食素既朋友不仿試下呢間係葵涌既入素, 菜式精緻, 價錢又唔貴, 啲野都幾好食!🍽️ 手工海南雞飯 配黃薑飯 $88雞皮整到金黃色令立立, 望落油光十足, 賣相非常吸引, 食落口感小小煙韌幾有嚼口, 黃薑飯香味十足, 粒粒分明, 幾好味.🍽️ 素乳豬併桂花叉燒配白飯 $96乳豬外皮酥脆, 再蘸埋個乳豬醬, 食落口感同味道都幾可亂真, 至於叉燒入口食到淡淡桂花香同埋蜜汁既甜香味, 用嚟送飯一流.🍽️ 沙嗲雞串 $12｜豆香金菇卷 $20個沙嗲醬調得好香好惹味, 所以食完一串都唔夠喉想再叫. 而金菇卷則用咗一塊豆皮去包住, 再塗上燒汁, 都係好惹味.🍽️ 日式燒鰻魚 $16外層係脆身既腐皮, 中間仲夾咗紫菜去增加鮮味, 有小小外脆內軟既口感.🍽️素湯 跟餐會送上香菇素湯, 菇菌味勁香濃, 無諗過只用香菇煲湯都可以咁好飲!🍽️雪花椰汁糕 $22

素菜的天花板，充滿着驚喜，性價比高。入素是一間位於葵興地鐵站旁的小餐廳，真可謂素菜的天花板，性價比極高，值得一試！餐廳環境舒適寬敞，服務周到體貼，令整個用餐過程感覺放鬆。交通方便，從地鐵站出來輕鬆可達。佢嘅套餐超抵呀，今日我同朋友食咗，三文魚刺身味道幾乎和真品相似，必點豉油和Wasabi，簡直美味無比！感覺比真嘅還要好食串燒沙嗲牛肉口感豐富，沙嗲味道濃郁，令人回味。話梅苦瓜酸甜可口，厚切苦瓜讓人開胃，令人感到清爽。手工海南雞飯色香味俱全，油飯浸滿香氣，海南雞搭配特製醬汁，令人垂涎。桂花叉燒煎蛋飯燒烤叉燒嘅味道，帶有桂花嘅香味，齒頰留香，必食之選。而且份量十足。百香果烏龍茶 和 西柚綠茶各具風味，清新可口。今日套餐送來的湯品也十分出色，令人驚喜整體上，我非常之滿意，而且仲好有驚喜，有興趣嘅朋友一定要嚟試吓皇牌菜色 :1️⃣午市套餐 (最抵食🤪)2️⃣手工海南雞飯 3️⃣葡式乳豬飯4️⃣炸物/串燒5️⃣四起烤麩6️⃣枝竹羊腩

最近開始關注養生及身心靈健康的關係，除了學習襌修外，也開始改善飲食習慣，而素食對身心靈健康都有重大的幫助，所以一星期最少會吃一餐全素。但始終自己煮的素食永遠不及外面的。而最近發現公司附近有間新式且環境優美的素食餐廳，所以一於過來試一試。這裏皇牌菜式有 手工海南雞飯 、葡式乳豬飯、炸物/串燒、四起烤麩 和 枝竹羊腩等，給素食人士也有吃肉的感覺。但我選擇了梅菜野菌菜心苗。Lunch Set 套餐跟素湯及餐飲❤️梅菜野菌菜心苗配白飯$78野菌爽脆配上梅菜的咸香，底層佈滿清甜的菜心苗，大大碟，份量夠多，非常上飯。❤️素湯有野菌及粟米，非常香濃。❤️熱檸檬百香果檸檬的酸味配上百香果的香甜，非常可口。❤️抹茶雪花糕 +$10清香的抹茶配上香濃的椰絲，甜味適中，口感香軟，值得一試。入素 地址: 香港葵涌葵昌路72-76號Life@KCC 8樓804號舖

下午茶入嚟食咗個牛肉擔擔麵，湯底好肉骨茶好苦懷疑有味精。食咗一口即刻覺得好唔舒服。叉燒都係。我係睇食評以為呢度好好，真係慕名而來。老實講非常失望。唔會推介。😩😩😩

Lunch Time約了朋友傾野，呢間餐廳無限時所以就試下，估唔到啲野咁好食。葡式乳豬飯嘅乳豬似脆皮豬扒多啲，不過以素食食材黎講，呢個乳豬做得幾好食，塊皮真係又薄又脆，夾埋下面的肉一齊食，真係唔錯，拌碟的涉沙律菜好新鮮，連個飯都極得唔錯，加咗葡式汁又唔會太濕。葡式乳豬飯跟一個餐湯，簡簡單單幾片菇吊出了香味，清清地係唔錯。未來Burger基本上都發展得好成熟，佢嘅味道在正常發揮下都好安全，入面舊蕃茄多汁新鮮。餐飲揀了百香果綠茶，飲到底嗰啲百香果漿較甜。另外呢間餐廳的侍應服務好，見我哋領傾野竟然會主動問我地要唔要水，實在難得。