元燒 (已結業)

再一次 離開香港回歸濕冷之地 當然有少少唔捨得 不過慢慢習慣了最後一晚 跟以往一樣約左秘密好友出黎食消夜傾下計各自已經食左晚飯 所以唔叫太多野了室外天氣唔算凍 坐係路旁一邊食一邊吹水 感覺不俗的小弟食歷淺薄 是晚為首次食呢種型式既串燒店 有個不解之惑 自己係路邊搵位後再去店內落單 但居然係食完走先比錢 問題係有好幾張座位真係幾遙遠的!唔通老闆當真咁相信善良既香港人唔會一時鬼迷心竅 做霸王 入正題講番食物種類其實唔多全部大約有30幾款食物上下 算係麻雀雖少五臟俱全啦我地兩人一共點左7串 全部要少辣等得幾耐 不過旨在同秘密好友吹水 所以冇咩所謂第一碟黎既有尢魚鬚,牛舌,扇貝同埋燒韭菜海鮮類燒得唔錯 尢魚鬚火候控制得幾好 咬落去有口感之餘又唔會太UN扇貝同樣好食 加上有小小麻辣 夠香又唔會過辛辣相反燒牛舌絕對不合格 第一太單薄 第二冇牛味 一早都知唔會厚舌 但點都估唔到比茶餐廳既牛片更薄...食完有種梳乎厘既感受....空氣.....至於韭菜卻係意想不到地出色喎 秘密好友素來不好菜蔬類 諗住自己一個食哂串韭菜啦 誰知大少姐食一啖後竟大讚好食! 因為菜燒得夠爽夠香 一啲都唔老 當然好食啦 尢魚

早排去紅磡附近探朋友, 見到呢間小舖見到有D肚餓, 咪入去睇下有咩好食喇, 經靚仔老闆既介紹下, order左呢個原條燒茄子, 因為出面冇乜邊間會有原條燒既, 而老闆又極力推介, 一定有返咁上下水準既~~由於呢度係用心製作, 即叫即燒既, 所以我都耐心咁等待... 佢地好細心架, 會了解左客人既要求再去作出恰當既調味, 唔會好似出面個D係咪都落野落去, 怕你地唔夠咸OR辣, 搞到D食物冇曬原有既味道, 呢一點真係值得一讚!! 都唔太記得等左几耐, 我諗都有7~8分鐘吧, 香噴噴既燒茄子完成喇!!賣相都OK吸引架, 由於唔我食蔥, 所以老闆同我走左蔥, 上面個D蒜蓉好多好香呢~ (我見到係用李X記架) 入口味度好夠, 又燒得好香, 真係好好味, 等咁耐都係值得既!! 希望再有機會去食埋其他野, 同埋見一見亞靚仔老闆喇~~ 有得食又有靚仔睇, OK 架~

由串燒店開店便惠顧至今,終於忍不住上來留一個言串燒店口味是我喜歡的四川風味,下了孜然粉,香氣十足我最近很喜歡的是燒墨魚咀,只是$8而已,但口感好好還有牛舌,雞軟骨亦不錯,茄子亦是招牌菜雖然夏天天氣悶熱,但還是放棄不了串燒哈哈,看見其他食評指價錢太貴,我認為都$6-$8算合理吧魚蛋都要$5啦...還有喜歡這店的原因是老闆很細心,會記得你的口味,而且用心的燒,值得一讚

份量好少, 價錢唔平, 仲以為以質素取勝......原來自己想得太多.....$6 三小塊燒雞皮: 但鹽就一D 都唔吝嗇, 習慣濃油赤醬的我都頂唔順$7 OR $8 兩片粟米(加埋都無半條): 好彩都算幾甜下, 同樣價錢去附近串燒阿姐度應該會有一個DOUBLE 溫馨提示: 有時間先好去, 因為D野要燒好耐架 (EVEN 當時只有自己一個客而已)

去完紅磡搵朋友, 路過見到呢間好多人, 咁o岩口痕就試一試因為食飽飯, 所以只係點左三樣1/ 鴨胸, 我o既至愛, 燒得幾香, 味道適中, 我鍾意 2/ 牛舌, 店主推介, 有少少四川調味料, 都唔錯3/ 茄子, 都係鎮店之寶, 由於即叫即燒, 條茄子又成碌警棍咁粗, 等左好耐先有得食, 味道不過不失, 略嫌食得麻煩到我俾錢走人o既時候, 食材近乎賣清, 好似幾好生意。想食即燒串燒, 又唔怕等, 可以試下, 不過最好十點半前, 唔係黎到賣哂就無癮啦

也許因為附近多了一所大學宿舍, 近年來在紅磡區開設的食肆愈來愈多, 串燒店是其中之一。呢間元燒, 舖位細細, 生意好似冇另一間咁多, 但確實係新鮮, 即叫即燒, !! 看看照片, 有墨魚丸, 蜜糖腸, 雞軟骨 價錢都係HK$6-8 特別推介韮菜, 還有原隻大茄子燒, 燒起再分開兩邊加上香蒜, 葱花等配料, 確實原汁原味, 冇花冇假, 必食呀。

由佢開舖開始, 已經覺得佢好好味. 原因係我鍾意食麻辣, 但係唔係好多地方可以食到好味嘅. 佢就俾到我想要嘅嘢我!!!recommended dishes:1/ 雞翼2/ 韮菜3/ 雞軟骨4/ 豬頸肉 我諗起第一次去買串燒嘅時候, 老細買我要麻定辣, of course 身為麻辣串燒舖, 梗係要麻同辣啦... @.@

去食雞旦仔點知經過呢間，諗住試下。點知好失望!!一來貴...二來份量少，三唔好食!牛俐好薄，仲要好細舊，要辣都唔係好辣，芝士腸真係得芝士味，都係冇辣味....整體黎講真係好失望!!!!!

之前open rice 未有呢間舖頭既資料, 而家有, 咁就緊係要補寫番啦~ 話說放學經過紅磡試下, 舖頭仔, 因為我地一行三行, 店員好好客咁開咗張枱仔比我地慢慢食, 最欣賞嗰個燒茄子, 落足料, 原隻燒~ >w< 正!仲有燒冬菇, 雞腎, 韭菜, 牛餐肉, 雞翼~ 呢啲都唔錯~ 除咗茄子之外, 第二欣賞既係牛脷, 加埋佢地秘制辣粉~ 正~ 見到有客人唻, 都好細心咁問要唔要辣~ 另外仲叫咗隻燒雞脾, 不過需時燒, 所以一唻到就忍唔住狂食~ 唔記得影相~