兄弟小食 (已結業)

係附近番工，經常幫襯佢，午餐3餸飯，住家味道，健康，可以轉麵底。每次食到飽到反艇，認真抵食。仲有個雞蛋仔，食一底可以飽晒，加幾蚊仲可以有其他味道，比其他舖頭相對平～老闆好人又健談又同路，好不幸聽到壞消息，做唔住，做多幾個禮拜，希望大家去打打氣（認真失落）…查看更多

📌 兄弟小食📍鰂魚涌英皇道846號民新大廈地舖朝早嘆個蛋牛治，充滿能量開工🤣 三文治新鮮製作，即叫即製，需時大約10至15分鐘左右，拎上手暖笠笠！雞蛋好厚，明顯見到鹹牛肉；麵包搽滿牛油🧈，咬落充滿鹹牛肉、雞蛋、牛油不同嘅層次。如果麵包烘過會更好。味道：✦✦✦✦✧環境：✦✦✦✦✧服務：✦✦✦✦✦衛生：✦✦✦✦✦價錢：✦✦✦✦✧人均：$18…查看更多

港式街頭小食有好多，燒賣、魚蛋、煎釀三寶等，而最飽肚嘅一定係格仔餅！傳統格仔餅就係加牛油、花生醬、煉奶及砂糖一齊食，雖然罪大惡極但都會忍唔住心思思想食，但坊間好食嘅格仔餅真係唔多，而重點要即叫即做，一早整定嘅就要out，而「兄弟小食」嘅出品真係本人嘅top 3！格仔餅 $22即叫即製，所以記得要預時間。格仔餅拎到手熱辣辣，最緊要餅皮香脆，香濃蛋味夾雜花生醬、煉奶等，邪惡但滿足，所以間唔中都會突然想食！另外仲有榛子醬味格仔餅供應。燒賣+魚蛋 $18港式小食點可以唔提呢兩位，揀咗加咖喱汁，咖喱汁又香又辣，燒賣唔會蒸得剛剛好，唔會太腍；魚蛋用陳皮魚蛋，鮮魚香中有濃郁陳皮回甘味，好味道！…查看更多

行開鰂魚涌，咬返底雞蛋仔🔥🔥呢間雞蛋仔食特別味道只係貴原味$4，比起其他都有呢類型雞蛋仔嘅舖頭算係幾抵👍🏻👍🏻但係由於我今朝已經食咗嗰 Mr Rabbit Baking Lab嘅朱古力Bagel，打爆左我一日嘅Baked Products Quota🤣🤣🤣所以雖然口痕又心癢，都係食原味啦💕一拎上手忍唔住第一時間拉低口罩咬一啖🐽🐽🐽一如既往脆卜卜🥰幸福嘅味道順帶一提，三文治🥪都正，有熱辣辣蛋牛，推薦👍🏻👍🏻午餐時間好多人黎買飯，炒蛋係即刻煎幾有心機💪…查看更多

成日搭車經過見到依間店舖 今次終於趁行完山 順便去一去依度 位置好易睇到作為燒賣愛好者既我 當然頭號選擇係燒賣 價錢比想像中抵 $10有7粒 最最最緊要既係 依度既魚肉燒賣係真·魚肉燒賣 而唔係粉黎 咁既價錢 真心抵味道方面 上網睇啲人評價係麻麻 可能我幫襯既時間尚早 燒賣係岩岩整好冇耐 所以都冇評價講既焗時間太耐林哂既問題 重點係啲醬油 係甜醬油黎 配搭起上黎係絕配 食飯時間都幾多人排隊 因為是小店 所以時間要等一陣 但整體黎講 係值得一試既…查看更多

甘啱約左朋友係呢頭見面，知道有呢間小食店，所以去光顧下！見有人post 過雞蛋仔好食😋，但唔好彩甘啱雞蛋仔機壞左，唯有食格仔餅。即叫即整！好厚實，外脆內軟。比想像中唔甜，以為會好”漏”甘,一啖咬落去，爆曬醬！好食過北角雞蛋仔嗰檔。連我仔都食到停唔到口😋另外叫左燒賣同牛肉。無影到相!(因為食曬)魚肉燒賣一粒一口，好彈牙，一啲都唔粉！牛肉都ok既。但少左啲牛肉味。P.S. 老闆好細心，見我一家三口👨‍👩‍👦，將份格仔餅分兩袋入。一齊即食甘至正！…查看更多

收工等巴士經過見到大排長龍既黃色小店，當然要一齊支持下啦🤜🏻買咗一份墨魚丸同埋紫菜肉鬆雞蛋仔，墨魚丸超大粒店主仲好細心咁𠝹開十字，唔使驚咬開嘅時候太熱辣到🤪✨紫菜肉鬆雞蛋仔雞蛋仔配料好充足，每一粒雞蛋仔都佈滿肉鬆同紫菜，而且外皮仲非常脆，巴士未黎到就已經食到得返個紙袋😋…查看更多

2020年4月30日星期四今係公眾假期嘅第一天專登落去鰂魚涌光顧香港人嘅小店，疫情肆虐幾個月，一定要大大力支持香港小店。呢一間舖頭係正電車站附近，容易搵店舖老闆有禮貌服務態度良好,最重要係支持香港人嘅小店.呢度小食種類唔少，今日我就叫咗一份腸粉配魚蛋套餐，腸粉我全部醬都有落，腸粉亦都非常有口感。配埋魚蛋加咖喱汁簡直一流。呢一個套餐才$20，又抵食又好味。佢仲有其他唔同嘅小食例如格仔餅雞髀，下次一定會再試埋其他仲有呢度有支持香港人嘅糉賣，臨走我都買咗一張…查看更多

小妹今天外出工作回公司後覺得肚餓開著「和你Pay」app 找顏色店醫肚剛好附近有小食店啊~~收拾好就去買外賣了有$20 腸粉+ 魚蛋有$28 腸粉+魚蛋+燒賣晏晝似乎仲有N餸飯賣，但係下晝應該已經沽清所以小妹淨係買左廿蚊腸粉餐因為驚唔夠飽，所以又買多左個格仔餅呀~~~真係大食妹妹不得了腸粉是混醬多豉油醬料都沒有混水混油而變淡而無味另外魚蛋是細位陳皮魚蛋，比普通7仔粉蛋成本高了這是小店對食物堅持的細節位格仔餅係脆脆的，多練奶同花生醬花生醬亦唔係混左油而稀過水的，亦無放得太耐的油益味~~所以十分欣賞仲查左厚厚的牛油好正有啲舖頭以為街客食唔出，就求求其其呢個係小妹食過第二正格仔餅第一正係土瓜灣小店老闆已經摺埋左所以以後會成日黎幫襯等待期間原來這家小食店是「有糉人」銷售點即刻買左一張支持下，6月中拎~希望好食啦…查看更多

鰂魚涌一帶早餐店選擇不算太多，很多上班一族也會光顧這間，名字易記-兄弟小食。黃、黑背景下，店舖招牌更加搶眼。燒賣、魚蛋、腸粉是較多人購買，今次選擇別的。這間店不只是經營早餐，中午時間亦有午餐提供。門外黑板上寫有三文治提供，腿蛋治、餐蛋治、蛋牛治、茄蛋治一律十五大元，作為早餐經常購買之一。額外連紙包飲品也只需十八大元，價錢確實比起其他大眾來得便宜。腿蛋治 $15即叫即整，熱騰騰，蛋治相當豐富，超級厚，好味又抵食！…查看更多

一日一黃店 老細做到嘔 請‘停止’懲罰佢望住都覺得唔人道！（可睇圖）.是咁的 話說呢日中午黎到好多人 圍住呢間小小既店中午時間主要做2-3餸飯 （仲有魚蛋燒賣小食嗰啲）2餸飯$38 3餸飯$42 送250ml紙包飲品或罐裝汽水條隊唔係特長 主要食2/3餸飯 心諗人龍好快就會清點知排排下唔對路啦 條隊唔郁嘅？.排左大概半個鐘 終於排到我😭望住廚房店員/老細？ 😰得通菜有現貨（可睇圖）2個人踢晒腳勁忙廚房唔大 叉燒炒蛋一份份咁炒落完單嘅時候 聽到店員講「雞翼同飯都無哂啦」你地咁樣懲罰人真係好唔人道.👌🏻野食味道ok 住家feel👌🏻份量大抵食👍🏻一個餸4隻雞翼 都算小見👍🏻個蛋都好實淨👎🏻飯相對軟身 可能岩岩煮好 未收水.店內有唔小文宣 同埋有獅子山 小貼紙分享我好似聽到佢話「無飯啦，之後要換麵」是日其實每位都排得好開心😂總結 你地咁樣懲罰人真係好唔啱.#兄弟小食 (鰂魚涌)鰂魚涌英皇道846號民新大廈地舖.…查看更多

原味格仔餅($15)雖然外型唔係特別靚又話話特別好味但起碼蛋漿甜度適中而且真係超足料👍🏻👍🏻有花生醬🥜 煉奶🥛 砂糖 牛油鍾意花生醬就啱哂喇🤗多到好似唔洗錢咁😂格仔餅仲有榛子味添🌰我聽到佢地唔係用一般既Nutella㗎有機會可以試下但我覺得最值得試既係兩餸($36)/三餸飯($40)🍛價錢都幾平🤗我仲見到佢地有啲餸係即叫即整添㗎不過要食既就早啲去買啦~我見1點幾左右有啲餸已經賣哂🙈連白飯都無哂 🍚要用印尼麵代替😂不過由於lunch time既關係 我足足等左一個鐘🙈哩間小食店由於無設任何座位 所以大家就只可以買外賣啦😆…查看更多

如果你在鰂魚涌打工，你會發覺想食餐正常的三餸飯都好難，唔係去連鎖快餐店就係食頹廢茶記。今日朋友介紹話有間新開的小食店幾好食。本身知道小食店有一大堆大路港式小食，例如格仔餅雞蛋仔，同唔少得的瑞士雞翼，但去到發現原來仲有三餸飯，42蚊包可樂。食完覺得腐乳通菜唔會過韌，黑椒雞夠入味，白飯量又足。如果你想知道幾多打工仔支持，排到後期老闆話已經無白飯賣，其他人要轉麵，你就知道幾墟冚啦！唯一挑剔位係小店經營，人手緊張，排左好一陣隊先買到。…查看更多

朝早返工時間都總係見到有人排隊買三文治，我就較有興趣試吓燒賣(7粒)魚蛋(8粒)雙拼，雙拼價16，(如單叫散買就$9一份)，店員問我要唔要咖喱(定沙嗲?)汁，嗜辣嘅我就梗話要啦，拎返屋企食，仲熱，一食就鍾意，燒賣超彈牙，魚蛋有陳皮味，整體上都好好味。我係食開7-Eleven燒賣魚蛋，比較之下，質素同口感同呢間《兄弟》相差好遠，除左燒賣彈牙度同魚蛋嘅陳皮香外，亦可能因為7-Eleven始終都係用微波爐叮熱，《兄弟》就喺個加熱盤中舀出嚟，今朝隻腳又不受控走去買…查看更多

見呢間小店嘅招牌勁搶鏡，即管去試一試～買左茄蛋治同燒賣，茄蛋治啲蛋超厚身！勁足料～可惜一打開覺得太震撼，一啖咬左落去就唔記得影相🤪而燒賣就係彈牙煙靭果種，配埋辣豉油真係好正！佢嘅燒賣唔係便利店賣緊果種好實好粉膠膠地嘅燒賣，希望你明我講咩啦😂…查看更多