10
6
4
港鐵藍田站 A 出口, 步行約5分鐘 繼續閱讀
所有分店 (3)
電話號碼
27204891
付款方式
現金 八達通
食評 (32)
等級3 2020-09-19
479 瀏覽
第一次食呢間嘢,係因為冇乜其他選擇。大年初一,好多食肆都收咗工,但係呢一間仍然開住,所以就同屋企人走咗入去食。一睇餐牌,我最鍾意食嘅滑蛋豬扒飯竟然只係買38蚊,我仲諗佢會唔會係份量好少,或者好難食?碗飯一嚟到,份量都唔算細,竟然係用珍珠米,豬扒亦都唔細舊,當然滑蛋汁唔算多,但配合起上嚟味道亦都非常之好,簡直係令我跌晒眼鏡。因為太抵食,我仲叫咗個炸薯餅,薯餅不過不失,都有薯仔味。我另外仲用十幾蚊叫咗一杯雪糕新地飲品,呢個價錢平時就咁叫杯檸水都唔得,佢竟然可以食到雪糕新地。屋企人叫嘅嘢食,就被滑蛋豬扒飯貴少少,但係都只不過係40至60蚊,味道同樣不錯,呢一餐嘅性價比我覺得係全香港搵唔到嘅。 繼續閱讀
(以上食評乃用戶個人意見 , 並不代表OpenRice之觀點。)
今日係小編用左最多時間諗食咩,今天去食午餐,佢個餐牌有成5頁A3紙咁大既餐牌,有好多唔同款既野食揀,有拉麵、魚生飯、日式咖哩飯同豚肉、牛丼......當你以為揀左個定食就得時,原來佢既配都有分明太子紫菜飯定白飯定櫻花蝦飯,拉麵湯都有幾款,真係揀到懷疑人生,小編最後揀左$49既玉子豚肉丼,份量十分。而佢既餐平均$45-80內不等,鐘鍾意食日式野又想同一時間食幾樣野既可以黎上下😻服務:⭐️⭐️⭐️價錢:⭐️⭐️⭐️⭐️食物:⭐️⭐️⭐️⭐️性價比:⭐️⭐️⭐️⭐ 繼續閱讀
(以上食評乃用戶個人意見 , 並不代表OpenRice之觀點。)
等級2 2020-08-23
295 瀏覽
本身唔係住附近,從地鐵站行上來 都差不多十分鐘,但間唔中都要幫趁返。下午茶 滑蛋豬扒飯 連冷熱飲 $40.其實 吉列豬扒黎講 佢整到淋晒,但總算唔會皮肉分離。滑蛋好滑,仲有汁,再加葱花提味。平價之選,仲有細麵 +細咖喱飯,$43有交易,性價比高。唔好同我講「日式 xxx應該係點點點」,你畀緊4x元。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-12-30
1438 瀏覽
今日落大雨,天陰陰咩都唔想做~又唔想行咁遠~所以就隨便落街食餐飯咁~叫左3個餐,2大2小食剛剛好~老公食左滑蛋豬扒飯~佢話好好食~豬扒一d都唔韌~蛋好滑之後的叫左個虎藏牛肉飯~😋好多汁、好味道小姐話要食拉麵,小先生話要食炸雞白飯!叫左個炸細拉麵定食,岩岩好!入面有碗小拉麵,有碗小白飯~仲有4件大大件既炸雞~咁之後小先生話要食煙肉腸仔卷!叫左串比佢食~老公又話要食忌廉蟹肉餅,我試左一啖,勁脆!最後跟餐叫左3杯檸檬茶~食左196蚊!唔洗加1... 繼續閱讀
(以上食評乃用戶個人意見 , 並不代表OpenRice之觀點。)
等級3 2019-10-02
1263 瀏覽
無飯家庭今日嚟到食呢一間日本野。首先,呢到環境舒適、好寬敞。嚟到嘅時候,剛好人流唔多,可以安排到卡位俾我哋,令爸媽可以坐得舒服啲。首先,要推介呢一個可樂新地。可能剛好有啲熱,食雪糕特別好食。雲呢嗱雪糕配上可樂,真係好匹配,而且仲好消暑🤣🤣🤣另外,值得推介就係呢一個滑蛋豬扒飯。豬扒就不用提了不過不失,而且可能年紀大了,食多幾舊煎炸野,就會覺得膩。反而係個滑蛋飯,好有驚喜,蛋煮得好滑好香,配飯食一流。而且佢價錢十分抵,$38就食到,真係飽肚平民之選。中華冷面都有驚喜,簡單得來好好食。而且冇諗過會咁大碟,呢排天氣熱,依家食啱啱好,絕對係夏日之選。爸爸鍾意食魚,所以叫咗鯖魚便當。鯖魚新鮮可口,唯分量不多,而配菜味道一般,下次不會再叫。呢個南瓜薯餅都好好食,新鮮即炸,熱辣辣,好脆口,幾個人食一份剛剛好,否則會覺得膩。最後,就是這個日式餃子定食。餃子味道一般,豬骨湯就不過不失,而木魚紫菜飯就好令人失望,好乾、淡而無味。 繼續閱讀
(以上食評乃用戶個人意見 , 並不代表OpenRice之觀點。)