元氣一杯

營業中

休息中

正常CP值日式料理   - 主打 日式丼飯 和 壽司拼盤 食材新鮮份量足   - 午市套餐 $70-130包含主食、沙律、味噌湯、前菜上菜速度快 適合上班族   - 翻桌率高，點餐後約10-15分鐘即可上菜午休時間短也能輕鬆用餐   - 提供 電子下單系統減少溝通誤會環境簡潔舒適   - 日式木系裝修，座位間距合理，不會過於擁擠。  口味偏大眾化   - 料理調味較保守 追求 正宗日本風味的食客可能會覺得不夠驚艷

元氣係最常幫襯嘅餐廳，成日有好多唔同嘅新款每次食都好好食，份量都好足，店員態度服務好，每次必點嘅刺身 ，又新鮮，又好味，每次嚟都會點蟹膏蒸水蛋，蟹膏再配啲蒸水蛋真係一流 自己都好想學吓點樣整 真係好好食 會一直幫襯！每次嚟食 都會食得好多 好滿足 廚師嘅手勢一直都咁好，每次出嘅新款都好特別亦都好好食，可以增加人們嘅新鮮感，令到佢哋會嚟幫襯，嘗試吓新嘅食品。元氣肉烏冬都好好食有時候唔想食刺身都可以食吓一碗熱辣辣嘅烏冬 。真係選擇嘢食嘅首選！

一個人喺尖沙咀做完野，掙扎咗好耐食咩野午餐。為食既我難得有機會食自己鍾意食既野，唔駛考慮其他人，我即刻想起要食日本菜。尖沙咀既日本餐廳多的是，我想搵一間其他區域係無分店既，自己一個食又唔尷尬既，最後我揀咗“元氣一杯”12點幾上到去，門口已經有人坐喺出面等位。喜歡呢間餐廳，連等位都令我覺得自己去咗日本咁。坐咗一陣，就輪到我啦！餐廳門口入去分左右兩邊，左邊有個bar枱，主要係一個人去食既時候會坐既位置，有時人多亦會安排2人坐，另外仲有少量卡位，同埋最入面有間細房，大約可以8-10人坐；右邊主要係方枱，亦有少量卡位。今日可能單人來食lunch既人比較多，成個bar枱坐滿哂人，最後我竟然被安排一個人坐卡位真係幸運呀！揀餐廳難，入到餐廳揀野食更難呢度既午餐選擇好多，價錢好合理最後我選擇咗其中一個摯愛：南蠻雞，白飯就轉咗要十六穀米，餐飲就要檸檬茶除咗主菜同埋碗飯之外，仲有前菜、配菜、麵豉湯、蒸蛋、水果，真係超豐富呀！最重要係佢既味道真係好有日本家庭料理既味道走既時候，發覺美麗華商場好多餐廳都好冷清，唉希望元氣一杯做得住啦！

晚市時間要響尖沙咀搵位食飯一D都唔容易，記得美麗華商場一期有間服務好好服務既日本餐廳，於是就再來光顧下。 可能呢排多左香港人北上消費，變尚留港消費食飯既人唔多，餐廳人流唔滿而侍應都好識做安排左卡位比我地坐。前菜每位$20，係一個日式意粉沙律，不過不失，如果再凍D就好。我地一共單點左蕎麥麵同丼飯，熱茶自助任飲。⭐️滑蛋雞飯 親子丼 Grilled Chicked & Eggs Rice Bowl比平時食開既親子丼大碗，飯可以揀白飯或16谷飯，我揀左前者。雞扒的份量比蛋多，雞皮好厚實，整體食感一般，唔係食開果款丼飯，可能少左D日式燒汁同燒雞扒。店員做野都好利落，上餐好快，亦有禮貌🙂⭐️蝦天婦羅蕎麥麵 Hot Tempura Soba Noodle蕎麥麵似名古屋的湯麵風味，但味道都一般，麵條冇想像中有咬口，湯底加左D冬菇片，味道都變得不一樣了😅

夜晚差唔多九點入座門口哥哥安排好座位就行開左換左另一個妹妹落單叫左5樣野加啤酒過左10分鐘左右話無蜆講左句就行開左諗住再叫d 串燒 過咗5分鐘 話無串燒🤔竟然串燒都無😳應該係廚房唔想開爐🫣 叫左個精選刺身放低就走左問佢咩魚 佢成碟拎返入廚房問🤣不過可以唔使叫🫣好一般另外 ，明太子南蠻雞 正正常常壽司都一般 ，可能係唔算好新鮮最好食竟然係凍蕃茄 🫣總結泥講，侍應態度唔好，冇乜禮貌嘢食之一般， 夜晚無地方去飲嘢係可以但食飯可免。

仲喺舊公司做嘢個陣，蘑菇成日會同同事相約位於尖沙咀美麗華1期4樓嘅「元氣一杯」食lunch🫶🏻 呢間餐廳嘅午市定食十分豐富抵食，除左主菜之外，會依據唔同餐配搭各式小菜、漬物、沙律、茶碗蒸、麵豉湯同生果，以及一杯餐後飲品。以下為大家介紹蘑菇心目中🔝3️⃣定食:🧡南蠻雞定食（$85）南蠻雞係日本宮崎縣的經典料理，次次黎都必食😽獲得多位同事嘅一致好評～超足料，會飽到爆衫個種😹，雞肉大大塊，肉質鮮嫩多汁，雖然炸過，但完全唔係普通炸雞個種硬身口感，日式塔塔醬嘅風味滲晒入去，可以話係一個完美組合💞💛玉子燒定食（$85）作為玉子燒愛好者，去居酒屋必嗌😼呢款定食中嘅玉子燒total有6件，口感濕潤多汁，蛋香味十足！唔只有沙律配菜，仲配搭幾塊炸雞件，幾開心～不過口感偏硬。💚豬肉泡菜炒雜菜定食（$88）了解蘑菇的人就會知我係「重口味」愛好者🤣尤其呢款定食融合左韓式泡菜風味，令人格外有食慾😍新鮮豚肉配搭洋蔥、菇、紅蘿蔔、芽菜，營養均衡，以鐵板盛上，熱辣辣的同時更有滋味😋午市需➕1服務費，餐後飲品蘑菇建議唔好嗌咖啡同奶茶，因為真的唔好飲🤣🤣檸茶同檸水正常水平～

朋友聚會找個不限時，座位舒適，價錢合理的地方太不容易。經過朋友推介這日式料理店，地点交通方便，正合適多朋友聚會的日子。店舖非常友善，提供了一個房間但沒有收最低消費，而每位顧客則有一份收費的前菜小吃。我比較喜歡他的串燒，雞翼和豚肉串都很不錯。刺身和壽司都新鮮。壽比燒的豚肉和牛亦嫩滑，十分合適分享來吃。料理店提供的酒清酒、啤酒的款式很多，價格相對合理，朋友少喝酒的這次都一起喝清酒和啤酒。反正，朋友多的話，大喝著聊天也是必須的。

呢間餐廳都開了好幾年，之前光顧過幾次都有非常好的體驗，但上星期再去發現食物質素差了…今次試了他們的定食🍱，包括鹽燒鯖魚🐟、日式豬肉炒麵🍜等。可惜食物微暖不夠熱🍲，味道一般🤔，讓我有點失望😕。此外，他們放置已久的水果🍊已經失去新鮮感，乾燥得連水份也流失了💦。唯一值得一提的是他們的咖啡☕，味道還算正常👍。總之，這次的體驗讓我有點失望，希望餐廳能夠改進食物的品質和服務🙏，讓客人們能夠享受到更好的用餐體驗😊。

有幾次午餐時間路過元氣一杯，餐廳都係坐滿人客，所以感覺上餐廳應該都尚算出色，早已埋下有機會一試嘅打算。終於，上星期約同事食飯，決定到元氣一杯一試。由於第一次嘅關係，就打電話去訂枱，但接聽電話嘅餐廳服務員冷淡地回應佢地唔接受訂位，要自己嚟等位就收左線，感覺好受傷，第一印象就咁被破壞左🥲🥲當日1點正去到，總算幸運嗰日客人唔多，好快就被安排二人座位。餐廳面積不大，座位亦比較相近，所以環境比較吵雜，同同事傾計嘅時候都要提高聲線。食物方面，食品質素同份量都唔錯👍🏻。午市定食有多款選擇，價錢亦算經濟，豐儉由人。我自己就揀選左炸物拼盤紫菜飯，有沙律、前菜、湯、燉蛋、主菜同水果，另外仲有一杯飲品，十分豐富🤩。總體而言，除左服務低於預期外被扣分外，食物同環境尚可，午餐嘅話都可以一試。

黎呢度食晚飯諗住慢慢食飲杯酒但係呢度超級焗又熱一路食一路滴汗問職員可唔可以校大冷氣佢哋話已經係最大風而家已經涼左之前仲熱見到佢哋滴晒汗咁做嘢走來走去鄧佢哋辛苦食左半個鐘左右就頂唔順走咗商場走廊冷氣仲涼過入邊餐廳如果怕熱嘅人千祈唔好嚟食遲啲夏天再熱啲我唔會再嚟呢度都幾多日本人客人但係佢哋超級嘈好大聲講嘢騷擾到其他人就唔係咁好囉Menu幾多嘢多款價錢平過出面同出面既居酒屋有少少唔同但係味道麻麻稱不上好食仲好多油我個人唔太中意

元氣一杯嘅午餐好抵食，令人好滿足，套餐有前菜、麵豉湯、茶碗蒸、主菜、水果，飯方面，左白飯仲可以揀16穀米，另有餐飲，份量好充足，套餐選擇亦都好多，最鍾意食佢嘅南蠻雞，配他他醬。燒玉子定食都係不錯嘅選擇。

去到尖沙咀又想食日本料理你會揀邊間？我今次就揀咗喺美麗華商場樓上食呢一間元氣一杯～呢間餐廳好多日本人去㗎，成日都要排隊，今次都唔例外，足足排咗一個鐘先有得入去食 🥹呢間餐廳食物質素都好平均～今次我就叫咗：山藥蕎麥麵味噌燒茄子串燒，燒魚翅干清酒煮蜆吉列炸野菜卷豬扒整體來講，每一樣嘢都係喺水平以上，好味但唔敢講好出色～價錢上可能同其他日本餐廳比較貴（？）呢度埋單大概1000HKD但就勝在任你坐任你傾偈，不過有啲人就可能會覺得好嘈，我就覺得好有氣氛啦🤪

服務態度差可以算係世界第一，一行入鋪頭第一步，已經有一個男人叫你吩咐你喺出邊等，我哋覺得日本餐廳可能叫你等一等預備好個位先叫入去，但係望一望入邊有八成空位，我再入嘅話問大概要等幾耐，佢哋睬都唔睬你，唯有在外面再加一等，再入去問一問，竟然話15分鐘，我話其實剛才你叫我等要15分鐘的話，我可以選擇其他餐廳，講真周圍大把餐廳，我話想向你哋經理表達請你表達一下，個男人竟然話我哋沒有經理的，我話你哋標榜是日本餐廳竟然是這樣態度對待客人，調返轉可不可以，我再問有沒有經理，竟然在負責加湯的一個類似日本人的男人，回答我冇辦法冇辦法，但看見夥計有起碼五六個，起碼有10台沒有人坐，我回覆其實很簡單，剛才你叫我等如果話要等15分鐘，我可以選擇去第二間吃，但由始至終他們好似殺咗你老竇咁樣嘅態度去對待客人，OMG

之前都幫襯過幾次，之前都見好多日本人嚟，應該都唔錯，其實服務態度係唔錯，就係食物質素真係一落千仗，一嚟叫咗支sake諗住慢慢叫嘢食，點知食咗三樣嘢已經決定立即埋單，串燒宮崎牛一串（$180），以為應該唔錯，嚟到就知中咗招，韌到咬唔開，重差啲哽親；牛油燒蜆，10隻有9隻有沙；苦瓜酢（我諗住係醋應該係酸嘅，結果…..唉😮‍💨）本來重叫咗個鯛魚刺身，最後都係決取消，免得食完肚痛，其實我對食物素要求都唔太高，不過今次真係食到好嬲😡

門外設計係舊式日式和風居酒屋格調入面通風系統較弱 在座食客唔算多但環境比較悶熱 有開風扇 但不太有幫助明太子玉子燒🍳卷物🤍 三文魚卷🍣新鮮 好食吞拿魚加洲卷 好細舊吞拿魚同埋包得唔夠實最好食係串燒😂但選擇唔多問左職員唔食牛的話 串燒拼盤有冇得走牛佢地話唔得 menu 圖片睇到有燒菇但係冇得就單叫燒魷魚鬚唔熱既 😅😅本來以為係我玩電話耐左先食所以凍左但朋友後尾都話好似唔夠熟 我都冇特別為意食左一半都廢事同店員講不過 附近有台食客都有反映燒牛舌唔熟😕有小小擔心野菜吉列豬扒卷係睇到呢度食評既相先試叫冇味道架 全靠點芝麻醬食同埋好厚粉 入面只係豚肉片 並唔係豬扒😂啤酒🍻解下膩 整體只係推介串燒 但選擇方面唔多所以下次幫襯機會唔大